Amɔsə 7:15 - Yálá laawoo hɛɓɛ (dc)

¹⁵ Kɛlaa, nwɔ́ taatɛlɛɛɠaa pulu ɓə ŋį́ lɛɛ laa, Yai-Laa yɛ də́li, də́lii tii ə mo, yɛ mą́ą́: ‹'Li! Ə́ mą́ą́ mɛ̨nį hu kulɔ nwɔ́ nuą ŋɛ̨i a Israɛlə nu huwu diɛ.›

Yálá laawoo hɛɓɛ

¹⁵ Kɛlaa, nwɔ́ taatɛlɛɛɠaa pulu ɓə ŋį́ lɛɛ laa, Yai-Laa yɛ də́li, də́lii tii ə mo, yɛ mą́ą́: ‹'Li! Ə́ mą́ą́ mɛ̨nį hu kulɔ nwɔ́ nuą ŋɛ̨i a Israɛlə nu huwu diɛ.›

Bible

¹⁵ Kɛ́lɛ Ɣâla Yâwɛɛ è ŋ́gùla ŋaƃála-ŋai túɛ, ǹyɛɛ ḿâi, ‘Lí í tuɛ mɛ̂ni ƃó ŋánûai Eezuɛ-ŋai dîa.’

Amɔsə 7:15 ပူးပေါင်းရင်းမြစ်များ

Samia Veerɛi 7:8

«Yiihu ŋɛ̨i, mɛ̨nįi ə́ kaa lii moi nwɔ tímun Davidə ɓa, ya ka; yá kɛ mą: Yai-Laa Mɛ̨nį Kəlee ŋą Hééɓomun woo ka, yɛ diɛ: Ɲą́ą́ ɓə ə́ həɠə taatɛlɛɛɠaa pulu lɔwɛi, ŋą́ ə́ hee nwɔ́ nu huwui Israɛlə nwun na.

Tɔɔɓɛlaa dɔlɔɔ 19:19

Eli həɠɛɛ laa, ə li ə Safatə lon Elise kaa yɛ kɛɛhin, aa kpinįn bow kɔ́w tɔ̨nɔ̨ kulɔ, ə ɓo gɔw hveelɛnąą ɓa a gbəli. Eli ə nwɔ biliɉui pu Elise kalan ŋą.

Ɉeremi 1:7

Kɛlaa, Yai-Laa yɛ mą́ą́: «'Hvó kɛ diɛ: ‹Gáá a lokolo›; mąąhɔlɔɓo, ɓɛi lɔpee ŋį́ ə́ tɔɔlaa, 'lí. Yii lɔpee ŋį́ ə́ tí la, 'mó.

Ɉeremi 26:12

Ɉeremi yɛ nɔi ɲąąwooɓo nuą da nɔi lonnii kəlee diɛ: «Yai-Laa ɓə́ dɔ́ɔ́, mɛ̨nįɠaai pai laai bɛlɛ́i ŋɛ̨i ɓa, da daai ŋɛ̨i ɓa, gɛ́ di lɛɛ kwɛa la, gɛ́ di ɓo, yɛ bələi ka di mɛ̨n na.

Amɔsə 3:8

Yala a kɛi huluun, gbɛɛ ɓə hva ɲɔw? Akɛ Nąmu Yai-Laa a gwəi mɛ̨nį ɓo, gbɛɛ ɓə a lənə naa həlii?

Maafîu 9:9

Jesus həɠɛɛ laa yɛ li, gɛɛ tɛɛi, ə hulɔnu ta kaa heeni nįįhɔ̨nwɔ̨ kulɔ taɓali ɓa. Naa ɓa kɛ a Matie. Ə mo mą, yɛ mą: «'Hvilɛn búlú!» Yili ə muhəɠə, ə hvilɛn bulu.

Gɛlaɠaa 1:8

Kɛlaa, ka káá pai huwalawala hɔlɔɓoi, ɓɛlɔwai Kili-Mąąhəɠɛɛ a yɛɛ la ka mɛ̨i. Nąąlɔwai, ka kɛ kɛa a nwɔ́ kɛlaɠaa, kaa mą́ą́ mɛ̨nį ɓo: Ɉerusalɛmə, Ɉude lɔi hu nąą kəlee, ə həli la Samari, yɛ li kpɔ la lɔi kpəlai.»

Gɛlaɠaa 4:20

Kɛlaa, ku wɛi yii ku mɛ̨n, yii ku gaa, ku hvo pai lənəi yili ɓo mɛ̨nį ɓa.

Gɛlaɠaa 5:20

Ka li Yálá hee pɛlɛ́ mu, 'ká nu ɓalo woo ŋɛ̨i laa həli nɔi lonnii kəlee diɛ.

Samuɛlə dɔlɔɔ 10:11

Nuąi kpɔ kɛ gɔlɔn a bɔlɔ, di gaa, yɛ Yálá kwəi mɛ̨nį ɓo da yiiɠaai tii. Nuą di kɛi di kee mąąnin gɛ, diɛ kɛ diɛ: «Lə ɓə kɛ Kisə lon ma? A kɛ tii Saulə yaa kpɛli aa too kɛa Yálá kwəi mɛ̨nį hukulɔ nuą pɔ?»