Azaya 11:10 - Yálá laawoo hɛɓɛ (dc)

¹⁰ Mąą yələi tii, Ɉɛse mąąpoo, a kɛ a dɛɛ yələi yɛ, Ɉilɛyili, yɛnɛ̨ɛ̨ nuą kəlee ɲɛ̨i ɓa, lɔi kəlee yɛ mąą gilɛ həɠə, ɓɛi a kɛ laa heeni, nąą laahvɛɛ a nwɔ mąąwiɛ.

Yálá laawoo hɛɓɛ

¹⁰ Mąą yələi tii, Ɉɛse mąąpoo, a kɛ a dɛɛ yələi yɛ, Ɉilɛyili, yɛnɛ̨ɛ̨ nuą kəlee ɲɛ̨i ɓa, lɔi kəlee yɛ mąą gilɛ həɠə, ɓɛi a kɛ laa heeni, nąą laahvɛɛ a nwɔ mąąwiɛ.

Bible

¹⁰ Da pâi kâloŋ da maa sɔlɔ ƃôi Gâloŋ Deeƃé ŋɔsuui su a ɣele tɔ̂nɔ da. A pâi kɛ̂i a ŋɛi-kɛ-maa maa kɛ́tɛ ǹɔii ŋuŋ-ŋai kélee mɛni ma. Ǹɔii ŋuŋ-ŋai kélee su-ƃela da pâi díŋa tɛ̂i m̀a Deeƃé ŋɔtaa-leei su dí ƃaa-kɛ-maa tɛɛ bɔ́.

Azaya 11:10 ပူးပေါင်းရင်းမြစ်များ

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Kɔlɔnikɔ Maa-ŋuŋ 2:12

Boozə lon ma a: Ovɛdə. Ovɛdə lon ma a: Ɉɛse.

Mąątɛ̨nɛ̨ 116:7

Nį́į́ wolo, 'pənə ə́ ə́ hvįįtɔɔ, mąąhɔlɔɓo, Yai-Laa aa mɛ̨inɛ̨ɛ̨ kɛ yɛ́.

Mąątɛ̨nɛ̨ 145:11

Bələi ə́ wɔ Tɔɔlaa mąąwiaai la, diɛ mo, diɛ ə́ wɔ kuláálaa bələ ɓo.

Mąątɛ̨nɛ̨ 149:5

Ɲee pɔnuą di mąną a mąąwiɛ pələ, 'di tómą a kwəinɛ̨ɛ̨ di laa haɠaɠaa mɛ̨i.

Mąątɛ̨nɛ̨ 91:1

Ɓɛi Hɛn Gəlee Mɛ̨imun Yálá a noo laa, nui a hee laa, mąą nu a yíi Huwalawala Kəlee Nąmu hvaŋą mu.

Mąątɛ̨nɛ̨ 91:4

Goon ɉu hvoloonŋąąi ə́ mɛ̨i, yɛ́ ə́ loo laa, vaŋąn mu ɓə yá ə́ mąąkilɛ laa. Nwɔ kulɔwooɓalaa kaa a kuláá-hə́ɠə́, da nu mąąkpɛ kwɛli hɛn.

Azaya 11:1

Ɉɛse nwɔ nwungbəi mąą kaa pai pooi, ɉamu kaa pai kpuwun ɉii.

Azaya 11:12

Gaa pai ɉilɛyili tɛi, ə nɔiɠaai tii kili ɲąpono, yɛ kɛ diɛ: Israɛlə nu huwui luwɔ pələi, gaa pai gəlee ŋąąkpɔn ɉii, Ɉuda nu huwui daɠataɠaa, ə nɛɠɛ gee ɓa, ə di kulɔ yɛnɛ̨ɛ̨ lɔi kəlee hu.

Azaya 14:3

Ɲələi Yai-Laa kaa pai hvitɔɔ yɛnɛ̨ɛ̨ tɛɛi la ə pɔ, ə́ wɔ mɔ̨nɔ̨ɠaai da ə́ wɔ hviikpɛɛɠaai pulu, da nuwɔ laa ɲąąnwąnąąi ə kɛ ɉu, gəlee pulu,

Azaya 2:11

Kpɔwɔɲąą kɛnɛ̨ nuą, mąą a yɛɛ, ɲɛ̨itɛ nuą di kwɛli hvilɛn, a mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 2:2

Gaa pai kɛi a yələ ta, gbukpui ɲɛ̨i Yai-Laa hee pɛlɛ́ kaa mɛ̨i, gaa pai kɛnɛ̨i, ə tɛɛ ɲeeɠaa diɛ, nąąlɔwai, hį́i kəlee kaa pai pai bɔ.

Azaya 2:3

Lɔi tamąą hu nuą kaa pai pai bɔ, di kaa pai kɛi diɛ: «Ka tɛɛ, gwə li Yai-Laa nwɔ yee ɓa, Ɉakɔbə nwɔ Yálá nwɔ pɛ́lɛ́i mu, ə gu kalan a mɛ̨nįi mąąnɛ̨ɛ̨ gu gɛ, kpaalə yii a vaa ɓo, gu tɛɛ la.» A tɛ̨ą, Siɔn daai ɓə Yai-Laa nwɔ tɔ́n nwoo ə həɠə laa, A tɛ̨ą, Ɉerusalɛmə daai ɓə nwoo a həɠə laa, yɛ həli guɔ.

