Azaya 11:12 - Yálá laawoo hɛɓɛ (dc)

¹² Gaa pai ɉilɛyili tɛi, ə nɔiɠaai tii kili ɲąpono, yɛ kɛ diɛ: Israɛlə nu huwui luwɔ pələi, gaa pai gəlee ŋąąkpɔn ɉii, Ɉuda nu huwui daɠataɠaa, ə nɛɠɛ gee ɓa, ə di kulɔ yɛnɛ̨ɛ̨ lɔi kəlee hu.

Yálá laawoo hɛɓɛ

¹² Gaa pai ɉilɛyili tɛi, ə nɔiɠaai tii kili ɲąpono, yɛ kɛ diɛ: Israɛlə nu huwui luwɔ pələi, gaa pai gəlee ŋąąkpɔn ɉii, Ɉuda nu huwui daɠataɠaa, ə nɛɠɛ gee ɓa, ə di kulɔ yɛnɛ̨ɛ̨ lɔi kəlee hu.

Bible

¹² A pâi ƃenâ tɛ̂i ɣelêi é ǹɛ́ ǹɔii ŋuŋ-ŋai kélee su-ƃelai dîa a gɛɛ Eezuɛ da Zuda lonii kélee kɛ̀ a dítaa-tâa lɔii ŋuŋ da kpɛ́ni-ŋa su ŋ̀éniɛi m̀ela kélee mai, a díkulâi naa é pá a dia pôlu dílɔii su.

Azaya 11:12 ပူးပေါင်းရင်းမြစ်များ

Mąątɛ̨nɛ̨ 107:3

yɛ di kulɔ lɔi kəlee hu, yɛ di ɲąąkpɔn, diɛ həɠə hvoló həɠəi pələ da dooi pələ, diɛ həɠə ɲá nwuɔ̨ pələ da ɉɛɠɛɛ pələ.

Mąątɛ̨nɛ̨ 147:2

Yai-Laa ɓə pənə ə Ɉerusalɛmə tɔɔ, Gaa pənəi yɛ Israɛlə nwɔ kɔluwɔ pɔlɔɠaa ɲąąkpɔn.

Mąątɛ̨nɛ̨ 60:4

Yáá lɔi hiɠi-hiɠiɓo, yáá gulɔ gee la, Nwɔ́ palaɠaai laa kpulu, gáá tɔɔi takpa-takpa.

Mąątɛ̨nɛ̨ 68:22

Kɛlaa, Yálá a ɲowoɠaa nwun ganin nwolo, a nuąi kpɔ tii, di yee kaa lɔ mɛ̨nį ɲɔ̨n ɉui, di nwun gbilɛɛɠaai tii, nu paa nwunŋaai tii, a di wolo.

Azaya 11:10

Mąą yələi tii, Ɉɛse mąąpoo, a kɛ a dɛɛ yələi yɛ, Ɉilɛyili, yɛnɛ̨ɛ̨ nuą kəlee ɲɛ̨i ɓa, lɔi kəlee yɛ mąą gilɛ həɠə, ɓɛi a kɛ laa heeni, nąą laahvɛɛ a nwɔ mąąwiɛ.

Azaya 18:3

Yɛnɛ̨ɛ̨ nuą kəlee, kaai lɔi mɛ̨i, ɓɛlɔwai di kaa pai ɉilɛyili tɛi la ɲeeɠaa nwuɔ̨, 'Ka ka nwun muhəɠə, 'ka gaa! Ɓɛlɔwai di kaa pai dúlu hvɛɛi la, 'ka ka wəli tɔɔ!

Azaya 24:16

Ku kaa wələ woo mɛ̨n ɉi, yɛ həɠə lɔi kpɛlai pələ, yɛ kɛ diɛ: «Ɓáá ə lɔ təlinmo Yálá ɓa.» Ya ɓə ŋą́ kɛ diɛ: Ŋą́ą́ kpɔlɔɔn! Ŋą́ą́ kpɔlɔɔn! Nwún na ɲɔ̨nwɔ̨ɔ̨i, ɲaba lɔ nuą daa ɲaba lɔ mą́ą́. Ɲaba ka, ɲaba lɔ nuą daa ɲaba lɔ kɛnɛ̨.

Azaya 27:13

Mąą hvólói, túlu kɛnɛ̨ woo kaa pai tɔɔi, nuąi kɛ daa pili, di kaa pai həɠəi Asiri lɔi hu diɛ pa; da nuąi ta di di kpɛ Eziptə lɔi hu, di kaa pai pɛlɛi Yai-Laa lííla, ɲee mąąhəɠɛɛ nwuɔ̨ Ɉerusalɛmə.

Azaya 43:6

Gáá pai kɛi ɲələi pələ ɓa: «'Və́!» Gɛ́ ɉɛɠɛɛ pələ ɓa: «'Hvó kanąn mą! 'Pənə ə́ pa a nón ɉinąą, yɛ́ həɠə a diɛ kwɛaa la lɔi hu, yɛ́ həɠə a nónnii nɛ̨ąą lɔi kpɛlai, yɛ́ pa a diɛ.

