Amɔsə 7:12 - Yálá laawoo hɛɓɛ (dc)

¹² Nąąlɔwai, Amasia ə mo Amɔsə ɓa, yɛ mą: «Yɛ́i ŋɛ̨i Yálá a kɛ mɛ̨nį lɛi yɛ́, həɠə ɓɛ yiihu, pu, ə́ li Ɉuda lɔi hu; naa nwɛi, ya li laa, ya kɛ Yálá mąą mɛ̨nį ɓoi nuą diɛ, yɛ́ kɔ̨nɔ̨n ɉɔlɔɓo yɛ́ mįi.

Yálá laawoo hɛɓɛ

¹² Nąąlɔwai, Amasia ə mo Amɔsə ɓa, yɛ mą: «Yɛ́i ŋɛ̨i Yálá a kɛ mɛ̨nį lɛi yɛ́, həɠə ɓɛ yiihu, pu, ə́ li Ɉuda lɔi hu; naa nwɛi, ya li laa, ya kɛ Yálá mąą mɛ̨nį ɓoi nuą diɛ, yɛ́ kɔ̨nɔ̨n ɉɔlɔɓo yɛ́ mįi.

Bible

¹² Amazia ǹyaŋ, è mò Emɔ ma, ǹyɛɛi, “Óo zee ƃó-nuui, kula ƃé í lí. Lí Zuda lɔii su í ílaa míi naa í Ɣâla maa-mɛni ƃó naa ǹaa-tuɛ.

Amɔsə 7:12 ပူးပေါင်းရင်းမြစ်များ

Kɔlɔnikɔ Veerɛi 16:10

Asa lii ə holi gwɛlɛɛn gɛɛkaamun tii pɔ, ə ɉon, ə doo gaho ŋą. Mąąhɔlɔɓo, nii ə holi bɔ mɛ̨nįi tii hu. Nąąlɔwai, Asa ə hee nɔi lonnii bələ tɔ̨nɔ̨ mɛ̨i yɛ di mɔ̨nɔ̨ ɓo.

Azaya 30:10

Nuąi ŋį́ mɛ̨nį lɛ diɛ, da kɛ kɛi diɛ: «Ka hvo kɛɛ kaa.» Nuąi ŋį́ mɛ̨nį ɓo diɛ, diɛ yiliɠaai diɛ: «Ka hvo tɛ̨ą mɛ̨nį ɓo kuɔ. Mɛ̨nįɠaai lɔ ku kaa bɔ, ka yiliɠaai ɓo lɔ kuɔ, ka kpɛli kpɛli mɛ̨nįɠaa hu kulɔ lɔ kuɔ.

Azaya 56:11

Ɛlɛɛ, di kaa lɔ nwɔ̨nɔ̨ a yilɛɠaai di kwaną wolo hu kɛnɛ̨ɛ̨, di hva pɛli kɛi diɛ: «Aa pɛli.» Ɛlɛɛ, diɛ ɓə a daatɛlɛɛ pulu nuą, di hva mɛ̨nį kpaɠala kaa, di kəlee di ɲɛ̨i haŋąą lɔ di kpɔwɔ pələɠaa pɔ pələ, diɛ li ɓɛi di wɔ tɔ̨nɔ̨ kaa laa; diɛ hvo kɛi lɔ da ɉɔlɔɓo.

Izikiɛ 13:19

Káá náá pu nwɔ́ nu huwui ɲɛ̨́i ɓa, yeehvɛɛ tɛi tɛi mąą mɛ̨nį ɓa lɔ, da lɛɠɛ kpuo lon; nuąi mąą hvo nɛ̨ɛ̨li di hvo haa, ka káá di paai; ɛlɛɛ nuąi mąą hvo nɛ̨ɛ̨li di hvo lɛɛ yɛnɛ̨ɛ̨, kaa di lɛɛ yɛnɛ̨ɛ̨; nwɔ́ nuąi ɲɛ̨́i di ɓowo la nɛ̨ɛ̨i, bələ ɓə ka di ɓowo la.

Amɔsə 2:12

Yai-Laa yɛ nwɔ̨nɔ̨ diɛ: Kɛlɛɛ yaamun, nuąi tii kɛ mąą hvo nɛ̨ɛ̨li di hvo lɔɔ kpələ, ka lɔɔ tɔɔ di la. Ɛlɛɛ, kaa kɛ nwɔ́ loloɓo nuąi tii diɛ: «Ka hvo kɛa Yálá mąą mɛ̨nį noloɓo.»

