Azaya 1:9 - Yálá laawoo hɛɓɛ (dc)

⁹ Akɛ kɛ, Yai-Laa Mɛ̨nį Kəlee ŋą Hééɓomun, hvo ku kpəli wolo lɛɛ kɛ, yɛ kwəli kɛ yɛ, Sodomə, ku mąą mɛ̨nį ə kɛ yɛ Gomorə.

Yálá laawoo hɛɓɛ

⁹ Akɛ kɛ, Yai-Laa Mɛ̨nį Kəlee ŋą Hééɓomun, hvo ku kpəli wolo lɛɛ kɛ, yɛ kwəli kɛ yɛ, Sodomə, ku mąą mɛ̨nį ə kɛ yɛ Gomorə.

Bible

⁹ Ŋ̀wála-wâla kélee Ɣalai Yâwɛɛ è ǹúui da-ŋa ŋuŋ ma ƃò naa. Eêi wàla kɛ́ tí, dîi Zerusâlɛŋ taa-leei su kàra nɔ́ yɛ̂ɛ berei dí gɛ̀ la a Sodɔŋ da Gomora taa-lee-ŋai su-ƃelai.

Azaya 1:9 ပူးပေါင်းရင်းမြစ်များ

Zɛnɛse 18:26

Yai-Laa ə Abrahamə woo ŋąąpənə, yɛ mą: «Ŋą́ nu haŋąą pow lɔɔli kaa Sodomə daai, ŋą́ daai tii mąąhvaalɛɛ nu pow lɔɔli tii mąą mɛ̨nį ɓa.»

Zɛnɛse 18:32

Nąąlɔwai, Abrahamə yɛ mą: «Ną́mu, nɛ̨ɛ̨mąą ɓə gáá vəi yɛ́, hvó ə́ liiŋąnwąną mą́ą́, yii gɛ́ ŋį́ mo, gbəli ɓaa yii. Akɛ yá nu haŋąą pow kaa daai tii hu, yá gɛ ləi?» Yálá yɛ mą: «Ŋą́ nu haŋąą pow kaa daai tii hu, ŋą́ daai mąąhvaalɛɛ.»

Zɛnɛse 19:24

Nąąlɔwai ɓə Yai-Laa ə nwɔ̨n dulɔ pu la Sodomə taa da Gomorə taa di mɛ̨i.

Tɔɔɓɛlaa dɔlɔɔ 19:18

Kɛlaa, gáá pai nu kpəli wolo lɛɛi Israɛlə a nu waa mɛ̨ihveelɛ diɛi di hvo ta pɛlɛ li di liiɓa, di hvo kwɛli hvilɛn Baalə ɓa.»

Tɔɔɓɛlaa veelɛ 19:4

Asiri tɔɔmun nwɔ kɔ́ kɔ́ kwɛli hɛn ɉəɠə mun ŋɛ̨i ə dɔɔ, yɛ pa Yálá hvulú lalan ɉii, Yai-Laa kaa kiɛ pai nwoo mɛ̨n ɉii. Nwooɠaa tii mąą mɛ̨nį ɓa, Yai-Laa ə́ wɔ Yálá kaa pai nwąną kulɔi mą, nwaa wooɠaa tii mąą mɛ̨nį ɓa. Esai! Ə́ woo tɛ Yai-Laa ɓa, nu kpəli woloi aa lɛɛ mąą mɛ̨nį ɓa.›»

Azaya 1:8

Siɔn nuą diɛ tɔ̨nɔ̨ lɔ ɓə daa lɛɛ, yɛ ɓuwui gaa viɲə yɛa, yɛ kpolo kələi gaa kilikɛmąą yɛa, gaa yɛ taai mąą tínɛ̨n ŋąą a kɔlaɠa.

Azaya 11:11

Ɲələi tii a həli, Yálá kaa pai nwɔ̨nɔ̨ mɛ̨nį ta kɛi, nwɔ nu kpəli wolaai da lɛɛ ɲɛnɛ̨ɛ̨, a di nwun mąąɓo a nwɔ huwalawalai, ə di kulɔ Asiri da Eziptə, ə di kulɔ Patrɔsə, da Kusə, da Elamə, ə mą kɛ, Sinearə da Hamatə; ə di kulɔ gboloyá hąąi lɔiɠaa hu.

Azaya 11:16

Yálá nwɔ nuąi da lɛɛ a di hvulú Asiri lɔi hu, da pələ hɔlɔɓo di pa, yɛ bələi wɔlɔ Israɛlə nuą di pələ hɔlɔɓo la, diɛ həɠə Eziptə.

Azaya 17:6

A kɛ kpɔlɔ yɛ towələ pu yələ, towələ taa hveelɛ haaɓa ɓə a lɛɛ nwulu hu kpɔ kwɛaa la, towələ taa nąąn a wala kɛti, lɔɔli ɓə a lɛɛ nwonwoɠaai ɓa, diɛ, Israɛlə nwɔ Yálá, Yai-laa woo li.

Azaya 24:13

Nɔi hu, nɔi lonnii lɔwai, gaa lɔ yɛ olivə kpan ɉu kwɛliɛ, yɛ da kɛi mɔ̨nun gban ɉu kwɛli, mɔ̨nun deɛ pulu.

