Azaya 13:18 - Yálá laawoo hɛɓɛ (dc)

¹⁸ Di kaa pai kɛi ɓɔi ɉilɛlɛa hu a di wɔ kilɛnŋąąi, di hvo pai nɛ̨ąą kwəi lon da mąąhvaalɛɛi, di ɲɛ̨iyá hvo di hu, di hvo lɛapɛlɛɛ mąąwɛli kaa la.

Yálá laawoo hɛɓɛ

¹⁸ Di kaa pai kɛi ɓɔi ɉilɛlɛa hu a di wɔ kilɛnŋąąi, di hvo pai nɛ̨ąą kwəi lon da mąąhvaalɛɛi, di ɲɛ̨iyá hvo di hu, di hvo lɛapɛlɛɛ mąąwɛli kaa la.

Bible

¹⁸ Da pâi ǹyáŋkpa-ŋai paâi a tɔ̃a-ŋa. Dífe pâi lôloŋ da ŋɛ́i malôŋ kâai. Da pâi díkelee dípaâi.

Azaya 13:18 ပူးပေါင်းရင်းမြစ်များ

Tɔɔɓɛlaa veelɛ 8:12

Hazaɛlə yɛ Elise ɓa: «Lə ɓə kɛ, yai nwɔ́ mɛ̨nį nąmu kaa wɔlɔi?» Elise yɛ mą: «Mɛ̨nį ɲąąnwąnąąi ə́ kaa pai naai Israɛlə nuą diɛ, ya ka tii ɲɛ̨́i aa tɔɔ ɉu. Ə́ kaa pai di wɔ taa mąąkpɛ hį́iɠaa kəlee lɛɛi nwɔ̨n ɉu, yɛ́ di wɔɔ muhəɠə nįnɛ̨ɠaa kəlee paa a ɓɔwa, yɛ́ di lonnii pɛlɛɛɠaa kiin-giin, yɛ́ gbɔlɔ kulɔ. Yɛ́ di wɔɔ koonɛ̨ąɠaa kwəi ɓɛla.»

Kɔlɔnikɔ Veerɛi 36:17

Yai-Laa ə Kalde tɔɔɓɛlaa ŋąątɔɔ diɛ a kɔ́. Kalde nuą di di wɔɔ hilɛlɛaɠaa paa gɛɛnąą mąąhəɠɛɛ ɓa a kɔ-kɔ ɓɔwa; di hvo kpɛli ɉilɛlɛaa da nɛ̨ɛ̨lɛaa mąąwɛli kaa, ə mą kɛ, a ɉulɔgoloɠaa da nu mąąpɔlɔɔɠaa. Yálá ə di kəlee di lɔ Kalde nuą yee ŋą.

Mąątɛ̨nɛ̨ 127:3

A tɛ̨ą, lon gaa mɛ̨nį, gaa a Yai-Laa yəi mɛ̨inɛ̨ɛ̨, nu hvɛla ɓaa, gwəi lonnii.

Azaya 13:16

Da di lonnii huwolo lɔi ɓa di ɲɛ̨i ɓa, diɛ di wɔ pɛlɛ́ɠaai mu hɛnŋąą taɠa taɠa, diɛ too di nɛ̨ąni mɛ̨i.

Azaya 47:9

Mɛ̨nį ɲąąnwąnąą hveelɛi tii kaa laai yɛ́, a yələ tɔ̨nɔ̨, hvóló tanɔ̨n yee mu, yá hvɛɠɛ a ə́ lonnii, kalaninnaa ə laa ə́ mɛ̨i, gəlee kaa pai həlii yɛ́, bələi mąn tɔlukpɛ pələ tamąą la ə́ yəi, ɲɛ̨ąkpɛ nuą kpulu kɛnɛ̨ la ə́ yəi, dɛɛ gɛi ɓa.

Azaya 5:28

Donwą ɓaɠaaɠaa, da gilɛnŋąą kəlee di hu yalaa ɓə, di wɔ hooɠaai kɔ́wɔ ɲą wala walaai yɛ kwɛni, di wɔ wotoloɠaai kɔ́wɔ ə ɓo yɛ hvaŋą.

