Azaya 10:26 - Yálá laawoo hɛɓɛ (dc)

²⁶ Yai-Laa Mɛ̨nį Kəlee ŋą Hééɓomun kaa pai nwɔ hvaɠai pilii ɲee mɛ̨i, yɛ Asiri kɛlɛ la, yɛ bələi ə Madian kɛlɛ la Orɛvə kwɛnii ɓa, yɛ nwɔ tunwɔ̨n ɉaŋą gboloyá mɛ̨i, yɛ bələi ə gɛ la Eziptə lɔi hu.

Yálá laawoo hɛɓɛ

²⁶ Yai-Laa Mɛ̨nį Kəlee ŋą Hééɓomun kaa pai nwɔ hvaɠai pilii ɲee mɛ̨i, yɛ Asiri kɛlɛ la, yɛ bələi ə Madian kɛlɛ la Orɛvə kwɛnii ɓa, yɛ nwɔ tunwɔ̨n ɉaŋą gboloyá mɛ̨i, yɛ bələi ə gɛ la Eziptə lɔi hu.

Bible

²⁶ Ńyãa, Ŋ̀wála-wâla kélee Yâwɛɛ ŋa pâi dílôkwai yɛ̂ɛ berei ŋá gɛ̀ la a Mediaŋ-ŋai Ore kɔnii mai. Ŋa pâi Asiria kula maa kɛ̂i yɛ̂ɛ berei ŋá Ize kula maa kɛ̂ lai.

Azaya 10:26 ပူးပေါင်းရင်းမြစ်များ

Tɔɔɓɛlaa veelɛ 19:35

Gbinii tii hu, Yai-Laa nwɔ malaka ta ə pa, ə Asiri nuą nu waa nwun dɔ̨nɔ̨ ɲee mɛ̨ihaaɓa kɔ́w lɔɔli paa di lɔwai. Yələ ɓɔɔ, nuą di di muhəɠə, nu powaɠaa lɔ ɓə kɛ gɔ́ ɓuwuɠaa mu.

Mąątɛ̨nɛ̨ 35:23

'Ə́ ɲįnąąɓo, 'ə́ muhəɠə, 'nwɔ́ tɛ̨ą mąąkɔ̨nwɔ̨, 'ə́ nwɔ́ tələnmolaa too pɔ̨nɔ̨ ɲą yɛ́i a nwɔ́ Yálá, da Ną́mu!

Mąątɛ̨nɛ̨ 83:11

Di di ɲąąyíi Ein-Dɔrə; di wɔlɔ di mąąpənə a túlún bɔlɔ.

Lɛɛ gbɔwɔ ɓa 14:16

Ə́ wɛi, ə́ wɔ tunwɔ̨n tɛ yələi, ə́ gboloyá kɛlɛ la, pələ ə laa ɉu, nuą di tɛɛ la a di kɔ́wɔ mąą kpalaa.

Azaya 10:24

Yili mąą mɛ̨nį ɓa, mɛ̨nįi Nąmu Yai-Laa Mɛ̨nį Kəlee ŋą Hééɓomun kaa moi, ya ka, yɛ diɛ: Kaai a nwɔ́ nu huwui, ka heɛ Siɔn, 'ka hvo ɲɔw Asiri ɓa, yai ka kɛlɛi a gbɔn; yɛ nwɔ tunwɔ̨n pili ɲee mɛ̨i, yɛ bələi Eziptə ə kɛi gɛ la.

Azaya 11:16

Yálá nwɔ nuąi da lɛɛ a di hvulú Asiri lɔi hu, da pələ hɔlɔɓo di pa, yɛ bələi wɔlɔ Israɛlə nuą di pələ hɔlɔɓo la, diɛ həɠə Eziptə.

Azaya 30:30

Yai-Laa woo kaa pai kɛi tɔɔi a mąą ɲɔwuɔ, diɛ ɲee pili pələ kaa, nwɔ liiholi kɛnɛ̨ɛi hu, ə ɓo yɛ nwɔ̨n gɛnɛ̨ a kɛi kɛɛ kələn, yɛ hvaŋą tulɔ kɛnɛ̨ a kɛi pu, hanwon yɛ pu mu.

Azaya 30:31

Asiri kaa pai ɲɔwi Yai-Laa woo ɓa, yai pai kɛi gɛlɛi a gbɔn.

Azaya 30:32

Yai-Laa nwɔ gbɔn pili pələ mą tɛi tɛi, damąn nwoo, da gwɛnįn nwoo da tɔɔ, ɛlɛɛ, Yai-Laa kaa pai kɛi heei ɉu, yɛ ɲee kpɛŋɛ̨n mɛ̨i.

Azaya 9:3

Mąąhɔlɔɓo, nuwɔ laai di kɛ ɉu, gbɔn kɛ di mɔ̨nɔ̨ɓomun ɲəi, yɛ di kɛlɛ la di pulu, Yáá yiliɠaai kəlee hu yali, yɛ bələi wɔlɔ Ə́ gɛ la a Madian nuą.

Azaya 9:4

Hvó gaai, gɔlɔ kpɛa-kpɛai kɛ di kɔ́wɔ ŋą, diɛ nɔi tín gulɔ la, ɉəɠəi kɛ di kwaną gbɔluɔ a ɲąmą, yiliɠaai kəlee kaa pai kələn ɉii, di kɛ a nwɔ̨n gɔ̨nɔ̨n.

M̀ɛni-lɛɛi 11:18

Hįi lɔiɠaa daa di kpɔwɔ liikələn di kwəi, kɛlaa, ə́ wɔ liiɲąnwąną aa too pono ɲą. Haa nuą kiti tee yələ ka, yɛ́ tínuąi a ə́ kwəi mɛ̨nį hukulɔ nuą, di hvɛla kulɔ yələ ka, ə pɛlɛ la nu mąąhəɠɛɛɠaa diɛ da nuąi da ɲɔw ə́ laa ɓa, bɛlɛɛɠaa da mąn gbɛa-kpɛaa mąn, a nuąi daa yɛnɛ̨ɛ̨ kala, di kala yələ.»

M̀ɛni-lɛɛi 19:15

Liikpakpa ɲąąliɛɛ yɛ kulɔ na, hįi lɔiɠaa kɛlɛ mɛ̨nį ɓa. Yɛ di tənən dɔɔ a kwɛli hvaɠa, gaa pai Huwalawala Kəlee Nąmu ŋą lííholi lɔɔi nɛn ɉii gɔwɔ hu, tan ɉii a gɔwɔ.

Nwun mąąɓo 7:25

Di Madian ɲɛ̨i tɔwɔ nuą hveelɛi, Orɛvə da Ɉeɛvə di hon, di Orɛvə paa Orɛvə van ŋą, di Ɉeɛvə paa Ɉeɛvə viɲə yá kulɔi. Yili pulu, di hvilɛn Madian nuą pulu, diɛ di kpɛ. Nu hveelɛi tii di di paa, di pa a di nwungalən Zedeɔn pɔ jurdain yá pulu pələ.