Amɔsə 9:1 - Yálá laawoo hɛɓɛ (dc)

¹ Ŋą́ Ną́mu kaa tɔɔni ɉaláá kulɔi hįį pələ, yɛ kɛ mą: Bɛlɛ́ dɔɔ muɠaa nwuɔ̨ kɛlɛ, ə gɛ, Yálá hee pɛlɛ́ laaləi ə kpɛlin. Gáá gəlee kɛlɛi di nwuɔ̨, ŋį́ nwolo, Akɛ, da lɛɛ nwɔ̨nɔ̨, ŋį́ di paa. Nu tɔ̨nɔ̨ kpɛli hvo pai kulɔi ɉu, nu ta hvo pai pɛli tɛɛi a gilɛ.

Yálá laawoo hɛɓɛ

¹ Ŋą́ Ną́mu kaa tɔɔni ɉaláá kulɔi hįį pələ, yɛ kɛ mą: Bɛlɛ́ dɔɔ muɠaa nwuɔ̨ kɛlɛ, ə gɛ, Yálá hee pɛlɛ́ laaləi ə kpɛlin. Gáá gəlee kɛlɛi di nwuɔ̨, ŋį́ nwolo, Akɛ, da lɛɛ nwɔ̨nɔ̨, ŋį́ di paa. Nu tɔ̨nɔ̨ kpɛli hvo pai kulɔi ɉu, nu ta hvo pai pɛli tɛɛi a gilɛ.

Bible

¹ Ŋa Kúnuu-namui kàa tɔɔ̂-ni ŋ̀âla-teƃelei kɔlɛ, ǹyɛɛi, “Bɛ́rɛ yée-mu nɔ̃ɔ-ŋai lókwa a gɛɛ bɛ́rɛi kwaa kélee é kpɛ̃lîŋ, í díwolo ǹûai kélee ŋûa. Nyii-ŋai pâi lɛɛ̂i, ŋa pâi dípaâi a m̀óa-sɔkpɔi. Dɔnɔ kpîŋ fé pâi pûi. Dɔnɔ kpîŋ fé pâi kulâi zu.

Amɔsə 9:1 ပူးပေါင်းရင်းမြစ်များ

Kɔlɔnikɔ Veerɛi 18:18

Mise yɛ mą: «Ə həli kan kaa, ka ká wəli tɔɔ ka Yai-Laa woo mąn. Ŋą́ Yai-Laa kaa ə ɓo heeni ŋą tɔɔkpəlin mɛ̨i yələ kɔ́lɔn ɉu, nwɔ kɔlaɠaɠaa kəlee di ɓo tɔɔni ɲee kəlee hu;

Mąątɛ̨nɛ̨ 68:21

Ɲalái tii ɓə a kɔ́ nɛ̨ɛ̨ kuɔ, Ɛlɛɛ, haa pɛlɛ́ laaɓo kwɛli kaa Yai-Laa gu wɔ Yálái yəi.

Mąątɛ̨nɛ̨ 68:22

Kɛlaa, Yálá a ɲowoɠaa nwun ganin nwolo, a nuąi kpɔ tii, di yee kaa lɔ mɛ̨nį ɲɔ̨n ɉui, di nwun gbilɛɛɠaai tii, nu paa nwunŋaai tii, a di wolo.

Azaya 30:16

Ka káá kɛi diɛi: «Ku kaa tɛi hoo mɛ̨i, kuɔ pu.» Ee ka pu kan! Ka káá tɛi gilɛ həɠə wotoloɠaa hu, kaa pu, Kɛlaa ka kpɛ nuą da gilɛ həɠə di tɛɛ kaa.

Azaya 6:1

Gwɛlan tii tɔɔmun Oziasə ə haa la, ŋį́ Ną́mu kaa hįį pələ, ə kɛ heeni tɔɔkpəlin mɛ̨i, mɛ̨i kwɛa. Mąą həɠəɠaa wəli ə Yálá hee pɛlɛ́ laa hvɛɛ.

Ɉeremi 11:11

Yai-Laa yɛ diɛ: Yii gaa tii, gáá mɛ̨nį ɲąąnwąnąą laai diɛ, yii di hva pɛli di kpɔɔ kulɔi ɉu. Di kaa pai wɔlɔi, diɛ də́li, kɛlaa vá nwə́li tɔɔ di woo ɓa.

