Amɔsə 8:8 - Yálá laawoo hɛɓɛ (dc)

⁸ Yili ɓə gaa mą, lɔi hvo mɔ̨ɔ̨ pai kpɛlin ɉii? Ɉu nuą kəlee di hvo mɔ̨ɔ̨ pai mąąwɛli hee ɓo? Nɔi nąą kəlee kaa pai kɛi hvɛɛ yɛ wolo yɛ ɲa lee ŋɛ̨i Eziptə lɔi hu, diɛ kɛ mą: Nilə.

Yálá laawoo hɛɓɛ

⁸ Yili ɓə gaa mą, lɔi hvo mɔ̨ɔ̨ pai kpɛlin ɉii? Ɉu nuą kəlee di hvo mɔ̨ɔ̨ pai mąąwɛli hee ɓo? Nɔi nąą kəlee kaa pai kɛi hvɛɛ yɛ wolo yɛ ɲa lee ŋɛ̨i Eziptə lɔi hu, diɛ kɛ mą: Nilə.

Bible

⁸ Nyíŋi mɛni ma, ǹɔii a pâi kpɛ̂linii, zu-ƃelai kélee dí wɔ́lɔ, ǹɔii kélee é túmo, gɛ́ tɛ̀ gɛ́ yèŋ pôlu ŋɔ́nɔ yɛ̂ɛ Ǹâai Ya-leei Izei.”

Amɔsə 8:8 ပူးပေါင်းရင်းမြစ်များ

Mąątɛ̨nɛ̨ 18:7

Gɛ́ɛ́ mɔ̨nɔ̨i tii hu, ŋą́ Yai-Laa təli, ŋą́ nwóó tɛ nwɔ́ Yálái pɔ pələ, ə lɛɛ nwɔ pɛ́lɛ́i mu, ə nwóó mu hon, tomąi tii ŋį́ mo, nwóó ə too nwəlii.

Azaya 5:25

Yili mąą mɛ̨nį ɓa, Yai-Laa lii aa holi nwɔ nuąi pɔ, aa ɲee tɛ mɛ̨i di kɛlɛ mɛ̨nį ɓa, yeeɠaa diɛ kpɛlin, di powaɠaa di ɓo gwəli hɛ̨ąiɠaa yɛ tulun ŋą, kɛlaa ə mą kɛ tii, nii hvo nii laa li, ɲee tɛɛ lɔ ni mɛ̨i.

Ɉeremi 12:4

Nɔi kaa pai lɛɛi wɔlɔi, ə lɛɛ ɉu, lə yələ ə ɉəli? Ɲea kɔ́wɔ hu kala tiliin gəlee kaa pai lɛɛi kpalai, ə lɛɛ ɉu, lə yələ ə ɉəli? Ɉu huwɔɠaa kəlee da nwɛ̨nįɠaa diɛ haa; nɔi nuą lii ɲɔ̨nwɔ pələ mąą mɛ̨nį ɓa, a diɛi kɛi diɛ: «Yálá hvo ku wɔ pɛlɛ́ɠaai kaai, da mu mɛ̨nįɠaa.»

Ɉeremi 46:7

Gbɛɛ gaa yɛ Nilə yá, yɛ hvɛɛ yɛ yáleeɠaa, yɛ huluun?

Ɉeremi 46:8

Eziptə ɓə gaa yɛ Nilə yá, yɛ hvɛɛ, yɛ tɛɛ yákpɛa kpɛa diɛ, ɲaɠaa diɛ huluun. Eziptə ə kɛi kɛ diɛ: «Gáá hvɛɛi, ŋą́ laa lɔi mɛ̨i, ŋą́ taaɠaa hukala, da di hu nuą.

Ɉeremi 51:29

Lɔi mąą kaa kpɛlin ɉii, nwun mini-mini yɛ yɛɛ laa, mɛ̨nį Yai-Laa ə mo, gaa kɛa gɛi. Yaa ɓaa, ə Babilonə lɔi mąą pənə a lɔi pun! Ə ɉu ɓo; ə ɉu nuą kəlee kulɔ ɉu.

