Amɔsə 8:14 - Yálá laawoo hɛɓɛ (dc)

¹⁴ Nuąi kɛi di kwɛla a Samari hali laa, Diɛi kɛi di kwɛla, diɛ kɛ mą: «Dan! Ə́ wɔ halii laa hu!», A wala kɛ tii, «Beɛrə-Seva pələi laa hu!» Nuą tii da too di hva kɛa di muhəɠə.

Yálá laawoo hɛɓɛ

¹⁴ Nuąi kɛi di kwɛla a Samari hali laa, Diɛi kɛi di kwɛla, diɛ kɛ mą: «Dan! Ə́ wɔ halii laa hu!», A wala kɛ tii, «Beɛrə-Seva pələi laa hu!» Nuą tii da too di hva kɛa di muhəɠə.

Bible

¹⁴ Diai da dífòo Asima ma nyii gáa Sameria, díkɛ m̀ó, dîyɛɛi, ‘Óo Daŋ, íɣâlai káa ɣele ma,’ Dîyɛɛ, ‘Óo Bɛɛsiba, ímɛi-kaa-ɣalai káa ɣele mai,’ da pâi toôi, dífe pâi ŋɔ́nɔ dímu siɣêi pôlu.”

Amɔsə 8:14 ပူးပေါင်းရင်းမြစ်များ

Tɔɔɓɛlaa dɔlɔɔ 12:32

Ɉeroboamə ə hɛli kɛnɛ̨ pu a ɲąnin mɛ̨ihaaɓa nąą nwɔ hvóló pow kɔ́w lɔɔli yələ, yɛ bələi di kɛi gɛ la Ɉuda lɔi hu, ɛlɛɛ, ə tɔɔ ɉaláá kulɔi lííla. Bələ ɓə ə gɛ la Betɛlə, yɛ haláá kulɔ nįŋɛ̨ lon ŋɛ̨i ə bɛli mą, ə nɛɛ mą ə haláá laa həli nuą hee Betɛlə, Yálá kɔ́iɠaa tii ɓa, yai ə dɔɔ.

Tɔɔɓɛlaa dɔlɔɔ 14:16

Gaa pai kulɔi Israɛlə pulu, nɛ̨ŋɛ̨nŋaai ŋɛ̨i Ɉeroboamə ə ɉəɠə yɛ Israɛlə yee lɔ ɉu mąą mɛ̨nį ɓa.

Tɔɔɓɛlaa dɔlɔɔ 16:24

Yili pulu, ə Samari yee ya Sɛmɛrə yəi a wali kwələ waa mɛ̨ida. Ə ɲee mąątinɛ̨n a hįi, ɛlɛɛ, daai ə dɔɔ, ə naa hee a Samari, a ɲeei tii nąmu Sɛmɛrə laa.

Tɔɔɓɛlaa veelɛ 10:29

Kɛlaa, Nevatə lon Ɉeroboamə, nɛ̨ŋɛ̨n ŋɛ̨i ə Israɛlə yee lɔ ɉu, Ɉehu hvo həɠə yiliɠaa pulu; ya ɓaa: Nįŋɛ̨ lonŋaai di bɛli a hɛni Betɛlə da Dan, hvo di kala li.

Kɔlɔnikɔ Veerɛi 36:16

Kɛlaa, di kɛi yɛlɛ kulɔ Yálá nwɔ wəlɛɛ ɓo nuąi hu, di tɛɠɛɓoɔ di wooɠaa hu, diɛ di woohəɠə gwəi mɛ̨nį hukulɔ nuą diɛ; ə lɛɛ la ɉu, Yai-Laa nwɔ liiholii ə tɛ nwąną ɓa, ɲali bulu hvo kɛa kɛ mą.

Mąątɛ̨nɛ̨ 140:10

Nuąi daa kɔ́ hee mą́ą́, di hvo di nwun dɛ mą́ą́ mɛ̨nį hu, nwoo ɲɔ̨n da kɛ moi, 'ə yɛɛ a di nwun.

Mąątɛ̨nɛ̨ 36:12

Kpɔwɔ ɲąąkɛnɛ mun hvo kpɔ hvilɛn ɓɛi gáá laai, ɛlɛɛ, nwąnąlɔ nuą, hvaŋą hvo gbɛ́ ɉééi.

Hanwon 24:16

Mąąhɔlɔɓo, tələnmomun a pɛli mą tooi gee mɛ̨i mɛ̨ihveelɛ, yɛ muhəɠə, Kɛlaa, nwąnąlɔ nuą da di laanɔ̨nwɔ̨ ɓo mɛ̨nį ɲɔ̨n ɉu.

