Azaya 10:17 - Yálá laawoo hɛɓɛ (dc)

¹⁷ Israɛlə nwɔ kɛɛ pɔ̨nɔ̨i kaa pai kɛi yɛ nwɔ̨n, nwɔ Yálá mąąhəɠɛɛi ə ɓo yɛ nwɔ̨n nən, yɛ nwɔ kpomóɠaai da nwɔ ɲąąlənŋaai kələn, yɛ di kpɛɛ a hvóló tɔ̨nɔ̨.

Yálá laawoo hɛɓɛ

¹⁷ Israɛlə nwɔ kɛɛ pɔ̨nɔ̨i kaa pai kɛi yɛ nwɔ̨n, nwɔ Yálá mąąhəɠɛɛi ə ɓo yɛ nwɔ̨n nən, yɛ nwɔ kpomóɠaai da nwɔ ɲąąlənŋaai kələn, yɛ di kpɛɛ a hvóló tɔ̨nɔ̨.

Bible

¹⁷ Ɣâla nyii gáa a Eezuɛ ŋɔkwaa ponoɔɔi, a pâi kɛ̂i a ŋɔŋ, Ŋɔɣâla Maa Waai kɛ́ ƃò a ŋɔŋ lêŋ. A pâi sɛŋ kélee kérenîi fólo tɔnɔ yée mu, tânaŋ da ɣalêŋ-kpɔlɔ kélee.

Azaya 10:17 ပူးပေါင်းရင်းမြစ်များ

Mąątɛ̨nɛ̨ 18:8

Nąąlɔwai, lɔi hu ə pu mą, ə kpɛlin, yeeɠaa kɔ́wɔ hvilɛn ɉiiɠaa di kpɛlin, di hu ə pu diɛ, ɓɛlɔwai ə níi ɲąnwąną la.

Mąątɛ̨nɛ̨ 21:9

Ə́ yee kaa pai tɛɛi ə́ yowoɠaa kəlee diɛ, nuąi da tɔɔ ə́ la, ə́ ɓa-mįi-yee a gəlee hon.

Mąątɛ̨nɛ̨ 27:1

Davidə nwɔ wələ woo. Yai-Laa ɓə a nwɔ́ kɛɛ pɔ̨nɔ̨, da málomun. Gbɛɛ ɓə ŋą́ pɛli ɲɔwi mą? Yai-Laa ɓə a mą́ą́ kɔ̨nwɔ̨ hį́i. Gbɛɛ ɓə mą́ą́ a kpɛlin ɲɛ̨i ɓa?

Mąątɛ̨nɛ̨ 50:3

Ku wɔ Yálái ə pa wɛ! Hvo kɛa naapilɛ! Nwɔ̨n gaa ɲɛ̨itɔwɔ, yɛ kɛɛ kələn; tulɔ hvaŋą kɛnɛ̨ ə ɓo gwɛlɛ nąą kəlee.

Mąątɛ̨nɛ̨ 84:11

Hvo gaai, yíikuu tanɔ̨n gbən gɛɛ Ə́ yəi bɛlɛ́n, viɛlaɓoɔi kwɛlan nwaa tɔ̨nɔ̨ ɓa, yili mąą mɛ̨nį ɓa, yii ŋą́ ɉəɠə ɉu a níiɓa, ya ɓaa, viɛlaɓoɔi ŋą́ gɛ nwɔ́ Yálái yəi bɛlɛ́ hvaŋąn mu, ə tɛɛ, nu kɛɛ, nuąi da di woo kala, di yəi bɛlɛ́n ma.

Mąątɛ̨nɛ̨ 97:3

Nwɔ̨n gaa hiɛi dɔwɔ, yɛ ɲowoɠaa kələn gwɛlɛ nąą kəlee.

Azaya 26:11

Yai-Laa, Yáá ə́ yee muhəɠə di hvo gaai, Kɛlaa, ə́ wɔ lɔi mąą liihɛlɛn tii Yɛ́, di kaa pai gaai, di ɲɛ̨i yɛ paa; nwɔ̨n tii ɉeɛ Ə́ yowoɠaa tɔwɔ, diɛ kələn ɉu.

Azaya 27:4

Níi hvo kɛa holi li; ŋą́ ɲąąlən gaa laa, da kala kpili, ŋą́ą́ mą yili diɛ a kɔ́, gɛ́ gəlee kələn.

Azaya 27:7

Ə di kɛlɛ mɔ̨ɔ̨ yɛ bələi ə di kɛlɛ-nuą kɛlɛ lai? Ə di paa mɔ̨ɔ̨ yɛ bələi ə di paa nuą paa lai?

