Azaya 12:6 - Yálá laawoo hɛɓɛ (dc)

⁶ 'Tómą a kwəinɛ̨ɛ̨, 'ə́ ɓələn, yɛ́i a Siɔn mun. Mąąhɔlɔɓo, Israɛlə nwɔ Mąąhəɠəmun laa tɛɛi ka lɔwai.

Yálá laawoo hɛɓɛ

⁶ 'Tómą a kwəinɛ̨ɛ̨, 'ə́ ɓələn, yɛ́i a Siɔn mun. Mąąhɔlɔɓo, Israɛlə nwɔ Mąąhəɠəmun laa tɛɛi ka lɔwai.

Bible

⁶ Tɔɔ diai kélee Zãiyɔŋ Yeei mai dí láɣi ɣelêi pere a wule-wôo. Eezuɛ Ŋɔɣâla tɔnɔ maa waai kɛ̂tɛi. Gɛ̂i nɔ́ ƃa ŋɔnûai sáma.”

Azaya 12:6 ပူးပေါင်းရင်းမြစ်များ

Mąątɛ̨nɛ̨ 132:14

Gaa pai kɛi a vį́itɔɔi a yələ kəlee, nąą ɓə gáá pai heei laa, gáá nąą pɔ.

Mąątɛ̨nɛ̨ 135:21

Yai-Laa hɛɠɛɛɓo woo ə tɔɔ Siɔn daai, a yai tii heeni Ɉerusalɛmə daai! 'Kánikookwəi!

Mąątɛ̨nɛ̨ 46:5

Kɛlaa yá kɛnɛ̨ ta kaa laa, mɛlaɓoɔ ɉu tamąą, yɛ kwəinɛ̨ɛ̨ tɛɛ Yálá nwɔ taai pɔ; yɛ yələkɔlɔn ɉu Yálá nwɔ pɛlɛ́ɠaai mąąhəɠə.

Mąątɛ̨nɛ̨ 68:16

Yálá nwɔ yeei, Basan yee! Yee tɔɔi, ɲee tɔɔ pumun kulaai Basan yee!

Mąątɛ̨nɛ̨ 71:22

Mąą yələi tii, gáá pai ɲéé pui nwɔ́ bɛlɛgwəi gwɛnįn ɲą, gɛ́ ə́ laa tɛ, nwɔ́ Yálá, yɛ́ ká ə́ wɔ wɛlikɛmąąlaai; gɛ́ nwɔ́ gwɛnįn yɔw ə́ mąą mɛ̨nį ɓa, yɛ́i a Israɛlə nwɔ Yálá mąąhəɠɛɛi.

Mąątɛ̨nɛ̨ 89:18

A tɛ̨ą, yɛ́ ɓə a di wɔ huwalawalalaai hɛn da hva tɔɔ na. Yɛ́ ku ɲɛ̨i pono a ə́ yəi mɛ̨inɛ̨ɛ̨ɠaa.

Mąątɛ̨nɛ̨ 9:11

Nuąi ə́ laa kɔ́lɔn, da di kilitɔɔ yɛ́, hvó gaai, nuąi da ə́ kwɛli, Yai-Laa, hvá ə́ yee kulɔ di mu.

Mąątɛ̨nɛ̨ 99:2

Yai-Laa kɛnɛ̨i Siɔn daai gaa heeni nu huwu kəlee nwun mɛ̨i.

Azaya 1:24

Yili ɓə gaa mą, Nąmu Yai-Laa Mɛ̨nį Kəlee ŋą Hééɓomun woo ka. Yai a Israɛlə nwɔ Yálá hɛn da hva tɔɔ na, ya ɓə mɛ̨nį ŋɛ̨i ɓoi, yɛ diɛ: Lə mąąwɛli mɛ̨nį ɓəi, ɲéé kaa pai tɛɛi gɔ́ yɔ́wɔ́ɠaa diɛ, ŋį́ nwɔ́ kwələ kulɔ ɲówoɠaa diɛ.

