Amɔsə 4:8 - Yálá laawoo hɛɓɛ (dc)

⁸ Taa hveelɛ ɉaaɓa di kɛi li taa takpɛli hu, ə gɛ, di kpələ ya hɔlɔɓo, kɛlaa, di hvo kɛi ɉɔlɔɓo kɛnɛ̨. Kɛlaa, ə mą kɛ tii, ka hvo gɛ li, ka hvo pənə, ka hvo pa bɔ́. Yai-Laa woo li.

Yálá laawoo hɛɓɛ

⁸ Taa hveelɛ ɉaaɓa di kɛi li taa takpɛli hu, ə gɛ, di kpələ ya hɔlɔɓo, kɛlaa, di hvo kɛi ɉɔlɔɓo kɛnɛ̨. Kɛlaa, ə mą kɛ tii, ka hvo gɛ li, ka hvo pənə, ka hvo pa bɔ́. Yai-Laa woo li.

Bible

⁸ M̀ɛni ma taa-lee feerɛ kpaa saaƃa dí lì taa-lee tɔnɔ su a gɛɛ dí yá kpéle kɛ́lɛ délii fé láa ní. Berei máŋ è kɛ̀ tí lai, káfe pá ní pôlu ḿbɔ.”

Amɔsə 4:8 ပူးပေါင်းရင်းမြစ်များ

Tɔɔɓɛlaa dɔlɔɔ 18:5

Akabə yɛ Ovadiahu ɓa: «'Li, nɔi ɲa nwun gulɔi kəlee ɓa, moloon gəlee hu, gbəli hu gu kaa pai kala tiliin ɉɔlɔɓoi, ə kɛ a díɲɛ̨-həɠə hooɠaa da ɉooɠaa kɔ̨nɔ̨n, diɛ pɛli lɛɛi gu yəi a di hvulú. Ɛlɛɛ, gu hva kiɛ kpaan daatɛlɛɛɠaa bələ tɔ̨nɔ̨ paai.»

Azaya 9:12

Bələ ɓə Yai-Laa ə nwɔ nuąi kɛlɛ la, bələi mąn ə kɛ la tii, di hvo pənə di hvo pa di nwɔ Yálái pɔ, yai a Yai-Laa Mɛ̨nį Kəlee ŋą Hééɓomun.

Ɉeremi 23:14

Kɛlaa, kɛɛ kala mɛ̨nįi gáá gaai Ɉerusalɛmə, Yálá kwəi mɛ̨nį hukulɔ nuą yee pɔ, ya ɓaa, wɛli mɛ̨nį, da lɛɛ mɛ̨nį; diɛ mɛ̨nį ɲɔ̨n gɛ nuą hvaŋąlɔ, mɛ̨nį kɛ pələi tii, nu ta hva pɛli ɲee kulɔi túwɔ́ pələ ɲɔ̨n ɉu. Di kəlee daa kɛ ɲɛ̨́i ɓa yɛ Sodomə nuą, Ɉerusalɛmə nuą kaa yɛ Gomorə nuą.»

Ɉeremi 3:3

Yili mąą mɛ̨nį ɓə gɛ, və́ ə́ kɔ́ a tulɔ. Ə lɛɛ, weewaa tulɔ hvo pu. Pələi mąn ə kɛ la tii, ə́ ə́ yee kanąn nɔ ə́ wɔ wɛli hon ŋaaɓa. Mɛlɛkpɛɛ mąąi a hvə yɛ́, hvó kpɛli gɔlɔn ni.

Ɉeremi 3:7

Ŋą́ kɛi kɛ diɛ: a kpɛɛ a mɛ̨nįɠaa tii kəlee kɛɛ, gaa pai pənəi ə pa bɔ́, kɛlaa, hvo gɛ li hvo pa bɔ́; Ɉuda nuą ŋɛ̨i di woo lɛɛ, di ɲɛ̨i heɛ laa diɛ nąą kaa.

Ɉeremi 5:3

Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.

Osia 11:5

Di hvo pai pənəi di hvo li Eziptə lɔi hu, Asiri ɓə pai kɛi a di wɔ tɔɔmun, mąąhɔlɔɓo, di hvo gɛ li di hvo pənə di hvo pa bɔ́.

Osia 7:10

Israɛlə nwɔ kpɔwɔ ɲąąkɛnɛ̨ ɓə giti kala mą, Kɛlaa, di hvo pənəi di hvo pa Yai-Laa di wɔ Yálái pɔ pələ; mɛ̨nįɠaai tii di mą kɛ kɛi, di hvo di wɔ Yálái kwɛlii.

Amɔsə 4:6

Ną́mu Yai-Laa yɛ nwɔ̨nɔ̨ diɛ: Bələi mąn ŋį́ pulu too la ka wɔ taaleeɠaai hu, kɔ̨nɔ̨n golo ə too ka yəi bɛlɛnŋąą, pələi mąn ŋį́ gɛ la tii, ka ta hvo giliŋąhiɛ, hvo pənə hvo pa bɔ́.

Mise 6:14

Yɛ́, ə́ kaa pai kɔ̨nɔ̨n mįi, hva pilɛi, pulu kaa pai ɉeei kulɔi nɔi hu, ə́ kaa pai kɛi hɛn naai ə́ kwɛlɛ, Kɛlaa hva pɛli naa hɔ́n moi, yii ə́ kaa pai naa hɔ́n moi, ŋą́ gɛ a kɔ́ kɔ́ ɓɔwa kɔ̨nɔ̨n.

Egaa 1:6

Kaa hihɛn ɉi kɛnɛ̨, kɛlaa, ka hvo má hɔlɔɓo li tii kɛnɛ̨. Kɔ̨nɔ̨n gɛnɛ̨ hvo ka yəi, ka hvo pilɛ ɉu. Lɔɔ kɛnɛ̨ hvo ka yəi, ka hvo gbələ a ka liiɓa. Həɠə kaa ka yəi, kwɛlɛ yɛ pa kaa. Ɛlɛɛ, da kólo kɛ mun vɛla kulɔ, a naaikɛ ɓíi kpon dəɠɛɛ hu.

Egaa 2:17

Ŋą́ą́ ka kɛ kóloɠaa kəlee hu kala, ka wɔ hihɛnŋaai kəlee daa kpala, ŋą́ą́ hawon dulɔ pu, ka hvo gɛ li, ka hvo pənə, ka hvo pa ɲą́ą́ ŋɛ̨i bɔ́, Yai-Laa woo li.