Azaya 30:33

Gbaɠa-nwɔ̨n a kɛ a dɔɔ nąą tɔwɔ, a kɛ lɔ nwɔ̨nɔ̨ a bɛliɛ tɔɔmun mąą mɛ̨nį ɓa. Gwɛi a kɛ a diąą gee mɛ̨i kpɔ kɛnɛ̨, kɛɛnąą kɛnɛ̨ ta ɓa, nwɔ̨n ɉee mɛ̨nį ɓa. Yai-Laa nɔ̨ɔ̨ ɓə pai nwɔ̨n dooi ɉu, yɛ gbąnąą hunwɔ̨.

Azaya 31:1

Nuąi yɛɛi Eziptə, kpalo ɓɛlaai diɛ, di kaa lii kpɔn mąą kwɛlii laa, di kaa di kilitɔɔi hooɠaa diɛ; diɛ di kili lɛɛ kɔ́ kɔ́ wotoloɠaa diɛ, mąąhɔlɔɓo, di kpulu kɛnɛ̨ɛ̨i. Diɛ di kilitɔɔ ɉoo gilɛ həɠə nuą diɛ, mąąhɔlɔɓo, di tamąąi. Kɛlaa, di kili lɔpee ta hvo tɔɔ li Israɛlə nwɔ mąąhəɠə mun ɓa, di hvo Yai-Laa kwɛlii.

Azaya 31:9

Nwɔ kwɛni kpuwului kaa pai pui a ɲɔw, da kɛi nwɔ kɔ́ nwun nąmįnąąi təli, diɛ mun diɛ pu a gilɛ. Yai-Laa woo li, yai nwɔ nwɔ̨n kaa Siɔn, ɛlɛɛ nwɔ kpaɠa nwɔ̨n ə ɓo Ɉerusalɛmə daai.

Azaya 33:12

Nɔi nuą kaa pai kɛi kələn ɉii yɛ kpolo kɔ́w, di kaa pai kɛi yɛ, ɲąąlənŋaai da dee, nwɔ̨n ɲɛ gələn.

Azaya 33:14

Nɛ̨ŋɛ̨n ɉəɠə nuą kwəi aa pili diɛ Siɔn daai, mɛ̨nį ɲɔ̨n gɛ nuą mąą kaa kpɛlin ɉii, ku nɛlɛ ɓə pai lɛɛi tɔɔni gɛɛ kala nwɔ̨n ŋɛ̨i kwɛlɛ? Ku nɛlɛ ɓə pai lɛɛi tɔɔni? Gaa a kpaɠa nwɔ̨n hva liin.

Azaya 37:23

Gbɛɛ ɓə tii ə́ nalan yɛ mɛlɛ kpɛɛ mąi? Gbɛɛ ɓə tii ə́ kɛi ə́ woo həɠə mąi? Ɛlɛɛ, yɛ́ ɲɛ̨itɛ kulɔ lai? Israɛlə nwɔ Mąąhəɠəmun ɓə.

Azaya 37:36

Yai-Laa nwɔ malaka ə pa Asiri nuą di wɔ kɔlaɠai hu, ə nu waa nwundɔ̨nɔ̨ yeemɛ́ihaaɓa kɔ́w lɔɔli paa. Yələ wala pɔ, nuą nwun ɉii lɔwai, gəlee di kɛ a di pɔwa.

Azaya 47:14

Di kaa pai kɛi yɛ dɛ̨ɛ̨ kpoloon, nwɔ̨n gaa pai di kələn ɉii, di hvo pai pɛlii kulɔi nwɔ̨n nən ɲəi, hvo pai kɛi a nu kɔ́lɔ ɓo nwɔ̨n dəŋą, yɛ nwɔ̨n goloi lən ɉii, nu yɛ hee mą.

Azaya 60:19

Yələ a ɓɔ, hvóló hvo kɛa pai kɛi a ə́ wɔ kɛɛ pɔ̨nɔ̨, kpinį a pɛlɛ, ɲąnin və kɛa pai kɛi lən ɉi ə́ mɛ̨i. Kɛlaa, Yai-Laa ɓə pai kɛi a ə́ wɔ kɛɛ pɔ̨nɔ̨, a yələ kəlee mɛ̨nį, ə wɔ Yálái ɓə pai kɛi a ə wɔ lɛlɛ.

Azaya 66:24

Nuąi daa di kwɛli tee ɲə́i, di powa kaa pai kɛi puuni, nuą da kulɔ, diɛ di kaa. Di mįi kóló hvo pai haai, di kələn nwɔ̨n va luwun di kaa pai kɛi a nu huwu kəlee mąą ɲɔw hɛn.

