Azaya 10:13 - Yálá laawoo hɛɓɛ (dc)

¹³ «Mąąhɔlɔɓo, gaa moi gwəi pələ, yɛ kɛ: ‹Ɲéé nwɔ huwalawala ɓə gɛ, gɛ́ mɛ̨nįi ŋɛ̨i kɛ, da nwɔ́ kili kɛ ɲəi laa, mąąhɔlɔɓo, nwún gaa ɉu; ŋą́ą́ nuą di wɔ lɔiɠaai ɲɛn mɛ̨nį pili ɉu, ŋą́ą́ di kwɛlin gulɔ di yəi, ŋą́ą́ tɔɔɓɛlaa kulɔ di wɔ tɔɔ kpəlinŋaa hu.

Yálá laawoo hɛɓɛ

¹³ «Mąąhɔlɔɓo, gaa moi gwəi pələ, yɛ kɛ: ‹Ɲéé nwɔ huwalawala ɓə gɛ, gɛ́ mɛ̨nįi ŋɛ̨i kɛ, da nwɔ́ kili kɛ ɲəi laa, mąąhɔlɔɓo, nwún gaa ɉu; ŋą́ą́ nuą di wɔ lɔiɠaai ɲɛn mɛ̨nį pili ɉu, ŋą́ą́ di kwɛlin gulɔ di yəi, ŋą́ą́ tɔɔɓɛlaa kulɔ di wɔ tɔɔ kpəlinŋaa hu.

Bible

¹³ Kpɛ́ni fêi, a yoŋka têei ǹyɛɛi, “Ńyãa ƃe gɛ̀ a ŋáwala-walai. Ŋ́gbonôi kpanaŋɔɔ̂i, ńdareɛɛ, ŋ́gili ŋá ponoɔɔ. Ŋá gòyaŋ-pere-ŋai kûla ǹâai ǹɔii-ŋûŋ-ŋai su ŋa ǹaa-ƃela kɔ̃lîŋ kula díyêei. Diai seê-ni kâloŋ-see sãa ŋái ŋa ƃɔ̀rɔŋ dîa yɛ̂ɛ berei niŋa a sɛŋ tâŋ-taŋ lai.

Azaya 10:13 ပူးပေါင်းရင်းမြစ်များ

Tɔɔɓɛlaa veelɛ 15:29

Israɛlə tɔɔmun Peka nwɔ lɔwai hu, Asiri tɔɔmun Tiglatə-Pilesɛrə ə pa Iyɔn, Avɛlə-Bɛtə-Maaka, Yanoa, Kɛdɛsə, Hasɔrə, Galaadə, Galile lɔi, da Nɛftali lɔi nąą kəlee, ə nuą hon ə li a diɛ Asiri.

Tɔɔɓɛlaa veelɛ 16:8

Ɉɛni da nwalii kɛ Yai-Laa yəi bɛlɛ́n, yii kɛ dɔɔ pɛlɛ́ mu, Akazə ə ɉəɠə, ə dɛɛ Asiri tɔɔmun bɔ a ɉamą.

Tɔɔɓɛlaa veelɛ 17:24

Asiri tɔɔmun ə nuą həɠə Babilonə, Kutə, Awa, Hamatə, ɛlɛɛ, Sefarwaimə, ə di hee Samari taaɠaa hu a Israɛlə lonnii mąąhvalin. Samari ə kɛ kɛa a di wɔ lɔi, di hee nąą taaɠaa hu.

Tɔɔɓɛlaa veelɛ 17:6

Ose nwɔ tɔɔlaa gwɛlan mɛ̨inąąn nɔwai, Asiri tɔɔmun ə Samari hon a kɔ́, ə Israɛlə nuą damąą həɠə, ə li a diɛ Asiri lɔi hu, ə di hee Hala da Habɔrə ya kwɛlɛ, yai kɛ a Gozan nwɔ ya lee kɛnɛ̨, ə daɠaa hee Medi taa kpɛa kpɛaa hu.

Tɔɔɓɛlaa veelɛ 18:11

Asiri tɔɔmun ə li a Israɛlə nuą Asiri lɔi hu. Ə li a diɛ Hala, ə mą kɛ Habɔrə, Gozan ya kwɛlɛ, ɛlɛɛ da Medi taaɠaa hu.