Azaya 10:24

Yili mąą mɛ̨nį ɓa, mɛ̨nįi Nąmu Yai-Laa Mɛ̨nį Kəlee ŋą Hééɓomun kaa moi, ya ka, yɛ diɛ: Kaai a nwɔ́ nu huwui, ka heɛ Siɔn, 'ka hvo ɲɔw Asiri ɓa, yai ka kɛlɛi a gbɔn; yɛ nwɔ tunwɔ̨n pili ɲee mɛ̨i, yɛ bələi Eziptə ə kɛi gɛ la.

Azaya 24:14

Yiiɠaai tómąi a di woo kɛnɛ̨ di kaa Yai-Laa laa mąąwɛi. Di kaa pilii yələi gboloyá kwɛlɛ pələ.

Azaya 24:23

Ɲąnįn ɲɛ̨i mąą kaa pai wɛlii, nwumɛ̨ ə tɛ a hvóló, a tɛ̨ą, Yai-Laa Mɛ̨nį Kəlee ŋą Hééɓomun ya ɓə tɔɔlaa kɛi Siɔn yee nwuɔ̨; da Ɉerusalɛmə daai, nwɔ mąąwiɛ hu galanɉonŋąą ɲɛ̨i ɓa.

Azaya 30:19

A tɛ̨ą, kaai a Siɔn daa kwəi nuą, ka ɓo heeni Ɉerusalɛmə, ka hvo kɛa pai wɔlɔi. Ka tómąi, gaa pai ka mąąhvaa lɛɛi. Yaa lɔ ɓaa ka woo a too nwəlii, aa mąn mu hon.

Azaya 33:21

Nąą ɓə Yai-Laa kaa pai kɛi laa gu yəi a mɛ̨nį kɛnɛ̨ɛ̨, nąą kaa pai kɛi a yá kpɛa-kpɛa tɛɛ lɔi, da yá heen gbɛa-kpɛa; Kɛlaa, kələn da lɔpee hvo pai tɛɛi laa, ə mą kɛ kələn nɛlɛɛ ɓə, hva tɛɛ laa.

Azaya 33:24

Nɔi lon da hva kɛa kɛ diɛ: «Ɲɔn gaa mą́ą́.» Nuąi di kaa heeni Ɉerusalɛmə, di kɛ nɛ̨ŋɛ̨n gaa pai waai diɛ.

Azaya 40:9

Ə́ wɛi, 'tɛ yee tɔɔ ta nwuɔ̨, ə́ woo kulɔ kpɔ a hɔ̨ɔ̨, Siɔn, wɛlɛɛ lɛlɛɛ ɓomun, 'ə́ woo kulɔ, hvo ɲɔw, Ɉerusalɛmə, wɛlɛɛ lɛlɛɛ ɓomun; 'mo Ɉuda taaɠaa diɛ, yɛ diɛ: «Ka gu wɔ Yálái ka!»

Azaya 41:14

'Hvó ɲɔw Ɉakɔbə, yɛ́i ŋɛ̨i yɛ kpeeli ɲɛ̨lɛ̨ɛ̨n, Israɛlə, yɛ́i ŋɛ̨i a powa háákəlee, ɲą́ą́ ɓə ŋą́ ə́ mąąkpɔn mąąɓo, ɲą́ą́ Yai-Laa nwóó li; nui a ə́ mąąkpɔn mąąɓo, ya ɓaa Israɛlə nwɔ mąąhəɠə mun.

Azaya 41:16

ə́ kaa pai di hvɛɛi, hvaŋą yɛ li a diɛ, tulɔ hvaŋą yɛ di taɠa taɠa. Ə́ wɛi, ə́ kaa pai kɛi kwəinɛ̨ɛ̨ hu, Yai-Laa laa hu, ə́ hvaŋą kaa pai lɔi, Israɛlə nwɔ Mąąhəɠəmun haalai.

