Azaya 11:11 - Yálá laawoo hɛɓɛ (dc)

¹¹ Ɲələi tii a həli, Yálá kaa pai nwɔ̨nɔ̨ mɛ̨nį ta kɛi, nwɔ nu kpəli wolaai da lɛɛ ɲɛnɛ̨ɛ̨, a di nwun mąąɓo a nwɔ huwalawalai, ə di kulɔ Asiri da Eziptə, ə di kulɔ Patrɔsə, da Kusə, da Elamə, ə mą kɛ, Sinearə da Hamatə; ə di kulɔ gboloyá hąąi lɔiɠaa hu.

Yálá laawoo hɛɓɛ

¹¹ Ɲələi tii a həli, Yálá kaa pai nwɔ̨nɔ̨ mɛ̨nį ta kɛi, nwɔ nu kpəli wolaai da lɛɛ ɲɛnɛ̨ɛ̨, a di nwun mąąɓo a nwɔ huwalawalai, ə di kulɔ Asiri da Eziptə, ə di kulɔ Patrɔsə, da Kusə, da Elamə, ə mą kɛ, Sinearə da Hamatə; ə di kulɔ gboloyá hąąi lɔiɠaa hu.

Bible

¹¹ Maa ɣêlei tí a sèri, Ǹuu-namui ŋɔnûai kélee lɛ̀ɛ Asiria, Ize, Patulo, Itiopia, Elaŋ, Babelɔŋ, Ama da yúo kɔlɛ ma lɔii-kpiniŋ-ŋai mai, a pâi díkulâi naa a ŋɔwála-walai é pá a dia pôlu.

Azaya 11:11 ပူးပေါင်းရင်းမြစ်များ

Zɛnɛse 10:10

Nɛmrodə nwɔ taa tɔlɔɔɠaai ə dɔɔ, diɛ ɓaa kɛ: Babɛlə, Erɛkə, Akadə da Kalne, Sinearə lɔi hu ɓə ə daaɠaai tii pu laa.

Zɛnɛse 10:22

Sɛmə lon ɉinąą laa ka: Elamə, Asurə, Arfasadə, Ludə da Aramə.

Zɛnɛse 11:2

Ɓɛlɔwai di kɛi li la voló həɠəi pələ, di nɛ̨ŋɛ̨ hu ta kaa Sinearə lɔi hu, di hee laa.

Zɛnɛse 14:1

Mąą kwɛlan tii hu, Sinearə tɔɔmun Amrafɛlə, da Ɛlasarə tɔɔmun Ariɔkə ə mą kɛ, Elamə tɔɔmun Kedɔrlaomɛrə da Goimə tɔɔmun Tidealə,

Zɛnɛse 2:13

Ɲá veelɛnąą laa ɓaa a: Gihɔn. Yili ka tii a kɛ Kusə lɔi mąą tinɛ̨n ɉi.

Tɔɔɓɛlaa veelɛ 17:24

Asiri tɔɔmun ə nuą həɠə Babilonə, Kutə, Awa, Hamatə, ɛlɛɛ, Sefarwaimə, ə di hee Samari taaɠaa hu a Israɛlə lonnii mąąhvalin. Samari ə kɛ kɛa a di wɔ lɔi, di hee nąą taaɠaa hu.

Mąątɛ̨nɛ̨ 68:22

Kɛlaa, Yálá a ɲowoɠaa nwun ganin nwolo, a nuąi kpɔ tii, di yee kaa lɔ mɛ̨nį ɲɔ̨n ɉui, di nwun gbilɛɛɠaai tii, nu paa nwunŋaai tii, a di wolo.

Azaya 1:9

Akɛ kɛ, Yai-Laa Mɛ̨nį Kəlee ŋą Hééɓomun, hvo ku kpəli wolo lɛɛ kɛ, yɛ kwəli kɛ yɛ, Sodomə, ku mąą mɛ̨nį ə kɛ yɛ Gomorə.

Azaya 10:20

Ɲələi tii a həli, Israɛlə nu kpəli, da Ɉakɔbə nwɔ pɛlɛ́i mu nuąi pai kulɔi ɉu, di hva kɛa di kilitɔɔ di kɛlɛmun mą; di kaa pai di kilitɔɔi Yai-Laa ɓa, Yai gaa a Israɛlə nwɔ Mąąhəɠəmun.

Azaya 10:9

Kɛlɛi Kalno aa kɛ kɛa yɛ Karkemisə Hamatə ə ɓo yɛ Arpadə, Samari ə ɓo yɛ Damasə?

Azaya 11:16

Yálá nwɔ nuąi da lɛɛ a di hvulú Asiri lɔi hu, da pələ hɔlɔɓo di pa, yɛ bələi wɔlɔ Israɛlə nuą di pələ hɔlɔɓo la, diɛ həɠə Eziptə.

