Amɔsə 5:22 - Yálá laawoo hɛɓɛ (dc)

²² Haláá hɛn yiiɠaai ka gəlee kələn, da ka wɔ kɔ́ɓo hɛnŋąąi ka kɛ naa həli mą́ą́, nąą wɛli hva ɉón. Niŋɛ̨ gbɔn nwulaaɠaai ka kɛ gulɔi mą́ą́ a haláá, ə gɛ, gwa kaani gu yee ə kɛ a nɔɔ gee hu, vá kpɛli yili naa kaa.

Yálá laawoo hɛɓɛ

²² Haláá hɛn yiiɠaai ka gəlee kələn, da ka wɔ kɔ́ɓo hɛnŋąąi ka kɛ naa həli mą́ą́, nąą wɛli hva ɉón. Niŋɛ̨ gbɔn nwulaaɠaai ka kɛ gulɔi mą́ą́ a haláá, ə gɛ, gwa kaani gu yee ə kɛ a nɔɔ gee hu, vá kpɛli yili naa kaa.

Bible

²² Berei máŋ ká kákereŋ sala-ŋai kûla la ḿâ a mii-sɛŋ sala-ŋai, fé pâi ńyee seêi dímu, kpaa máŋ ǹii-see sala-ŋai ká díkùla a zua wúlɔɔ-ŋai, fé pâi díkâai.

Amɔsə 5:22 ပူးပေါင်းရင်းမြစ်များ

Mąątɛ̨nɛ̨ 116:17

Gáá pai ə́ hɛɠɛɛɓo haláá kulɔi, gɛ́ Yai-Laa təli a naa.

Mąątɛ̨nɛ̨ 40:6

Yai-Laa nwɔ́ Yálá, mɛ̨nįɠaai yáá giliŋąhiɛ kɛ yɛ hvilɛn na kuɔ, da gwɛlɛɛn mɛ̨nįɠaa, gbɛa kpɛai! Ə́ pɛli hva hɔlɔɓo. Gáá bɔ ŋą́ yili hukulɔ, gɛ́ mo lɔ a yələ kəlee; Kɛlaa, gəlee hva pɛli ɓoi, di tamą pələ ɓa.

Mąątɛ̨nɛ̨ 50:23

Nui a mɛ̨inɛ̨ɛ̨ hu kɔlɔnŋąą kɛ a nwɔ haláá hɛn, gaa mą́ą́wiɛi, ɛlɛɛ, nui a ɉiɛ pələ ɲɛlɛ kɛ, ya ɓə ŋą́ Yálá ŋą ɓalo mɛ̨nįi ɲąąnɛ̨ɛ̨ lɛ mą.

Hanwon 15:8

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Hanwon 21:27

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, mąąhɔlɔɓo, da gulɔ a líiɲɔ̨nwɔ̨ɔ̨.

Azaya 1:11

Ka wɔ haláá tamąąi ka ka gulɔi, Və́ kɛa da bɔ. Ɲą́ą́ Yai-Laa nwɔ́ɔ́ li, mɛlaa ka gulɔ mą́ą́ a haláái da gəlee kələn, ə mą kɛ a nįŋɛ̨ gbɔn nwulɔɠaai ka gulɔ mą́ą́ a haláá, ŋą́ą́ pilɛ ɉu. Nįŋɛ̨ hilɛ ɲąmąɠaai, mɛlaa lon da molu ɲąmąɠaa, nąą wɛli hvo kɛa mą́ą́.

Azaya 66:3

Da kɛ niŋɛ̨ kulɔi a haláá, ɛlɛɛ nwɔ̨nɔ̨, diɛ nu paa! Da kɛ ɓɛlaa haa kulɔi a haláá, ɛlɛɛ nwɔ̨nɔ̨, diɛ yilɛ lon baa a gbɔn! Diɛ ɓɛlaa laa həli, kɛlaa ɓoi ɲąmą ɓə da bu! Da lansan kələn, kɛlaa hali mąąwiɛ mɛ̨nį ɓə! Nuąi tii, daa di liiɓa pələ həɠə, ɛlɛɛ, gbɛli kpɛli mɛ̨nįɠaai tii, di ɓo a di kwəinɛ̨ɛ̨ mɛ̨nį,

Ɉeremi 14:10

Yai-Laa woo ka yɛ hvilɛn na nu huwui tii ɓa: «Gilɛ həɠə wɛli kaa diɛ, di hva di lii kili ɓo» yili nwɛli hvo Yai-Laa ɓa, gíli kaa di kɛ nɛ̨ŋɛ̨n ɉu, yɛ pa ɉutɔɔi

Ɉeremi 6:20

Lansan ŋɛ̨i ka həɠə la Saba, kaa paa la mą́ą́ mɛ̨nį ɓa, lə ɓə ŋį́ gɛ la? Lə ɓə ŋį́ gɛ a ɉɛn mąą kun nɛ̨ɛ̨i tii, ka həɠə la kwɛala lɔiɠaa hu? Ka wɔ haláá yiiɠaa da gəlee kələn, wɛli hvo mą́ą́. Ka wɔ haláá ɓɛlɛ hvo gwə́i.

Ɉeremi 7:21

Yai-Laa Mɛ̨nį Kəlee ŋą Hééɓomun, Israɛlə nwɔ Yálá, woo ka, yɛ diɛ: Ɉaláá hɛnŋaai da gəlee kələn, da ɉaláá takpɛliɠaa, ka gəlee pɛlɛ gee ɓa, ka di mį́i.

Levetekɔ 7:11

«Liilaa Haláái da naa həli Yai-Laa ɓa, gulɔ pələ ka:

Amɔsə 5:23

Ka ka wɔ wələ wooɠaai mąą kwɛa mą́ą́. Və́ bɔ, və́ ka wɔ gwɛnįnŋąąi woo mɛ̨n.

Malasi 1:9

Yiihu kɛa, ká gɛ pələ kwɛli mą, ə gɛ, ɲą́ą́i a ka wɔ Yálá, ka nɛ̨ɛ̨mąą hvə mą́ą́, ŋą́ nwɔ́ nuą ɲɛ̨imąąwɛlikaa. Gaa ka kwəi, bələi tii ka túwɔ́ la a ɲą́ą́, gáá pai nwə́li tɔɔi kaa a nɛlɛɛ yili mąą mɛ̨nį ɓa? Gɛ́ kpɔ kaa, kpaa-oo!

Samuɛlə dɔlɔɔ 15:22

Nąąlɔwai, Samuɛlə ə mo Saulə ɓa, yɛ mą: «A kɛ tii, taatɛlɛɛ kulaa Yai-Laa ɓa a haláá yii da gəlee kələn, yili ɓə mɔ̨ɔ̨ nwɛli kaa mą, a wala kɛ tii, Yai-Laa woo hon ŋąą? Kpaa-oo! Woo hon naa hviɛlaɓoɔi ɓɛlaa hilɛɠaa wulɔ ɓa.