Azaya 13:20 - Yálá laawoo hɛɓɛ (dc)

²⁰ Nu hva kɛa hee laa a yələi lɔpee ta, a lɛɛ a lɔi pun a kwɛlan gəlee mɛ̨nį, ə mą kɛ, Arabə mun mə, hvo pai nwɔ həɠə pɛlɛ́i tɔɔi laa; ə mą kɛ, taatɛlɛɛ pulu nuą, di hvo pai kɛi tɔɔi laa.

Yálá laawoo hɛɓɛ

²⁰ Nu hva kɛa hee laa a yələi lɔpee ta, a lɛɛ a lɔi pun a kwɛlan gəlee mɛ̨nį, ə mą kɛ, Arabə mun mə, hvo pai nwɔ həɠə pɛlɛ́i tɔɔi laa; ə mą kɛ, taatɛlɛɛ pulu nuą, di hvo pai kɛi tɔɔi laa.

Bible

²⁰ Ǹaa fé pâi ŋɔ́nɔ kɛ̂i a núu da kɛ̂i. Ǹaa fé ŋɔ́nɔ pâi kɛ̂i a ǹɛ́lɛɛ sia-ƃela tɛɛ̂i mɛni ma. Taa-tûlɛ tɔɔ-ƃela da fa ŋɔ́nɔ lì naa a ŋɔtaa-tûlɛ-ŋai dílaa mii mɛ̂ni ma.

Azaya 13:20 ပူးပေါင်းရင်းမြစ်များ

Kɔlɔnikɔ Veerɛi 17:11

Di kɛi həɠə a hamą pilɛɠaa Filisti lɔi hu, diɛ paa la Ɉosafatə pɔ, a wali, da nįįhɔ̨nwɔ̨. Ə mą kɛ Arabə lɔi hu nuą di kɛi pa bɔ a taatɛlɛɛɠaa: Ɓɛlaa hilɛ waa mɛ̨ihveelɛ pulu nwun mɛ̨ihveelɛ da Ɓooli hilɛ waa mɛ̨ihveelɛ pulu nwun mɛ̨ihveelɛ.

Zôo 3:7

A tɛ̨ą, gbinįi ti hu ə lɛɛ a gbalaa, lon və hɔlɔɓo la. Kwəinɛ̨ɛ̨ woo hvo tɔɔ gbinįi ti hu.

Wɛli 1:7

Nwɛ́likɛmąąmun! Mįnɛ̨ kpɔ ɓə yá kɛ lii laa a ə́ wɔ taatɛlɛɠaai! Hvóló a haŋą, mįnɛ̨ ɓə yá di pɛlɛ laa, diɛ di hvįitɔɔ? Gílaa pɔ̨nɔ̨! Ə gɛ, və́ pa kɛ lɔ lii nwun ma, gɛ́ lɛa li ə́ ɓɛlaa takpɛliɠaa di wɔ taatɛlɛɛɠaa pulu.

Azaya 14:23

Gáá pai nąą kɛi a palayá, a ya nwɛ̨niɠaa taa ŋą. Ŋą́ Babilonə kələ a taŋąn, gɛ́ hɛn gəlee kulɔ laa; Yai-Laa Mɛ̨nį Kəlee ŋą Hééɓomun woo li.»

Azaya 21:1

Mɛ̨nį kponąąi di mo gboloyá kwɛlɛ lɔi pun naa mɛ̨i, ya ka: Bələi lɔ tulɔ hvaŋą a tɛɛ la Negɛvə lɔi hu, bələ lɔ ɓə kɔ́ kaa pai həɠəi la nɔi pun mąą ɲɔwuɔ hu pələ.

Azaya 25:2

Yáá daa kɛ a taa kpoloon, daa yii kɛ mąątínɛ̨n ŋąą a hįį, Yáá nɛɛ a lɔi pun, Túwɔ́ pələ ɲɔ̨n gulɔ nuą, di wɔ taai, hvo kɛa a taa, hva kɛa pənə hvo tɔɔ kpɔ tanɔ̨n gbɛli.

Azaya 34:17

Yaa kpinįi ɓə gbɛɛn bili, yɛ nu tɛi tɛi kɔ́, yaa kpinįi ɓə nɔi kɔ́ɔn diɛ, yɛ lɛɛ di yəi a di pɔɔ a yələ kəlee mɛ̨nį, di ɓo laa heeni a kwɛlan gəlee da nwɔɔ.

