Amɔsə 9:9 - Yálá laawoo hɛɓɛ (dc)

⁹ Yiihu, gáá nuą tii, gɛ́ diɛ: Di Israɛlə huwu-huwu ɓo, huwu takpɛliɠaa lɔwai, Di di hu kpɛ, yɛ pələi da hɛnŋąą kpaŋąn na, nɛlɛɛ tɔ̨nɔ̨ kpɛli hva pili, gala yɛ kulɔ ɉu.

Yálá laawoo hɛɓɛ

⁹ Yiihu, gáá nuą tii, gɛ́ diɛ: Di Israɛlə huwu-huwu ɓo, huwu takpɛliɠaa lɔwai, Di di hu kpɛ, yɛ pələi da hɛnŋąą kpaŋąn na, nɛlɛɛ tɔ̨nɔ̨ kpɛli hva pili, gala yɛ kulɔ ɉu.

Bible

⁹ “Ka gáa, ŋa pâi môi a gɛɛ dí Eezuɛ lɔii fɛ́ɛ ǹɔii-ŋûŋ-ŋai sáma yɛ̂ɛ berei da mɔlɔŋ fɛ̂ɛ la, gáo dɔnɔ kpîŋ fa tôo ǹɔii mai.

Amɔsə 9:9 ပူးပေါင်းရင်းမြစ်များ

Azaya 27:12

Mąą yələ, Yai-Laa kaa pai nwɔ mɔ̨nun kɛlɛi, ə həɠə Eufratə ya ɓa, ə həli la Eziptə yai ɓa, kaa ɓə di kaa pai ka həɠəi ɉu, yɛ ka həɠə ɉu tɛitɛi, kaai a Israɛlə lonnii.

Azaya 28:28

Da mɔ̨ɔ̨ kpai lɛɛ gbaɠa ɓa diɛ ɉiɠɛ? Kpaa-o! Da gbɛa nwɔlɔ mą a di yee, yili pulu, diɛ ɉiɠɛ.

Azaya 30:28

Na hvaŋą kaa yɛ yá hvɛɛ, a ląn gbonwomɛ̨i yɛ nu hon gwąną. Gaa pai lɔiɠaa hiɠi-hiɠiɓoi ə di hu kala, ə lɛɛ, yɛ hoo laa kwɛli lɔ di la, a di nwun ɉu lan ɉɛn.

Ɉeremi 31:36

«Akɛ bələi yɛnɛ̨ɛ̨ mɛ̨nįɠaa hee kpəlin na kɛɛ la, ŋį́ wala pɛli mɛ̨i kaai! Ɲą́ą́ Yai-Laa nwóó li! Akɛtii, Israɛlə huwuhu nuą diɛ kpɛli, di hva kɛa lɛɛ a lɔi yələkɔlɔn mu ɲą́ą́ ɲɛ̨́i ɓa.»

Ɉeremi 46:28

Nwɔ́ tímun Ɉakɔbə, hvo ɲɔw. Ɲą́ą́ Yai-Laa nwóó li! Hvó ɲɔw, gáá ə́ pɔ. Nɔiɠaa kpɔ tii ŋį́ ə́ huwu taɠa taɠa ɉu, gáá gəlee hukalai. Kɛlaa, ə́ wɛi, və́ ə́ hukalai. Gáá ə́ mąąkwɛlii, yɛ́ lɛɛ tɔ́n nwoo mu. Kɛlaa, və́ ə́ hɔn da lɛɛi laa kpɛli kpɛli.

Ɉeremi 49:36

Gáá pai heei Elamə ɓa a hvaŋą nąąn bələ kəlee gɛ́ daɠa taɠa yələ ɲɛ̨i, lɔi ta hvo pai kɛi laa, ɓɛi da di mąąkilɛ laa.

Izikiɛ 20:38

Nuąi di kwɛli tee, diɛ kulɔ nwóó mui, ŋą́ di kulɔ ka lɔwai; ɓɛi dəli di mąą kilɛi laa, ŋą́ di kulɔ laa, kɛlaa di hva lɔ Israɛlə lɔi hu, bələ ɓə ka gili kɔ́lɔn na kaa kɛ ɲą́ą́ ɓə gáá a Yai-Laa.

Izikiɛ 36:19

Ŋą́ di taɠa taɠa lɔiɠaa hu, di li a diɛ nwea lɔiɠaa hu; ŋą́ di kiti tee di hɔn mąą mɛ̨nį ɓa, da di túwɔ pələ.

Izikiɛ 39:28

Da gili kɔ́lɔn diɛ kɛ na tii diɛ kɛ; Hɛn gəlee Nąmu ɓaa a ɲą́ą́, di wɔ Yálá; mąąhɔlɔɓo, tɛ̨ą li, gáá pai lii a diɛ luwɔlaa hu, kɛlaa yili pulu, gáá pai pənəi ŋį́ di ɲąąkpɔn, di kpɔɔ kpɔɔ lɔi hu; vá di lɛɛ gɛɛ nąąi ti ɓa.

Izikiɛ 5:10

Lon-gáá-nuą kaa pai kɛi di lonnii mįi; lonŋąą diɛ di nąnni mįi ə́ wɔ taai ɲɛ̨i hu; gáá pai giti kalai yɛ́, ɛlɛɛ, yɛ́ nuąi gbəlii pai lɛɛi, ŋą́ di hu taɠa taɠa pələ kəlee.

Izikiɛ 5:12

Gáá yɛ́ nuąi hee kpəlina kɛi haaɓa; ɉeei tɔ̨nɔ̨ kaa pai haai a nu paa ɲɔ̨n, awala kɛ ti nwun na a pili a pulu, daa kwəi; ɉeei veelɛnąn gaa pai tooi a kɔ́ kɔ́ ɓɔwa laa pɔɔ, ə́ kwɛlɛ kəlee; ɉeei ɉaaɓanąn nwɛi, ŋą́ ɉu taɠa taɠa pələ kəlee; ɛlɛɛ, ŋą́ hvilɛn di pulu a kɔ́ kɔ́ ɓɔwa.

Levetekɔ 26:33

Ka wɛi, gáá pai ka taɠa taɠai lɔiɠaa hu, gɛ́ kɔ́ kɔ́ ɓɔwa kulɔ daai gɛ́ ɉee kaa; ka wɔ lɔi a lɛɛ a lɔi pun, ka wɔ taaɠaai di lɛɛ a taa kpoloon.

Lukə 22:31

Gu Nąmu yɛ diɛ: «Simɔn! Simɔn! Ɓilihi aa ka hu hvɛli, əgɛ, ə ka hiɠi-hiɠiɓo yɛ bələi da mɔ̨nun vɛɛ la.

Dutɛrɔnome 28:64

Yai-Laa kaa pai ka taɠa taɠai nu huwu kəlee lɔwai, yɛnɛ̨ɛ̨ nąą kəlee. Ka káá pai kɛi tíi kɛi haliɠaa diɛ, diɛi di kaa a: kwɛniɠaa da wuluɠaa, diɛi, kaa-o ka nąnni-o ka hvo ta di kɔ́lɔn ni.