Azaya 1:1 - Yálá laawoo hɛɓɛ (dc)

¹ Ɉįi Amɔsə lon Esai ə gaa yɛ hvilɛn na Ɉuda nu huwu ɓa, da Ɉerusalɛmə taa, ɓɛlɔwai Oziasə, Yotamə, Akazə, da Ezekiasə ni di kɛi tɔɔlaa kɛ la Ɉuda lɔi hu.

Yálá laawoo hɛɓɛ

¹ Ɉįi Amɔsə lon Esai ə gaa yɛ hvilɛn na Ɉuda nu huwu ɓa, da Ɉerusalɛmə taa, ɓɛlɔwai Oziasə, Yotamə, Akazə, da Ezekiasə ni di kɛi tɔɔlaa kɛ la Ɉuda lɔi hu.

Bible

¹ Ŋ̀orɛ̂-woo-ŋai gáa gɔlɔi ŋí sui, Ɣâla è dɛ̀ɛ Zuda da Zerusâlɛŋ-ƃelai pɔ́. È ŋ̀áa lɛ̀ Emɔ ǹóŋ Azaya ma zĩ̂a su. Ɣâla è ŋ̀orɛ̂-woo-ŋai ŋí tɛ̀ɛ ǹûai ŋí pɔ́naa a Gâloŋ Uzia, Zotaŋ, Eeɣa da Ɛsekaya-ni díkâloŋ-laai kɛ́ tãi ma a tɛɛ-ŋa.

Azaya 1:1 ပူးပေါင်းရင်းမြစ်များ

Tɔɔɓɛlaa veelɛ 15:1

Israɛlə tɔɔmun Ɉeroboamə veelɛnąą nwɔ tɔɔlaa gwɛlan bow hveelɛ kɔ́w mɛ̨ihveelɛ lɔwai ɓə, Amasiasə lon Azariasə ə dɔɔlaa hɔlɔɓo la Ɉuda lɔi hu.

Tɔɔɓɛlaa veelɛ 15:13

Yavɛsə lon Salumə ə dɔɔlaa həɠə Israɛlə lɔi hu, Ɉuda tɔɔmun Oziasə nwɔ tɔɔlaa gwɛlan bow haaɓa gɔw mɛ̨inąąn nɔwai. Ɲąnin dɔ̨nɔ̨ ɓə ə gɛ dɔɔlaa hu Samari.

Tɔɔɓɛlaa veelɛ 15:32

Remaliahu lon Peka, yai kɛ a Israɛlə tɔɔmun nwɔ tɔɔlaa gwɛlan veelɛ lɔwai ɓə, Ɉuda tɔɔmun Oziasə lon Yotamə ə tɔɔlaa hɔlɔɓo la.

Tɔɔɓɛlaa veelɛ 15:7

Azariasə ə laa nąnni kwɛlɛ, di noo nąnni kámą hu Davidə taa. Non Yotamə ə hee dɔɔ kpəlin ɉu a nąn mąąhvalin.

Tɔɔɓɛlaa veelɛ 18:1

Ela lon Ose yai kɛ a Israɛlə tɔɔmun nwɔ tɔɔlaa gwɛlan ɉaaɓa lɔwai, Ɉuda tɔɔmun Akazə lon Ezekiasə ə dɔɔlaa hɔlɔɓo.

Tɔɔɓɛlaa veelɛ 19:2

Yili pulu, ə dɔɔ pɛlɛ́ nwun nąmu Ɛliakimə da ɉɛɓɛ́ kɛ mun Sɛvna, da ɉaláá laa həli nuą bɔlɔpɔlɔɠaa, di kəlee daa mąąwɛli həɠə too di kwaną, ə di tɔɔ Yálá kwəi mɛ̨nį hukulɔ mun Esai pɔɔli, yai kɛ a Amɔsə lon.

Kɔlɔnikɔ Veerɛi 26:1

Ɉuda lɔi hu nuą kəlee di Oziasə həɠə, di ɉee di nwun na a tɔɔmun, a nąn Amasiasə mąąhvalin. Gaa kwɛlan ə kɛ a kwɛlan bow gɔw mɛ̨ida.

