Amɔsə 5:12 - Yálá laawoo hɛɓɛ (dc)

¹² Mąąhɔlɔɓo, ɲą́ą́ Yálá, ka wɔ nwąnąlɔ túwɔ́ɠaa tii, ŋį́ gəlee kɔ́lɔn. Ka kɛ nɛ̨ŋɛ̨n damąą tii, gíli kaa gəlee hu. Nui hɔn və mą, ka káá a mąą nu ɲowo, nɔgwəi hɛn mə ka ka yee hee mu. Ka wɔ kiti tee pɛlɛ́ɠaai mu, ka hva tɛ̨ą tɛɛ yee hvowolo mun bɔ.

Yálá laawoo hɛɓɛ

¹² Mąąhɔlɔɓo, ɲą́ą́ Yálá, ka wɔ nwąnąlɔ túwɔ́ɠaa tii, ŋį́ gəlee kɔ́lɔn. Ka kɛ nɛ̨ŋɛ̨n damąą tii, gíli kaa gəlee hu. Nui hɔn və mą, ka káá a mąą nu ɲowo, nɔgwəi hɛn mə ka ka yee hee mu. Ka wɔ kiti tee pɛlɛ́ɠaai mu, ka hva tɛ̨ą tɛɛ yee hvowolo mun bɔ.

Bible

¹² Kpɛ́ni fêi, ŋá gɔ́lɔŋ kátûa-pere-nyɔŋ tâmaai, kásɔnyɔ̂ŋ támaa káai ka dɔ̃yâ-ƃelai lûaŋ, kákɛ yee-pɛlɛ ǹá-sɛŋ sòŋ wôya kɛ́-mɛni ma, kákɛ káŋɛi nàŋiŋ gôlo-ƃelai dítɔ̃yâi mɛi gêtii lái.

Amɔsə 5:12 ပူးပေါင်းရင်းမြစ်များ

Zôo 20:19

Mąąhɔlɔɓo, ə kɛi mąąwɛli mun giin, yɛ nɛɛ a ɲee howolo, yɛ pɛlɛ nwuɔ̨ yɛ lɔ mu, hva pɛli pɛlɛ tɔɔi.

Zôo 31:21

Akɛ ŋą́ą́ ta ɲéé kpuwulu kɛ təli lon ma, gɛ́ li la kiti haɠa ɓa,

Mąątɛ̨nɛ̨ 127:5

Nwun na nɛ̨ɛ̨mun maa, nui a nwɔ tonwą taɠai laahvɛɛ a tonwą tíɛ! Nwumɛ̨ hva ɲɛ̨i paa a yələ ta, ə mą kɛ ɲowo aa tɔɔ ɉįila.

Lɛɛ gbɔwɔ ɓa 23:3

Hvó nwɔ̨nɔ̨ tɔɔ mąąwɛlimun bulu lɔ tii kiti hu.

Lɛɛ gbɔwɔ ɓa 23:6

«‹Hvó mąąwɛlimun vulu kiti hu.

Hanwon 17:8

Mɛ̨inɛ̨ɛ̨ kaa a nwun na nɛ̨ɛ̨ hali, pələi lɔpee a ɉon na, ɉu a nɛ̨ɛ̨ mą.

Hanwon 22:22

'Hvó ə́ mɛ̨n mąąwɛlimun nwɔ mąąwɛlilaa ɓa, 'hvó mąą kpoloon. Nui dɔɔ bulu hvo mą, 'hvó naanɔ̨nwɔ̨ ɓo.

Azaya 1:23

Ə́ nwun nąmįną daa di pulu tɔɔ mą́ą́, da nwuɔ̨ kuláaɠaa daa di yee pili gee hu, di kəlee, nɔgwəi hɛn mə nwɛli kaa diɛ, di hvilɛn ŋąą nɔgwəi hɛn gɔw pulu diɛ gwɛli, di hva mɛ̨nį haŋąą kɛ a təlilon, kalanin a mąą kanąn naa həli diɛ, diɛ di yee lɔ di wəlii.

Azaya 10:2

Di hva mąąwɛli nuą mąą mɛ̨nį ɓo, diɛ nwɔ́ lɔi hu yeehvowolo nuą di wɔ tɛ̨ą mɛ̨nį kpɛlaan, diɛ kalaninŋaa kɛ a di laa mįi hɛnŋąą, diɛ too təlilɛa mɛ̨i.

Azaya 29:21

Diɛ ɓaa nuąi da di ɓɛlaa kiti tee lɔ a di woo, nuąi da hɛlɛn dɛ di ɓɛlaa tɔwɔ kiti hu, nui hɔn və mą, diɛ doo kpinį hu.