Tɔɔɓɛlaa veelɛ 18:15

Walii kpɔ kɛ Yai-Laa yəi bɛlɛ́n, da nwalii kpɔ kɛ tɔɔmun ɲəi gəhii, Ezekiasə ə gəlee həɠə ə dɛɛ.

Tɔɔɓɛlaa veelɛ 18:32

Ə lɛɛ la ɉu, ŋą́ búlu pənə, gɛ́ pa ka həɠəi, gɛ́ li a kaa lɔi takpɛli hu, yii gaa yɛ ka wɔ lɔi, ɓɛi mɔ̨nun da lɔɔ nįnɛ̨ di kaa laa. Nɔi kɔ̨nɔ̨n da lɔɔ di kaa laa, nɔi olivə wulɔ nįnɛ̨ a hɔlɔɓo ɉu, da kwɛin nwulɔ; ka pa kɛ laa, ka ka wɔ yɛnɛ̨ɛ̨ kɛ, ka hva haa. Ka hvo ka wəli tɔɔ Ezekiasə woo ɓa. Gaa ka ɓowoi, yɛ kɛ kaa: Yai-Laa kaa pai gu kulɔi mɛ̨nįi ŋɛ̨i hu.

Kɔlɔnikɔ Maa-ŋuŋ 5:26

Yili ɓə gɛ, Yálá ə Asiri tɔɔɓɛlaai nuąi kɛ a Pulə da Tilgatə-Pilnesɛrə lii muhəɠə Rubɛn huwu, Gadə huwu da Manase huwu bələ tɔ̨nɔ̨ diɛ, di di hon a luwɔɠaa, di li a diɛ, Hala, Habɔrə, Hara da ɲalee ŋɛ̨i kɛ Gozan gwɛlɛ; háá ɓa háá di kaa laa.

Hanwon 28:11

Hɛn gɔw nąmu, a gbɔwɔ kaa lɔ a kilimąą mun. Kɛlaa, yeehvowolomun yii kili kaa mą, a ɉɛn gɔw nąmui tii pulu kulɔi.

Azaya 10:8

Hvo gaai, gaa kɛi diɛ; «Ŋą́ kɔ́ kuláaɠaai di hvo mɔ̨ɔ̨ ɓɔ́ a tɔɔɓɛlaa?

Azaya 5:21

Kpalo ɓɛlaai diɛ, da di kpɔwɔ kaa a kilimąą nuą, diɛ di kpɔwɔ kaa di kwəi pələ, a mɛ̨nį kɔ́lɔn nuą.

Ɉeremi 46:8

Eziptə ɓə gaa yɛ Nilə yá, yɛ hvɛɛ, yɛ tɛɛ yákpɛa kpɛa diɛ, ɲaɠaa diɛ huluun. Eziptə ə kɛi kɛ diɛ: «Gáá hvɛɛi, ŋą́ laa lɔi mɛ̨i, ŋą́ taaɠaa hukala, da di hu nuą.

Ɉeremi 48:14

Ka tɔɔ pələ kɛi ləi, kaa kɛ diɛ: «Kɔkulaa gbəliɠaa ɓaa kuɔ? Kɔ kɔ́ nuą kpɔ-kpɔ ɓaa kuɔ?»

Izikiɛ 25:3

'Kɛ Amɔn lonnii diɛ; 'ka ka wəli tɔɔ Mɛ̨nį kəlee ŋą Hééɓomun Yálá woo ɓa; Mɛ̨nį kəlee ŋą Hééɓomun Yálá yɛ: Ə́ ə́ laa pu mą́ą́wiɛ lɔi hu, ɓɛlɔwai di mɛlɛ too la, a Israɛlə nwɔ lɔi di ɉu wolo, a Ɉuda nwɔ pɛlɛ́i, daa li a bələ tɔ̨nɔ̨ luwɔlaa hui.

Izikiɛ 26:2

Hulɔnu lon! Tirə ə mɛ̨nį ta ɓo a Ɉerusalɛmə laa, yɛ kɛ diɛ: «Hiiyoo, daa lɔiɠaa di wɔ kpon wolo!» Bílɛ yələ aa həli; daa nɛɛ a lɔi pun.