Azaya 28:12

Ə gbɛa mo diɛ, yɛ diɛ: Hviitɔɔ lɔwai aa həli, nui viikpɛɛ, ka nɛɛ laa ə vįitɔɔ, kɛɛnąą ɲąąlaɠiɛ ka.» Kɛlaa di hvo gɛ di hvo di wəli tɔɔ nwoo ɓa.

Azaya 42:4

Nwɛi, vįi hvo pai kpɛɛi, di hva ɲee pɛlɛ lɔi ɓa, hvo kɛ li a kiti mɛ̨nį hee gban ɲą lɔi mɛ̨i, ɛlɛɛ, gboloyá hɛ̨ąi lɔiɠaa ɲɛ̨i kaa nwɔ tɔ́n nwooɠaa tɔwɔ.

Azaya 49:22

Mɛ̨nįi Mɛ̨nį kəlee ŋą Hééɓomun Yálá kaa moi, ya ka: gáá pai ɲee lɛi hįį takpɛliɠaa diɛ, gáá pai huu pilii nuą diɛ, di kaa pai pənəi diɛ ə́ lon ɉinąą hee di yee kɔ̨nwɔ̨n ɉu, diɛ pa a diɛ, diɛ ə́ lon nɛ̨ąą hee di kalan ŋą.

Azaya 59:19

A kɛ tii, da ɲɔw kɛa Yai-Laa Laa ɓa, hvóló tooi pələ, ə lɛɛ diɛ ɲɔw nwɔ mąąwiɛlaa ɓa hvóló ɓɛlai pələ. Mąąhɔlɔɓo, gaa pai pai yɛ ya hvɛɛi, Yai-Laa nɔ̨ɔ̨ yɛ hee mą.

Azaya 60:3

Hįį takpɛliɠaa kaa pai kɛi pai ə́ wɔ kɛɛ pɔ̨nɔ̨i pɔ pələ, tɔɔɓɛlaa diɛ pa, ə́ wɔ hvólói tii aa muhəɠə bɔ pələ.

Azaya 60:5

Yá pa yili nąą kaai, ə́ kaa pai kɛi kwəinɛ̨ɛ̨ hu, ə́ lii yɛ too ə́ kwəi pin, pin, yɛ kɛ ə ɓɛla a kwəinɛ̨ɛ̨. Mąąhɔlɔɓoɔ, di kaa pai pai a gboloyá hu hɛngɔwɠaa kəlee ə́ pɔ pələ, hįį lɔi takpɛliɠaa hu hɛngɔwɠaa diɛ həli yɛ́.

Azaya 62:10

'Ka tɛɛ, 'ka tɛɛ, ka həɠə bɛlɛ́ɠaa laaləi, 'ka həɠə nuą tɛɛ pələ hu. 'Ka pɔlɔ pu bələ mɛ̨i, 'ka pɔlɔ pu laa, 'ka kwɛni pu mɛ̨i, 'ka húú pili nɔi hu nuą diɛ.

Azaya 66:19

Gaa a tɛ̨ą gaa pai pɔɔkɔɔn da kɛi di lɔwai, hvo pai lɛɛi a yili, yiiɠaai pai kulɔi ɉu, gáá pai daɠaa tɛɛi hįį lɔi takpɛliɠaa lɔwai, Tarsisə, Putə da Ludə diɛ di wɔ kilɛnŋąąi ŋąątɛ, Tubalə, Yavan da gboloyá hu lɔiɠaai kwɛaala, diɛi di hvo mą́ą́ mɛ̨nį bələ mąni, diɛi di hvo ta nwɔ́ mąąwiɛi kaa li; di kaa pai nwɔ́ mąąwiɛi mąą loloɓoi hįįɠaa mɛ̨i,

Ɉeremi 6:16

Yai-Laa yɛ diɛ: Ka tɔɔ tai, bələɠaa mɛ̨i, ka ka ɲɛ̨i laa! Ka ka hiɛ pələ pɔlɔ mɛ̨i kaa; ka mąąni kɛ kɛ; kaa diɛ: mįnɛ̨ pələ ɓə nwun na nɛ̨ɛ̨ pələ kaa la! Ɛlɛɛ, ka ɉon na. Ka káá pai hvįįtɔɔ hɔlɔɓoi ka wɔ yɛnɛ̨ɛ̨ hu. Kɛlaa ka káá kɛi diɛ: «Ku hvo ɉon ɉii la!»

