Azaya 11:14 - Yálá laawoo hɛɓɛ (dc)

¹⁴ Ɛfraimə huwu da Ɉuda huwu, da pɛlɛ di kee ɓa di yee lɔɔ geei, di hee Filisti nuą pumún ŋą, di too voló həɠəi pələ nuą mɛ̨i, diɛi a: Edɔmə nuą da Moabə nuą, ɛlɛɛ, di hee Amɔn nuą mɛ̨i.

Yálá laawoo hɛɓɛ

¹⁴ Ɛfraimə huwu da Ɉuda huwu, da pɛlɛ di kee ɓa di yee lɔɔ geei, di hee Filisti nuą pumún ŋą, di too voló həɠəi pələ nuą mɛ̨i, diɛi a: Edɔmə nuą da Moabə nuą, ɛlɛɛ, di hee Amɔn nuą mɛ̨i.

Bible

¹⁴ Dífeerɛ da pâi kɛ̂i a dínɛ̃ɛ. Da pâi kɔ̂i Felesia-ŋai pɔ́ vóloi liî-pere dí ǹûai díkaa vóloi kulâi-perei kɔ̃̂liŋ kula díyêei. Da pâi kɔ̂i Idɔŋ-ŋai da Môa-ŋai pɔ́ dí díyee mɛi ɣále. À kɛ̀ tí, wòo mɛni a pâi kɛ̂i Amɔŋ-ŋai yêei dímɛni ma.

Azaya 11:14 ပူးပေါင်းရင်းမြစ်များ

Azaya 14:29

Filisti lɔi pilɛɛ gee mɛ̨i, 'hvó tɔɔ yɛ́ kɛ ə́ kaa kwəinɛ̨ɛ̨ kulɔi, gbɔn kɛi ə́ kɛlɛ, ɉuyali mɛ̨nį ɓa, mąąhɔlɔɓo, tumo kaa pai kulɔi kaalə kpuwɔ hu, gbaatow-gbono kaa pai kulɔi tumo hu yɛ koon.

Azaya 15:1

Mɛ̨nį kponąąi ɓo Moabə laa mɛ̨i, ya ka: Gbinii Arə-Moabə ə too la, ə lɛɛ a taa kpoloon. Gbinii Kirə-Moabə ə too la ə lɛɛ a taa kpoloon.

Azaya 16:14

Yiihu kɛa, Yai-Laa yɛ: «Gɛɛ kwɛlan ɉaaɓa hvo tɛɛ, Moabə nu kpɛa-kpɛaa, da nɔi lonnii kəlee di ɓɛlɛ a kpɛɛ diɛ, da lɛɛ lɔ tɛi tɛi, nu kpəli hva lɛɛ a hɛn ɲąą mąą.»

Azaya 25:10

Yai-Laa kaa pai ɲee pɛlɛi ɲeei ŋɛ̨i mɛ̨i, Kɛlaa, di kaa pai Moabə hu woloi ɲąą ɓa, yɛ bələi mɔ̨nun-danmun a mɔ̨nun dan na.

Azaya 33:1

Kpalo ɓɛlaai yɛ́, yɛ́i kɛɛ kalai ə́ ɓɛlaa diɛ, yaan, da hvo ta kala li yɛ́, yɛ́ ə́ ɓɛlaa ɓowo, yaan di hvo ta ə́ ɓowo li. Ya pa kpɛɛi gɛɛ kalaai tii ɓa, di kaa pai da kalai lɔ yɛ́, yá pa kpɛɛi a mowo ɓoi tii kɛɛ a ə́ ɓɛlaa, di kaa pai ə́ ɓowoi.

Azaya 59:19

A kɛ tii, da ɲɔw kɛa Yai-Laa Laa ɓa, hvóló tooi pələ, ə lɛɛ diɛ ɲɔw nwɔ mąąwiɛlaa ɓa hvóló ɓɛlai pələ. Mąąhɔlɔɓo, gaa pai pai yɛ ya hvɛɛi, Yai-Laa nɔ̨ɔ̨ yɛ hee mą.