Ɉeremi 18:21

Yili ɓa, di lonnii lɛɛ pulu yee kɔ́nma, di lɔ kɔ́ kɔ́ ɓɔwa ŋą. Di nɛ̨ąni di lɛɛ a lon nwɛli da hilɛ wɛli. Di hilɛni di haa ɲɔ̨n ɲəi, di lon ɉilɛlɛa di lɛɛ kɔ́ hu.

Ɉeremi 5:16

Di wɔ tonwą taɠai ka a kámą laa ɓoɔ, di kəlee di kaa a kulaa kpəɠiɛɠaa.

Ɉeremi 50:30

«Yili mąą mɛ̨nį ɓə gɛi háákələi, nwɔ kɔkulaa laŋąą kaa tooi ɲəi gwəli hąąiɠaa, nwɔ kɔ́kulááɠaa kəlee mɛ̨i aa haa.» Ɲą́ą́ Yai-Laa nwóó li!

Ɉeremi 50:42

Daa kilɛn, da kpalaɠaa həɠə, di kili walawalaa, di hva nu ɲɛ̨imąąwɛli kaa. Di tín gaa yɛ gboloyá huluun dín, di kaa hoo mɛ̨i, daa hvólóon a di yɛli, yɛ kɔlaɠa, di kaa pai kɔ́ pɛlɛi yɛ́ Babilonə.

Ɉeremi 51:22

Yɛ́ ɓə ŋį́ hinąą da nɛ̨ąą ɓuwɔ a yɛ́, ŋį́ hulɔgoloɠaa da nu nwunuɠaa ɓuwɔ a yɛ́ ŋį́ hilɛlɛa da nɛ̨ɛ̨lɛa ɓuwɔ a yɛ́.

Ɉeremi 6:23

Nwɔ kulaaɠaa kaa di wɔ kpalaɠaa da mį́i kɔ́wɠaa kɔ̨nwɔ̨i. Di kili walawalaa ɲɛ̨imąąwɛli hvo di hu, di tin gaa tɔɔ yɛ gboloyá aa kɛi huluun, di kaa heeni hooɠaa mɛ̨i; di háán yiliɛ kɔ́ kɔ́ mɛ̨nį ɓa, daa tɔɔ a di yɛli, Siɔn taa! Yɛ́ ɓə di kaa pai pɛlɛi yɛ́.

Izikiɛ 9:10

Yili mąą mɛ̨nį ɓa, ɲɛ́i ya hvo pai kɛi ɉú, və́ pai nu ɲɛ̨imąąwɛli kaai; gáá di túwɔ pələ pulu mɔ̨nɔ̨ laai di nwuɔ̨.»

Danîa 7:5

Ŋą́ veelɛ kɛɛnąą kaa, yɛ ɓo yɛ: Ursə, viyən ŋąą ɓələ tɔ̨nɔ̨, huwɔ kəŋə kpɛa kɔ́w haaɓa ə ɓo ɲin nɔwai. Woo ta ə tɔɔ, yɛ mą: «Ə́ muhəɠə, ə́ huwɔ tamąą mɛɛ.»

Nahumə 2:1

Wɛlɛɛ ɓomun da kaa gilɛ həɠəi ɲeeɠaa ton na, gaa liilaa wɛlɛɛ laa həlii, Ɉuda, ə́ wɔ hɛliɠaai pu, mɛ̨nįɠaai ə́ naakwɛlanmo, di kɛ, mąąhɔlɔɓo, mɛ̨nį kalamun va kɛa tɛɛ ə pɔɔli, daa ɉu kala kpɔ tɛ̨ɛ̨ tɛ̨ɛ̨.

Nahumə 3:10

Yaa kpɛli mɛ̨n, də li la lɔi takpɛli hu, di ɉon, diɛ li la luwɔlaa hu, di nwɔ lon dalaɠaai diɛ kpɛli di nwun nwolo kwəli hɛ̨ąi kəlee ɓa. Di nwɔ kalanɉonŋąą kɔ́ a kpɛɛn; di ɉu nuą kpɛa kpɛa kəlee yili a yɔwɔn.