Amɔsə 5:6 - Yálá laawoo hɛɓɛ (dc)

⁶ Akɛ ka káá bɔ ka lɛɛ yɛnɛ̨ɛ̨, Yai-Laa ɓə mąąnɛ̨ɛ̨ ka pa bɔ. Ka wala yili kɛ tii, kaai ɓaa Ɉosɛfə huwuhu nuą, Yálá kaa pai mɛ̨nį laa kaa yɛ nwɔ̨n. Nwɔ̨n tii, a Betɛlə taa kəlee kələn. Nu ta hva pɛli nwɔ̨n tii luwun ɉi.

Yálá laawoo hɛɓɛ

⁶ Akɛ ka káá bɔ ka lɛɛ yɛnɛ̨ɛ̨, Yai-Laa ɓə mąąnɛ̨ɛ̨ ka pa bɔ. Ka wala yili kɛ tii, kaai ɓaa Ɉosɛfə huwuhu nuą, Yálá kaa pai mɛ̨nį laa kaa yɛ nwɔ̨n. Nwɔ̨n tii, a Betɛlə taa kəlee kələn. Nu ta hva pɛli nwɔ̨n tii luwun ɉi.

Bible

⁶ Ka Ɣâla Yâwɛɛ kɔ́ri ká kɛ́ ɣele ma, à wàla kɛ́ tí, a pâi toôi Zosɛ ŋɔpɛ́rɛi ma yɛ̂ɛ ŋɔŋ é géreŋ, ǹyaŋ núu da fé pâi kɛ̂i Bɛtɛ é ǹíiŋ.

Amɔsə 5:6 ပူးပေါင်းရင်းမြစ်များ

Samia Veerɛi 19:20

yɛ tɔɔmun ma: «Nwɔ́ mɛ̨nį nąmu, hɔn ɲɔ̨n ŋą́ą́ gɛ, və́ kɛli ə́ gwələ kulɔ ə́ wɔ luwɔi ɓa. Ɉɔn ɲɔ̨n tii ŋą́ gɛ, ɓɛlɔwai nwɔ́ mɛ̨nį nąmu tɔɔmun ə həɠə la Ɉerusalɛmə daai. Nwɔ́ mɛ̨nį nąmu, hvo ɉɔ́n tii hee ə́ kwəi.

Tɔɔɓɛlaa dɔlɔɔ 11:28

Ɉeroboamə ə kɛ a nu wala wala ta, a nui kɛ di laana. Salomɔn ə naŋąlon tii nwɔ kóló kɛ pələ kaa, yili ɓə gɛ yɛ ɉəɠə la ɉu, yɛ ɉee Ɉosɛfə nwɔ pɛlɛ́ kóló mɛ̨nįi nwun na.

Kɔlɔnikɔ Veerɛi 34:25

gbala ə tɔɔ, daa nɛ̨́ɛ̨́ laa, diɛ lansan kələn haliɠaa diɛ, diɛ hvaa tee mą́ą́ a di gɛ mɛ̨nįɠaa. Nwɔ́ɔ́ liiholi kaa pai pui gɛɛnąą ŋɛ̨i mɛ̨i, hva kpɛla mą.

Mąątɛ̨nɛ̨ 27:8

Nwooi ə́ mo, nąą kili kaa ŋą́, yai ə́ kɛ la mą: «'Ka ɲɛ̨́ilai gwɛli», Yai-Laa ə́ ɲɛ̨ilai ɓə gáá gwɛlii.

Mąątɛ̨nɛ̨ 69:33

Kpɔwɔ mąą yɛɛ nuą da yili nąą kaa, da di kwəinɛ̨ɛ̨, Kaai Yálá kwɛlii, ka yíi ə kwɛa.

