Azaya 12:2 - Yálá laawoo hɛɓɛ (dc)

² Málo Yálá ka, gílitɔɔi mą, mą́ą́ hvo kɛa kpɛlin ɉii, mąąhɔlɔɓo, Yai-Laa! Yai-Laa ɓə gaa a váŋą, da nwɔ wələ; Yá ɓə a málomun.

Yálá laawoo hɛɓɛ

² Málo Yálá ka, gílitɔɔi mą, mą́ą́ hvo kɛa kpɛlin ɉii, mąąhɔlɔɓo, Yai-Laa! Yai-Laa ɓə gaa a váŋą, da nwɔ wələ; Yá ɓə a málomun.

Bible

² Ɣâla, yá nɔ́ ƃé ŋ́gili káa yâ ŋ́uŋ ma ƃó mɛni ma. Ŋa pâi lâai a yá, ǹyaŋ yao da kélee fé pâi kɛ̂i ŋ́gbonôi sɛŋ da mɛni ma. Yá, Ɣâla Yâwɛɛ, yá nɔ́ ƃa ŋ́gbonôi kpanaŋ íkɛ wála-wala tɛ̀ɛ ḿbɔ. Yá nɔ́ ƃa ŋ́uŋ ma ƃó-nuu.

Azaya 12:2 ပူးပေါင်းရင်းမြစ်များ

Samia Veerɛi 7:24

Ə́ di tɔɔ, ə́ di kɛ a ə́ wɔ nu huwu a yələ kəlee, ə lɛɛ, yɛ́ Yai-Laa, ə́ kɛ a nwɔ Yálá.

Zôo 13:16

Yálá kaa kiɛ pai kɛi a nwun mąąɓo mɛ̨nį? Mąąhɔlɔɓo, túwɔ́ pələ ɲɔ̨n gulɔ mun da heei hvo bɔɔ li.

Mąątɛ̨nɛ̨ 112:8

niikpəlɛɛi, hva ɲɔw hɛn da ɓa; ɲɛ̨i a tɛɠɛɓo ɲowoɠaa hu.

Mąątɛ̨nɛ̨ 118:14

«Ya ɓə gaa a nwɔ́ huwalawala, da nwɔ́ kɔ́ wələ! Yaa lɔ ɓə a málomun!»

Mąątɛ̨nɛ̨ 118:21

Gáá ə́ laa mąąwiɛi, mąąhɔlɔɓo ə́ nwóó mu hon, ə́ yee tɛɛmąąlaa tɛɛ bɔ́.

Mąątɛ̨nɛ̨ 27:1

Davidə nwɔ wələ woo. Yai-Laa ɓə a nwɔ́ kɛɛ pɔ̨nɔ̨, da málomun. Gbɛɛ ɓə ŋą́ pɛli ɲɔwi mą? Yai-Laa ɓə a mą́ą́ kɔ̨nwɔ̨ hį́i. Gbɛɛ ɓə mą́ą́ a kpɛlin ɲɛ̨i ɓa?

Mąątɛ̨nɛ̨ 65:6

Yá ku woo mu hon, a mɛ̨nį ɲɛ̨i kɛnɛ̨ kpɛa-kpɛaɠaa, Yɛ́i a ku ɓalo Yálá; Liilaa yɛnɛ̨ɛ̨ ɓə lɔi kɔ́lɔ kəlee, ə həli kpɔ la kwɛaala gboloyáɠaa diɛ.

Mąątɛ̨nɛ̨ 68:20

Mąąwiɛ ə kɛ Ną́mu ɓa, a yələ kəlee da-nwɔɔ! Ɲalái tii ɓə a gɔ́ nɛ̨ɛ̨ guɔ.

Mąątɛ̨nɛ̨ 68:21

Ɲalái tii ɓə a kɔ́ nɛ̨ɛ̨ kuɔ, Ɛlɛɛ, haa pɛlɛ́ laaɓo kwɛli kaa Yai-Laa gu wɔ Yálái yəi.

Mąątɛ̨nɛ̨ 83:18

Di hu ə pu diɛ a nwumɛ̨ da ɲɔw, di ɓɛlɛ ə kpɛɛ diɛ, ɓáá ə kulɔ diɛ, ə lɛɛ ɉu di haa la.

Lɛɛ gbɔwɔ ɓa 15:2

Yai-Laa ɓə gaa a nwɔ́ huwalawala da nwɔ́ wələ, gaa a málomun, gaa a nwɔ́ Yálá, Ya ɓə ŋą́ Naa tɛ. Ną́n nwɔ Yálá li, gáá mąą wələ tooi.

