Amɔsə 7:17 - Yálá laawoo hɛɓɛ (dc)

¹⁷ yɛ diɛ: «‹Yɛ́ Amasia, ə́ nɛ̨ą kaa pai kɛi a wɛlikɛnɛ̨ɛ̨nu kɛnɛ̨ ɓɛ daa lee hu. Ə́ lon ɉinąą da ə́ lon nɛ̨ɛ̨ą di kaa pai lɛɛi kɔ́ hu; di kaa pai ə́ wɔ lɔi ŋąąkwɛlɛi a yɛli. Ə́ wɛi tii nwɛi, lɔi yii di hvo Yálá kɔ́lɔn ɉu, naa ɓə ə́ kaa pai haai laa, yili pulu, di kaa pai Israɛlə nu huwu kəlee hon ɉi a luwɔ, di li a diɛ lɔi takpɛli hu.›»

Yálá laawoo hɛɓɛ

¹⁷ yɛ diɛ: «‹Yɛ́ Amasia, ə́ nɛ̨ą kaa pai kɛi a wɛlikɛnɛ̨ɛ̨nu kɛnɛ̨ ɓɛ daa lee hu. Ə́ lon ɉinąą da ə́ lon nɛ̨ɛ̨ą di kaa pai lɛɛi kɔ́ hu; di kaa pai ə́ wɔ lɔi ŋąąkwɛlɛi a yɛli. Ə́ wɛi tii nwɛi, lɔi yii di hvo Yálá kɔ́lɔn ɉu, naa ɓə ə́ kaa pai haai laa, yili pulu, di kaa pai Israɛlə nu huwu kəlee hon ɉi a luwɔ, di li a diɛ lɔi takpɛli hu.›»

Bible

¹⁷ M̀ɛni ma, Ɣâla Yâwɛɛ è mò, ǹyɛɛ, ‘Ínɛnîi a pâi kɛ̂i a wulu-wulu-nɛni daa-leei su, ƃóa-sɔ̂kpɔ é ílônii sinaai da ílônii-nɛyaa páa. Ílɔii ŋáa a pâi kɔlɛ̂i a gbua-kpuaa, yá kpîŋ í sáa lɔii su nyii ve Ɣâla mɛni kɔ́lɔnii, ǹyaŋ da pâi Eezuɛ-ŋai kulâi dílɔii su a tɔ̃yâ dí lí a dia luɛ-laa su.’ ”

Amɔsə 7:17 ပူးပေါင်းရင်းမြစ်များ

Tɔɔɓɛlaa veelɛ 17:6

Ose nwɔ tɔɔlaa gwɛlan mɛ̨inąąn nɔwai, Asiri tɔɔmun ə Samari hon a kɔ́, ə Israɛlə nuą damąą həɠə, ə li a diɛ Asiri lɔi hu, ə di hee Hala da Habɔrə ya kwɛlɛ, yai kɛ a Gozan nwɔ ya lee kɛnɛ̨, ə daɠaa hee Medi taa kpɛa kpɛaa hu.

Mąątɛ̨nɛ̨ 78:55

Ə nuą kpɛ di tɔwɔ, ə di wɔ lɔi ɲąąkwɛlɛ diɛ, nɔi ə lɛɛ a di kwɛlin; ə Israɛlə nu huwu hee di wɔ pɛlɛ́ɠaai mu.

Azaya 13:16

Da di lonnii huwolo lɔi ɓa di ɲɛ̨i ɓa, diɛ di wɔ pɛlɛ́ɠaai mu hɛnŋąą taɠa taɠa, diɛ too di nɛ̨ąni mɛ̨i.

Azaya 22:18

A ə́ pili, yɛ́ kiliɠilin yɛ hɛn gbuɠulu, yɛ́ li lɔi pun gɛnɛ̨ hu. Nąą ɓə ə́ kaa pai haai laa, ka gɔ́ kɔ́ wotoloɠaai kɛi ə́ mąąwiɛ, ɛlɛɛ, di ɓo a ə́ nąmu ŋą pɛ́lɛ́i, mɛlɛ kpɛɛ mąą hɛnŋąą.

Ɉeremi 14:16

Ə lɛɛ, nuą tii bələɠaa tii ɓoi, di kaa pai kɛi puuni Ɉerusalɛmə gwəliɠaa lɔwai a pulu, da kɔ́ kɔ́ ɓɔwa laa pɔɔ; nu hva hɔlɔɓo, hvo di powa loo, diɛ mąn, di nɛ̨ąni mąn, di lonnii hinąą da di lonnii nɛ̨ąą. Bələ ɓə gáá pai di túwɔ́ hɔn ɲɔ̨n tii yɛɛi la a di nwun.»

Ɉeremi 20:6

Ɛlɛɛ, yɛ́ Pasehurə, ka ə́ yəi bɛlɛ́n nuą kəlee ka káá pai lii kɔluwɔlaa hu. Ə́ kpinįi kaa həlii Babilonə, nąą ɓə ə́ kaa pai haai laa; A tɛ̨ą, nąą ɓə di kaa ə́ powa looi laa, yɛ́ ka ə́ ɓɛlaa kpɔ tii ə́ kaa lɛɛ kɛi diɛ, yɛ́ kɛ ə́ kaa mɛ̨nįi pai kɛi ɉukulɔi diɛ.›»

Ɉeremi 28:12

Yii kɛa Yálá kwəi mɛ̨nį hukulɔ mun Hanania ə gbɔ̨nɔ̨i tii kɛ Ɉeremi ɓa ɉu yali; Yai-Laa yɛ Ɉeremi ɓa:

Ɉeremi 28:16

Ə həli kɛa yɛ́; Yai-Laa woo ka, yɛ diɛ: Gaa pai ə́ həɠəi nɔi ŋɛ̨i mɛ̨i, ə́ kaa pai haai gwɛlan ŋɛ̨i yee mu. Mąąhɔlɔɓo, yáá nuą kwɛli tee Yai-Laa ɓa.»