Azaya 24:6

Yili ɓə gɛi nɛ̨ŋɛ̨nnaa yɛ nɔi kala, nuąi nɔi mɛ̨i, diɛ ɓə ɉu mɔ̨nɔ̨ mįi. Yili ɓə gɛi yɛnɛ̨ɛ̨ nuą diɛ kələn, daa lɛɛ lɔ kɛa ɠɛlɛɛ-ɠɛlɛɛ.

Azaya 37:4

Gbəli kaa laa, Yai-Laa ə́ wɔ Yálái kaa pai gɔ́kuláái tii woo mɛ̨n ɉii, yai nwɔ mɛ̨nį nąmu Asiri tɔɔmun ə dɔɔ la yɛ Yálá hvulúmąą lalan, gbəli gaa pai ɉutɔɔi nwooɠaai tii mąą mɛ̨nį ɓa, yai Yai-Laa ə́ wɔ Yálái aa mɛ̨n, 'ə́ woo tɛ bɔ pələ, ə́ vɛli nu kpəli woloi aa lɛɛ ɓɛ mąą mɛ̨nį ɓa.»

Azaya 46:3

'Ka ka wəli tɔɔ, Ɉakɔbə nwɔ nuą, kaai kpɔ tii, kaa lɛɛ a Israɛlə yəi bɛlɛ́n nuą, kaa kpɔ tii di ka ɲąąkɔn, ə həɠə ka káá yələ ɓa, kaai tii lɛɛ ka leeni kwəi, gɛ́ ka mąą mɛ̨nį ɲɛ̨i kulɔ;

Azaya 6:13

Da nɔi lonnii ɓɛlaɓo ɉu pow, bow nąąi pai kulɔi ɉu, yaa kpɛli a lɛɛ a nwɔ̨n gɔ̨nɔ̨n, yɛ bələi da kpitili da ɓahi di pɔn na, nwungbə lɔ ɓə a lɛɛ, nwungbəi tii, hɛn ɉuwu mąąhəɠɛɛ li.

Azaya 65:8

Yai-Laa yɛi: Bələi lɔ da towələ keą kaa la towələ wulu hu, diɛ kɛ diɛ: «ka hvo bɔn, mąąhɔlɔɓo, luwɔ kaa ɉu», bələ lɔ ɓə gáá pai gɛi la, nuąi da tí mą́ą́ di mąą mɛ̨nį ɓa, ə gɛ və́ pa nəi gəlee hu kala.

Ɉeremi 23:14

Kɛlaa, kɛɛ kala mɛ̨nįi gáá gaai Ɉerusalɛmə, Yálá kwəi mɛ̨nį hukulɔ nuą yee pɔ, ya ɓaa, wɛli mɛ̨nį, da lɛɛ mɛ̨nį; diɛ mɛ̨nį ɲɔ̨n gɛ nuą hvaŋąlɔ, mɛ̨nį kɛ pələi tii, nu ta hva pɛli ɲee kulɔi túwɔ́ pələ ɲɔ̨n ɉu. Di kəlee daa kɛ ɲɛ̨́i ɓa yɛ Sodomə nuą, Ɉerusalɛmə nuą kaa yɛ Gomorə nuą.»

Ɉeremi 42:2

diɛ Yálá kwəi mɛ̨nį hukulɔ mun Ɉeremi ɓa: «Kuɔ nɛ̨ɛ̨mąą hvə woo ə həli yɛ́. Yai-Laa ə́ wɔ Yálái hvɛli, ku kpəli woloi aa lɛɛ, ku mąą mɛ̨nį ɓa. Kwaa lɛɛ lɔ kɛa tɛitɛi; ya pa ku kpulu kɛnɛ̨ kɛ, gbaɠala kaa yɛ́.

Ɉeremi 50:20

Nąąlɔwai, ɲələ lee lee tii, di kaa pai kɛi di ɲɛ̨i laai a Israɛlə nwɔ túwɔ́ pələ ɲɔ̨n, di hva kɛa gaa, da Ɉuda nwɔ nɛ̨ŋɛ̨nŋaai, di hva kɛa di kaa; Mąąhɔlɔɓo, nuą gbəliɠai da lɛɛ yɛnɛ̨ɛ̨, ŋą di mąąhvaalɛɛ, Ɲą́ą́ Yai-Laa nwóó li!

Woolaa 3:22

Yai-Laa nwɔ mɛ̨inɛ̨ɛ̨ɠaa di hva kpɛɛ, nwɔ wɛlikɛmąą yee kɔ̨nwɔ̨n ɉu hva haa.

Woolaa 4:6

Nwɔ́ nu huwui hɔn aa ɲɔ̨n aa tɛɛ Sodomə nwɛi ɓa. Yai nwun ɲąą ə lɔ a nu ɲɛ̨i yalii mą tanɔ̨n, nu ta hvo pɛli gulɔi ɉu.