Azaya 33:15

Nui a túwɔ́ a tələnmolaa, yɛ hvaa, lɛɛ hva kɛ ɉu, yɛ lənə hvulu hɛn ɉɔlɔɓo mɛ̨nį ɓa, yɛ ɲee kulɔ nɔgwəi mɛ̨inɛ̨ɛ̨ mu, yɛ nwəli laa kpulu, ə gɛ hvo pa nu paa nwun dɔɔ hu woo mɛ̨n; yɛ ɲɛ̨i laa kpulu, ə gɛ hvo pa mɛ̨nį ɲɔ̨n gaa.

Azaya 47:9

Mɛ̨nį ɲąąnwąnąą hveelɛi tii kaa laai yɛ́, a yələ tɔ̨nɔ̨, hvóló tanɔ̨n yee mu, yá hvɛɠɛ a ə́ lonnii, kalaninnaa ə laa ə́ mɛ̨i, gəlee kaa pai həlii yɛ́, bələi mąn tɔlukpɛ pələ tamąą la ə́ yəi, ɲɛ̨ąkpɛ nuą kpulu kɛnɛ̨ la ə́ yəi, dɛɛ gɛi ɓa.

Azaya 5:23

Nui aa ɉɔn gɛ, da kiti nɛ̨ɛ̨ mą, mąąhɔlɔɓo, aa di tuwɔ ɲąą, di hva tələnmo mun nwɔ tɛ̨ą ɓo.

Azaya 66:18

Ɲą́ą́ ɓə di kɛ mɛ̨nįɠaa, da di kɛ kólóɠaa kɔ́lɔn. Ŋą́ pa hįį kəlee ɲąą kpɔn ɉii, da hį́i woo kəlee, di kaa pai pai, diɛ nwɔ mąąwiɛ kaa.

Ɉeremi 29:23

Di wɔ nɛ̨ŋɛ̨n kaa a mɛ̨nįi bələ hva ɓo Israɛlə lɔi hu; di kaa wɛli mɛ̨nį hu da di ɓɛlaa di nɛ̨ąni, diɛ mɛ̨nį ɓo a náá a lɛɛ; ya pa, və́ mɛ̨nį ta ɓo li diɛ. Gbaɠala kaa mą́ą́, ɛlɛɛ, gɛla ɓaa ɲą́ą́ gbinįi. Ɲą́ą́ Yai-Laa nwóó li!»

Woolaa 3:34

Daa kɛi nɔi gaho nąmįną kiin a di kɔ́wɔ,

Izikiɛ 13:22

Yii ka kɛ tələnmomun ɉupui mą a lɛɛ wooɠaa, ya pa ɲą́ą́i vá gwəi pili mą; yii ka kɛ wɛa mun ɲee kɔ́n gɛi ɉu, ɛlɛɛ hva ɲee kulɔ nwɔ tuwɔ pələ ɲɔ̨n hu, yɛ pɛli yɛnɛ̨ɛ̨ hɔlɔɓoi.

Osia 5:3

Nwɛ́i, ŋį́ Ɛfraimə kɔ́lɔn, ɛlɛɛ Israɛlə hvo loo li mą́ą́. Yɛ́i a Ɛfraimə, ə́ yee tooi ə́ mo wɛli mɛ̨nį hui, Israɛlə mąą ə luwu ɉu.

Amɔsə 2:16

Volói tii a həli, kɔ́kuláá liikpəlɛɛ yii gaa kɔ́kuláá walawalaɠaa lɔwai; nwɔ kɔ-kɔ kwɛli hɛnŋąąi pu, ə tɛɛ a gilɛ.

Amɔsə 2:3

Nui gaa tɔɔlaa kɛi laa, ŋį́ baa da nwɔ ɲɛ̨itɔwɔ nuą kəlee.

Amɔsə 5:10

Ka kɛ kiti tee pɛlɛ mu, nuąi da kɛ mɛ̨nį haŋąą nąą kili tooi ka ɲą, kaa di wɛli kpɛɛ kaa. Nui a kɛla hvaa ɓo a tɛ̨ą, kaa mɛlɛkpɛɛ ka kwəi.

Amɔsə 5:7

Diɛi da mɛ̨nį haŋąą mąąhvalin a mɛ̨nį ɲɔ̨nwɔ̨ɔ̨, diɛ tələnmolaa too lɔi ɓa.

Amɔsə 8:4

Kaa yii ka kɛ mąąwɛli nuą tan ɉii a ka kɔ́wɔ, kaa kɛ ka kpɔɔmąąyɛɛ nuą kulɔ nɔi, 'ka ka wəli tɔɔ!