Azaya 19:21

Yai-Laa kaa pai gbɔwɔ lɛi Eziptə nuą diɛ, Eziptə nuą diɛn, da Yai-Laa kɔ́lɔn a volói tii, diɛ gɔ́ a halááɠaa da mɛ̨inɛ̨ɛ̨ɠaa; diɛ mɛ̨nįɠaa laakwɛlanmo Yai-Laa ɓa, ɛlɛɛ, diɛ bɔ mɛ̨nį kɛ.

Azaya 19:22

Akɛ, Yai-Laa ə Eziptə nuą kɛlɛ a nwala-walaa, bələ lɔ ɓə gaa pai di ɓaloi la; da pənə da pa Yai-Laa pɔ, gaa pai ɲee heei di mu, yɛ di ɓalo.

Azaya 21:2

Mɛ̨nį kponąą ta ka ŋɛ̨i, di nɛ mą́ą́ hįi pələ. Pulu kulɔmun, yɛ pulu kulɔ mɛ̨nį kɛ, kɛɛ kalamun yɛ kɛɛ kala. Elamə nuą, 'ka tɛ! Medi nuą, 'ka ka wɔ kɔlaɠai pɛlɛ! Gáá woo laa wooɠaa kəlee kpɛɛi.

Azaya 22:6

Tonwą-taɠa kaa Elamə yəi, ə ɓo la wotoloɠaa hu, hooɠaa diɛ ɲala, Kirə yaan aa mąą kpɛ hə́mə́ həɠə.

Azaya 24:15

Di kaa Yai-Laa mąąwiɛi hvóló mɛlai pələ, diɛ Yai-Laa, Israɛlə nwɔ Yálái mąąwiɛ, gboloyá hɛ̨ąi lɔiɠaa hu.

Azaya 37:31

Nu gbəliɠaai kulɔ gɔ́ hu Ɉuda yəi bɛlɛ́n, yii di nɛɛ laa, ɉamu kaa pa pənəi ə ɓɔn a nįnɛ̨, ɛlɛɛ, yɛ ɓa.

Azaya 42:10

'Ka wələ nįnɛ̨ too Yai-Laa ɓa, 'ka mąątɛ̨nɛ̨ wələ too ə həɠə kpɔ lɔi kpɛlai pələ, ə mą kɛ gboloyá da ɉu hɛnŋąą kəlee, gboloyá hɛ̨ąi lɔiɠaa, da di hu nuą.

Azaya 42:12

Nuą di Yai-Laa laa tɛ, di mąątɛ̨nɛ̨ wələɠaa too gboloyá hɛ̨ąi lɔiɠaa hu.

Azaya 42:4

Nwɛi, vįi hvo pai kpɛɛi, di hva ɲee pɛlɛ lɔi ɓa, hvo kɛ li a kiti mɛ̨nį hee gban ɲą lɔi mɛ̨i, ɛlɛɛ, gboloyá hɛ̨ąi lɔiɠaa ɲɛ̨i kaa nwɔ tɔ́n nwooɠaa tɔwɔ.

Azaya 45:14

Yai-Laa woo ka, yɛ diɛ: Eziptə kóló kɛ nuą, da Nubi yɔw kɛ nuą, ɛlɛɛ, Save nuą, a diɛi kpɔ di yee muhəɠɛɛ tii, di kaa pai tɛɛi ə́ pɔɔli, a di yɛli, diɛ lɛɛ a ə́ pɔɔ; di hvilɛnŋąą ə́ pulu, di yiliɛ a yɛli, di kaa pai gwɛli hvilɛn ɉi ə́ lííla, diɛ vɛli wooi ɲɛ̨i ɓo yɛ́, diɛ kɛ yɛ́: «Ə́ pɔɔli lɔ ɓə Yálá kaa laa, dakpɛli hvo pələ takpɛli, yálá takpɛliɠaa di wɛi, kpɛli kpɛli hɛnŋąą ɓaa a diɛ.»

Azaya 49:12

Di kaa pai; di kaa həɠəi kwɛaalaɠaa, daɠaa diɛ həɠə ɲələi pələ, da hvóló tooi pələ, dakpɛliɠaa diɛ həɠə Asuan lɔi hu pələ.