Egaa 2:9

Ɲą́ą́ Yai-Laa Mɛ̨nį Kəlee ŋą Hééɓomun ɉéé pɛlɛ́ nįnɛ̨i ŋɛ̨i, nwɔ mąąwiɛ kaa pai kɛnɛ̨i ə tɛɛ la dɔlɔɔ ɓa. Ɲą́ą́ Yai-Laa Mɛ̨nį Kəlee ŋą Hééɓomun, ɲą́ą́ ɓə mįnɛ̨ həɠə kaa, gɛ́ kaa: Gɛɛnąą ŋɛ̨i ɓa ɓə, ka káá pai liilaa hɔlɔɓoi laa.»

Zakari 6:13

A tɛ̨ą, ya ɓə pai Yai-Laa hvɛli pɛlɛ́ tɔɔi, mąąwiɛ kaa pai kɛi mą, gaa pai heei nwɔ tɔɔkpəlin hu, yɛ nuą ɲąąwooɓo. Haláá laa həli mun dakpɛli kaa lɔ pai kɛi heeni yaakpɛli, nwɔ ɲąąwooɓo kpəlin hu, ɛlɛɛ, woo laa mąą kɛnɛ̨ɛ̨ kaa pai kɛi di nu hveelɛi di lɔwai.›

Lonon mo 10:33

Da diɛni di həɠə Yai-Laa nwɔ yeei ɓa, di hvóló haaɓa hiɛ kɛ. Yai-Laa nwɔ mįnɛ̨ kəhii ə kɛ di tɔwɔ diɛ li voló haaɓa hiɛi tii hu, ə gɛ ɓɛi mąąnɛ̨ɛ̨ diɛ daa pu laa, yɛ nąą lɛ diɛ.

Maafîu 12:21

Hį́i lɔiɠaa kəlee da di kilitɔɔ mą.»

Maafîu 8:11

Gáá tɛ̨ą ɓoi kaa, hį́i takpɛliɠaa kaa pai həɠəi hvóló kulɔi da hvóló tooi pələ, da Abrahamə, Isaakə, əlɛɛ, da Ɉakɔbə ni diɛ kɔ̨nɔ̨n mį́į́ gee ɓa Yálá-taa tɔɔlaa hu.

Lukə 2:32

Gaa a kɛɛ pono yii gaa pai ə́ lɛi yɛnɛ̨ɛ̨ hį́i kəlee ɓa, ə kɛ a Israɛlə mąą ɲįnɛ̨n.»

Ɉaan 12:32

Yii ɓaa a nwɛ́i, da pa dɛ́ yələi, gáá pai nu kpulu kəlee yalai bɔ́ pələ.»

Gɛlaɠaa 11:18

Yii kɛa di nwooɠaai ti mɛ̨n, ə di liilaa, diɛ Yálá hɛɠɛɛɓo, diɛ kɛ mą: «Hvó gaai, nuąi di hvo a Ɉuifəɠaa, diɛ kpɛlimąn, Yálá aa di kɔ a di hɔn mąąpənə kili, diɛ yɛnɛ̨ɛ̨ hva kpɛɛ hɔlɔɓo.»

Gɛlaɠaa 28:28

«Ká kili ə pu kani ɉu káá, huwu takpɛliɠaa ɓə Yálá nwɔ ɓalo mɛ̨nįi tii aa tɛɛ di pɔ, diɛn di kaa pai di wəli tɔɔi mą.»

Hebreu 4:1

Yili ɓa tii, ɲɔw ə kɛ kani gu hu, hvo gaai, gu lɔ mɛ̨nį vįitɔɔ tii hu laakwɛlanmoɔi guɔ, ɲɔw ə kɛ kani gu hu, guɔ kɛ, nu ta hvo lɛɛ pulu, nąą mɛ̨nį hu.

Piɛrə dɔlɔɔ 5:10

Mɛ̨inɛ̨ɛ̨ kəlee Nąmu Yálá, yai ká təli Kristə hu a ŋą mąąwiɛlaai hva kpɛɛ mą, yaa ɓə pai ká heei kulɔi, ká kpɛɛ a mɔ̨nɔ̨ tawolo mįɛ, a ká huwalawala, ə ká hvaŋą kɛnɛ̨, ə ká tɔɔ gbilin, túmo hva kɛ káá.

M̀ɛni-lɛɛi 22:16

«Ɲą́ą́ Jesus, ŋą́ nwɔ́ malakai tɔɔ, ə gɛ, ə pa a gɛla hvaa tii ɓo, yɛ hvilɛn na gbɔnŋaa kəlee diɛ. Ɲą́ą́ ɓə a Davidə huwu mąąpoo, a yələɓoi pɛmɛ̨lɛ̨n-gɔw.»

M̀ɛni-lɛɛi 5:5

Kɛlaa, galanɉonŋaai tii tɔ̨nɔ̨ yɛ mą́ą́: «'Hvó wɔlɔ! Ə́ ɲɛ̨i hee tai, Ɉuda nu huwu ŋą yala hilɛ, yai aa yeetɛɛmąąlaa kɛ, yai a Davidə mąąpoo, ya ɓə a pɛli gɔlɔn ɉɛn mɛ̨ihveelɛi tii kulɔi ɉɛɓɛ́i ɓa, ɛlɛɛ, ə naaɓo.»