Danîa 9:26

Gwɛlan pow mɛ̨ida kɔ́w hveelɛi heei gwɛlan mɛ̨ihveelɛi tii tɛɛ pulu, hulɔnu ta yii Yálá aa ɉəɠə ɉu ə mąątí, di kaa pai baai, dɔɔ bulu kɛ mun hva hɔlɔɓo nuą lɔwai. Yili pulu, nwun nąmu ta ka pai muhəɠəi, da nwɔ kɔlaɠaɠaai, di daa lee wolo, ə mą kɛ Yálá hee pɛlɛ́. Ə mą kɛ tii, Yálá nwɔ líiɲąnwąną kaa pai pui nui tii mɛ̨i, ə nwɔ yɛnɛ̨ɛ̨ ŋaakpɛɛ. Kɛlaa, gɛɛ hvo pa kɛ haai, gaa pai kɛɛ kalai kɔ́kɔ́ɔ hu, yɛ pələi di mɛ̨nį tii gbən dee la.

Osia 10:5

Samari nuą kaa ɲɔwi Bɛtə-Awɛn haliɠaai a nįŋɛ̨ kpəlaaɠaa, di mąą mɛ̨nį ɓa, mąąhɔlɔɓo, nɔi nuą, da ɉaláá laa həli nuą, diɛi kɛi di ɲąąnɛ̨ɛ̨ kulɔ ŋą kɛnɛ̨ laa hu, di kəlee, di mąą kaa kpɛlin ɉii, diɛ wɔlɔ pu di wɔ halii mɛ̨i, yai a nįŋɛ̨ lon, yiihu, yii kɛa daa li la tii kwɛaa la, ka gwəinɛ̨ɛ̨ ta kulɔ wɛ kan!

Osia 4:3

Nɔi ɲɛ̨i mąą aa wɛli, ɉu nuą kəlee diɛ kpala, ə mą kɛ lɔwɔ huwɔɠaa, da yələi nwɛ̨niɠaa. Ə mą kɛ gboloyá hu hɔ̨nwɔ̨leeɠaa di kaa pai kpɛɛi.

Amɔsə 8:10

Ŋą́ ka wɔ hɛliɠaai kəlee mąą pənə a mąąwɛli hee ɓoɔ Ŋą́ ka wɔ wələɠaai mąąhvalin a wɔlɔ woo. Nu kəlee da mąąwɛli həɠə too di kwąną yɛ da haa too nu ɓa. Nu kəlee da di nwun gbəlaan mo, yɛ nu lon gɔw tɔ̨nɔ̨ a haa. Mɛ̨nįɠaa tii kəlee ŋąą a kpɛɛ a nwanąą.

Amɔsə 9:5

Nąmu Yai-Laa, Yai-Laa Mɛ̨nį Kəlee ŋą Hééɓomun, yai a ɲeekpiɛ hee lɔi ɓa, nɔi yɛ kpɛlin, mɛ̨i hee ɓo nuą diɛ mąąwɛli hee ɓo, nɔi yɛ hvɛɛ yɛ wolo yɛ ɲa lee ŋɛ̨i Eziptə lɔi hu.

Nahumə 1:8

Ə mą kɛ ya hvɛɛ kaa tɛɛi, a daa kɔ́wɔ hvilɛn ɉɛnŋąą kulɔ, yɛ ɲowoɠaa pili kpinį hu.

Maafîu 24:30

A kɛ tii, Nu Lon pa mɛ̨nį kɔ́lɔn ɉɛnŋąa da laa yələ kwəi. Lɔi mɛ̨i nuą kəlee da di woo laa. Ɛlɛɛ, diɛ Nu Lon kaa heeni tulɔ kpinįn ɉu, yɛ pa huwalawala kɛnɛ̨ da mąąwiɛ hu.