Azaya 49:26

Nuąi kɛi ə́ mɔ̨nɔ̨ ɓo, gáá pai di kpɔɔ kpɔɔ huwɔ lɔi di la, diɛ pilɛ di kpɔɔ kpɔɔ ɲąmą hu, yɛ lɔɔ nįnɛ̨ ya, ɛlɛɛ, yɛnɛ̨ɛ̨ nuą kəlee kili a pu ɉu diɛ, nui ə́ ɓaloi, ɲą́ą́, Yai-Laa, ɲą́ą́ ɓə, diɛ nui ə́ nwun mąąɓo, ya ɓaa a Ɉakɔbə nwɔ Kpakoloi!

Azaya 54:1

'Toma a kwəinɛ̨ɛ̨ kpoma nɛ̨ą, yɛ́i hvo kɛi lon gaa, 'pili yələi a kwəinɛ̨ɛ̨, ə́ mąną, yɛ́i hvo kɛi lon gwəi nwąną kɛ, mąąhɔlɔɓo, nɛ̨ɛ̨nui kɛ daa gulɔ lɔwɔi, nonnii kpulu tamąąi di tɛɛ hilɛ tai nɛ̨ą ɓa; Yai-Laa woo li.

Azaya 60:16

Ə́ kaa pai hįį lɔi kəlee ɲįnįyá kpələi, yɛ́ pilɛ tɔɔɓɛlaa di wɔ hɛn gɔwii hu, yɛ́ gbaɠala kaa la yɛ, ɲą́ą́ Yai-Laa, ɲą́ą́ ɓə ə́ ɓalo, yɛ́ kɛ, Ɉakɔbə nwɔ Kpakoloi ɓə ə́ nwun mąąɓo.

Azaya 8:18

Ɲą́ą́ kwa nónnii Yai-Laa ə di tɛɛ bɔ́, kuɔ ka; ku kaa a mɛ̨nįi pai kɛi Israɛlə lɔi hu, kɔ́lɔn ɉɛnŋąą, da dɔwɔ wɛlɛɛ, yai həɠə Yai-Laa Mɛ̨nį Kəlee ŋą Hééɓomun pɔ, a yai heeni Siɔn yee nwuɔ̨.

Ɉeremi 10:6

Yai-Laa! Nu ta hvo laa gulaa yɛ́! Ə́ kɛnɛ̨i, ə́ laa kɛnɛ̨i, Ə́ kɛ mɛ̨nį ɲɛ̨i kɛnɛ̨ɠaai ə́ di kɛ, mąą mɛ̨nį ɓa.

Izikiɛ 35:10

«Mąąhɔlɔɓo, ə́ kɛ diɛ; ɉįi hveelɛi ŋɛ̨i, nɔi hveelɛi kaa a nwɔ́ɔ́; ɛlɛɛ, ku kaa pai di həɠəi a ku wɔɔ. Kɛlaa, Yai-Laa ə kɛ laa.

Izikiɛ 39:7

Gáá pai gɛi di Náá mąąhəɠɛɛ kɔ́lɔn, nwɔ́ lɔi a Israɛlə lɔi, ɉu; ɛlɛɛ, vá kɛa Náá mąąhəɠɛɛ lɛɛ laa di hvo mɛlɛ kpɛɛ mą bələ ɓə lɔiɠaa da gili kɔ́lɔn na tii diɛ kɛ, ɲą́ą́ ɓə a Mɛ̨nį kəlee ŋą Hééɓomun. A Mąąhəɠə mun Israwɛlə lɔi hu.

Izikiɛ 43:7

Nwooi tii yɛ mą́ą́: Hulɔnu lon, nwɔ́ tɔɔkpəlin hvilɛn ɉii ka, da ɓɛi gáá pai gɔ́wɔ tɔɔi laa; nąą ɓə gáá pai heei laa, Israɛlə lonnii lɔwai a yələ kəlee da nwɔɔ. Israɛlə nwɔ pɛlɛ́i hva kɛa náá mąąhəɠɛɛi mąąliɓi, yaa mąn, ə mą kɛ nwɔ tɔɔɓɛlaa da di wɔ túwɔ pələ ɲɔ̨nŋaa; ə mą nwɔ̨nɔ̨ kɛ nwɔ tɔɔɓɛlaa powaɠaa, da di kámąɠaa.