Azaya 49:22

Mɛ̨nįi Mɛ̨nį kəlee ŋą Hééɓomun Yálá kaa moi, ya ka: gáá pai ɲee lɛi hįį takpɛliɠaa diɛ, gáá pai huu pilii nuą diɛ, di kaa pai pənəi diɛ ə́ lon ɉinąą hee di yee kɔ̨nwɔ̨n ɉu, diɛ pa a diɛ, diɛ ə́ lon nɛ̨ąą hee di kalan ŋą.

Azaya 49:5

Kɛlaa, yiihu, Yai-Laa aa hvaa, yai nɛ́ɛ́ néé kwəi, ə bɛ́li a nwɔ tímun, gɛ́ pɛli pənəi gɛ́ pa a Ɉakɔbə bɔ pələ, Israɛlə yɛ pənə yɛ ɲąąkpɔn gwɛlɛ. Ə həɠə nąąlɔwai ɓa, dɔ́lɔ́ kaa mą́ą́ Yai-Laa ɲɛ̨i ɓa, mąąhɔlɔɓo, vą́ŋą́ ɓaa a nwɔ́ Yálá.

Azaya 54:7

Ŋą́ ɲéé kulɔ lɔ ə́ mu a lɔwai logolo, Kɛlaa, gáá pai pənəi gɛ́ ə́ lonnii ɲąąkpɔn a wɛli kɛmąą laa; vįi hvo pai kpɛɛi yili kɛi.

Azaya 56:8

Mɛ̨nį kəlee ŋą Hééɓomun Yálá woo ka, yai a Israɛlə lonnii tii luwɔlaa hu di ɲąąkpɔn, yɛ: Yiiɠaai daa gbɛa di ɲąąkpɔn ɓɛ, ŋį́ pa nwɔ̨nɔ̨ a dakpɛliɠaa, gɛ di pɛlɛ diɛ.

Azaya 59:19

A kɛ tii, da ɲɔw kɛa Yai-Laa Laa ɓa, hvóló tooi pələ, ə lɛɛ diɛ ɲɔw nwɔ mąąwiɛlaa ɓa hvóló ɓɛlai pələ. Mąąhɔlɔɓo, gaa pai pai yɛ ya hvɛɛi, Yai-Laa nɔ̨ɔ̨ yɛ hee mą.

Azaya 60:4

'Ə́ ɲɛ̨i hee, 'ə́ kwɛlɛ kaa, di kəlee, di kaa di ɲąą kpɔn ɉii, diɛ pa ə́ pɔ, ə́ lon ɉinąą kaa həɠəi kwɛaala, diɛ pa, daa ə́ lonnɛąą pɛlɛ kpɔ di pulu a nwala walaa.

Azaya 62:10

'Ka tɛɛ, 'ka tɛɛ, ka həɠə bɛlɛ́ɠaa laaləi, 'ka həɠə nuą tɛɛ pələ hu. 'Ka pɔlɔ pu bələ mɛ̨i, 'ka pɔlɔ pu laa, 'ka kwɛni pu mɛ̨i, 'ka húú pili nɔi hu nuą diɛ.

Azaya 66:19

Gaa a tɛ̨ą gaa pai pɔɔkɔɔn da kɛi di lɔwai, hvo pai lɛɛi a yili, yiiɠaai pai kulɔi ɉu, gáá pai daɠaa tɛɛi hįį lɔi takpɛliɠaa lɔwai, Tarsisə, Putə da Ludə diɛ di wɔ kilɛnŋąąi ŋąątɛ, Tubalə, Yavan da gboloyá hu lɔiɠaai kwɛaala, diɛi di hvo mą́ą́ mɛ̨nį bələ mąni, diɛi di hvo ta nwɔ́ mąąwiɛi kaa li; di kaa pai nwɔ́ mąąwiɛi mąą loloɓoi hįįɠaa mɛ̨i,

Ɉeremi 23:3

«Ɲą́ą́ gbinįi, gáá pai nwɔ́ ɓɛlaa kpului kpəli ɲąąkpɔn ɉii. Nɔiɠaa kpɔ ŋą́ di taɠa taɠa ɉu, gɛ́ di kulɔ laa, gɛ́ pənə gɛ́ pa a diɛ, di pɛlɛ-galá hu, diɛ di kaa diɛ tamąą.»

Ɉeremi 30:17

Ə́ wɛi ŋą́ą́ gɔwɔ tɔɔ gɛ́ kɔ́lɔi pɔ̨nɔ̨ tɛɛ ə́ pɔ, gɛ́ ə́ wɔ palaɠaai hali kɛ. Hvo gaai, di kaa kɛa kɛi yɛ́: «Daa gulɔ lɔwɛi», Siɔn ka tii nu ta ɲɛ̨i hvo kulɔi bɔ. Yai-Laa woo li.

Ɉeremi 50:4

Yai-Laa woo ka, yɛ diɛ: Voloi tii, nąąlɔwai kpɔ́ɔ́ kpɔɔ, Israɛlə nuą da Ɉuda nuą, di kaa pai a gee, di kaa pai, diɛ wɔlɔ, diɛ Yai-Laa kwɛli, yai a di wɔ Yálái.