Azaya 60:14

Nuąi kɛi ə́ mɔ̨nɔ̨ ɓo, di lonnii kaa pai ə́ pɔ, di mąą pɛlɛɛ, nuąi kpɔ kɛi ə́ hviiɓo, di kaa pai pɛlɛi di liiɓa, ə́ kɔ́wɔ mu. Di kaa pai ə́ laa heei a Yai-Laa nwɔ taa, Israɛlə nwɔ Mąąhəɠə mun nwɔ Siɔn taa.

Azaya 63:1

Gbɛɛ ɓə tii kulɔi Edɔmə pələ, yɛ həɠə Bɔsra pələ, yɛ pai? Hɛn gbɔlu pɔɔ ə ɓo mąą həɠə hui? Ganąnŋąą nwɔ həɠəi hu, ɉaŋąą dədən, vaŋą kɛnɛ̨ pələ ɓai? Ɲą́ą́ li, ɲą́ą́i ŋą́ hvaa a tələnmolaa, gɛ́ vą́ŋą́ lɛ nu ɓalo mɛ̨nį ɓa.

Azaya 9:12

Bələ ɓə Yai-Laa ə nwɔ nuąi kɛlɛ la, bələi mąn ə kɛ la tii, di hvo pənə di hvo pa di nwɔ Yálái pɔ, yai a Yai-Laa Mɛ̨nį Kəlee ŋą Hééɓomun.

Ɉeremi 40:11

Ə mą kɛ, Ɉuda nuąi Moabə lɔi hu, Amɔn nuą lɔwai Edɔmə da nɔi kəlee hu; di bələ mɛ̨n diɛ kɛ Babilonə tɔɔmun aa kɛ nuą lɛɛ Ɉuda lɔi hu; ɛlɛɛ, aa kɛ Ahikamə lon Gedaliasə, yai kɛ a Safan lon ɉee, yɛ ɲɛ̨i kɛ nɔi ɓa.

Ɉeremi 48:40

Yai-Laa woo ka, yɛ diɛ: «Gaa yɛ geelə a kɛi koon, aa goon bɛlɛ Moabə mɛ̨i.»

Ɉeremi 49:2

Yili mąą mɛ̨nį ɓa, Yai-Laa yɛ diɛ: «Hvolóɠaa kaa pai həlii, gɛ́ kɔ́ kɔ́ woo tɔɔ Raba Amɔn nuą mɛ̨i, naa a lɛɛ a lɔi pun, diɛ ɲee kɔ́nma taaɠaa kələn, ɛlɛɛ, Israɛlə yɛ pənə yɛ gwɛlin ɉəɠə nuą hɔlɔɓo a nwɔɔ.» Ɲą́ą́ Yai-Laa nwóó li!

Ɉeremi 49:22

Gaa yɛ geelə a kɛi tɛ yələi, yɛ koon, yɛ goon ɉu lɛan Bɔsra mɛ̨i. Volói tii, Edɔmə kɔ́kulááɠaa lii a kɛ di kwəi, yɛ kwəi nwąną kɛ nɛ̨ɛ̨nu lii.

Ɉeremi 49:28

Mɛ̨nįi Yai-Laa kaa moi yɛ hvilɛn na, Kedarə da Hasɔrə tɔɔ lɔiɠaa, diɛi tii Babilonə tɔɔmun Nabukodonosorə ə di hon kɔ́ hu, ya ka: «'Ka ká muhəɠə, ka kɔ́ pɛlɛ Kedarə ɓa; ka Kɛdɛmə nuą hukala.

Izikiɛ 25:14

Ɲą́ą́ gbínii ɓə nwą́ną kulɔi Edɔmə ɓa, a nwɔ́ lɔi Israɛlə yee. Di ka pai Edɔmə hon ɉii, yɛ bələi nwɔ liiholi da nwɔ lii ɲanwana kaa la bɔ; bələ ɓə da nwą́ną kɔ́lɔn na. Mɛ̨nį kəlee ŋą Hééɓomun Yálá woo li.

Danîa 11:41

Gaa pai nɔi lɛlɛiɠaa kəlee həɠəi, nu tamąą di ɉu haa ɓo. Kələə Edɔmə nuą, Moabə nuą, da Amɔn nu huwu gbɛa-kpɛaɠaa di wɛi da kulɔ ɉu.

