Amɔsə 8:9 - Yálá laawoo hɛɓɛ (dc)

⁹ Yai-Laa yɛ diɛ: Volói tii a həli, kpinį a pɛlɛ a hvóló ŋą ɉə-ɉə, kɛɛ ə tɛɠi lɔi mɛ̨i nąą kəlee.

Yálá laawoo hɛɓɛ

⁹ Yai-Laa yɛ diɛ: Volói tii a həli, kpinį a pɛlɛ a hvóló ŋą ɉə-ɉə, kɛɛ ə tɛɠi lɔi mɛ̨i nąą kəlee.

Bible

⁹ Kúnuu-namui Ɣâla è mò, ǹyɛɛ, “Ŋa pâi vóloi kɛ̂i a maa-ɣelei tí é yéŋ a vólo tɛɛ-ŋuŋ mai, ŋá ǹɔii su kpíni a fólo ŋá.

Amɔsə 8:9 ပူးပေါင်းရင်းမြစ်များ

Zôo 5:14

Hvóló ŋą ɉe-ɉe, da pili kpinį hu, Hvóló tɔɔ nwun ma lɔwai, diɛ di hiɛ pələ kwɛli yɛ kpinįi.

Azaya 13:10

Yələkwəi pɛmɛ̨lɛ̨n-gɔwɠaa, da di kpulu heeiɠaa, di hva kɛa lən, hvóló hu a kpinį a muhəɠəi lɔwai, ɲąnįn va kɛa hvələ.

Ɉeremi 13:16

Gɛɛ hvitili hvo pu, kpinį hvo pɛlɛ kaa, kaa ka kɔ́wɔ tuwɔ ɲeeɠaa ɓa; kaa kɛɛpono mąą kpɔn, Kɛlaa mąą yɛ pənə a tɛɛhilɛ kpinį, a tulɔ kpinį hu tɛɠiɛ, 'ka Yai-Laa ka wɔ Yálái mąąwiɛ.

Ɉeremi 15:9

Lon ɉinąą mɛ̨ihveelɛ kaa lee, aa kulɔ nwului, vina aa tɔ́n, nwɔ hvólói aa lɛɛ tɔɔni nwun ma, aa kpɛɛ; nwumɛ̨ aa ɲɛ̨i paa, gwəi aa pili mą. Yii ɓaa nu kpəli woloi a lɛɛi, gáá pai dɛɛi ɓɔwa kwɛaa pɔ; ɓɛlɔwai di yowoɠaa kaa pai woloi la diɛ. Ɲą́ą́ Yai-Laa nwóó li!»

Izikiɛ 32:7

Ə́ lən a luwun ə kpɛɛ ɉu, ŋą́ yələ kɔ́lɔn mɛ̨i kpulu, gɛ́ pɛmɛ̨lɛ̨n-gɔwɠaa hu kpinį; gɛ́ hvóló mɛ̨i kpulu a tulɔ kpinįn, ɛlɛɛ, ɲąnin və pai kɛa hvólói.

Amɔsə 4:13

Mąąhɔlɔɓo, Yálái ŋɛ̨i yeeɠaa tɔɔ, ə hvaŋą kulɔ, ya ɓə a nwɔ kiliŋąhiɛ loɔ lɛ nu ɓa, Ya ɓə a yələwala mąą pənə a kpinį, yɛ hiɛ yeeɠaa ton na, mąą Yálái tii laa ɓaa: Yai-Laa Mɛ̨nį Kəlee ŋą Hééɓomun Yálá.