Lɛɛ gbɔwɔ ɓa 22:6

«‹Nu a hɛn da tɛɛ mɛlanmun bɔ yɛ naaikɛ, yɛ ə kɛ a wali, yɛ ə kɛ a hɛn nɔpee ta, da ɉɛnŋąąi tii nwuɔ̨ ɲee kɛ mąąmun ɲəi, da nwuɔ̨mun ɉon, mąąnɛ̨ɛ̨ nwuɔ̨mun ə ɉɛnŋąąi tii pɔɔ kulɔ ɉu gee mɛ̨i hveelɛ.

Azaya 1:31

Huwalawala mun a kɛ yɛ mɔ̨nun gban, gɛ mɛ̨nįɠaa di kɛ yɛ nwɔ̨n gbaalən, gəlee hveelɛi da kələn, nu hva hɔlɔɓo, hvo nwɔ̨n nuwun.

Azaya 55:3

'Ka ka wəli tɔɔ, 'ka pa bɔ́ pələ; 'ka ka wəli tɔɔ, ka ɓalo, gáá pai mįnɛ̨ laai gwa kaa ni gu lɔwai, a hvóló kəlee da nwɔɔ; mɛ̨inɛ̨ɛ̨ɠaai ŋį́ di laakwɛlanmo Davidə ɓa, gɛ́ di kɛ.

Azaya 55:6

'Ka Yai-Laa kwɛli, ɓɛlɔwai, a gbɔwɔ lɛɛ laa diɛ gaa, 'ka dəli, ɓɛlɔwai, nɛɠɛɛi la kaa.

Ɉeremi 38:20

Ɉeremi yɛ mą: «Di hva ə́ tɛɛ di pɔ, Yai-Laa woo mɛ̨n; ya ka ŋɛ̨i, gáá moi yɛ́, yá mɛ̨n, ɉu a nɛ̨ɛ̨ yɛ́, ə́ wɔ yɛnɛ̨ɛ̨ a lɛɛ ə́ yəi.

Ɉeremi 4:4

Ka kɛ a Yai-Laa nwɔ kɛ́nɛ̨lɛa, kaai ɓaa Ɉuda lɔi hu nuą da Ɉerusalɛmə daai nuą, ka wala gɛ tii, nwɔ́ liiholi kaa pai ɓɛlai yɛ nwɔ̨n. Gaa pai kɛɛ kələn ɉii, nu ta hva pɛli nuwun ɉii. Ka kɛ mɛ̨nįɠaa ɲɔ̨nwɔ pələ ɓa.

Ɉeremi 7:20

Yili ɓə gaa mą, Yai-Laa yɛ diɛ: Nwɔ́ liiholi, nwɔ́ liikələn gwəi, kaa pai ɓɛlai daa ŋɛ́i mɛ̨i, da ɉu nu kanŋaa, ə mą kɛ, ɉu taatɛlɛɛɠaa, ɛlɛɛ, di wɔ yɛa kɔ́ɔɠaa hu, a ɓɛla ɉiwuluɠaa mɛ̨i da di ɓaɠaa. A kɛ a nwɔ̨n yii hva luwun.

Izikiɛ 21:3

Kɛ Negɛvə lɔwɔɠaa diɛ, ka ka wəli tɔɔ Yai-Laa woo ɓa: Hééɓo kəlee Nąmu Yálá yɛ diɛ: Gáá pai nwɔ̨n dooi ka hu; nwɔ̨n tii kaa pai wulu nwunuɠaa da wulu kpalaɠaa kəlee kələn ɉi; hvo pai luwuun ɉi; nu kəlee ɲɛ̨́i lai kaa pai kələn ɉi, ə həɠə Negɛvə, ə li ɲələi pələ.

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Izikiɛ 37:19

'Kɛ́ diɛ: Mɛ̨nįi Mɛ̨nį kəlee ŋą Hééɓomun Yálá kaa moi, ya ka; yɛ: Nwulu kpuɔi Ɉosɛfə laa kaa mą, yɛ ɓo Ɛfraimə yəi, da Israɛlə lonnii, da diɛni di tɔɔi, gáá pai ɉəɠəi, ŋą́ bɛlɛ́ nwulu kpuɔi ŋɛ̨i Ɉuda laa kaa mɛ̨i mą, ŋą́ di pɛlɛ di kee ɓa, di kɛ a wulu kpuɔ tɔ̨nɔ̨, ɛlɛɛ, di kɛ ɲéé ŋą tanɔ̨n.

