Amɔsə 7:8 - Yálá laawoo hɛɓɛ (dc)

⁸ Ə mą́ą́ləngɛ, yɛ mą́ą́: «Amɔsə! Lə ɓə ŋɛ̨i ə́ kaa gaai ɲə́i?» Ŋą́ nwoo ŋąąpənə, gɛ́ mą: «Pɛlɛ tɔɔ kinɛ̨ kɔ́w ka tii!» Yai-Laa yɛ mą́ą́: «Bɛlɛ tɔɔ kinɛ̨ kɔ́wi ŋɛ̨i ɓə, nwɔ́ nuą ŋɛ̨i a Israɛlə nu huwu, gáá pai di mąąkpɛɛi la, akɛ di haŋąąi. Mąąhɔlɔɓo, akɛ ŋį́ hɔn gaa diɛ, və́ kɛa pai di mąąhvaalɛɛi.

Yálá laawoo hɛɓɛ

⁸ Ə mą́ą́ləngɛ, yɛ mą́ą́: «Amɔsə! Lə ɓə ŋɛ̨i ə́ kaa gaai ɲə́i?» Ŋą́ nwoo ŋąąpənə, gɛ́ mą: «Pɛlɛ tɔɔ kinɛ̨ kɔ́w ka tii!» Yai-Laa yɛ mą́ą́: «Bɛlɛ tɔɔ kinɛ̨ kɔ́wi ŋɛ̨i ɓə, nwɔ́ nuą ŋɛ̨i a Israɛlə nu huwu, gáá pai di mąąkpɛɛi la, akɛ di haŋąąi. Mąąhɔlɔɓo, akɛ ŋį́ hɔn gaa diɛ, və́ kɛa pai di mąąhvaalɛɛi.

Bible

⁸ Nya ƃe è ḿarê kɛ̀ ǹyɛɛi, “Emɔ, lé ƃé ƃa gâai?” Nya ƃe ŋá mò mà, ńyɛ̂ɛi, “Sɛŋ-kɔɔŋ-sɛŋ.” Nya ƃe è mò ḿâ ǹyɛɛi, “Gáa, ŋa sɛŋ-kɔɔŋ-sɛŋ lâai Eezuɛ-ŋai sáma nyii-ŋai díkaa a ŋánûai. Fé pâi ŋɔ́nɔ dísu-mɛni lɛɛ̂i.

Amɔsə 7:8 ပူးပေါင်းရင်းမြစ်များ

Tɔɔɓɛlaa veelɛ 21:13

Bələi ŋą́ Samari lɔi kala la da Akabə nwɔ pɛ́lɛ́i, bələ ɓə gáá pai Ɉerusalɛmə taa kalai la. Gáá pai Ɉerusalɛmə hu waai, yɛ da kɛi hɛnɲąŋą hu waa.

Azaya 28:17

Mɛ̨nį haŋąą ɓə pai kɛi a bɛlɛ́ kɔ́ɔn ɲɛli, tələnmolaa ə ɓo a ɉaŋą hɛn, ka mąąkilɛ pɛ́lɛ́i a lɛɛ, hanwon gaa pai ɉukalai, ɓɛi ka káá pai ka mąąkilɛi laa, yá hvɛɛ a nąą həɠə.

Azaya 34:11

Nąą kaa pai lɛɛi a muú da tə́li di taa ŋą, muúɠaa da gwąą-gwąąɠaa diɛ di taa tɔɔ laa, Yai-Laa kaa pai nąą kɔ́ɔn ɉii, ə nąą lɛɛ a vowolo, gaa pai nąą hu hiɛi, ə nąą kulɔ bihɛi.

Ɉeremi 15:6

Yai-Laa woo ka; yɛ diɛ: «Yá ɓə nɛ́ɛ́ laa, yɛ́ ə́ pulu tɔɔ mą́ą́; Ŋą́ ɲee kpuwulu kɛ yɛ́, ə́ hu kala mɛ̨nį ɓa. Vį́į́ aa kpɛɛ kɛa ə́ ɲɛ̨i mąą wɛli kaa mɛ̨nį ɓa.

