Azaya 11:3 - Yálá laawoo hɛɓɛ (dc)

³ Gilii tii ɓə pai, Yai-Laa mąąwiɛ mɛ̨nį lɛi mą, nu ɲɛ̨ilai hvəi a nu kiti tee la, hva hiɛ a diɛ-woo.

Yálá laawoo hɛɓɛ

³ Nįį tii ɓə pai, Yai-Laa mąąwiɛ mɛ̨nį lɛi mą, nu ɲɛ̨ilai hvəi a nu kiti tee la, hva hiɛ a diɛ-woo.

Bible

³ A pâi kɛ̂i a ǹíi-laa, ƃaa kɛ́-maa tɛɛ mɛ̂ni ma Yâwɛɛ pɔ́. Vé pâi núu da ŋɔmɛni ŋá-têei lɛ́ɛ sere-faa-woo ma kpaa máŋ núu kɛ́ pere ma.

Azaya 11:3 ပူးပေါင်းရင်းမြစ်များ

Samia Veerɛi 14:17

Ə́ wɔ tínɛ̨ɛ̨nui yɛ: ‹Yálá ə gɛ, nwɔ́ mɛ̨nį nąmu tɔɔmun vaa woo ə pa bɔ́ a liilaa. Mąąhɔlɔɓo, nwɔ́ mɛ̨nį nąmu tɔɔmun gaa yɛ Yálá nwɔ malaka, ə mɛ̨nį lɛlɛɛ kɔ́lɔn, ə ɲɔ̨nwɔ̨ɔ̨ kɔ́lɔn.› Yai-Laa ə́ wɔ Yálá ə kɛ ə́ pɔ.»

Samia Veerɛi 14:8

Tɔɔmun yɛ Nɛ̨ɛ̨nui tii ɓa: «Li ə́ pɔɔli, gáá ə́ mąą mɛ̨nį ɲɛ̨i kulɔ pələ lɛi ɲą́ą́ gbinįi.»

Tɔɔɓɛlaa dɔlɔɔ 3:28

Giiti tii tɔɔmun ə dee, bələ ə taɠa taɠa Israɛlə lɔi hu; nu kəlee diɛ ɲɔw tɔɔmun ma. Mąąhɔlɔɓo, di gaa diɛ Yálá-taa kili kaa mą, yɛ mɛ̨nįɠaa hutɔɔ la.

Tɔɔɓɛlaa dɔlɔɔ 3:9

Yii mąą nɛ̨ɛ̨ ə́ dɛɛ ə́ wɔ luwɔi pɔ, ya ɓaa: Ə́ kili tɛɛ bɔ, da mɛ̨nį ɲąą kaa, yɛ pɛli mɛ̨nįɠaa gulɔ nɔwai kɔ́lɔn ɉii la, ə gɛ, ə́ wɔ nu kpului ŋɛ̨i mąą mɛ̨nį nwąną yɛ́, ə tɔɔ la di ɲɛ̨itɔwɔ.»

Zôo 12:11

Da mo diɛ kɛ diɛ: wəli a mɛ̨nį mɛ̨n, ə ɉu kpɛ, yɛ bələi nu nɛ̨n a hɛn nɛ̨ɛ̨ kɔ́lɔn na.

Zôo 34:3

Mąąhɔlɔɓo, wəli ɓə a mɛ̨nį mɛ̨n, yɛ bələi nu nɛn a hɛn nɛ̨ɛ̨i kaa la.

Hanwon 2:5

yá yili kɛ tii, bələi mąąnɛ̨ɛ̨ ə́ ɲɔw la Yai-Laa ɓa, yá kɔ́lɔn, yá pɛli mą ə́ Yálá kɔ́lɔn.

Hanwon 2:9

Akɛ yá ə́ wəli tɔɔ mą́ą́, yá mɛ̨nį haŋąą kɔ́lɔn, yɛ́ pɛli mɛ̨nį lɛlɛɛ kɛi.

Azaya 33:6

Ə́ wɔ yɛnɛ̨ɛ̨ laa hɔn mo hɛn ɓa pai kɛi, a ɓalo mɛ̨nį nwɔ hɛn gɔw, kili mɛ̨nį, mɛ̨nį kɔ́lɔn ŋąą, da nu ɲɔwuɔ Yai-Laa ɓa, yili ɓə pai kɛi a gwɛlin.

Izikiɛ 45:8

Nwɛi nąą ka tii Israɛlə nwɔ lɔi hu. A kɛ ti, nwɔ́ tɔɔɓɛlaai di hva kɛa nɔi lonnii hulu; di kaa pai lɔi tɛɛi Israɛlə nwɔ pɛlɛ́i pɔ, yɛ bələi di ɲąąkwɛlɛ la a gwəliɠaa laa.»

Mise 4:3

Ya ɓə pai kɛi a lɔi tamąą lɔwai kiti teemun, lɔi kpɛa kpɛa lɔwai mɛ̨nį ɓomun, ə mą kɛ yiiɠaai kwɛa la. Di kaa pai kɛi di wɔ kɔ́ kɔ́ ɓɔwaɠaa yɔwii a kaliɠaa, diɛ di wɔ kpalaɠaai yɔwu a mɔ̨nun dee ɓɔwaɠaa. Lɔi ta hva kɛa pɛlɛ mɛlan nɔi ɓa a kɔ́, di hva kɛa di mąą kwɛli kɔ́ kɔ́wɔ ɓa.

Lukə 2:52

Jesus ə kɛi kɛnɛ̨, kili yɛ ɓo mą, yɛ Yálá da nuą di lii hon a nɛlɛɛ.

Ɉaan 2:25

Nu ta hva pɛli kɛ nuą mąą mɛ̨nį hukulɔi ma, mąąhɔlɔɓo, ə nuą kwəi mɛ̨nį kɔ́lɔn.

Ɉaan 7:24

Ka hvo kiti tee lɔ mɛ̨i pɛlɛ, kɛlaa, ka kiti tee a ɉaŋąą.»

Hebreu 5:14

Kɛlaa, nuąi daa di mąą-nu-laa kpɛɛ, di wɛi, kɔ̨nɔ̨n nwalawala ɓə da mįi; diɛi tii daa tɛɛ yɛnɛ̨ɛ̨ mɛ̨nį tamąą hui, diɛ ɓə mɛ̨nį tamąą hukpɛ kili kaa diɛ, da pɛli di mɛ̨nį lɛlɛɛ da ɲɔ̨nwɔ̨ɔ̨ di kulɔ ɉu kɛ.

Samuɛlə dɔlɔɔ 16:7

Kɛlaa, Yai-Laa yɛ Samuɛlə ɓa: «Hvo ə́ kili lɛɛ nui ŋɛ̨i koloon ma, da dɔɔmɛ̨i, yili hvəi gáá bɔ. Yii nuą da gaa, yili hvəi; nuą di wɛi, da nu kɔ́lɔ ɓa kaa, Yai-Laa yɛ nu líí hu kaa.»