Amɔsə 3:14

hvólói gáá pai Israɛlə nu huwu di wɔ mɛ̨nį ɲɔ̨n ŋɛ̨i kiti teei la, gáá pai Betɛlə nwɔ haláá kulɔi kiti teei, gáá pai ɉaláá kulɔiɠaa wəli yali diɛ, ŋį́ di pu nɔi ɓa.

Amɔsə 5:14

Yili ɓa, ka mɛ̨nį lɛlɛɛ kɛ, ka mɛ̨nį ɲɔ̨n nɛɛ laa. Yili ɓə a gɛ, ka lɛɛ yɛnɛ̨ɛ̨. Ɛlɛɛ, Yai-Laai, gaa a Mɛ̨nį Kəlee ŋą Hééɓomun Yálá, ɛlɛɛ ka pɔ a neelee, yɛ bələi ka mo la.

Amɔsə 5:4

Mɛ̨nį Yai-Laa ə mo Israɛlə nu huwu diɛ, ya ka, yɛ diɛ: Akɛ ka hvo bɔ ka hvo haa, ɲą́ą́ ɓə mąąnɛɛ ka pa bɔ́.

Amɔsə 6:6

Ka lɔɔ kpələ, ka nɔɔ kpo kpələ gɔwɔ hu, Wulɔ yii gun nɛɛi dɛɛ gɛi ɓa, ya ɓə ka ka mąąti la. Kɛlaa, Ɉosɛfə huwuhu nuą kala mɛ̨nį, yili niihɛlɛn va too kaa.

Sofoni 2:3

Kaai kpɔwɔmąą yɛɛ laa kaa ka yəi nɔi, kaa Yai-Laa woo hon, 'ka Yai-Laa ɲɛ̨ilaa kwɛli, gbəli hu kiɛ, gaa pai ka ɲɛ̨imąąwɛli kaai, a Yai-Laa nwɔ liiɲąnwąną hvólói.

Zakari 10:6

Gáá pai Ɉuda nwɔ pɛlɛ́i hvaŋą tɛi, gɛ́ Ɉosɛfə nwɔ pɛlɛ́i nwun mąąɓo, Ŋą́ pənə ŋį́ di pu di nįnɛ̨ kɔ́lɔi, mąąhɔlɔɓo, gáá pai di mąąwɛli kaai, yɛ ŋą́ wala ta ɲə́ə́ kulɔ di mu, mąąhɔlɔɓo, gáá a Yai-Laa, a di wɔ Yálá. Gáá pai ɲə́ə́ heei di woo mu.

Dutɛrɔnome 32:22

A tɛ̨ąą! Nwɔ́ liiholi nwɔ̨n gaa pai kulɔi ɉúnwɛ̨i. Ə kələn mo kɛ kpɔ ə həli la ɲɔ̨muątaa, a lɔi kələn ə bɛlɛ ɉihɛnŋąą diɛ, a yeeɠaa kɔ́wɔ hvilɛn ɉii kələn.

Dutɛrɔnome 4:24

Mąąhɔlɔɓo, Yai-Laa ka wɔ Yálái kaa a nwɔ̨n yɛ kɛɛ kələn, gaa a Yálá tolɔɔ.

Zasua 18:5

Yili pulu, diɛ tii ɓə pai nɔi ɲąąkwɛlɛi ɉu mɛ̨ihveelɛ, Ɉuda huwu ə lɛɛ nwɔ lɔi hu ɉɛɠɛ pələ, Ɉosɛfə yəi bɛlɛ́n nuą di lɛɛ di wɛi ɓa ɲánwuɔ̨ pələ.