Amɔsə 5:10 - Yálá laawoo hɛɓɛ (dc)

¹⁰ Ka kɛ kiti tee pɛlɛ mu, nuąi da kɛ mɛ̨nį haŋąą nąą kili tooi ka ɲą, kaa di wɛli kpɛɛ kaa. Nui a kɛla hvaa ɓo a tɛ̨ą, kaa mɛlɛkpɛɛ ka kwəi.

Yálá laawoo hɛɓɛ

¹⁰ Ka kɛ kiti tee pɛlɛ mu, nuąi da kɛ mɛ̨nį haŋąą nąą kili tooi ka ɲą, kaa di wɛli kpɛɛ kaa. Nui a kɛla hvaa ɓo a tɛ̨ą, kaa mɛlɛkpɛɛ ka kwəi.

Bible

¹⁰ Da ǹúui kpɔara, nyi a mɛni ŋá tèe gêtii lai, díkɛ tɔ̃ya ƃo-nuu kpɔ̀ara.

Amɔsə 5:10 ပူးပေါင်းရင်းမြစ်များ

Tɔɔɓɛlaa dɔlɔɔ 18:17

Eli kaai Akabə ə mo, yɛ mą: «Eli! Yɛ́ ɓəi! Yɛ́i yáá kpalo ɓɛla Israɛlə ɓa yɛ́ ɓəi!»

Tɔɔɓɛlaa dɔlɔɔ 21:20

Akabə yɛ Eli ɓa: «Ee kə ɲówo! Yáá nwɔ̨nɔ̨ gáá.» Eli yɛ Akabə ɓa: «Ee! Ŋą́ą́ ə́ kaa-o. Mąąhɔlɔɓo, yáá ə́ kpɔwɔ kwɛlɛ túwɔ́ pələ ɲɔ̨n ma, mɛ̨nį a nwąną Yai-Laa ɓa, yɛ́ gɛ.

Tɔɔɓɛlaa dɔlɔɔ 22:8

Kɛlaa, Israɛlə tɔɔmun yɛ Ɉosafatə ɓa: «Hulɔnu ta kaa ɓɛ, gwa pɛli Yai-Laa mąąnin gɛi bɔ pələ, kɛlaa, nwɛ́i, nwɛli hvo mą́ą́; Mąąhɔlɔɓo, mɛ̨nįi a ɉəɠə Yálá la yɛ mo, hva kɛ a nɛlɛɛ yɛ hvilɛn na mą́ą́, ɲɔ̨nwɔ̨ɔ̨ lɔ ɓə a kɛ moi a hvóló kəlee. Mąą hulɔnui ɓaa: Yimla lon Mise.» Ɉosafatə yɛ tɔɔmun ma: «Tɔɔmun hvo kɛ gaa yili ɓoi tii.»

Kɔlɔnikɔ Veerɛi 25:16

Ə lɛɛ lɔ hvaai, Amasiasə ə bələ tee mɛ̨i ɲəi, yɛ mą: «Gbɛɛ ɓə ə hee a tɔɔmun niɛwoo kɛmun? 'Kpəla mą! Awala kɛ tii, ə́ kaa bɔ di ə́ kɛlɛ?» Yálá kwəi mɛ̨nį hukulɔ mun ə naa pilɛ; kɛlaa, yɛ mą: «Ŋą́ą́ gbaɠala kaa, gɛ́ diɛ, Yálá kaa bɔ ə ə́ paa. Hvó gaai, dúwɔ́ taaləi tii yáá mo, ɛlɛɛ, hvo gɛ li hvó ə́ wəli tɔɔ nwɔ́ɔ́ liɛwoo ɓa.»

Kɔlɔnikɔ Veerɛi 36:16

Kɛlaa, di kɛi yɛlɛ kulɔ Yálá nwɔ wəlɛɛ ɓo nuąi hu, di tɛɠɛɓoɔ di wooɠaa hu, diɛ di woohəɠə gwəi mɛ̨nį hukulɔ nuą diɛ; ə lɛɛ la ɉu, Yai-Laa nwɔ liiholii ə tɛ nwąną ɓa, ɲali bulu hvo kɛa kɛ mą.

Hanwon 15:12

Huɲąŋą kɛnɛ̨mun, hvo bɔ di hvo gilaa pɔ̨nɔ̨, da kilimąą nuą di hva hiɛ.