Ɉeremi 42:16

Gɔ kɔ́ ɓɔwai tii ka káá ɲɔwii mą, a ka hon nąą Eziptə lɔi hu. Bului tii mąą liihɛlɛn gaa kaai, a kanąn kaa, ə mą kɛ Eziptə lɔi hu ɓə, ɛlɛɛ, ka haa la.

Ɉeremi 48:44

Nui a pu ɲɔw tɔwɔ, a too lɔwai. Nui a kulɔ lɔwai, a too diŋɛ̨n ɉu. Gaa tii, gwɛlan mąąnɛ̨ɛ̨ ə nwoo hukulɔ la, mąą kwɛlan ga tii pai Moabə mɛ̨i. Yai-Laa woo li!

Izikiɛ 1:28

Ə kɛ yɛ gbəimiliin, yai a laa tulɔ kpinįn dɔwɔ, a tulɔ pu yələ. Gɛɛ pɔ̨nɔ̨i tii kɛ naa kwɛlɛ kəlee, gɛ pələ ka tii kɛ. Yai-Laa nwɔ mąąwiɛ gulɔ mąą, da gɛ pələ ka tii kɛ; ŋą́ nąą kaa, ŋą́ pɛlɛ níí ɓa, nɔi ɓa, ŋą́ woo ta mɛ̨n yɛ pələ ɓo mą́ą́.

Izikiɛ 10:4

Yai-Laa nwɔ mąąwiɛ ə tɛ ŋələi pələ, mąąkpɛ malaka nwun mɛ̨i bɛlɛ́ laaləi pələ. Bɛlɛ́ laa ə hvɛɛ a tulɔ kpinįn, ɛlɛɛ, ɓɛi nuą da hee laa, Yai-Laa nwɔ mąąwiɛ nwɔ kɛɛ pɔ̨nɔ̨ ə naa laahvɛɛ.

Izikiɛ 15:7

Gáá heei di hu: Daa kulɔ nwɔ̨n ɲəi, kɛlaa nwɔ̨n gaa pai di kələn ɉi; bələ ɓə ká gili kɔ́lɔn na ti káá kɛ, Yai-Laa ɓaa a ɲą́ą́, ɲą́ą́ ɲɛ̨i hee ka hui.

Izikiɛ 9:2

Ə kɛ lɔ tii, hinąą mɛ̨ida di həɠə bɛlɛ́ laaləi yii ti kɛ ɲələi pələ, ɲɛ̨i həɛ ɲánwuɔ̨ pələ; di tɛi tɛi di wɔ nu hu kala hɛn ə ɓo di yee ɲą. Nu tɔ̨nɔ̨ ə kɛ di hamąi həɠə kwəlɛɛ ə ɓo gwąną; hɛɓɛ́ pɛ̨ɛ̨ mun ŋą hɛɓɛ́ kpɔwi ə ɓo nwɔ hɛ̨ą yili kɔ́lɔi ɓa. Di pa di tɔɔ gwɛli kpɔlu haláá kulɔi lííla.

Amɔsə 3:14

hvólói gáá pai Israɛlə nu huwu di wɔ mɛ̨nį ɲɔ̨n ŋɛ̨i kiti teei la, gáá pai Betɛlə nwɔ haláá kulɔi kiti teei, gáá pai ɉaláá kulɔiɠaa wəli yali diɛ, ŋį́ di pu nɔi ɓa.

Amɔsə 7:17

yɛ diɛ: «‹Yɛ́ Amasia, ə́ nɛ̨ą kaa pai kɛi a wɛlikɛnɛ̨ɛ̨nu kɛnɛ̨ ɓɛ daa lee hu. Ə́ lon ɉinąą da ə́ lon nɛ̨ɛ̨ą di kaa pai lɛɛi kɔ́ hu; di kaa pai ə́ wɔ lɔi ŋąąkwɛlɛi a yɛli. Ə́ wɛi tii nwɛi, lɔi yii di hvo Yálá kɔ́lɔn ɉu, naa ɓə ə́ kaa pai haai laa, yili pulu, di kaa pai Israɛlə nu huwu kəlee hon ɉi a luwɔ, di li a diɛ lɔi takpɛli hu.›»

Amɔsə 7:9

«Ɓɛiɠaai kpɔ Isaakə huwu a kɛ hali kɔ́i laa, gáá nąą kəlee taɠai. Gáá Israɛlə nu huwu di wɔ haláá kulɔiɠaa taɠai, ɛlɛɛ, ŋį́ pɛlɛ Ɉeroboamə yəi bɛlɛ́n nuą diɛ a kɔ́.»

