Amɔsə 5:1 - Yálá laawoo hɛɓɛ (dc)

¹ Israɛlə nɔi nuą, mɛ̨nį gɛ́ ŋį́ mo, 'ka ka wəli tɔɔ mą. Ya ɓaa: woolaa yii gáá gɛi ka mąą mɛ̨nį ɓa.

Yálá laawoo hɛɓɛ

¹ Israɛlə nɔi nuą, mɛ̨nį gɛ́ ŋį́ mo, 'ka ka wəli tɔɔ mą. Ya ɓaa: woolaa yii gáá gɛi ka mąą mɛ̨nį ɓa.

Bible

¹ Ka ŋ̀óoi ŋí mɛ́ni, óo Eezuɛ-ƃelai, nyii gáa a wɔ́lɔ-woo kámɛi:

Amɔsə 5:1 ပူးပေါင်းရင်းမြစ်များ

Ɉeremi 18:13

Yili ɓə gaa mą, Yai-Laa woo ka, yɛ diɛ: Yii gaa tii, kɛɛ mąąni kɛ lɔiɠaa hu, kaa ta mɛ̨nį taaləi tii ta bələ mɛ̨n? Israɛlə nɛ̨ɛ̨gbɛla aa kɛɛ kala túwɔ́ ɓo.

Ɉeremi 7:29

Ə́ wɔ mɛ̨nį laakwɛlanmoɔ nwun nəɠai mɛ̨i tee! Ə́ bili! Mąąwɛli wələɠaa too bələɠaa pɔ. Mąąhɔlɔɓo, ə́ kaa a nui gaa Yai-Laa nwɔ liiholi laai kwɛlii, ɓɛlɛ aa kpɛɛ Yai-Laa kwəi.

Ɉeremi 9:10

Yai-Laa yɛ diɛ: Gáá Ɉerusalɛmə daai lɛɛi a kwɛni hįi, a lɔwɔ huwɔɠaa pɛlɛi, ŋį́ Ɉuda taaɠaa lɛɛ a lɔi pun, Nui lɔpee ta hva lɛɛ daaɠaa tii hu.

Ɉeremi 9:17

Di pa kpɔ ɉa-ɉa. Di wɔlɔ pu ku mɛ̨i ku ɲɛ̨ikɔw ə ɲąmą tee, ku ɲɛ̨iya ə gboloon naa.

Ɉeremi 9:20

nwɔlɔ kpɔ ka: «Haa kaa tɛi a bɛlɛ́ nwąną; aa lɔ gu wɔ pɛlɛ pɛlɛɛɠaai mu, yɛ lon nwun napili gwəliɠaa lɔwai, yɛ muhəɠə nįnɛ̨ɠaa paa gwəli heaiɠaa ɓa.»

Ɉeremi 9:9

Nwɔ́lɔ woo kaa tɔɔi ɲeeɠaa ton na. Gɛ́ nwóó laa ɓɛi daatɛlɛɛɠaa di di laa mį́i laa, ɲɛa kɔ́ɔɠaa hu. Mąąhɔlɔɓo, daa gɛɛnąąɠaa tii kələn, nu ta hva kɛa tɛɛ laa. Nwɛniɠaa-o, daatɛlɛɛɠaa, gəlee daa pu, hɛn da hvo laa.

Izikiɛ 19:1

Yɛ́ ɓə, gɔwɔ tɔɔ yɛ́ wɔlɔ Israɛlə lɔi ɲɛ̨i tɔwɔ nuą mɛ̨i, yɛ diɛ:

Izikiɛ 19:14

Kɛlaa, nwɔ̨n ə kulɔ nwonwo lon ɉu, ə nwonwoɠaa da maɠaa kəlee kələn. Viɲə kpɔmɔi tii nwonwo ta hvo kɛa laa a ɉuwala walaa, yɛ pɛli kɛi a tɔɔ tunwɔ̨n. Wɔlɔ woo li, da doo a wɔlɔ wələ.

Izikiɛ 26:17

Di kaa pai kɛi wɔlɔi ə́ mɛ̨i, diɛ kɛ diɛ: Ə́ kulɔ pələ kɛ ləi yɛnɛ̨ɛ̨ lɔiɠaa lɔwai, gboloyá ɲą taa? Daa laa tɛɛi ti, yai da ɉu nuą di hvąŋą kɛnɛ̨ɛ kɛ gboloyá ɲą; a daa ti di kɛi ɲɔw mą kɛɛnąą kəlee.