Azaya 29:21

Diɛ ɓaa nuąi da di ɓɛlaa kiti tee lɔ a di woo, nuąi da hɛlɛn dɛ di ɓɛlaa tɔwɔ kiti hu, nui hɔn və mą, diɛ doo kpinį hu.

Azaya 59:15

Tɛ̨ą mɛ̨nį hva kaa laa, ɛlɛɛ nui a bulu tínɛ̨n mɛ̨nį ɲɔ̨n mą, da too mɛ̨i, gɛɛ tii, Yai-Laa ə nąą kaa, yili ə ɲɔ̨nwɔ̨ kpɔ ɲɛ̨i mu ha ha, a kɛi tii kiti hvo mo li laai.

Ɉeremi 38:7

Ɛvɛd-Melɛkə yai kɛ a Nubi mun, ə ɓo dɔɔ kwəlii, ə bələ mɛ̨n diɛ kɛ daa Ɉeremi yɛɛ ɲálɔwa hu. Tɔɔmun ə kɛ heeni Bɛnɉamɛn nwɔ kpon kɛɛnąą pələ.

Osia 4:4

'Ka gɛ a nɛlɛɛ, nu ta hvo gbɔwɔ mąą kɔ́nwɔ̨, nu ta hvo hea too, mąąhɔlɔɓo ə́ wɔ lɔi hu nuą di kaa yɛ, nuąi da kɛ hea tooi haláá laa həli nuą la.

Levetekɔ 13:10

Ɉaláá laa həli mun a mąąkpɛɛ, a gaa yɛ ɉɛn tii gaa gɔlɔ ɓa, aa mąą nu kɔ́lɔ ləɠa kwələ, yɛ pala tee laa ɉuwɔ yɛ tɛ bala hu,

Amɔsə 5:15

Ka mɛ̨nį ɲɔ̨n nwɛli kpɛɛ kaa, ka mɛ̨nį lɛlɛɛ wɛli la kɛ. Ka mɛ̨nį haŋąą kɛ ka wɔ kiti tee pɛlɛ́ɠaai mu. A kɛ tii, Yai-Laai gaa a Mɛ̨nį Kəlee ŋą Hééɓomun Yálá, a pɛli kiɛ, ə ka ɲɛ̨i maa wɛli kaa, kaai ka káá a Ɉosɛfə huwuhu nuą gbəli.

Ɉaan 15:19

Ka kɛ kɛ a yɛnɛ̨ɛ̨ nwɔɔi, yɛnɛ̨ɛ̨ ə li ka wɛli la kɛ. Nuąi di kaa a yɛnɛ̨ɛ̨ nwɔɔ, diɛ ɓə yɛnɛ̨ɛ̨ a di wɛli la kɛ. Kɛlaa, ɲą́ą́ ka ɉəɠə ɉu, ŋą́ą́ ka kulɔ yɛnɛ̨ɛ̨ hu. Ka hvo kɛa a yɛnɛ̨ɛ̨ nwɔɔ, mɛ̨nįi yɛnɛ̨ɛ̨ hvo pai ka wɛli la kɛi la yaa li.

Ɉaan 3:20

Yaan, nuąi da kɛ mɛ̨nį ɲɔ̨n gɛi, di liiɓa ɓaa a kpinį, di hva kulɔ pono ŋą, ə gɛ, di túwɔ́ pələɠaa mąą hvə pa pono.

Ɉaan 7:7

Ka wɛli hva pɛli kpɛɛi yɛnɛ̨ɛ̨ ɓa, kɛlaa nwɛ́i, nwɛ́li a kpɛɛi mą, mąąhɔlɔɓo, gáá ɉɔn doo pono ŋą.

Galatə 4:16

Yiihu kɛa, akɛ tii, ŋą́ą́ kɛ a ká yowo, mąąhɔlɔɓo, ŋą́ą́ tɛ̨ą ɓo kaa?

M̀ɛni-lɛɛi 11:10

Lɔi mɛ̨i heeɓo nuą di kaa pai kwəinɛ̨ɛ̨ kulɔi di haa mɛ̨nį ɓa, da kɛ kwəinɛ̨ɛ̨ hu, diɛ mɛ̨inɛ̨ɛ̨ kɛ di kee ɓa, mąąhɔlɔɓo, Yálá kwəi mɛ̨nį hukulɔ nuą hveelɛi tii, di kɛli mɛ̨nį laa diɛ.