Azaya 1:25 - Yálá laawoo hɛɓɛ (dc)

²⁵ Ɉerusalɛmə taa, gáá pai ɲéé pɛlɛi yɛ́, gáá pai ə́ mąą waai a nwɔ̨n, ŋį́ ə́ kpo waa yɛ́, ŋį́ ə́ waa a kpolo kɔ́w, ŋį́ ə́ nɔ̨nwɔ̨ waa yɛ́.

Yálá laawoo hɛɓɛ

²⁵ Ɉerusalɛmə taa, gáá pai ɲéé pɛlɛi yɛ́, gáá pai ə́ mąą waai a nwɔ̨n, ŋį́ ə́ kpo waa yɛ́, ŋį́ ə́ waa a kpolo kɔ́w, ŋį́ ə́ nɔ̨nwɔ̨ waa yɛ́.

Bible

²⁵ Ŋa pâi kákula maa kɛ̂i. Ŋá káseɣenîi yɛ̂ɛ da kɔli sêɣeŋ a gɛ́ɛ dí gbó kúla ma.

Azaya 1:25 ပူးပေါင်းရင်းမြစ်များ

Mąątɛ̨nɛ̨ 119:119

Yáá Nwąnąlɔnuą kəlee kɛ a kwɛli kpo, yili mąą mɛ̨nį ɓə ŋą́ ə́ hvaa wooɠaa wɛlila kɛ la.

Azaya 1:22

Ɉerusalɛmə taa, ə́ kɛ pələ aa kɛ yɛ, wali kwɛli kpo, yɛ da ya pu lɔɔ hu.

Azaya 27:9

Bələ ɓə Ɉakɔbə nwɔ nɛ̨ŋɛ̨n kaa pai waai laa mą; mąąhvaalɛɛi di mo, bələ ɓə dɔlɔ kaa pai kɛi la, gaa pai ɉaláá kulɔi kwɛniɠaa hon ɉii, yɛ kwɛni a kɛ a gələn ŋąą da ya pu mą; di hva kɛa ɉaláá wuluɠaa da hvóló mąą nįnįnŋąą haŋą di hvo dɔɔ.

Azaya 4:4

Ɓɛlɔwai Ną́mu kaa pai nɔ̨nwɔ̨ waai la Siɔn nɛ̨ɛ̨lɛa diɛ, ɲąmąi di bu Ɉerusalɛmə yɛ nwaa a kiti haŋąą da nwɔ̨n.

Ɉeremi 6:29

Di kaa vulɔ hvɛɛ kwɛli ɓa, Kɛlaa, kpɛli-kpɛli ka tii di gɛi, gwɛli hu hvo waai,

Ɉeremi 9:6

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: Gáá pai di mąąhəɠəi a nwɔ̨n, ŋį́ di mąą waa. A tɛ̨ą, gáá pai gɛ́ mɛ̨nį kɛi nwɔ́ nuą kili ɲɔ̨nwɔ pələi ŋɛ̨i hu.

Ɉeremi 9:7

Di nɛn gaa yɛ tonwą ɓaɠaa! Di hvaa woo ə ɓo a lɛɛ, diɛ di kee ni liilaa woo ɓo lɔ a di laaləi. Kɛlaa, ya lɔ di kwəi pələ, hɛlɛn mə di kaa dɛ pələ kwɛli dɔwɔ.

Izikiɛ 20:38

Nuąi di kwɛli tee, diɛ kulɔ nwóó mui, ŋą́ di kulɔ ka lɔwai; ɓɛi dəli di mąą kilɛi laa, ŋą́ di kulɔ laa, kɛlaa di hva lɔ Israɛlə lɔi hu, bələ ɓə ka gili kɔ́lɔn na kaa kɛ ɲą́ą́ ɓə gáá a Yai-Laa.

Izikiɛ 22:19

Yili ɓə gɛi, Mɛ̨nį kəlee ŋą Hééɓomun Yálá yɛ diɛ: Yii ka kəlee kaa kɛ a kwɛli kpo, gáá pai ka kəlee ka pui ka kee mɛ̨i Ɉerusalɛmə daa hąąi.

Izikiɛ 22:20

Wali, ɓala kwɛli, kwɛli kpɛli, da howa kwɛli, ŋą́ gəlee pu gee mɛ̨i; di nwɔ̨n bu ɉu, ə lɛɛ ɉu ə həɠeen. Bələ ɓə gáá pai ka pui la gee mɛ̨i, níí holi pələ da níí ɲąnwąną pələ ɓa. Ŋą́ ka pu, ŋą́ ka həɠeen.

Izikiɛ 22:22

Bələi lɔ wali a həɠeen na, bələ lɔ ɓə gáá pai ka həɠeen ɉii la Ɉerusalɛmə daa hąąi, ka gili kɔ́lɔn nąąlɔwai kaa kɛ diɛ, ɲą́ą́ Yai-Laa ɲą́ą́ ka tii níí holii ka pɔ.»

Sofoni 3:11

Mąą yələi tii, hvó pai nwumɛ̨i, ə́ kɛ mɛ̨nį ɲɔ̨nwɔ̨ɔ̨ɠaa mąą mɛ̨nį ɓa, yɛ́ kɔ́ pɛlɛ mą́ą́. Gbala ə tɔɔ, nąąlɔwai, gbɔwɔ ɲąą kɛnɛ̨ nuąi tii, da kɛ di nwun dɛi, ŋą́ kɛ kɛa, a di hukalaa ə́ lɔwai, ɛlɛɛ, hvá kɛa humɛ̨ni kɛnɛ̨ kulɔ nwɔ́ yee mąąhəɠɛɛ nwuɔ̨.

Malasi 3:3

Gaa pai heei, ə gɛ, ə liɓi da nɔ̨nwɔ̨ di waa. Bələi tii da hɛni da wali kwɛli di waa la a nwɔ̨n, bələ ɓə gaa pai Levi nu huwu mąą həɠəi la. Nąąlɔwai tii ɓə, haláá laa həli nuą da Yálá kɔ́ hɛn naa həli la Yai-Laa ɓa a ɉaŋąą, yɛ bələi bɛliɛi la ɉu.

Maafîu 3:12

Nwɔ laɠai kaa ɲəi, yɛ pa nwɔ mɔ̨nun mąąhvɛɛila. Ə mɔ̨nun gɔw pu ɲəi gələi, ə gala kpɔn gee ɓa, nwɔ̨n ɲii hva liin ə doo ɉu.»

Dutɛrɔnome 32:43

Yɛnɛ̨ɛ̨ nąą kəlee ə ɲee lɔwa nwɔ nu huwui ɓa. Mąąhɔlɔɓo, gaa pai nwɔ tínuą nwąną kulɔi, gaa pai nwąną kulɔi gɔyɔwɔɠaa diɛ; Yɛ nwɔ lɔi da nwɔ nuą mąąhəɠə.

M̀ɛni-lɛɛi 3:19

Nwɛ́i, nui nwɛli kaa mą́ą́, ya ɓə ŋą́ ɉɔn doo mą, gɛ́ ɉutɔɔ. 'Tɔɔ kani a ə́ nwąnąi, ə́ ə́ tuwɔ pələ mąąhvalin!