Izikiɛ 27:2

Hulɔnu lon, ə́ woo laa Tirə taa mɛ̨́i.

Izikiɛ 28:12

«Nu lon ɉulɔn, gɔwɔ tɔɔ, yɛ́ wɔlɔ Tirə tɔɔmun mɛ̨i, 'kɛ mą, Mɛ̨nį kəlee ŋą Hééɓomun Yálá woo ka; yɛ: Yɛ́ ɓə di kɛi lɛlɛ kəlee kɔɔn ɲɛ́, ə́ kili kɛnɛ̨, ə́ lɛlɛɛ pələ, mąą kulɔi hvo mą.

Izikiɛ 32:16

Haa mɛ̨i wələ li, yai lɔiɠaa hu nɛ̨ɛ̨lɛa kaa pai kɛi dooi, diɛ doo Eziptə da nwɔ nu kpulu kɛnɛ̨ɛi di mɛ̨i. Mɛ̨nį kəlee ŋą Hééɓomun Yálá woo li.

Izikiɛ 32:2

Hulɔnu lon, gɔwɔ tɔɔ yɛ́ haa mɛ̨i wələ too, Eziptə tɔɔmun Faraɔn mɛ̨i; yɛ́ kɛ diɛ: «Ə́ kɛ yɛ lɔiɠaa di wɔ yala lon, ə́ kɛ yɛ hvalə kɛnɛ̨ gboloyá hu, ə́ kɛi yáɠaa pili yələi; yɛ́ yá kɛ tukpu tukpu a ə́ kɔ́wɔɠaa, yɛ́ tɛɛ ya kpɛa kpɛa kala.

Amɔsə 3:1

'Ka ka wəli tɔɔ Israɛlə nuą, kaa ŋɛ̨i Yai-Laa ə ka kulɔ Eziptə lɔi hu luwɔlaa hu ə pa a kaa, Yai-Laa yɛ:

Amɔsə 4:1

'Ka ka wəli tɔɔ nwooi ŋɛ̨i ɓa, kaai a Samari nɛ̨ąą, a Basan nįŋɛ̨ haaɠaa. Ka kɛ tooi mąąwɛli nuą mɛ̨i, kaa di kwɛlin ɉəɠə, kaa di laanɔ̨nwɔ̨ ɓo, kaa kɛ ka hilɛni diɛ: «Ka pa a hɛn da, ku gbələ.»

Amɔsə 5:16

Yili ɓə gaa mą, Yai-Laa yii gaa a Mɛ̨nį Kəlee ŋą Hééɓomun Yálá, yɛ mą: Gwɛli hąmąiɠaa kəlee ɓa, nuą kaa pai kɛi di woolaai. Bələɠaa pɔ, nuą diɛ gboo təli, diɛ kɛ mą: «Aa kɛ a mɛ̨nį oo! Aa kɛ a mɛ̨nį oo!» Ka káá pai kɛi tíi kɛ nuą təli, diɛ haa too diɛ. Diɛ haa wələ too nuą təli, woolaa mɛ̨nį hu.

Amɔsə 8:14

Nuąi kɛi di kwɛla a Samari hali laa, Diɛi kɛi di kwɛla, diɛ kɛ mą: «Dan! Ə́ wɔ halii laa hu!», A wala kɛ tii, «Beɛrə-Seva pələi laa hu!» Nuą tii da too di hva kɛa di muhəɠə.

Mise 2:4

Mąą yələi, da kaa ka laa too, a yɛlɛ mąą wələ, mɛ̨nįi tii aa gbɛa mun hɔlɔ kɛ, di kaa pai kɛi diɛ: «Daa ku hukala kpɔ tɛ̨ɛ̨ tɛ̨ɛ̨, daa nwɔ́ nuąi kwɛlin gulɔ di yəi, gulɔ mɛ̨nį ɲə́i nwun maa lə? Di kaa ku wɔ tíiɠaai ɲąąkwɛlɛi kulɔ nwoo mu nuą lɔwai.»