Amɔsə 5:8

Ya ɓə a pɛmɛ̨lɛ̨n-gɔw kpulu heei kulɔ yələ kwəi. Bɛmɛ̨lęn-gɔwɠaa yii ŋɛ̨i da kɛ mą Pleiadɛsə, diɛ ɓɛ da hvóló laa tee lɔwai lɛ. Yiiɠaa ŋɛ̨i da kɛ mą: Oriɔn, diɛ hąmą lɔi lɔwai lɛ. A pɛli kpinį mąą pənəi a yələwala pɔ. Yɛ yələɓoɔ hu kpinį, ə gɛ, kpinį ə pɛlɛ. A pɛli mą ə gboloyá hvɛɛ, ə naa lɔi mɛ̨i nąą kəlee. Yálái a mɛ̨nįɠaa tii kɛ, naa ɓaa: Yai-Laa.

Mise 3:6

Yili mąą mɛ̨nį ɓa, kpinį aa pɛlɛ ka mɛ̨i, ka hva kɛa kɛɛ kaa, tɛɛ́-hilɛ kpinį a pɛlɛ ka mɛ̨i, ka hva kɛa Yálá kwəi mɛ̨nį mɛ̨n, tulɔ kpinį kaa pai pɛlɛi Yálá kwə́i mɛ̨nį hukulɔ nuą mɛ̨i, da lɛɛ kpinį yəi.

Zakari 14:7

Gaa pai kɛi a hvóló mąą pɔlɔɔ, Yai-Laa yaa tanɔ̨n lɔ ɓə gɔlɔn, yələ ɓɔɔ mɛ̨nį hva kɛ ɉu, kpįnį mɛ̨nį hva kɛ ɉu; kɛɛ a kɛ lɔ a bonɔɔ.

Maafîu 24:29

«Mɔ̨nɔ̨ kpɛa-kpɛa tii tɛɛ pulu, ɲąąɓa, hvóló a tɛɠi, ɲąnįn hva kɛa hvóló, pɛmɛ̨lɛ̨n-gɔw diɛ kulɔ yələi diɛ too. Huwalawalaɠaai yələ kwəi, da kpɛlin.

Maafîu 27:45

Ə kɛ a hvóló tɛɛ nwun mą lɔwai, kpinį ə pɛlɛ lɔi mɛ̨i nąą kəlee ə lɛɛ ɉu, hvóló ə gɔwɔ kulɔ mu.

Markə 15:33

Ə kɛ a hvóló tɛɛ nwun ma lɔwai, kpinį ə pɛlɛ lɔi mɛ̨i nąą kəlee ə lɛɛ la ɉu, ə kɛ a lɛɛlɛ haaɓa.

Lukə 23:44

Ə kɛ a hvóló tɛɛ nwun ma lɔwai, kpinį ə pɛlɛ nɔi tii hu nąą kəlee ə lɛɛ la ɉu pɛlɛ gɔwɔn nįnįn ə kwɛa a nu kɔ́wɔ laɠi ɉi hveelɛ.

M̀ɛni-lɛɛi 6:12

Ɛlɛɛ, ŋą́ ɲɛ̨́i hee, ɓɛlɔwai di gɔlɔn ɉɛn mɛ̨ida nąą holoon na, lɔi ə kpɛlin gbɔ kɛnɛ̨, hvóló hu ə tɛɠi kpɔ hɛ̨-hɛ̨, ɛlɛɛ, ɲąnįn nąą kəlee ə kpɔlu yɛ ɲąmą.

M̀ɛni-lɛɛi 8:12

Malaka nąąn nąą ə nwɔ tului hvɛɛ, hvóló ɓɛlaɓoɔ ɉu haaɓa, bələ tɔ̨nɔ̨; ɲąnįn ɓɛlaɓoɔ ɉu haaɓa, bələ tɔ̨nɔ̨, da pɛmɛ̨lɛ̨n-gɔwɠaa ɓɛlaɓoɔ ɉu haaɓa, bələ tɔ̨nɔ̨, di di kɛlɛ, di hu ə tɛɠi; yələɓoɔ ə hvɛɠɛ a ŋą kɛɛpono ɓɛlaɓoɔ ɉu hvaaɓa, bələ tɔ̨nɔ̨, ə mą kɛ, kpinį yaa kpɛlimąn.