Amɔsə 9:7 - Yálá laawoo hɛɓɛ (dc)

⁷ Yai-Laa yɛ mą: Akɛti, Israɛlə nu huwu, ka hvo mɔ̨ɔ̨ ɲɛ̨́i ɓa yɛ Eziptə nuą? Kɛlɛi ɲą́ą́ ɓə Israɛlə nu huwu kulɔ Eziptə lɔi hu ee? Ŋą́ Filisti nuą kulɔ Kaftɔrə lɔi hu, ŋį́ Aramə nuą kulɔ Kirə lɔi hu! Kɛlɛi yili kpaɠala kaa tii kaa ee?

Yálá laawoo hɛɓɛ

⁷ Yai-Laa yɛ mą: Akɛti, Israɛlə nu huwu, ka hvo mɔ̨ɔ̨ ɲɛ̨́i ɓa yɛ Eziptə nuą? Kɛlɛi ɲą́ą́ ɓə Israɛlə nu huwu kulɔ Eziptə lɔi hu ee? Ŋą́ Filisti nuą kulɔ Kaftɔrə lɔi hu, ŋį́ Aramə nuą kulɔ Kirə lɔi hu! Kɛlɛi yili kpaɠala kaa tii kaa ee?

Bible

⁷ Ɣâla Yâwɛɛ è mò ǹyɛɛi, “Óo Eezuɛ-ƃela, ka Itiopia-ƃelai káfe nɔ́ ŋ́ɛi a núu tɔ̂nɔ? Fé Eezuɛ-ŋai kula ní Ize lɔii su, ŋá Felesia-ŋai kúla Kulîi, ŋá Siria-ŋai kúla Kîɛ?

Amɔsə 9:7 ပူးပေါင်းရင်းမြစ်များ

Tɔɔɓɛlaa veelɛ 16:9

Asiri tɔɔmun ə ɲee hee Akazə woo mu. Ə pa yaa kpinįi ə kɔ́ pɛlɛ Damasə taa ɓa, ə ɉon; ə ɉu nuą tɛɛ Kirə, ə Resin paa.

Kɔlɔnikɔ Veerɛi 14:12

Asa da nwɔ nuąi di hvilɛn di pulu, di lɛɛ di kpɛi di li di həli Gerarə. Nubinuą paa pələi di di paa la, dɔ̨nɔ̨ kpɛli hvo dɔɔ mɛ̨i. Mąąhɔlɔɓo, di di huwolo Yai-Laa lííla da wɔ kɔlaɠai. Asa da nwɔ nuąi di li a ɉɛnŋąą tamąą tii di ɉon gɔ́ hu.

Kɔlɔnikɔ Veerɛi 14:9

Asa ə kulɔ yɛ li naakwiɛn ɉii, di di tɔɔi kulɔ Sefata nɛ̨ŋɛ̨ hu, Maresa tənən ma.

Lɛɛ gbɔwɔ ɓa 12:51

Volói tii ɓə, Yai-Laa ə Israɛlə lonnii kulɔ la Eziptə lɔi hu da di huwu kəlee.

Azaya 20:4

Bələ ɓə Asiri tɔɔmun gaa pai lii la a Eziptə nuą, da Nubi nuą, kɔluwɔlaa hu. Ɉilɛlɛa da ɉilɛgoloɠaa di ɓo a di kpuwulu, kɔ́lɔ hva kɛ di kɔ́wɔ ŋą, bɛlɛ hva kɛ diɛ, diɛ di wulɛn gaa; a kɛ Eziptə ɓa a nwumɛ̨.

Azaya 22:6

Tonwą-taɠa kaa Elamə yəi, ə ɓo la wotoloɠaa hu, hooɠaa diɛ ɲala, Kirə yaan aa mąą kpɛ hə́mə́ həɠə.

Azaya 43:3

Mąąhɔlɔɓo, ɲą́ą́i a Yai-Laa, ə́ wɔ Yálá ɓaa a ɲą́ą́, Israɛlə nwɔ Mąąhəɠəmun, ə́ nwun mąąɓomun. Ŋą́ Eziptə kɛ a ə́ mąąhaláá hɛn, gɛ́ ə́ nwun mąąɓo la, ŋį́ Nubi da Seva di tɛɛ a ə́ mąąhvalin;

Ɉeremi 13:23

Akɛti, nu a pɛli mɔ̨ɔ̨ gɔlɔ mąą hvalin ɉii? Kwɛ́li a pɛli mɔ̨ɔ̨ gɔlɔ mąą hvalin ɉii? Kpaa-o! Ɛlɛɛ, kaa ŋɛ̨i mɛ̨nį ɲɔ̨n aa ɓɔ ka hui, ka pɛli kɛa mɛ̨nį lɛlɛɛ kɛi?

Ɉeremi 47:4

Volói ŋɛ̨i pai, Filisti nuą kəlee ɲąą yii mɛ̨nį ɓa, nu tɛitɛi kəlee da kpɔnmąą tɛɛ Tirə da Sidɔn di pɔ, di paa mɛ̨nį ɓa. Gaa tii, Yai-Laa kaa Filisti nuą kpɛɛi yɛnɛ̨ɛ̨, diɛi di kaa Kaftɔrə dínɉu gboloyá hąmąi di wɔ nu gbəliɠaa.

Osia 12:13

Ɉakɔbə ə pu Aramə yɛɛ kɔ́wɔ hu, ɛlɛɛ, Israɛlə yɛ nɛ̨ɛ̨nu mąą koló ɓo laa, ɛlɛɛ, yɛ gbɔwɔ kɛ a taatɛlɛɛ mɛ̨i kaamun nɛ̨ɛ̨nu mɛ̨nį ɓa.

Amɔsə 1:5

Gwɛliɠaa ŋɛ̨i Damasə ɉįi laakpulɔɔ la, gáá pai di hu yalii. Gáá pai Bikeatə-Awɛn hee ɓo nuą nwun na pilii, da Bɛtə-Edɛn tɔɔmun. Yili pulu, Aramə nuą kaa pai li Kirə lɔi hu luwɔlaa hu. Yai-Laa woo li.

Amɔsə 2:10

Gɛɛ yili hvo kɛ, ŋį́ di kulɔ Eziptə lɔi hu. Ŋą́ lɛɛ di pɔ kwɛlan bow nąąn ɲee mu, nɔi pun ɉu. Ɛlɛɛ ɉu, nɔi ŋɛ̨i kɛ a Amɔrə nuą di wɔɔ, ŋį́ naa tɛɛ ka pɔ.

Dutɛrɔnome 2:23

Bələ lɔ ɓə ə naa la Avi nuą diɛ, diɛi tii kɛ di taɠa taɠaa daa pɛlɛɛɠaa hu, ə lɛɛ ɉu ə həli Gaza, Kaftɔrə nuą diɛi həɠə Kaftɔrə di di paa, di hee di heei.