Habakukə 3:13

Ya ə́ mąą lɛɠɛ ə́ wɔ nuąi diɛ, yɛ́ di mąą kpɔnmąą ɓo. Tɔɔmun yii ə́ ɉəɠə ɉu, ya mąą kpɔnmąą ɓo. Ya nwąnąlɔ nuą nwun nąmu kɛlɛ, yɛ́ ɲee pɔ nuą nwun napili hvina kulɔ

Sofoni 1:12

Ɲələi tii, ŋą́ kpalan dɔɔ, gɛ́ Ɉerusalɛmə taa hu pili la. Nuąi di wɔ yɛnɛ̨ɛ̨ nii həɛ, di laa gbin ŋą, diɛ mo di kwəi diɛ kɛ: «Yai-Laa hvo mɛ̨nį ta kɛi.» Ŋą́ ɲéé pɛlɛ diɛ.

Sofoni 2:14

Daa kpoloon tii hɛ̨ąi ɓə taatɛlɛɛɠaa kaa pai kɛi di hviitɔɔi laa, da lɔwɔ huwɔ huwui lɔpee, ə mą kɛ, kpəlakpəla, tə́li, di kaa pai kɛi yíi dɔɔ-pɛlɛ́ kpoloonŋaai tii mu, di huluun nwoo kaa pai kɛi tɔɔi bɛlɛ kpoloonŋaa nwolo ɓa, ə həɠə ɉį́i la, pɛlɛ kpoloon nɔ ɓə nu ya gaa, kpitili wului di bɛlɛ kpɛ̨ą la, ya gaa, mąą pɔ̨nɔ̨ɔ̨.

Ɉaan 1:18

Nu ta hvo ta Yálá kaa li, kɛlaa, Yálá Lon dɔ̨nɔ̨ gbən yii da Nąn di kɛ di kee pɔ, ya ɓə Nąn nɛ nuą diɛ.

Ɉaan 1:32

Ɉaan ə mo nwɔ̨nɔ̨ yɛ diɛ: «Ŋą́ Yálá nwɔ Kilii kaa yɛ yɛɛ mɛ̨i yɛ ɓopo, ə hee galan ŋą; ə lɛɛ mə̨i.

Gɛlaɠaa 26:13

Tɔɔmun! Gɛ́ɛ́ bələ pɔ, a hvoló haŋąnŋąą; ŋį́ kɛɛ pono ta kaa a həɠə yələi pələ, gwələ pələ yee tɛɛ hvóló nwɛi ɓa; nən ə mą́ą́ ə mą́ą́ pono, ə mą kɛ, kwa nuąi kɛ bələ pɔ.

Zasua 10:18

Ɉosue ə mo, yɛ mą: «Ka gwɛni kpuwuluɠaa kiliɠilin, ka di laa gwɛni wolo laaləi, ka nuą tɔɔ gwɛlɛ diɛ di ɲɛ̨i kɛ laa.

M̀ɛni-lɛɛi 1:17

Gaai ŋį́ mo, ŋį́ too gɔwɔ mu yɛ ŋą́ haa. Kɛlaa, ə mamįiyee tunwɔ̨n mą́ą́, ɛlɛɛ, yɛ mą́ą́: «'Hvó ɲɔw, ɲą́ą́ ɓə a Dɔlɔɔ ɛlɛɛ, da gbɛla mąą!

M̀ɛni-lɛɛi 8:3

Malaka takpɛli ə pa, ə tɔɔ ɉaláá kulɔi kwɛlɛ. Lansan kələn ɉɛn yɛ ɓo ɲəi a hɛni, ɛlɛɛ, di wulɔ kun-nɛ̨ɛ̨ tɛɛ bɔ kpɔ kɛnɛ̨, əgɛ, ə gulɔ a haláá ə bɛlɛ nu mąąhəɠɛɛɠaa di wɔɔ hvɛli wooɠaa diɛ, ɉaláá kulɔi tii ɓa, yai a hɛni, ə ɓo dɔɔkpəlin níílai.