Mise 3:11

Ɲɛ̨itɔwɔ nuą, da kiti tee a hvulu, mąąhɔlɔɓo, da nɔ gwəi hɛn ɉon, ɉaláá laa həli nuą, da nu mąąkwɛli, a tɔ̨nɔ̨ hɔlɔɓo pələ, Yálá kwəi mɛ̨nį hukulɔ nuą, diɛ mɛ̨nį hukulɔ nuą diɛ, wali ɓa, ɛlɛɛ, Yai-Laa ɓə di kilitɔɔ mą, diɛ kɛ diɛ: «Yai-Laa hvo mɔ̨ɔ̨ ku lɔwai? Lɛɛ li, mɛ̨nį ɲąąnwąnąą hva pɛli ku hɔlɔɓoi.»

Mise 7:3

Di yee kaa lɔ mɛ̨nį ɲɔ̨n ɉu, nɔi ɲąąwooɓomun a gbɛa niiɓa hɛn vɛli, hvo tɛɠa kɛ mɛ̨nį ɓoi. Giti teemun yɛ nɔgwəi hɛn vɛli, galanɉon a pələ ɓo, ɉɛn ɲɛ̨i a kulɔ bɔ mąą mɛ̨nį ɓa.

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Gɛlaɠaa 7:52

Yálá kwəi mɛ̨nį hukulɔ nuą nɛlɛ kpɔ ɓə ka nąnni di hvo mɔ̨nɔ̨ɓo? Nuąi kɛli dələnmomun ti pa mɛ̨nį laa həli, 'ka nąnni, di gəlee paa. Dələnmomun ti, ká lɔ mąąkilii, ká baa.

Dutɛrɔnome 16:18

Ka káá pai mɛ̨nįɓo kɛ nuą heei, da nɔi nuą mɛ̨i kaa nuą, ka wɔ taaɠaai hu, yii Yai-Laa ka wɔ Yálái kaa pai dɛɛi ka pɔ, nu huwu tɛitɛi kəlee mɛ̨i, diɛ di kɛ kóló kɛ a tələnmolaa nuą lɔwai.

Dutɛrɔnome 31:21

Yili a kɛ tii, ɓɛlɔwai mɔ̨nɔ̨ kpɛa kpɛa da mɛ̨nį nwąnąą kpɛa kpɛa da pa laai la diɛ, nwələi ŋɛ̨i lɔ ɓə a di kilaa pɔ̨nɔ̨ di hɔn mąą mɛ̨nį hu. Nwələi ŋɛ̨i ɓə gaa a kɛla kwa diɛni ku lɔwai. Mąąhɔlɔɓo, di huwu hvo pai kpɛlai nwələi ŋɛ̨i toɔ ɓa. Və́ kpɛli nii di lɔ li nɔi tii hu, mɛ̨nįi di kwəi, ŋą́ą́ mąn gɔlɔn.»

Zĩi 5:4

'Ká ɓɛ kaa tai! Nuąi kɛi kólo kɛ ka yəi ɲɛa, di halai ká ká yee kanąn mą, gaa tomąi, góló kɛ nuą wɔlɔ woo aa too Mɛ̨nį Kəlee ŋą Hééɓomun nwəlii.

Zĩi 5:6

Káá kiti kala nuą diɛ, káá tələnmomun baa, hva mąąkɔ̨nwɔ̨ ká yəi.

Rutə 4:1

Nąąlɔwai, Boozə ə li ə hee ɉįi la, ɓɛi da kɛ mɛ̨nį ɓo kɛi laa, ə lɛɛ laa heeni, nui ŋɛ̨i ə mąą mɛ̨nį ɓo Rutə ɓa, yɛ kɛ mą: «Yaa ɓə mąąnɛ̨ɛ̨ ə ə́ mąą mɛ̨nį ɲɛ̨i kulɔ,» yili yɛ pa tɛɛi. Boozə ə dəli, yɛ mą: «Mɛ̨i yɛ́ ɓə! 'Lɛɠɛ ɓɛ, ə́ heei kaa laa.» Yili ə pa, ə hee.

Samuɛlə dɔlɔɔ 8:3

Kɛlaa, non ɉinąąi tii, di hvo hvilɛn bɔɔ ŋą, hɛn nwɛlilaa ə di kili kala di kwəi, diɛ nɔgwəi mɛ̨inɛ̨ɛ̨ɠaa hon, diɛ tɛ̨ą mąą mɛ̨nį pili ɉu.