Kɔlɔnikɔ Veerɛi 26:22

Oziasə kɛ mɛ̨nį takpɛliɠaa, dɔlɔɔɠaa da gbəlamɛ̨iɠaa kəlee, Yálá kwəi mɛ̨nį hukulɔ mun Esai Amɔsə ɓə bɛ̨ɛ̨.

Kɔlɔnikɔ Veerɛi 27:1

Yotamə kaa kwɛlan ə kɛ pow hveelɛ kɔ́w lɔɔli, yɛ dɔɔlaa hɔlɔɓo. Ə tɔɔlaa kɛ Ɉerusalɛmə a kwɛlan bow kɔ́w mɛ̨ida. Nee laa ɓaa kɛ a Yerusa, Sadɔkə lon nɛ̨ɛ̨nu.

Kɔlɔnikɔ Veerɛi 28:1

Akazə kaa kwɛlan ə kɛ a kwɛlan bow hveelɛ, yɛ dɔɔlaa hɔlɔɓo. Ə tɔɔlaa kɛ a kwɛlan bow kɔ́w mɛ̨ida Ɉerusalɛmə daai. Hvo túwɔ́ a nɛlɛɛ yɛ bələi nąn Davidə ə túwɔ́ la a nɛlɛɛ Yai-Laa ɲɛ̨i ɓa.

Kɔlɔnikɔ Veerɛi 29:33

Ɉaláá hɛnŋąą yiiɠaa tii di kɛ a taatɛlɛɛ kpɛa-kpɛaa nwun mɛ̨ida, taatɛlɛɛ pɛlɛɛ waa haaɓa.

Mąątɛ̨nɛ̨ 89:19

Ku mąąkpɛ gbala kaa ə́ yee, Yai-Laa! Ku wɔ tɔɔmun ə ɓo, Israɛlə nwɔ Mąąhəɠə mun yee kɔ́nma.

Azaya 13:1

Mɛ̨nįi kponąąi Amɔsə lon Esai ə gaa, yɛ hvilɛn na Babilonə ɓa, 'ka mo mą, kaa mą:

Azaya 2:1

Nwɛlɛɛi Yai-Laa ə mo Amɔsə lon Esai ɓa hįį pələ, yɛ hvilɛn na Ɉuda lɔi da Ɉerusalɛmə taa ɓa, ya ka:

Azaya 20:2

Nąąlɔwai, Yai-Laa ə pələ ɓo Amɔsə lon Esai ɓa, yɛ mą: «'Li, ɉəɠə ɓɛlai tii ə́ ləŋəi, ə́ volóon, gɔlɔi tii ə́ kɔ́wɔ ŋą, ə́ gulɔ.» Ə li ə gɛ tii, yɛ li a gbuwulu, kɔ́lɔ hvo kɛ gɔwɔ ŋą.

Azaya 21:2

Mɛ̨nį kponąą ta ka ŋɛ̨i, di nɛ mą́ą́ hįi pələ. Pulu kulɔmun, yɛ pulu kulɔ mɛ̨nį kɛ, kɛɛ kalamun yɛ kɛɛ kala. Elamə nuą, 'ka tɛ! Medi nuą, 'ka ka wɔ kɔlaɠai pɛlɛ! Gáá woo laa wooɠaa kəlee kpɛɛi.

Azaya 37:2

Yili pulu ə dɔɔ pɛlɛ́ ɲąąwooɓomun Ɛliakimə, da ɉɛɓɛ́ pɛ̨ɛ̨mun Sɛvna, ɛlɛɛ nu pɔlɔ pɔlɔɠaai kpɔ di kaa ɉaláá laa həli nuą lɔwai, ə di tɔɔ Yálá kwəi mɛ̨nį hu kulɔmun Esai pɔɔli, yai a Amɔsə lon, mąąwɛli həɠə toɔ di kəlee di kwąną.

Azaya 38:1

Nąąlɔwai, ɲɔ̨n nwala wala ta ə pɛlɛ Ezekiasə ɓa a baa ɲɔ̨n. Yálá kwəi mɛ̨nį hu kulɔ mun Esai Amɔsə lon, ə pa, yɛ Ezekiasə ɓa: «Mɛ̨nii Yai-Laa ə mo ya ka, yɛ; 'Ə́i hvɛli ə́ yəi bɛlɛ́n nuą diɛ, mąąhɔlɔɓo, hvo pai kulɔi ɲɔ̨n ŋɛ̨i hu, ə́ haa hiɛ ka.»