Azaya 9:18

Yai-Laa Mɛ̨nį Kəlee ŋą Hééɓomun nwɔ liiŋąnwąną kɛnɛ̨ pələ, nɔi aa kulɔ bihɛi nwɔ nuąi daa kɛ a nwɔ̨n gɔ̨nɔ̨n, nu ta hva mɛlan gulɔ ɉu.

Ɉeremi 4:4

Ka kɛ a Yai-Laa nwɔ kɛ́nɛ̨lɛa, kaai ɓaa Ɉuda lɔi hu nuą da Ɉerusalɛmə daai nuą, ka wala gɛ tii, nwɔ́ liiholi kaa pai ɓɛlai yɛ nwɔ̨n. Gaa pai kɛɛ kələn ɉii, nu ta hva pɛli nuwun ɉii. Ka kɛ mɛ̨nįɠaa ɲɔ̨nwɔ pələ ɓa.

Ɉeremi 7:20

Yili ɓə gaa mą, Yai-Laa yɛ diɛ: Nwɔ́ liiholi, nwɔ́ liikələn gwəi, kaa pai ɓɛlai daa ŋɛ́i mɛ̨i, da ɉu nu kanŋaa, ə mą kɛ, ɉu taatɛlɛɛɠaa, ɛlɛɛ, di wɔ yɛa kɔ́ɔɠaa hu, a ɓɛla ɉiwuluɠaa mɛ̨i da di ɓaɠaa. A kɛ a nwɔ̨n yii hva luwun.

Nahumə 1:10

Mąąhɔlɔɓo, di kaa yɛ ɲąąlən gbɔlɔ pilɛɛ geehu, diɛ di kpələ, nɔɔ yɛ di hon, di kaa pai kələn ɉii kpɔ tɛ̨ɛ̨ tɛ̨ɛ̨ yɛ mɔ̨nun gbowo.

Sofoni 1:18

Di wɔ waliɠaa, da di wɔ hɛniɠaai, di hvo pai di nwun mąąɓoi, Yai-Laa nwɔ liiɲąnwąną hvólói yəi, a nwɔ tolo nwɔ̨n ɉee hvóló, Gaa pai lɔi nąą kəlee kələn ɉii, hvó gaai, gaa pai lɔi mɛ̨i hɛnŋąą kəlee nwun napilii, vólói tii, gaa a hvóló mąąɲɔwuɔ.

Zakari 12:6

Mąą yələi tii, ŋą́ Ɉuda ɲąąwooɓo nuą kɛ yɛ, da nwɔ̨n gɛnɛ̨ hee kpaɠa hu. Yɛ da kpalan dɔɔ, di nɔ dɛ̨ɛ̨ hu. Di kaa pai lɔiɠaa hukalai, di ɓa-mįi-yee hu pələ, da kɔ́ɓɛyee hu pələ, di kwɛlɛ kəlee ɓa. Kɛlaa, Ɉerusalɛmə a lɛɛ tɔɔni dɔɔi.

Lonon mo 16:35

Nwɔ̨n ə kulɔ Yai-Laa pɔ, nu nwun veelɛi ɲee lɔɔli tii kɛi lansan laa həli Yai-Laa ɓa, ə gəlee kələn.

Maafîu 3:12

Nwɔ laɠai kaa ɲəi, yɛ pa nwɔ mɔ̨nun mąąhvɛɛila. Ə mɔ̨nun gɔw pu ɲəi gələi, ə gala kpɔn gee ɓa, nwɔ̨n ɲii hva liin ə doo ɉu.»

Dutɛrɔnome 4:24

Mąąhɔlɔɓo, Yai-Laa ka wɔ Yálái kaa a nwɔ̨n yɛ kɛɛ kələn, gaa a Yálá tolɔɔ.

Hebreu 12:29

Gbala ə tɔɔ, gu wɔɔ Yálái kaa a nwɔ̨n a kɛɛ kələn.

M̀ɛni-lɛɛi 21:23

Daa-lee tii mąą kpaan və kɛ hvóló ɓa, ə mą kɛ, ɲąnįn, ɉu pono mɛ̨nį ɓa, gbala ə tɔɔ, Yálá ŋą mąąwiɛlaa ə kɛli ɉu pono, ɛlɛɛ, ŋą kpalan nən maa a Mɛlaa Lon.

M̀ɛni-lɛɛi 22:5

Kpinį hva kɛa pɛlɛ laa, di mąą kpaan və pai kɛi laa kpalan nən ma, ə mą kɛ, hvóló lən, mąąhɔlɔɓo, gu Nąmu Yálá kaa pai di mɛ̨i ponoi a ŋą kɛɛponoi, ɛlɛɛ, di kaa pai tɔɔlaa kɛi, ɲɛ̨n deei hvo mą.