Hanwon 29:1

Nui a gbowo too ɉutɔɔ woo ɓa, a tee lɔ kpə, ɉali hva kɛ.

Azaya 24:20

Lɔi kaa tɔɔi takpa takpa yɛ lɔɔ hon, aa hviyɛn yɛ hə́lə́kpuwulu, nwɔ nɛ̨ŋɛ̨n aa wiɛ mą, a too, hva pɛli muhəɠəi.

Azaya 43:17

Ya ɓə kɔ́ kɔ́ wotoloɠaa da hooɠaa, kɔlaɠa da kulááɠaa ɲąąkpɔn, diɛ li kɔ́ ɓa, di pɛlɛ lɔ kpulu, di hvo kɛa pɛli di muhəɠəi, di hvįna ə tɔ́n, di luwun, yɛ kwɛi a kpɛɛ nwuɔ̨n ma.

Ɉeremi 25:27

Ə́ kaa pai kɛi diɛ: «Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka: ka ká kpələ kpɔ ə lɛɛ ɉu ə ka hon, kaa ɓaɠi, ka too ka hva pɛli ka muhəɠəi, gɔ́ kɔ́ ɓɔwai gáá pai bilii ka lɔwai ɲɛ̨i tɔwɔ.»

Ɉeremi 51:64

Ɛlɛɛ, yɛ́ mą: «Bələ ɓə Babilonə kaa pai lɛɛi la yai, mɔ̨nɔ̨ɠaai gáá pai naai mą, hva kɛa pənə hvo kulɔ ɉu.» Ɉeremi wooɠaa kpɛlai ka tii.

Osia 10:5

Samari nuą kaa ɲɔwi Bɛtə-Awɛn haliɠaai a nįŋɛ̨ kpəlaaɠaa, di mąą mɛ̨nį ɓa, mąąhɔlɔɓo, nɔi nuą, da ɉaláá laa həli nuą, diɛi kɛi di ɲąąnɛ̨ɛ̨ kulɔ ŋą kɛnɛ̨ laa hu, di kəlee, di mąą kaa kpɛlin ɉii, diɛ wɔlɔ pu di wɔ halii mɛ̨i, yai a nįŋɛ̨ lon, yiihu, yii kɛa daa li la tii kwɛaa la, ka gwəinɛ̨ɛ̨ ta kulɔ wɛ kan!

Osia 13:2

Ɛlɛɛ, ə mą kɛ yiihu, di yee kaa lɔ nɛ̨ŋɛ̨n ɉu, da di yəi wali həɠeen, diɛ haliɠaa pɛli la, a yɛlɛ; yɛlɛ kɛ nuą kɛ kólo lɔ li. Di mąą mɛ̨nį ɓə da kɛ kɛi la diɛ: «Da nu kanŋaa kulɔ a haláá, diɛ kwɛli hvilɛn nįŋɛ̨ lon ɉaliɠaa diɛ.»

Osia 4:15

Yii kpɔ yɛ́, Israɛlə, yá kɛ wɛli hon ɉii, Mąą hvo nɛ̨ɛ̨li Ɉuda yaa kpɛlimąn, hvo tɔɔ yɛ ɉɔn gɛ. 'Ka hvo li Gilgalə, 'ka hvo tɛ Bɛtə-Awɛn, 'ka hvo ka kwɛla, kaa kɛ diɛ: «A kɛ kpɔ Yai-Laa kaa a vulú.»

Amɔsə 5:1

Israɛlə nɔi nuą, mɛ̨nį gɛ́ ŋį́ mo, 'ka ka wəli tɔɔ mą. Ya ɓaa: woolaa yii gáá gɛi ka mąą mɛ̨nį ɓa.

Amɔsə 5:2

Israɛlə nuą kaa yɛ nɛ̨ɛ̨gbɛla yii hvo hulɔnu mɛ̨nį hu kɔ́lɔn, aa too yɛ a haa, gbɔɔ-kpɔɔ lɔi ɓa, hvo kɛa pai muhəɠəi, nu hvo nwɔ̨nɔ̨ ɲəi yii a muhəɠə.