Ɉeremi 51:12

'Ka gɔ́ təli Babilonə hįį ɓa, 'Ka daa mąąkpɛ nuą ta pɛlɛ mą, 'ka nuą hee di tɔwɔ lɔwɔi. Gaa tii, mɛ̨nįi Yai-Laa ə mo yɛ hvilɛn Babilonə nuą diɛ, ə gbɛa giliŋąhiɛ mą, gaa kɛa gɛi.

Izikiɛ 28:25

«Mɛ̨ni kəlee ŋą Hééɓomun Yálá woo ka; yɛ: Ɲələi gaa pai Israɛlə nwɔ pɛlɛ́i mu nuą kulɔi la nɔiɠaai ŋą́ di taɠa taɠa ɉu di lɔwai, gɛ́ ɲąąkpɔn, gáá pai nɛi lɔiɠaa diɛ, gɛ́ kɛ mą́ą́həɠɛɛi. Di kaa pai kɛi di wɔ lɔi hu, yai ŋą́ dɛɛ nwɔ́ tí mun Ɉakɔbə pɔ.

Osia 2:2

Ɉuda lonnii da Israɛlə lonnii di kaa pai pɛlɛi di kee ɓa, nu tɔ̨nɔ̨ ə ɓo di yəi a di ɲąąwooɓomun, diɛ hee lɔi kəlee mɛ̨i; mąąhɔlɔɓo, Izreɛlə nwɔ hvólói a kɛ a hvóló kɛnɛ̨.

Sofoni 3:10

Nwɔ́ nuąi da kwɛli hvilɛn mą́ą́, diɛi tii ŋį́ di taɠa-taɠa, di kaa pai həɠəi Nubi yalee kpɛa-kpɛa bulu pələ, diɛ pa bɔ́ a gɔ́ hɛnŋąą.

Zakari 10:6

Gáá pai Ɉuda nwɔ pɛlɛ́i hvaŋą tɛi, gɛ́ Ɉosɛfə nwɔ pɛlɛ́i nwun mąąɓo, Ŋą́ pənə ŋį́ di pu di nįnɛ̨ kɔ́lɔi, mąąhɔlɔɓo, gáá pai di mąąwɛli kaai, yɛ ŋą́ wala ta ɲə́ə́ kulɔ di mu, mąąhɔlɔɓo, gáá a Yai-Laa, a di wɔ Yálá. Gáá pai ɲə́ə́ heei di woo mu.

Zakari 8:7

Yai-Laa Mɛ̨nį Kəlee ŋą Hééɓomun nwoo ka, yɛ diɛ: A tɛ̨ą, gáá pai nwɔ́ nu huwui nwun mąąɓoi, yiiɠaai hvoló ɓɛlai bələ, da yiiɠaai hvóló tooi bələ.

Ɉaan 7:35

Ə həɠə ɲələ ɓa, Ɉuifəɠaa di kɛi kɛ diɛ kɛ di kee ɓa: «Mįnɛ̨ ɓə gaa pai lííla yai ku hvo pai gaai? Akɛti, Ɉuifəɠaa ŋɛ̨i di taɠa-taɠa hį́i takpɛliɠaa lɔwai nąą pələ ɓə mɔ̨ɔ̨ gaa pai lííla, yɛ ɉį́i takpɛliɠaa tii kalan?

Dutɛrɔnome 32:26

Ɲą́ą́ ɓə mo; gáá di hu teeteei a gbuwɔ kpuwɔ, gáá di laa kpɛɛi nuą lɔwai.

Zĩi 1:1

Ɲą́ą́ Ɉakə, Yálá ŋą tímun da Ną́mu Jesus Kristə, gáá ɉɛɓɛ́i ŋɛ̨i tɛɛi Israɛlə nu huwu pow kɔw hveelɛi ɓa, diɛi, di taɠa-taɠaa yɛnɛ̨ɛ̨ nąą kəlee; gáá ká túwɔ́ ɓoi.

M̀ɛni-lɛɛi 5:9

Diɛ wələ nįnɛ̨ too, diɛ kɛ mą: «Yɛ́ ɓə ə́ mąąnɛ̨ɛ̨ ə́ ɉɛɓɛ́i ŋɛ̨i hon, ɛlɛɛ, ə́ gɔlɔn ɉɛnɠaa kulɔ mą, gbala ə tɔɔ, Yɛ́ ɓə di ə́ kulɔ a haláá, ɛlɛɛ, yáá nu huwu tamąą, híiwoo tamąą, lɔi lonnii, ɛlɛɛ, da lɔi tamąą nwun mąąɓo a Yálá nwɔɔ, a ə́ ɲąmą

M̀ɛni-lɛɛi 7:1

Yili pulu, ŋą́ malaka nąąn gaa tɔɔni lɔi wəlinna nąąn ma, di yee yɛ ɓo lɔi mɛ̨i hvaŋą nąąn ma, ə gɛ, hvaŋąi lɔpee ta hvo tɛɛ lɔi mɛ̨i, gboloyá ɲą, ə mą kɛ, wulu ta ɓa.