Azaya 10:24

Yili mąą mɛ̨nį ɓa, mɛ̨nįi Nąmu Yai-Laa Mɛ̨nį Kəlee ŋą Hééɓomun kaa moi, ya ka, yɛ diɛ: Kaai a nwɔ́ nu huwui, ka heɛ Siɔn, 'ka hvo ɲɔw Asiri ɓa, yai ka kɛlɛi a gbɔn; yɛ nwɔ tunwɔ̨n pili ɲee mɛ̨i, yɛ bələi Eziptə ə kɛi gɛ la.

Azaya 17:10

Mąąhɔlɔɓo, yaa lɛ̨ą ə́ ɓalo Yálá ɓa, ə́ mąąkilɛ kwɛni kili hvo lɛɛli ə́ ɲą, ə́ lííɓa wuluɠaa ɓə ə́ kaa ɉin ɉii, yɛ́ nwɛ̨ą wuluɠaa hin.

Azaya 27:5

Kɛlaa nui a gɛ́ a mąąkpɛmun, kwa yaa kwa liilaa mįnɛ̨ həɠə, kuɔ yɛnɛ̨ɛ̨ kɛ liilaa hu.

Azaya 32:2

Di tɛi tɛi kaa pai kɛi a nu mąąkilɛi, hvaŋą tɔwɔ; di ɓo a tulɔ teen ɉii. Di kaa pai kɛi yɛ tɛɛyáɠaa gbáli kələn ɉu; yɛ kwɛni kɛnɛ̨ɛ̨ nįnį́n lɔi hukpalaa hu.

Azaya 33:22

Tɛ̨ą li Yai-Laa ɓə a ku kiti tee mun, ya ɓə gaa a ku ɲąąwooɓomun, Yai-Laa ɓə ɓaa kuɔ tɔɔmun, ya ɓə a ku nwun mąąɓo.

Azaya 38:20

Yai-Laa! Yii yáá gɔ́lɔi pɔnɔ, ku kaa ku wɔ hvɛ́liɠaai pui mą, ku wɔ yɛnɛ̨ɛ̨ kəlee yeemu, Yai-Laa nwɔ pɛlɛ́i mu.

Azaya 45:17

Israɛlə aa ɓalo Yai-Laa haalai, ɛlɛɛ aa ɓalo a yələ kəlee mɛ̨nį, ka wɛi, nwumɛ̨ hvo pai heei kaa, kpɛli a yələi lɔpee ta, ə mą kɛ lalan, ɛlɛɛ, yələ kəlee mɛ̨nį li, gbɛlai hvo mą.

Azaya 49:5

Kɛlaa, yiihu, Yai-Laa aa hvaa, yai nɛ́ɛ́ néé kwəi, ə bɛ́li a nwɔ tímun, gɛ́ pɛli pənəi gɛ́ pa a Ɉakɔbə bɔ pələ, Israɛlə yɛ pənə yɛ ɲąąkpɔn gwɛlɛ. Ə həɠə nąąlɔwai ɓa, dɔ́lɔ́ kaa mą́ą́ Yai-Laa ɲɛ̨i ɓa, mąąhɔlɔɓo, vą́ŋą́ ɓaa a nwɔ́ Yálá.

Azaya 50:10

Gbɛɛ ɓə ka lɔwai yɛ ɲɔw Yai-Laa ɓa? Mąą nu ə Yai-Laa nwɔ tímun woo mąn, ɛlɛɛ nui hiɛi kpinįi, yai kɛɛ pɔ̨nɔ̨ hvo ɲəi, Mąą nu ə gilitɔɔ lɔ Yai-Laa láá ɓa, ə kąnąn nɔ nwɔ Yálái ɓa!

Azaya 51:12

Ɲą́ą́ ɓə, ɲą́ą́ ɓə ka hvaŋą lɔi, gbɛɛ ɓaa yɛ́ yai ya ɲɔw nui gaa a haa mun mą, a Adamə lon yai gɛ pələ kaa yɛ kala tiliin?

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Azaya 62:11

Mɛ̨nįi Yai-Laa kaa moi, yɛ həli kpɔ lɔi kpon ɉeei, ya ka: 'ka mo Siɔn nɛ̨ɛ̨gbɛla ɓa, kaa mą: Ə́ ɓalo mun ga ɲɛ̨i pai, vɛla kaa ɲəi, ɲąą kɛlɛ hɛnŋąą di ɓo ɲɛ̨itɔwɔ.

Azaya 65:18

Yaa mun, ka kaa pai kwəinɛ̨ɛ̨ kulɔi, kaa pili yələi a kwəinɛ̨ɛ̨, mąąhɔlɔɓo, gáá pai kwəinɛ̨ɛ̨ pɛlii, kpɛɛ hva kɛ mą, a neelee, gwəinɛ̨ɛ̨i tii gáá pai bɛlii, Ɉerusalɛmə ɓə, ɛlɛɛ, mąną kaa mɛ̨nį nwun mą, ya ɓaa a, nonnii mąą mɛ̨nį.