Azaya 66:19

Gaa a tɛ̨ą gaa pai pɔɔkɔɔn da kɛi di lɔwai, hvo pai lɛɛi a yili, yiiɠaai pai kulɔi ɉu, gáá pai daɠaa tɛɛi hįį lɔi takpɛliɠaa lɔwai, Tarsisə, Putə da Ludə diɛ di wɔ kilɛnŋąąi ŋąątɛ, Tubalə, Yavan da gboloyá hu lɔiɠaai kwɛaala, diɛi di hvo mą́ą́ mɛ̨nį bələ mąni, diɛi di hvo ta nwɔ́ mąąwiɛi kaa li; di kaa pai nwɔ́ mąąwiɛi mąą loloɓoi hįįɠaa mɛ̨i,

Ɉeremi 25:25

Zimri tɔɔɓɛlaa kəlee, Elamə tɔɔɓɛlaa kəlee, Medi tɔɔɓɛlaa kəlee,

Ɉeremi 31:10

Lɔiɠaa! 'Ká ka wəli tɔɔ Yai-Laa woo ɓa! 'Ká ɉukulɔ gboloyá pulu lɔiɠaa diɛ, káá diɛ: «Nui Israɛlə lonnii hu taɠa lɔiɠaa lɔwai, gaa pənəi yɛ di ɲąąkpɔn, yɛ di laa honmo, yɛ bələi taatɛlɛɛ mɛ̨i kaa mun a nwɔ taatɛlɛɛɠaa mɛ̨i kaa la.»

Ɉeremi 44:1

Mɛ̨nįi di mo Ɉeremi ɓa, yɛ hvilɛn na Ɉuda lɔi hu nuą kpɔ tii li heei Eziptə lɔi hu; Migdolə, Dafne, Mɛmfisə, da Patrɔsə lɔi hu, ya ka:

Ɉeremi 49:23

Damasə nwɛi ka: Nwumɛ̨ aa Hamatə da Arpadə nuą ɲɛ̨i paa, wɛlɛɛ ɲɔ̨nwɔ̨ɔ̨ aa həli diɛ. Di hu kaa kpɛlin ɉii, yɛ gboloyá. Liihɛlɛn gɛnɛ̨ li, nu hva pɛli heei laa kpɛ-kpɛ.

Izikiɛ 27:6

Di ə́ hiɛ minɛ̨ɠaa kɛ a Basan wulu kpɛa kpɛa, di hə́lə́ ɲįn gəlee lɔ ə́ tɔɔ mɛ̨nį hu, da Kitimə wulu siprə.

Izikiɛ 29:14

Gɛ́ Eziptə nuą tɔɔ pələ mąą hvalin, gɛ́ pənə gɛ́ paa a diɛ ɉɛɠɛɛ pələ lɔɠaa hu, diɛ hee laa, ə ɓo a lɔi pɛliɛ ɉu.

Izikiɛ 30:14

Gáá pai ɉɛɠɛɛ pələ lɔi hu woloi; gɛ́ nwɔ̨n bili Tanisə. Ŋą́ Tɛbɛsə kiti tee.

Izikiɛ 32:24

«Elamə kaa laa, da nwɔ nu kpulu kɛnɛ̨ɛi, di tinɛ̨nŋaa di kámą ɓa diɛi di kəlee daa too a kɔ́ kɔ́ ɓɔwa laa pɔɔ. Di lɛɛ a kɛ́nɛ̨ kpolɔwaɠaa, diɛ yɛɛ nɔi mu pələ; a diɛi tii kɛi ɲɔw too yɛnɛ̨ɛ̨ nuą hui. Di wɔ nwumɛ̨i aa lɛɛ diɛ, da nuą daa yɛɛ la nɔwai.

Izikiɛ 38:8

Ɉu aa kwɛa, mąąnɛ̨ɛ̨ kɛ ku ə́ mąą mɛ̨nį ɲɛ̨i kulɔ; yili kaa pai kɛi tii, gwɛlanŋaa laa a hvɛɛ; lɔi ta hu, da ɉu nuą taɠa, mąąhɔlɔɓo, kɔ́ kɔ́ ɓɔwa a tɛɛ laa. Di həɠə lɔi ta hu, yii kɛ naa hvɛɛ a nu kan, di di ɲąąkpɔn Israɛlə yeeɠaa mɛ̨i; ɲeeɠaai tii daa kɛ lɛɛ a lɔi pun a ɉu kwɛa. Di nuąi tii kulɔ lɔiɠaa lɔwai, di kəlee di kaa pai kɛi liilaa hu.

Danîa 1:2

Ną́mu Yálá ə hvaa mą, Babilonə tɔɔmun, Nabukodonosorə ɲee ə tɛɛ Yoyakimə ɓa, yai kɛ a Ɉuda tɔɔmun. Yili pulu, ɉɛnŋaai ŋɛ̨i kɛ Yálá hee pɛlɛ́ mu, ə bələ tɔ̨nɔ̨ həɠə, ə li a diɛ Sinearə lɔi hu, ə di pu nwɔ haliɠaai yəi bɛlɛ́n, ə ɉɛnŋaai tii pu nwɔ haliɠaai di wɔ hɛn gɔw kɛɛnąą.