Izikiɛ 29:3

'Mo, yɛ́ mą: Mɛ̨nį kəlee ŋą Hééɓomun Yálá woo ka, yɛ: Faraɔn Eziptə tɔɔmun, aa lɛɛ gwa yɛ́ gu lɔwai, yɛ́i a mąąɲɔw hɛn gwiɛ kwiɛ; ə́ ɓo pɛlɛni Nilə yaɠaa lɔwai; yɛ́ ɓə ya kɛ diɛ: ‹Nwɔ́ɔ́ ɓaa a Nilə ya! Ɛlɛɛ, ɲą́ą́ gbinįlee ɓə gbɔwɔ pɛli!›

Izikiɛ 35:13

Ka kɛi mą́ą́ mɛ̨nį ɓo a ɲɛ̨i tɛ, kaa pələɠaa ɓo a náá, a kpɔwɔ ɲąą kɛnɛ̨; kɛlaa, ŋą́ gəlee mɛ̨n.

Danîa 4:27

Nąąlɔwai, ə mo yɛ diɛ: «Babilonə taa kɛnɛ̨i kaa ləi, ɲą́ą́ ɓə dɔɔ, ɲá gɛ a nwɔ́ kɛnɛ̨ laa mąąwiɛ.»

Danîa 4:30

Nąąlɔwai tii hu kpɔlɔ, nwoo tii laa ə hvɛɛ Nabukodonosorə ɓa. Yálá ə gulɔ nuą lɔwai, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, nwun nəɠa ə kwɛa yɛ kuwɔ ləɠa, gɔwɔ ɲąnįnŋaa di kɛ yɛ nwɛ̨nį nwɛi.

Amɔsə 5:27

Yili mąą mɛ̨nį ɓa, gáá pai ka kulɔi ɓɛ, ŋį́ ka tɛɛ Damasə lɔi pulu pələ. Yai-Laa yii gaa a Mɛ̨nį Kəlee ŋą Hééɓomun Yálá, nwoo li.

Amɔsə 6:13

Lə mɛ̨nį ɓa, ka káá ka kwəinɛ̨ɛ̨i kpɛli-kpɛli mɛ̨nį hu? Kaa kɛ mą: «Kɛlɛi, ku wɔ huwalawala ɓə ku yee ə tɛɛ la Karnaimə ɓa a hvaŋą?»

Habakukə 1:11

Di wɔ kiliŋąhiɛ mąą a hvalən. Diɛ li pələ takpɛli a kɛɛ kalaa. Di hvaŋą ɓə ɓaa a di wɔ Yálá.

Habakukə 1:16

Da kɛ haláá kulɔi di wɔ ya tuluun dumɔ̨ɠaai diɛ, diɛ lansan kələn diɛ. Mąąhɔlɔɓo, ɲa tuluun dumɔ̨ɠaa tii haalai ɓə da kɔ̨nɔ̨n ɉɔlɔɓo la, a kɔ̨nɔ̨n gɛnɛ̨, nɛ̨ɛ̨.

Habakukə 2:6

Nɔiɠaa tii da di hon diɛ ɓo di yee mu, di kaa pai yɛlɛ kulɔ ɉu wooɠaa ɓoi di laa mɛ̨i. Nɔiɠaa tii kaa pai kɛi mą: Kpalo ɓɛlaai kaa kaai nu takpɛliɠaa yəi hɛn gɔw nwuɔ̨i kaa dɛ gee ɓa kaa di yəi hɛnŋąą həɠə a tolaa. Ka káá pai lɛɛi yili kɛi tii, ə lɛɛ ɉu, mįnɛ̨ lɔwai?

Dutɛrɔnome 8:17

Ka hvə tɔɔ kaa kɛ diɛ: «Ku wɔ huwalawalalaa ɓə gɛ kuɔ ɉɛn gɔw ŋɛ̨i hɔlɔɓo.»

Nwun mąąɓo 7:2

Yai-Laa yɛ Zedeɔn ɓa: «Nu kpului ŋɛ̨i ə pɔ, gɛnɛ̨i, vá pɛli gɔ́ wiɛi Madian nuą mɛ̨i di yee hu, ə gɛ, Israɛlə lonnii di hvo pa di huɲąŋą kɛnɛ̨, diɛ kɛ diɛ: Di wɔ kuláálaa ɓə di yeetɛɛmąą kɛ la. Mąąwiɛi mąąnɛ̨ɛ̨ ə tɛɛ bɔ́, di hvo pa gɛ a di wɔɔ.