Ɉeremi 49:33

Hasɔrə aa lɛɛ a yalaɠaa pɛlɛi, aa lɛɛ a lɔi pun a yələ kəlee mɛ̨nį. Nu ta hva kɛa hee laa. Nu ta hva kɛa daa tɔɔ laa.»

Ɉeremi 50:13

Yai-Laa nwɔ liiholi aa gɛ, nu ta hvo kɛa ɉu, nąą kəlee aa lɛɛ a lɔi pun. Nui lɔpee a tɛɛ Babilonə kwɛlɛ, gwəi a pili mą. Da gɛɛ kala pələi tii kaa, da tomą a ɲɔw

Ɉeremi 50:21

'Wolo Maratimə lɔi ɓa a kɔ́, 'wolo da Pekɔdə nuą diɛ, 'di paa, nu gbəlii a lɛɛ, 'gulɔ mą́ą́ a haláá, 'gɛ kpɔlɔɔ yɛ bələi gáá ə́ tíi la. Ɲą́ą́ Yai-Laa nwóó li!

Ɉeremi 50:3

Gaa tii, ɲələi pələ, nu huwu ta kaa woloi mą, yɛ nwɔ lɔi mąą pənə a lɔi pun. Nu kan-nwoo huwɔ-oo. Gəlee daa pu, hɛn da hvo lɛɛ li laa.

Ɉeremi 50:39

Yili mąą mɛ̨nį ɓa, ɓilihiɠaa daa hee laa nąą aa lɛɛ a yalaɠaa pɛlɛi, nwɛ̨nįɠaa diɛ di taa tɔɔ laa. Nu hva kɛa hee laa. Nąą a lɛɛ a lɔi pun, əlɛɛɉu, yɛnɛ̨ɛ̨ ŋąą ə kpɛɛ la.

Ɉeremi 50:45

Mɛ̨nįi nwɔ̨nɔ̨ Yai-Laa aa mąą kili tee gwəi, yɛ hvilɛn na Babilonə ɓa, ka ka wəli tɔɔ nwɔ̨nɔ̨ mą; aa mɛ̨nįɠaa mąą nwun dɔɔ kɛ, yɛ hvilɛn na Kalde ɓa, daatɛlɛɛ kpulu lɔwai, ə mą kɛ, yiiɠaa di pɛlɛɛ-pɛlɛɛ, di kaa pai kɛi di yalai, yili hva ɉəɠə mą. Gaa pai kɛi di wɔ lɔi huwoloi, di hɔn ma, yili hvo pai ɉəɠəi mą.

Ɉeremi 51:25

Yɛ́ kpɔ ɓə vílɛn ŋąą ə́ pulu, kɛɛ kalamun, yɛnɛ̨ɛ̨ kəlee hu kalamun; Ɲą́ą́ Yai-Laa nwóó li. Gáá ɲéé kpuwulu kɛi yɛ́, gɛ́ ə́ kulɔ kwɛniɠaa mɛ̨i, gɛ́ ə́ too, gɛ́ ə́ mąą pənə a nwɔ̨n dəŋą yee.

Ɉeremi 51:29

Lɔi mąą kaa kpɛlin ɉii, nwun mini-mini yɛ yɛɛ laa, mɛ̨nį Yai-Laa ə mo, gaa kɛa gɛi. Yaa ɓaa, ə Babilonə lɔi mąą pənə a lɔi pun! Ə ɉu ɓo; ə ɉu nuą kəlee kulɔ ɉu.

Ɉeremi 51:37

Babilonə kaa pai lɛɛi a kwɛni hįį, a yalaɠaa pɛlɛi, a lɔi pun, yii nu a gaa, hvo kɛli a kɛ: «Éé kə́!» Ŋą́ ɉu nuą kulɔ laa.

Ɉeremi 51:43

Nwɔ taaɠaai daa lɛɛ a taa kpoloon, a gbɔwɔlɔ kwɛni lɔi, da gbalə koloon nɔwɔ. A lɔi yii nu ta hva kɛa hee ɉu, nu ta hva kɛa daa tɔɔ laa, nu ta hva kɛa tɛɛ laa.