Amɔsə 5:18 - Yálá laawoo hɛɓɛ (dc)

¹⁸ Nuąi diɛ di kaa heei di Yai-Laa nwɔ mɛ̨nį kɛ hvólói mąąkpɔn, kpalo ɓɛlaai diɛ. Yai-Laa nwɔ hvólói tii, lə ɓə gaa pai pai la ka pɔ? Volói tii hvo a kɛɛ pɔ̨nɔ̨ hvóló, gaa a kpinį hvóló.

Yálá laawoo hɛɓɛ

¹⁸ Nuąi diɛ di kaa heei di Yai-Laa nwɔ mɛ̨nį kɛ hvólói mąąkpɔn, kpalo ɓɛlaai diɛ. Yai-Laa nwɔ hvólói tii, lə ɓə gaa pai pai la ka pɔ? Volói tii hvo a kɛɛ pɔ̨nɔ̨ hvóló, gaa a kpinį hvóló.

Bible

¹⁸ Kpalo ƃêlai kâa káai Ɣâla Yâwɛɛ ŋɔɣelei wɛ̂lii! Ka ŋ̀elei ŋí wɛ̂lii lé-mɛni ma? Gáa a kpíni, vé a kwaa-ponoɔ.

Amɔsə 5:18 ပူးပေါင်းရင်းမြစ်များ

Azaya 13:6

'Ka haa wɔlɔ ɓo, a gboo təliɛ, Yai-Laa nwɔ hvólói həli hiɛ ka, a kɛɛ kala hvóló, yɛ həɠə kɛɛ kaamun bɔ.

Azaya 24:18

Nui pai pui mąąɲɔw woo tɔwɔ, a too nowa hu, nui pai kulɔi nowa hu, a kɔ́ a maalə. Yələ kpon aa tee, lɔi kɔ́wɔ hvilɛn ɉiiɠaa diɛ kpɛlin.

Azaya 5:19

Diɛ kɛ diɛ: «Ə gɛ kani ɉa, ə nwɔ kólói kɛ ɉa ku nąą kaa. Mɛ̨nįi Israɛlə nwɔ mąąhəɠəmun gwəi, ə too pɔ̨nɔ̨ŋą kuɔ pɛli gɔlɔn ɉii.»

Azaya 5:30

Kɛlaa mąą hvólói tii, da tómą mɛ̨i, ə ɓo yɛ gboloyá a kɛi huluun, da di ɲɛ̨i hee nɔi mɛ̨i, ɉɛn da gaa, ya ɓaa kpinį, da mąąwɛli mɛ̨nį, hvóló hu a kpinį a nąląąn ɉu wiaa.

Azaya 58:2

Ɲą́ą́ ɓə da di nwun dɔɔ a ɲą́ą́ hvóló kəlee, nwɔ́ pələɠaai kɔ́lɔn mɛ̨nį ə ɓo a di liiɓa, yɛ nu huwui aa tələnmo yiiɓo, ɛlɛɛ hvo kulɔ li nwɔ Yálái nwɔ tɔ́n nwooi pulu. Di kaa bɔ ŋį́ kiti tee a tələnmolaa, di mąąlɛɠɛ mɛ̨nį Yálá ɓa ə ɓo a di kwəinɛ̨ɛ̨ mɛ̨nį.

Azaya 8:22

Ɛlɛɛ, di di ɲɛ̨i hee lɔi ɓa pələ, kwəi pili, mɔ̨nɔ̨ da kpinį lɔ ɓə di kaa pai kɛi gaai, kpinį huwui a nu lii kulɔ mą kpinįi da nu pili ɉu.

Azaya 9:19

Nu kəlee kaa pai kɛ gbɔwɔ yee ɓa kɔ́lɔ mįi, da di kɔ́ɓɛyee ta tee mą di mįi, hva di pilɛ, da di ɓa-mįi-yee ta tee mą di mįi, hva di pilɛ.

Ɉeremi 13:16

Gɛɛ hvitili hvo pu, kpinį hvo pɛlɛ kaa, kaa ka kɔ́wɔ tuwɔ ɲeeɠaa ɓa; kaa kɛɛpono mąą kpɔn, Kɛlaa mąą yɛ pənə a tɛɛhilɛ kpinį, a tulɔ kpinį hu tɛɠiɛ, 'ka Yai-Laa ka wɔ Yálái mąąwiɛ.