Amɔsə 7:11

Yii Amɔsə kaa moi, ya ka, yɛ: «‹Ɉeroboamə kaa pai lɛɛi kɔ́ hu, ɛlɛɛ, di Israɛlə nu huwu hon a luwɔ, di li a diɛ lɔi takpɛli hu.›»

Malasi 1:10

Yii viɛlaɓoɔ, ya ɓaa: ka tɔ̨nɔ̨ ə li, ə nwɔ́ pɛlɛ́ laa kpulu, ə gɛ, ka hvo pa kɛ lɔ lii laa, kaa nwɔ̨n ɉee nwɔ́ haláá kulɔi tii ɓa, a kpɛli. A tɛ̨ą, və́ kpɛli bɔ, və́ ka káá ɉaláá kulɔi, gu hvomun kɛ, ka wɔ haláá hɛnŋaa. Yili wɛli hvo mą́ą́. Ɲą́ą́ Yai-Laa Mɛ̨nį Kəlee ŋą Hééɓomun, nwóó li.

Maafîu 8:34

Nąąlɔwai, daai nuą kəlee di kulɔ diɛ li Jesus laakwiɛn Ɉii. Yii kɛa di gaa, di nɛ̨ɛ̨mąą hvə mą, diɛ mą: Həɠə ɓɛ ku wɔ lɔi hu.

Lukə 13:31

Nąąlɔwai tii hu, Farisiɛ̨ taɠaa di lɛɠɛ Jesus ɓa, diɛ mą: «'Həɠə ɓɛ, ə́ li pələ takpɛli. Mąąhɔlɔɓo, Herodə yɛ ə́ ə́ paa.»

Gɛlaɠaa 16:39

Di pa, di nɛ̨ɛ̨mąą hvə diɛ, yili pulu, di di kulɔ gaho ŋą, di ɉuhvɛli diɛ, diɛ diɛ: 'Ká həɠə ɓɛ daai.

Lomaŋ 16:18

Mąąhɔlɔɓo, nu huwuɠaai ti di hvo tíi gu Ną́mu Kristə ɓa, kɛlɛɛ di kaa tíi di koolon ma. Da kɛ nuą ɓowoi diɛ di mąątɛ̨nɛ̨ a woo nɛɛ-nɛɛɠaa.

Korɛntə dɔlɔɔ 2:14

Nui nu kan gili lɔ ɓə mą, mɛ̨nįi a həɠə Yálá nwɔ Kilii pɔ pələ, hva pɛli ɲee heei mu. Gbala ə tɔɔ, gaa ɲɛ̨i mu a ɓowo mɛ̨nį, hva pɛli gbaɠala kaai; mąąhɔlɔɓo, Yálá ŋą kilii hu ɓə da pɛli di mɛ̨nįɠaa ti hutɔɔ la.

Piɛrə dɔlɔɔ 5:2

'Ká Yálá ŋą kpɔn ŋɛ̨i ə galihvaɓo káá, 'ká mɛ̨i kaa a nɛlɛɛ, 'ká hvo gɛ a yee tɔɔ gwąną mɛ̨nį, kɛlaa, ká gɛ a kwəinɛ̨ɛ̨, yɛ bələi Yálá kaa la bɔ, 'ká hvo gɛ yɛ kaa kɛi tɔ̨nɔ̨ kwɛli, ká gɛ liinɛ̨ɛ̨ gwəi laa hu.

Samuɛlə dɔlɔɔ 2:36

Ɛlɛɛ, ə́ yəi bɛlɛ́ nuą gbəliɠaai pai lɛɛi, di kaa pai kɛi pɛlɛi nií la, wali logolo mɛ̨nį ɓa, da kɔ̨nɔ̨n nogolo mɛ̨nį ɓa, diɛ kɛ mą: Nán! Dɔ́ɔ́ ɉaláá kulɔ kóló ta ɓa, gɛ́ kɔ̨nɔ̨n ɉɔlɔɓo, gɛ́ mįi.›»

Samuɛlə dɔlɔɔ 9:9

Di kɛi wɔlɔ mo diɛ kɛ Israɛlə lɔi hu, nuą da kɛi li Yálá mąąnin gɛ, da kɛ diɛ: «Ka pa, ka gwə li gɛɛkaamun bɔ», mąąhɔlɔɓo Yálá kwəi mɛ̨nį hukulɔ mun mə di kɛi kɛ mą wɔlɔ kɛɛkaamun.