Amɔsə 5:5

Kɛlaa, Yálá hee pɛlɛ́i ŋɛ̨i gaa Betɛlə daai hvəi ka gwɛ́li laa. Ka hvo kpɛli li Gilgalə daai. Ka hvo kɛ ka káá lii Beɛrə-Seva daai Mąąhɔlɔɓo, Gilgalə nuą kaa pai li luwɔlaa hu. Yálá hee pɛlɛ́i ŋɛ̨i gaa Betɛlə daai, naa kaa pai lɛɛi a nąnį nwɔ pɛlɛ́.

Mise 1:5

Yili ə kɛ tii a Ɉakɔbə nwɔ kulɔ nwoo mu laa laa pɔɔ, a Israɛlə nwɔ pɛ́lɛ́i nwɔ nɛ̨ŋɛ̨nŋaa laa pɔɔ. Ɉakɔbə nwɔ kulɔ nwoo mu ɓaa a lə? Samari hvəi? Ɉuda nwɔ haliɠaai kɔ́i ɓaa a mį? Ɉerusalɛmə hvəi?

Sofoni 1:5

Nuąi da tɛ gbɛan ŋą, diɛ kwɛli hvilɛn yələ kwəi hɛnŋąą diɛ, nuąi da kwɛli hvilɛn Yai-Laa ɓa, diɛ di kwɛla a di wɔ hali Melɛkə laa, gáá gəlee nwun napilii.

Gɛlaɠaa 18:25

Daa kɛ mąąkwɛli gu Ną́mu nwɔ pə́lə́i ɓa, ɛlɛɛ, kalan mɛ̨nį kɛ pələ níí hu, bələi mąn Ɉaan nwɔ Mąąwaa mɛ̨nį lɔ ɓə ə kɛ a gɔlɔnŋąą la, ə kɛli nuą mąąkwɛli, yɛ Jesus mąą mɛ̨nį hukulɔ kpɔ a ɉąŋąnŋąą.

Gɛlaɠaa 19:23

Nąąlɔwai, gu Ną́mu Jesus nwɔ pələi mąą mɛ̨nį ɓa, hvaa kɛnɛ̨ ə too nuą lɔwai.

Gɛlaɠaa 19:9

Kɛlaa, nu taɠaa di kɛli di kili walawala, di hvo kɛli tí, di hvo nwoo kaa a tɛ̨ą, yaamun, di kɛli Yálá nwɔ pələi laa ɲɔ̨nwɔ̨ɔ̨ɓo ɲąąkpɔn ɉu; yili ɓa, Polə da nuąi tii di taɠa. Yili pulu, ə galan nɛa həɠə, yɛ kalan gɛ diɛ hvoló tɛitɛi yee mu Tiranɔsə nwɔ lakwɛli kələi mu.

Gɛlaɠaa 24:14

Kɛlaa, yii gíli kaa ɉu, ya ka: Gáá ku nąnni di wɔɔ Yálá ŋą kóló ɓa, yɛ bələi Gbaalə nįnɛ̨i ŋɛ̨i a mo la, yai di wɛi, di kaa gaai a: Lɛɛ kpaalə. Mɛ̨nįɠaa kpɔ dɔn ɉɛɓɛ́ hu da yiiɠaai kpɔ Yálá kwəi mɛ̨nį hukulɔ nuą di bɛ̨ɛ̨, náái gəlee la.

Gɛlaɠaa 9:2

ə hɛɓɛ́ hu hvɛli ɉaláá laa həli mun gɛnɛ̨ ɓa, yɛ pɛli lɔi la Yálá hvɛli pɛlɛ́ɠaa mu Damasə. Ə gɛ, a nuą kaa laa di ɓo bələi ti mɛ̨i, ə kɛ a hulɔnu, ə kɛ a nɛ̨ɛ̨nu, ə di hon, ə pa a diɛ Ɉerusalɛmə, a di yili.

Dutɛrɔnome 33:11

Yai-Laa lúwɔ́ too di wɔ hvaŋąlɔlaa ɓa. Ə́ di kɛ kóló hu nɛ̨ɛ̨. Ə́ di kɔ́yɔwɔɠaa hɛ̨ą yali. Nuąi da wɛlikpɛɛmąąlaa kulɔ a diɛ, di hvo pɛli di muhəɠəi.»

Dutɛrɔnome 9:21

Ɛlɛɛ, ɉɛn ŋɛ̨i ka bɛli a nįŋɛ̨ lon, ŋį́ ɉəɠə, ŋį́ ɉuyaləyalə, ŋą gələn; ŋį́ vunwɔ, ɲái tii kɛi həɠə ɲee ɓa pələ, ŋį́ vunwɔ pu ɉu.