Amɔsə 9:12

Ə gɛ, gɛɛnąąɠaai wɔlɔ kɛ a Israɛlə nu huwu di wɔɔ, Edɔmə lɔi hu, da lɔi takpɛliɠaa hu, ɓɛi náá heɛ mą, di pənə di nąąɠaa hɔlɔɓo. Gɛɛnąąɠaa tii ɓaa.

Habakukə 1:8

Di wɔ hvooɠaai gilɛ həɠə yee tɛɛi kwɛliɠaa diɛ. Di hukələn-gələn ɲee tɛɛi kwɛli nwɔ yələwulii kɔ̨nɔ̨n gwɛlii lɔwai ɓa. Da kulɔ kwɛaa la, di wɔ hvoo mɛ̨i nuą da laŋin, diɛ koon yɛ kuwɔ a gɔ̨nɔ̨n gaa, yɛ li ɉon ɉi.

Sofoni 2:5

Kpalo aa ɓɛla gboloyá kwɛlɛ heeɓo nuą diɛ, diɛi ɓaa Krɛtə lɔi hu nuą, kaa ɓə Yai-Laa kaa haŋąi kaa. Filisti nuą pɔ lɔi Kanaan, gáá ə́ lɛɛi a lɔi pun, nuą di hvo pai heei ə́ hu.

Sofoni 2:7

Nuąi pai lɛɛi Ɉuda nwɔ pɛlɛ́i mu, nɔi tii kaa lɛɛi a di wɔɔ, nąą ɓə di kaa pai kɛi lii laa a di wɔɔ taatɛlɛɛɠaai, diɛ di laa mį́i. Yələwulii pɔ, Askelɔn nwɔ pɛlɛ́ɠaai ɓə da di hvįįtɔɔ mu. Hvó gaai, Yai-Laa Ɉuda nwɔ Yálái, gaa pai ɲee pɛlɛi nɔi tii ɓa, di mąą mɛ̨nį ɓa, Ɉuda lɔi hu nuąi luwɔ pələi, ə pa a diɛ.

Sofoni 2:9

Yili ɓə gaa mą, Ɲą́ą́ Yai-Laa Mɛ̨nį Kəlee ŋą Hééɓomun, Israɛlə nwɔ Yálá, nwóó li, yii kpɔ gáá a vúlú, Moabə lɔi kaa kɛi yɛ bələi Sodomə ə kɛ la, ɛlɛɛ, Amɔn lonnii di kɛ yɛ bələi Gomorə ə kɛ la. Nąą ə kɛ a ɲąąlən gbɔlɔ, da kpolo kulɔi, a lɔi pun a yələ kəlee mɛ̨nį. Nwɔ́ nu huwui kpəlii a lɛɛ, a di mąąkpoloon. Nwɔ́ nuąi kulɔ gɔ hu da kwɛlin ɲąąkwɛlɛ.

Lonon mo 24:17

«Gáá mɛ̨nį kaai, Kɛlaa yiihu mɛ̨nį hvə li, gáá mąąkpɛɛi, kɛlaa ɲɛ̨́i mu mɛ̨nį hvə li. Pɛmɛ̨lɛ̨n-gɔw ta kaa kulɔi Ɉakɔbə huwu hu. Yɛ kɛ a tɔɔmun; tɔɔ hvili kaa muhəɠəi Israɛlə hu. Yɛ Moabə laa kpaɠa yali. Yɛ Sɛtə lonnii kəlee paa.

Maafîu 8:11

Gáá tɛ̨ą ɓoi kaa, hį́i takpɛliɠaa kaa pai həɠəi hvóló kulɔi da hvóló tooi pələ, da Abrahamə, Isaakə, əlɛɛ, da Ɉakɔbə ni diɛ kɔ̨nɔ̨n mį́į́ gee ɓa Yálá-taa tɔɔlaa hu.

Nwun mąąɓo 6:3

Ɓɛlɔwai Israɛlə nuą da di wɔ tíiɠaai hin na, Madian nuą da Amalɛkə nuą, da nuąi ɲɛ̨i kɛi həɠə voló kulɔi pələ, diɛ pa toonwunma ɓa, di kɛi too Israɛlə nuą mɛ̨i,