Ɉeremi 29:21

«Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka, yɛ hvilɛn na Kolaya lon Akabə ɓa, da Maaseya lon Sedesiasə diɛ, yɛ nu hveelɛi tii, di kaa di kpɔɔ kɛi a Yálá kwəi mɛ̨nį hukulɔ nuą, diɛ mɛ̨nį ɓo a náá, a lɛɛ. Gáá pai di tɛɛi Babilonə tɔɔmun Nabukodonosorə pɔ, yɛ di paa ka ɲɛ̨i ɓa.

Ɉeremi 29:25

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: Yáá hɛɓɛ́ɠaa tɛɛ a ə́ kpɔɔ laa, Ɉerusalɛmə nuą kəlee diɛ, da ɉaláá laa həli mun Sefania ɓa, yai gaa a Maaseya lon; da ɉaláá laa həli nuą kəlee, yɛ́ kɛ diɛ:

Woolaa 5:11

Daa too Siɔn nɛ̨ąą mɛ̨i ə mą kɛ, Ɉuda daa-lee hu nɛ̨ɛ̨lɛaa.

Izikiɛ 4:13

Yai-Laa yɛ: «Nɔiɠaai kpɔ gáá pai Israɛlə nu huwu taɠa taɠai ɉu, bələ ɓə di kaa pai kɛi kɔ̨nɔ̨n mąąuɓɛɛ mįi la nɔiɠaai ti hu.»

Osia 9:3

Di hvo pai pɛlii lɛɛi Yai-Laa nwɔ lɔi hu, Ɛfraimə kaa pai pənəi ə li Eziptə lɔi hu, ɛlɛɛ, kɔ̨nɔ̨n tɔ́n gaa mą, gaa pai mį́į́ Asiri lɔi hu.

Amɔsə 6:7

Yili ɓə gaa mą, kaa ɓə pai kɛi nuwɔɠaa ɲɛ̨itɔwɔ kaa li luwɔlaa hu. Yili ɓə pai kɛ a viɲɛ̨ nuąi tii di wɔ hɛli puɔ kpɛlai.

Amɔsə 7:11

Yii Amɔsə kaa moi, ya ka, yɛ: «‹Ɉeroboamə kaa pai lɛɛi kɔ́ hu, ɛlɛɛ, di Israɛlə nu huwu hon a luwɔ, di li a diɛ lɔi takpɛli hu.›»

Amɔsə 8:1

Mɛ̨nįi Nąmu Yai-Laa ə nɛ nwɔ̨nɔ̨ mą́ą́ hįį pələ ya ka: Ŋą́ kpɔlɔ ta kaa, naahvɛɛ a wulu ɓa, gəlee kpɔluɔ.

Amɔsə 9:1

Ŋą́ Ną́mu kaa tɔɔni ɉaláá kulɔi hįį pələ, yɛ kɛ mą: Bɛlɛ́ dɔɔ muɠaa nwuɔ̨ kɛlɛ, ə gɛ, Yálá hee pɛlɛ́ laaləi ə kpɛlin. Gáá gəlee kɛlɛi di nwuɔ̨, ŋį́ nwolo, Akɛ, da lɛɛ nwɔ̨nɔ̨, ŋį́ di paa. Nu tɔ̨nɔ̨ kpɛli hvo pai kulɔi ɉu, nu ta hvo pai pɛli tɛɛi a gilɛ.

Amɔsə 9:8

Yai-Laa ɲɛ̨i kaa Israɛlə tɔɔmun ɉuwuhu nuą kɛ nɛ̨ŋɛ̨n ma. Yɛ diɛ: Gáá pai di kpɛɛi lɔi mɛ̨i. Kɛlaa, və́ pai Ɉakɔbə huwuhu nuą kəlee laa kpɛɛi lɔi mɛ̨i. Yai-Laa woo li.

Mise 1:16

'Ə́ nwun bu, 'ə́ nwun galaan, ə́ wɛlikɛmąą lonnii mąą mɛ̨nį ɓa. 'Ə nwun gbəlaan mo, mąąhɔlɔɓo, daa di kulɔ yɛ́, diɛ li a diɛ kwɛaala luwɔlaa hu.

Zakari 14:2

Gáá pai lɔiɠaa kəlee ɲąąkpɔn ɉii, Ɉerusalɛmə kwɛlɛ, da diɛni diɛ gɔ́ yili ŋą. Di kaa pai daa hon ɉii, diɛ bɛlɛ́ɠaa pu, diɛ too nɛ̨ąą mɛ̨i; daa bələ tɔ̨nɔ̨ kaa pai lii luwɔlaa hu, Kɛlaa nu kpəlii pai lɛɛi, di hvo pai di kpɛi laa.