Azaya 40:9

Ə́ wɛi, 'tɛ yee tɔɔ ta nwuɔ̨, ə́ woo kulɔ kpɔ a hɔ̨ɔ̨, Siɔn, wɛlɛɛ lɛlɛɛ ɓomun, 'ə́ woo kulɔ, hvo ɲɔw, Ɉerusalɛmə, wɛlɛɛ lɛlɛɛ ɓomun; 'mo Ɉuda taaɠaa diɛ, yɛ diɛ: «Ka gu wɔ Yálái ka!»

Azaya 6:1

Gwɛlan tii tɔɔmun Oziasə ə haa la, ŋį́ Ną́mu kaa hįį pələ, ə kɛ heeni tɔɔkpəlin mɛ̨i, mɛ̨i kwɛa. Mąą həɠəɠaa wəli ə Yálá hee pɛlɛ́ laa hvɛɛ.

Azaya 7:1

Ɓɛlɔwai Yotamə lon Akazə ə kɛ la a tɔɔmun, Oziasə yɛ ɓo a Ɉuda tɔɔmun, ɛlɛɛ, Resin yɛ ɓo a Aramə tɔɔmun, Remaliahu lon Peka yɛ ɓo a Israɛlə tɔɔmun, di li kɔ́ pɛlɛi Ɉerusalɛmə taa ɓa; kɛlaa di hvo pɛli ɉon ɉii.

Ɉeremi 23:16

Mɛ̨nįi Yai-Laa Mɛ̨nį Kəlee ŋą Hééɓomun ə mo, ya ka, yɛ diɛ: «Nuą tii di kpɔɔ kɛi a Yálá kwəi mɛ̨nį hukulɔ nuą a lɛɛ, ka hvo ka wəli tɔɔ diɛ, di kaa ka ɓowoi. Mɛ̨nįi di kaa ka kalan ɉii la, di kaa lɔ gulɔi di nwun ɉu, hvo həɠə li Yai-Laa la.

Izikiɛ 1:1

Gwɛlan bow haaɓa ɲąnin nąąn naa nwɔ hvóló nɔɔli yələ, ŋą́ kɛ gɔ́ luwɔɠaa lɔwai; Kebarə yá kwɛlɛ, yələkɔlɔn naa ə ɓo, ɛlɛɛ, ŋą́ kpalo mɛ̨nį kaa yɛ həɠə Yálá pɔ.

Osia 1:1

Mɛ̨nįi Yai-laa ə mo Beeri lon Ose ɓa, ɓɛlɔwai Oziasə, Yotamə, Akazə da Ezekiasə di kɛ la a Ɉuda tɔɔɓɛlaa; ɛlɛɛ, Ɉoasə lon Ɉeroboamə ə ɓo a Israɛlə tɔɔmun.

Amɔsə 1:1

Amɔsə ŋɛ̨i kɛ a Tekoa daai mun, yɛ ɓɛlaa tɔɔ, ya ɓə Ną́mu Yai-Laa ə wɛlɛɛ ɓo mą, yɛ hvilɛn na Israɛlə ɓa; ɓɛlɔwai Oziasə ə kɛ la a Ɉuda nɔi tɔɔmun, ɛlɛɛ, Ɉeroboamə ŋɛ̨i kɛ a Ɉoasə lon, ə ɓo a Israɛlə nɔi tɔɔmun. Di nwɛlɛɛi tii ɓoɔ mą, kwɛlan veelɛ tɛɛ pulu ɓə, nɔi ə kpɛlinŋąą kɛnɛ̨ ə kɛ la.

Amɔsə 4:5

Lɛɠɛ yiiɠaai da gulɔ Yálá ɓa a haláá, ka dɛ hɛn bu ɉu, ka pa ka gələn, kɔ́ ɓo hɛn ka káá bɔ ka naa həli mą, ka ɉələ kɛ mɛ̨i, hvo gaai, yili ɓə nwɛli kaa kaa. Yai-Laa woo li.