Woolaa 2:8

Yai-Laa aa Siɔn lɛlɛɛ mąąkpɛ hįi pu kili tee gwəi; yɛ gaa nąą kəlee kalan ɉi, ə ɉee tin-tin, yɛ hva pɛli ɲee yalii bulu, hvo kɛli a nąą kəlee wolo; aa bɛlɛ́ nwąną hveelɛi kəlee kɛlɛ, aa woolaa too gəlee la.

Osia 1:6

Ə pənə ə koo həɠə, ə lon nɛ̨ɛ̨nu kaa, Yai-Laa yɛ Ose ɓa: «Naa hee a Lo-Ruhama, mąąhɔlɔɓo Israɛlə nwɔ pɛlɛ́i ɲɛ̨imąąwɛli hvo kɛa pai lɛɛi lɔ mą́ą́. Gáá pai nwɛli kpɛɛi mą́ą́ kpɔ tɛ̨ɛ̨ tɛ̨ɛ̨.

Amɔsə 7:7

Mɛ̨nį Yai-Laa ə nɛ mą́ą́ hįį pələ nwɔ̨nɔ̨, ya ka: Yai-Laa yaa kpinįi, ŋį́ gaa tɔɔni pɛlɛ nwąną ta mɛ̨i, pɛlɛ́ tɔɔ kinɛ̨ kɔ́w yɛ ɓo ɲəi.

Amɔsə 8:2

Yai-Laa ə mą́ą́ləngɛ, yɛ mą́ą́: «Amɔsə! Lə ɓə ŋɛ̨i ə́ kaa gaai ɲə́i?» Ŋą́ nwoo ŋąąpənə, gɛ́ mą: «Kpɔlɔ ka tii, naahvɛɛ a wulu ɓa, gəlee daa kpɔlu.» Yai-Laa yɛ mą́ą́: «Israɛlə nu huwu ŋąąkpɛɛi lɔwai aa ɉəli, və́ pai di hɔn da mąąhvaalɛɛi.

Mise 7:18

Gbɛɛ ɓə a pɛli gɔwɔn ɉii Yɛ́, Yálá? Yɛ́i yá nu nwɔ nɛ̨ŋɛ̨n nwaa mą, kwa kulɔ Ə́ woo mu, Yɛ́ ə́ kili kulɔ ɉu, nwɔ nu huwu kpəlii wɛli kɛɛ mɔ̨ɔ̨ mą, a gwɛlin tii, hva ɲee kanąn nwɔ líiholii ɓa. Yaamun, niiɓa ɓaa yɛ nu mąąhvaalɛɛ.

Zakari 4:10

Gbɛɛ ɓə kɛi tɛɠɛɓo volói ku mɛ̨nįɠaa kpala tɔɔ la a viikpɛɛ, di hu? 'Di kwəinɛ̨ɛ̨ kulɔ kani, bɛlɛ́ tɔɔ kinɛ̨ kɔ́w kaa Zorobabɛlə yəi. Nwulɔ nwɔ̨n mɛ̨ihveelɛi, di kaa a Yai-Laa ɲɛ̨i kɔ́w mąą nįnįn, yai a lɔi mɛ̨i kəlee kaa la.»

Zakari 4:2

Ə mą́ą́ni kɛ, yɛ mą́ą́: «Lə ɓə ə́ kaa gaai?» Gɛ́ mą: «Gáá hɛn da kaai, nwɔ̨n ɉee hɛn da li, nąą kəlee kaa a hɛni; nwulɔ pui kaa ɲələi pələ. Nwɔ̨n gbowo mɛ̨ihveelɛ ə ɓo mɛ̨i, da ɉaláá mɛ̨ihveelɛ.

Zakari 5:2

Malaka yɛ mą́ą́: «Lə ɓə ə́ kaa gaai?» Gɛ́ mą: «Gáá hɛɓɛ́ ta kaai yɛ koon. Dɔɔɉu kaa a yee laamą pow hveelɛ, ɲąą kɛ̨nɛ̨ a yee laamą pow.»