Azaya 7:14

Yili mąą mɛ̨nį ɓa, Ną́mu yaa kpinįi gaa mɛ̨nį ta lɛi kaa, ya ɓaa: Nɛ̨ɛ̨non yii hvo hulɔnu mɛ̨nį hukɔlɔn, a koo həɠə, ə lon ɉulɔnu hɔlɔɓo, ə naa hee a Ɛmanuɛlə.

Ɉeremi 23:6

Nwɔ yɛnɛ̨ɛ̨ hu, Ɉuda nwun mąą a ɓo Israɛlə yɛ kɛ nɛ̨ɛ̨ hu. Naai di kaa pai ɉeei mą, ya ka: ‹Yai-Laa ɓə a ku wɔ tələnmolaa.›»

Ɉeremi 3:23

Haláá kulaa yee kpu kpuɠaa mɛ̨i, da mɛ̨nį tamąą kɛɛ yeeɠaa nwuɔ̨, yili nwɛi, a tɛ̨ą gaa kpɔ a kpɛli-kpɛli. A tɛ̨ą Israɛlə nwun mąąɓo mɛ̨nį a həɠə lɔ Yai-Laa kuɔ Yálái yee ŋą.

Danîa 3:28

Nabukodonosorə ə mo, yɛ diɛ: «Mąąwiɛ kaa Sadrakə, Mesakə da Abɛdə-Nego ni di wɔ Yálái ɓa, yaai nwɔ malaka tɔɔ, yɛ pa nwɔ kɛlaɠaai nwun mąąɓoi. Di wɔ Yálái tii ɓə di di kilitɔɔ mą, dɔ́n ŋɛ̨i tɔɔmun ə dɔɔ, di gala, di hvaa mą, di kɔ́lɔ laanɔ̨nwɔ̨ ə ɓo, yili hviɛlaɓoɔi di ɲɛ̨i ɓa, ə tɛɛ, kwɛli hvilɛn ŋąą ala takpɛli ɓa, akɛ di wɔ Yálái hvəi.

Osia 1:7

«Ɉuda nwɔ pɛlɛ́i nwɛi, ŋą́ nwɛlilakɛ, gɛ́ di nwun mąąɓo, ɲą́ą́ Yai-Laa di wɔ Yálái, və́ pai di nwun mąąɓoi a kilɛn, a wala kɛ tii kɔ́ kɔ́ ɓɔwa, a wala kɛ tii a kɔ́, ə mą kɛ hoo da hoo mɛ̨i kɔ́ kɔ́ nuą.»

Zooɛ 2:23

Siɔn daai nuą, ka kwəinɛ̨ɛ̨ kulɔ. Ka ɓə́lə́n ka pili yələi. Yai-Laa ka wɔ Yálái laa hu. Mąąhɔlɔɓo, aa tulɔ tɛɛ ka pɔ; a hamą tulɔ. Yɛ ka nwun mąąɓo. Yɛ pənə yɛ tulɔ pu ka mɛ̨i a hamą lɔɔ tulɔ. Yɛ pələi ə kɛi gɛ la a bɔlɔ.

Zôna 2:9

Nuąi di hvilɛn ŋąąi hali kpɛli-kpɛliɠaa pulu, daa di kpɔwɔ mąą kwɛa ə́ wɔ mɛ̨inɛ̨ɛ̨ ɓa.

Habakukə 3:18

Kɛlaa, nwɛ́i, ŋą gwə́inɛ̨ɛ̨ mɛ̨nį hɔlɔɓo Yai-Laa yəi. Ŋą́ pili yələi a kwəinɛ̨ɛ̨ nwun mąąɓo Yálái mąą mɛ̨nį ɓa.

Lomaŋ 1:16

Gbala ə tɔɔ vá nwumɛ̨ nwɛlɛɛ lɛlɛɛ laa həli. Mąąhɔlɔɓo, nuąi pai laa na, yili kaa di yəi a Yálá nwɔ huwalawala laa. Ə gɔwɔ tɔɔ Ɉuifəɠaa diɛ, ə mą kɛ diɛi di hvo a Ɉuifəɠaa.

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

M̀ɛni-lɛɛi 7:10

Diɛ tomą a di woo kɛnɛ̨, diɛ kɛ mą: «Ku wɔ Yálái ɓə ɓalo mɛ̨nį kaa a nwɔɔ, yai heeni dɔɔkpəlin ɉu da Mɛlaa Lon.»

Samuɛlə dɔlɔɔ 2:1

Anə ə Yálá hvɛli yɛ mą: Yai-Laa nwɔ lúwɔ́ haalai, gwə́inɛ̨ɛ̨i; Yai-Laa nwɔ lúwɔ́ haalai, ŋą́ą́ nwún muhəɠə, Gɛ́ pɛli yɛ́lɛ́i ɲówoɠaa diɛ. Gwə́inɛ̨ɛ̨i! Yálá aa kpɔnmąą tɛɛ bɔ́.