Izikiɛ 48:35

Mąą tinɛ̨n ŋąą doɔ gee hu, yee tɔɔɉu waa pow kɔ́w mɛ̨ihaaɓa. Ə həɠə háákəlee ɓa, daa laa ɓaa kɛa: ‹Yai-Laa kaa ɓɛ.›»

Izikiɛ 48:8

«A hvilɛn Ɉuda nwɔ lɔi ɓa, ə həli voló kulɔi pələ, ə həli la gboloyá ɓa, ka lɔi ta lɛɛ laa, goloon ɉu a kɛ a yee tɔɔɉu waa pow hveelɛ kɔ́w lɔɔli, a kwɛa lɔ yɛ ka wɔ lɔiɠaai dɔ̨nɔ̨ kwɛa pələ; ə həɠə voló kulɔi pələ, ə həli la gboloyá ɓa, gɛɛnąą mąąhəɠɛɛ a kɛ ɉɛ̨ąi.

Osia 11:9

Və́ pai ɲéé ɓoi nwɔ́ liiholii ɓa, və́ pai Ɛfraimə hu kalai, mąąhɔlɔɓo, gáá a Yálá, və́ a nu; Mąąhəɠəmun maa a ɲą́ą́ ka lɔwai, və́ pai pai a liiholi.

Zooɛ 2:27

Ɛlɛɛ ka gɔlɔn kaa diɛ, ɲą́ą́ gbinįi gáá Israɛlə nu huwu lɔwai. Kaa diɛ: Gáá a Yai-Laa ka wɔ Yálá. Ɲɔ́nwɔ́man və mą. Nwumɛ̨ hva kpɔ kɛa tɛ a nwɔ́ nuą a yələ ta.

Sofoni 2:5

Kpalo aa ɓɛla gboloyá kwɛlɛ heeɓo nuą diɛ, diɛi ɓaa Krɛtə lɔi hu nuą, kaa ɓə Yai-Laa kaa haŋąi kaa. Filisti nuą pɔ lɔi Kanaan, gáá ə́ lɛɛi a lɔi pun, nuą di hvo pai heei ə́ hu.

Zakari 2:5

Ŋą́ nwun muhəɠə nwɔ̨nɔ̨, ŋį́ kɛɛ takpɛli kaa, ŋį́ hulɔnu ta kaa, lɔi kɔ́ɔn ɲɛli ə ɓo ɲəi.

Zakari 2:9

Ɛlɛɛ, ɲą́ą́n Gáá pai kɛi laa, ŋą́ ɓo a nwɔ̨n, gɛ́ daa mąąkpɛ. Yai-Laa woo li; ɛlɛɛ gɛ́ kɛ a Ɉerusalɛmə nįį.›»

Lonon mo 23:21

Və́ mɛ̨nį ɲąąnwąnąą kaai Ɉakɔbə pɔɔli. Və́ mɔ̨nɔ̨ kaai Israɛlə nwɔ lɔi hu. Yai-Laa yai a nwɔ Yálá, gaa bulu, di kaa di yee lɔwai mą yɛ tɔɔmun.

Dutɛrɔnome 23:15

Mąąhɔlɔɓo, Yai-Laa ka wɔ Yálá yaa kpinį lee ga ka lɔwai gɔ́ laɠa hu, yɛ li, yɛ pa ka ɓalo mɛ̨nį ɓa, yɛ ka yowoɠaa lɔ ka yee ŋą. Yili ɓa tii, ɓɛi ka kɛ laa, nwɔ kɛɛnąą li. Mąą hvo nɛ̨ɛ̨li Yai-Laa hvo hɛn da kaa laa a nwumɛ̨ mɛ̨nį yii a gɛ, yɛ bulu tɔɔ la kaa.