Mise 1:1

Nwooi Yai-Laa ə mo Morɛsɛtə mun Mise ɓa, a Yotamə da Akazə, ɛlɛɛ Ezekiasə, Ɉuda tɔɔɓɛlaa di wɔ tɔɔlaa yələi; gɛɛi ə gaa yɛ hvilɛn na Samari da Ɉerusalɛmə diɛ, ya ka:

Nahumə 1:1

Mɛ̨nįi di mo Ninivə taa laa mɛ̨i, mɛ̨nįi Yálá ə nɛ Ɛlkɔsə mun Nahumə ɓa, yili pɛ̨ɛ̨ ka.

Habakukə 2:2

Yai-Laa ə nwóó ɲąąpənə yɛ mą́ą́: Mɛ̨niɠaai ŋɛ̨i ŋį́ nɛ yɛ́, bɛ̨ɛ̨, bɛ̨ɛ̨ kpəlin mɛlaɠaa diɛ, bɛ̨ɛ̨ a ɉuponoɔ nu yɛ pɛli moi.

Lonon mo 12:6

Yɛ diɛ: «Ka ka wəli tɔɔ nwóó ɓa. Nu ta a kɛ ka lɔwai a gwə́i mɛ̨nį hukulɔ mun, ɲą́ą́ Yai-Laa, ŋą́ gbɔ́wɔ́ lɛ hįį pələ, gɛ́ mɛ̨nį ɓo mą.

Lonon mo 24:16

nui a Yálá wooɠaa mɛ̨n, nui Hɛn Gəlee mɛ̨i Mun nwɔ Kilii kaa mɛ̨i. Nui Huwalawala Kəlee Nąmu a mɛ̨nį lɛ mą, yɛ gaa hįį hu pələ, ɛlɛɛ ɲɛ̨i kɔ́w yɛ mɛ̨nį mąąkpɛɛ, nwoo ka.

Lonon mo 24:4

Nui Yálá wooɠaa da too nwəlii nwoo ka, Mɛ̨nįɠaai Huwalawala Kəlee Nąmu Yálá a kɛ nɛi mą, gwɛlɛɛn gɛɛ kaa hu, hvo gbɔwɔ yee kɔ́n mą, a ɲɛ̨i laa ɓo yɛ di kaa, diɛ ka:

Maafîu 17:9

Di kɛɛ kɛa ɲee yɛɛi, Jesus ə mo diɛ yɛ diɛ: «Gɛɛ ŋɛ̨i ka gaa, ka hvo bələ ɓo nui lɔpee ta ɓa ə lɛɛ la ɉu Nu Lon ə nwun ə kulɔ haa ɓɛlaa lɔwai.»

Gɛlaɠaa 10:17

Ɓɛlɔwai Piɛrə ə kɛi gwəi kwɛli la gɛɛ tii ə gaa mukulaa ɓa, nąąlɔwai ɓə nuąi Kɔrnɛyɛ ə di tɔɔ, di Simɔn nwɔ pɛlɛ́i nąą mąąni kɛ la, di nɛ diɛ; di pa kɛa di həli bɛlɛ́ laaləi.

Gɛlaɠaa 26:19

«Tɔɔmun Agripa! Yili ɓə gɛ, gwɛlɛɛn gɛɛ ti ŋį́ gaa yɛ həɠə yələi pələ, və́ nwún gulɔ mu.

Korɛntə veelɛ 12:1

Hvo kɛli mɔ̨ɔ̨ nu ə gbɔwɔ ɲąą kɛnɛ̨, ya pa, hɛn da hvo ɉu! Ɛlɛɛ yaan, gwɛlɛɛn gɛɛɠaai da mɛ̨nįɠaai gu Nąmu ə di lɛ mą́ą́i, ŋą́ą́ həli diɛ.

Piɛrə veelɛ 1:21

Mąąhɔlɔɓo, nu lɔpee ta nwɔ kiliŋąhiɛ hva pɛli hvo mɛ̨nį lɛɛ kwɛala hvo mo gbɔwɔ ɓa, kɛlaa, Kili-Mąąhəɠɛɛ ɓə kɛli nuą kilaa pono, diɛ mąą mɛ̨nį ɓo.