Izikiɛ 14:22

ə mą kɛ ti, nu kpəli wolo a lɛɛ. Diɛ hilɛlɛa da nɛ̨ɛ̨lɛa kulɔ daai; diɛ ka ɲɛ̨i pai ka pɔ. Ka káá pai di tuwɔ pələ kaai, da di kɛ mɛ̨nįɠaa; yili kaa pai ka lii laai mɔnɔ̨ɠaai laa Ɉerusalɛmə ɓa, ɉu, da mɛ̨nįɠaai kpɔ ŋą́ą́ gɛ diɛ həli mą.

Izikiɛ 6:8

Kɛlaa gáá pai ka taɠaa mąąwɛlikaai; di kaa pai kulɔi a kɔ́ kɔ́ ɓɔwa yee wolo; gɛ́ di taɠa taɠa lɔiɠaa hu.

Amɔsə 4:11

Ną́mu Yai-Laa yɛ nwɔ̨nɔ̨ diɛ: Mɛ̨nii ɲąąnwąnąą ɲą́ą́ Yálá ŋį́ naa Sodomə taa da Gomorə taa diɛ, yili ɲɔ̨nwɔ̨mąn mə ŋį́ naa kaa. Kɛlaa, ŋį́ ka nwun mąąɓo, ka kɛ yɛ kwɛituwɔ tɔ̨nɔ̨ kulaa kpaɠa nwɔ̨n ɉu. Kɛlaa, pələi mąn ŋį́ gɛ la tii, ka hvo gɛ li, ka hvo pa bɔ́. Yai-Laa woo li.

Habakukə 3:2

Éé Yai-Laa! Ŋą́ą́ ə́ kɛ mɛ̨nįɠaa mąą pələ mɛ̨n ŋą́ą́ ɲɔw. Yai-Laa ə́ kɛ mɛ̨nįɠaa kɛ yiihu. Yɛ bələi wɔlɔ ə́ kɛi gɛ la. Ə́ kɛ mɛ̨nį kɔlɔŋąą lɛ a kwɛlan gəlee. Ə mą kɛ kwaa ə́ liiholi mɛ̨nį kɛ, ə́ wɔ ɲɛ̨i mąą wɛli kaa lɛ kuɔ.

Sofoni 2:9

Yili ɓə gaa mą, Ɲą́ą́ Yai-Laa Mɛ̨nį Kəlee ŋą Hééɓomun, Israɛlə nwɔ Yálá, nwóó li, yii kpɔ gáá a vúlú, Moabə lɔi kaa kɛi yɛ bələi Sodomə ə kɛ la, ɛlɛɛ, Amɔn lonnii di kɛ yɛ bələi Gomorə ə kɛ la. Nąą ə kɛ a ɲąąlən gbɔlɔ, da kpolo kulɔi, a lɔi pun a yələ kəlee mɛ̨nį. Nwɔ́ nu huwui kpəlii a lɛɛ, a di mąąkpoloon. Nwɔ́ nuąi kulɔ gɔ hu da kwɛlin ɲąąkwɛlɛ.

Maafîu 7:14

Bɛlɛ́ laaləi logolo nwɛi, gaa a pələ lon, ɉu hiɛɓo laa walaa, əlɛɛ, yɛ li a nu yɛnɛ̨ɛ̨ yii kpɛɛ hvo mą, ɉu. Nu tɛitɛi ɓə da ɉon a bələ yili.»

Lomaŋ 9:27

Esai nwɛi, ə mo yɛ: «Israɛlə lonnii di mąn tamąą yɛ gboloyá hu ɲɛa kɔw, da wolo lɔ ɓə pai ɓaloi.»

Lomaŋ 9:29

Yili ɓə nwɔ̨nɔ̨ Esai ə nɛɛ kwɛaa la ə mo, yɛ kɛ: «Akɛ kɛ, Huwalawala Kəlee Nąmu Yai-Laa, hvo ku kpəli wolo lɛɛ kɛ, yɛ kwə́ li kɛ yɛ, Sodomə, ku mąą mɛ̨nį ə kɛ yɛ Gomorə.»

Dutɛrɔnome 29:23

Nąąlɔwai, hį́i kəlee kaa pai kɛi diɛ: ‹Lə ɓə kɛ yaai, Yai-Laa ə nɔi ŋɛ̨i hon bələ kɛ ŋɛ̨i-oo? Niiholi kɛnɛ̨i ŋɛ̨i ə gulɔ, nwun maa a lə?›

Piɛrə veelɛ 2:6

Yili pulu, Yálá ə Sɔdomə taa da Gomorə taa di hvɛla kɛ a nwɔ̨n, yii ə ɉu nuą kəlee nwun napili, di wɔ kili walawala laa mąą mɛ̨nį ɓa. Yálá ə yili kɛ ti, ə gɛ, ə nɛ mɛ̨nį ɲɔ̨n gɛ nuą diɛ, a mɛ̨nįi pai kɛi a diɛ, mąą pɔɔ kɔ́ɔn.

M̀ɛni-lɛɛi 11:8

Di powa kaa pai lɛɛi tooni daa-lee kɛnɛ̨ hɛ̨ąi, yai da naa hee a Sodomə da Eziptə, nąą ɓə di di Nąmu kpɔn laa wulu ɓa.