Danîa 11:18

Yili pulu, gaa pai ɲɛ̨i tinɛ̨n ɉii ə ɉee ɲa kwɛlɛ taaɠaa diɛ, ə damaa həɠə, ə lɛɛ la ɉu, nwea kɔ́kuláá ta ə pa ə nwɔ huɲąŋą kɛnɛ̨ laa di kulɔ ɲəi, ə vɛla hɔlɔɓo.

Danîa 8:2

Ɉįi tii ŋą́ gaa, ə kɛ yɛ ŋą́ kɛ Elamə lɔi daa lee hu yii da kɛ mą: Susə. Ɉiin tii hu, ə kɛ yɛ ŋą́ kɛ Ulai ɲa lee kwɛlɛ.

Osia 11:10

Di kaa pai hvilɛn ɉii Yai-Laa pulu, gaa pai huluun ɉii yɛ yala, a kɛi pa huluun ɉii, lonŋąą kaa pai həɠəi hvóló tooi pələ, diɛ pa a gilɛ, di mąą yɛ kpɛlin.

Osia 11:11

Di kaa pai həɠəi Eziptə, diɛ pa a gilɛ, di mąą yɛ kpɛlin yɛ nwɛ̨ni lonnii, diɛ həɠə Asiri lɔi hu yɛ tonwənənŋaa, gáá pai di heei di wɔ pɛlɛ́ɠaai mu; Yai-Laa woo li.

Mise 7:12

A mąą yələ tii, nuą kaa pai kɛi pai ə́ pɔ, ə həɠə Asiri, ə həli la Eziptə, ə həɠə Eziptə ə too ɲa kɛnɛ̨ ɓa; ə həɠə gboloyá ɓa ə too dakpɛli ɓa, ə həli la ɲee lɔwai lɔiɠaa diɛ.

Sofoni 2:11

Yai-Laa kaa pai gbɔwɔ lɛi diɛ a vaŋą, ə yɛnɛ̨ɛ̨ haliɠaa kəlee nwun ɲɛɛ. Yɛnɛ̨ɛ̨ lɔiɠaa kəlee, ə mą kɛ, yiiɠaai di kaa kwɛaala, di kaa pai kwɛli hvilɛn ɉii mą, ɓɛɠaai di kaa laa.

Zakari 5:11

Ə nwóó pulu pənə, yɛ mą́ą́: «Di kaa lííla Sinearə lɔi hu, nąą ɓə di kaa lii mąąwiɛ pɛlɛ́ tɔɔi laa. Di kaa lii vilɛn ɉii laa, di gąnąn naa kpan-kpan.»

Zakari 8:7

Yai-Laa Mɛ̨nį Kəlee ŋą Hééɓomun nwoo ka, yɛ diɛ: A tɛ̨ą, gáá pai nwɔ́ nu huwui nwun mąąɓoi, yiiɠaai hvoló ɓɛlai bələ, da yiiɠaai hvóló tooi bələ.

Zakari 9:2

Ə mą kɛ, Hamatə, yai gaa Damasə kwɛlɛ, da Tirə, da Sidɔn, a gilimąą taaɠaai tii.

Lomaŋ 11:15

Yaan, akɛ di mąą tɛi ŋɛ̨i di mo pulu, yili ɓə gɛ Yálá da yɛnɛ̨ɛ̨ nuą di yee yɛ lɔ gee hui, akɛ da pənə da di mąą lɛɠɛ Yálá ɓa, lə ɓə kɛa a kɛ? Yii a kɛ kɛa ya ɓaa: Nuąi kɛ mąąnɛ̨ɛ̨ di haa, da yɛnɛ̨ɛ̨ hɔlɔɓo.

Lomaŋ 11:26

Bələ ɓə Israɛlə lonni kəlee nwun mąą kaa pai ɓoi la, yɛ pələi Yálá laa woo ə mo la yɛ kɛ: «Nwun mąąɓomun kaa pai kulɔi Siɔn daa, ə gɛ, Ɉakɔbə huwu hu nuą yiiɠaai kulɔ nwoo mu laa kɛ, di kulɔ laa.

Korɛntə veelɛ 3:16

Kɛlaa, nui aa gili tínɛ̨n gu Nąmu pɔ pələ, yaa lɔ ɓə gili mɛ̨i aa həɠə.

Dutɛrɔnome 9:29

Ɛlɛɛ yaan, ə́ wɔ nu huwu li, ə́ kwɛlin maa a diɛ; ə di kulɔ Eziptə lɔi hu a ə́ wɔ hvaŋą kɛnɛ̨, da ə́ wɔ yee walawala laa.»