Ɉeremi 17:15

Hvó di kaai diɛ kɛ mą́ą́: mįnɛ̨ ɓə Yai-Laa woo kaa laa? Nwoo pɔ mɛ̨nį ə kɛ kani wɛ!

Ɉeremi 30:7

Lə mąąwɛli mɛ̨nį ɓəi! A tɛ̨ą hvóló kɛnɛ̨ ka, yii hvo kɔ́ɔn ni yələ ta ɓa. Liihɛlɛn ɲələ li Ɉakɔbə ɓa, kɛlaa, gaa pai kulɔi ɉu.

Izikiɛ 12:22

«Hulɔnu lon, lə mɛ̨nį ɓa yai ka kɛ ɉanwon ŋɛ̨i hɔɔi kaa vilɛn Israɛlə ɓa; kaa kɛ diɛ: ‹Voloɠaa kaa lɔ tɛɛi, hįį kaa nuą di hvo gaai.›

Izikiɛ 12:27

«Hulɔnu lon, Israɛlə nwɔ pɛlɛ́i a kɛ kɛi diɛ; mɛ̨nįi ə́ ɉulɔnui ŋɛ̨i kaa gaai, tínąą mɛ̨nį hvəli, mɛ̨nį hu kwɛa mɛ̨nį ka tii gaa moi.

Zooɛ 1:15

Ə həli kaa! Ə kə́! Hvóló ləi ɓəi! Voló mąą aa kpuɔ, Yai-Laa nwɔ hvólói mąą aa kpuɔ, volói tii kaa pai a kɛɛ kalaa, hɛn yii a həɠə Huwalawala Kəlee Nąmu Yálá yəi.

Zooɛ 2:10

Nɔi yɛ dumo di tɔwɔ. Yələkɔlɔn yɛ kpɛlin. Hvóló da ɲąnin di hu yɛ kpinį. Pɛmɛ̨lɛ̨n-gɔw ta hva hvə lə.

Zooɛ 2:11

Yii kpɔ Yai-Laa woo kaa nii tɔɔi, nwɔ kɔlaɠai nwun na, lono və nwɔ kulaaɠaa diɛ, nuąi da nwoo pɔ mɛ̨nį kɛ, gbalai tɔɔ Yai-Laa nwɔ hvólói kɛnɛ̨i, mąą ɲɔwa, gbɛɛ ɓə a pɛli tɔɔ na?

Abdiasə 1:15

Mąąhɔlɔɓo, volói Yai-Laa kaa pai hį́i kəlee kiti teei la, mąą aa kpuɔ. Nąąlɔwai, pələi tii ə́ gɛ la a ə́ ɓɛlaa, pələ lɔ ɓə da gɛ la a yɛ́. Mɛ̨nį ɲɔ̨n tii ə́ gɛ, gwələ a kulɔ yɛ́.

Dutɛrɔnome 32:24

Ɓɛlɔwai pulu a di kɛ la a nu lɛɠɛ, ɲɔ̨n ɲɔ̨nwɔ̨ɔ̨ɠaa diɛ di laanɔ̨nwɔ̨ ɓo, Ŋą́ hvɛnɛ̨ huwɔɠaa ɲąątɔɔ diɛ, ŋą́ kaalə ɲɔ̨nwɔ̨ɔ̨ɠaa tí diɛ.

Piɛrə veelɛ 3:10

Ną́mu Jesus pa hvóló kaa pai kɛi yɛ nwuɔ̨ mun bai lɔwai. Yələkɔlɔn gaa pai tɛɛi a tin gɛnɛ̨, yələ kwəi hɛnŋąa kəlee kaa pai həɠeen ɉi, lɔi da ɉu hɛnŋąa kəlee di kaa pai kələn ɉi.

Piɛrə veelɛ 3:4

Di kaa pai kɛi kaa: «Jesus ə kɛ kaa: ‹Gáá pai›; kɛlɛi? Akɛti, ə wɔɔ kɛa aa pa? Mąąhɔlɔɓo, ku nąnni diɛ kpɔ wɔlɔ haa, mɛ̨nį kəlee kaa lɔ ni a gɛ pələ, yɛ pələi wɔlɔ yɛnɛ̨ɛ̨ ə gɔwɔ tɔɔ la.»