Amɔsə 4:5 - Yálá laawoo hɛɓɛ (dc)

⁵ Lɛɠɛ yiiɠaai da gulɔ Yálá ɓa a haláá, ka dɛ hɛn bu ɉu, ka pa ka gələn, kɔ́ ɓo hɛn ka káá bɔ ka naa həli mą, ka ɉələ kɛ mɛ̨i, hvo gaai, yili ɓə nwɛli kaa kaa. Yai-Laa woo li.

Yálá laawoo hɛɓɛ

⁵ Lɛɠɛ yiiɠaai da gulɔ Yálá ɓa a haláá, ka dɛ hɛn bu ɉu, ka pa ka gələn, kɔ́ ɓo hɛn ka káá bɔ ka naa həli mą, ka ɉələ kɛ mɛ̨i, hvo gaai, yili ɓə nwɛli kaa kaa. Yai-Laa woo li.

Bible

⁵ Ka kpólo kéreŋ a sɛɣɛi fei-sala, nyii tɛ́-sɛŋ káa zui, ká káɣâla sama-sɛŋ maa-lolo too a gɛɛ núu kélee é gɔ́lɔŋ kpɛ́ni fêi, nyíŋi ƃé ká ŋ̀wɛli ní a gɛɛ ká gɛ́, káai a Eezuɛ-ƃelai!”

Amɔsə 4:5 ပူးပေါင်းရင်းမြစ်များ

Mąątɛ̨nɛ̨ 81:12

Kɛlaa, nwɔ́ nu huwui hvo kɛ nwəli tɔɔ li nwóó ɓa, Israɛlə hvo gɛli mą́ą́.

Azaya 1:1

Ɉįi Amɔsə lon Esai ə gaa yɛ hvilɛn na Ɉuda nu huwu ɓa, da Ɉerusalɛmə taa, ɓɛlɔwai Oziasə, Yotamə, Akazə, da Ezekiasə ni di kɛi tɔɔlaa kɛ la Ɉuda lɔi hu.

Azaya 1:11

Ka wɔ haláá tamąąi ka ka gulɔi, Və́ kɛa da bɔ. Ɲą́ą́ Yai-Laa nwɔ́ɔ́ li, mɛlaa ka gulɔ mą́ą́ a haláái da gəlee kələn, ə mą kɛ a nįŋɛ̨ gbɔn nwulɔɠaai ka gulɔ mą́ą́ a haláá, ŋą́ą́ pilɛ ɉu. Nįŋɛ̨ hilɛ ɲąmąɠaai, mɛlaa lon da molu ɲąmąɠaa, nąą wɛli hvo kɛa mą́ą́.

Ɉeremi 7:10

Yili pulu kaa pa tɔɔi nííla, bɛlɛ́i ŋɛ̨i naa kwɛlan mɔ̨ɔ̨ mą́ą́ mu, kaa kɛ diɛ: «Kuɔ ka! Kwaa ɓalo!» Ka həɠə laa, ka hvilɛn ŋąą lɔ mąąliɓi mɛ̨nįɠaa tii pulu kaa gɛ!

Ɉeremi 7:9

ɛlɛɛ, kaa li kpɔ, kaa tɔɔ kaa nwuɔ̨ kɛ, kaa nu paa, kaa ka kpɔɔ hvilɛn wɛli kɛɛ ɓa, kaa ka kwɛla a lɛɛ, kaa haláá kulɔ Baalə ɓa, ka hvilɛn ŋąą haliɠaa pulu, a diɛi tii di hvo ta ka mąą mɛ̨nį ɲɛ̨i kulɔ li.

Osia 9:1

Israɛlə, 'hvo kwəinɛ̨ɛ̨ kulɔ! 'Hvo mąną, yɛ lɔi ta kpɛliɠaa, mąąhɔlɔɓo, ə́ kaa wɛli hon ɉii a ə́ mąą kwɛai ə́ kaa moi ə wɔ Yálái ɓa, yɛ́ yili mąą hvɛla wɛlila kɛ, mɔ̨nun danɉii kəlee ɓa.

Osia 9:10

Ŋą́ Israɛlə kaa lɔ, yɛ bələi da towələ kaa la, wɛla pun ɉu, ŋį́ ka nąnni kaa lɔ, yɛ bələi ɓolaa a ɓa la mɛlaa tɔwɔ, da gaa la. Kɛlaa, di pa lɔ Baalə-Peɔrə, diɛ di yee pɛlɛ nwumɛ̨ mɛ̨nį ɓa, diɛ kɛ la a nu kɔ́hɔɓoɔɠaa, lɔ yɛ bələi di liiɓa hɛn tii kaa la.

Levetekɔ 23:17

Ɓɛi lɔpee ka kɛ laa heeni, ka pa a lɛɠɛ mɔnŋąą hveelɛ, dɛitɛi kəlee pɛliɛ a gəgən ɉu haaɓa lɛɠɛ hunwɔ̨, dɛ hɛn yɛ ɓo ɉu. Ka wɔ hihɛnŋąą mɛ̨ikɔw li, a Yai-Laa nwɔɔ.

Amɔsə 5:21

Ka wɔ hɛliɠaai wɛli hvo mą́ą́, di ɓɛlɛ hvo gwə́i. Ka wɔ ŋąąkpɔn, naa wɛli hva ɉón.

Amɔsə 5:22

Haláá hɛn yiiɠaai ka gəlee kələn, da ka wɔ kɔ́ɓo hɛnŋąąi ka kɛ naa həli mą́ą́, nąą wɛli hva ɉón. Niŋɛ̨ gbɔn nwulaaɠaai ka kɛ gulɔi mą́ą́ a haláá, ə gɛ, gwa kaani gu yee ə kɛ a nɔɔ gee hu, vá kpɛli yili naa kaa.

Maafîu 15:9

Gwɛlii da vilɛn mą́ą́, gaa a kpɛli-kpɛli. Mąąhɔlɔɓo, nuą túwɔ́ pələ lɔ ɓə da galan di kee ɓa; diɛ ɲą́ą́ Yálá nwɛ́i lɛɛ laa.›»

Maafîu 23:23

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo ɓɛlaai kaa! Mąąhɔlɔɓo, ka ka hɔlɔɓo hɛn bow nąn tɛɛ Yálá pɔ, ə mą kɛ ka yəi ɲɛa nɔwɠaa kəlee. Kɛlaa, ka dɔ́n yiiɠaai lɛɛ laa, yɛ pələi: tələnmolaa, túwɔ́ pələ lɛlɛ da woo tɔ̨nɔ̨ nąmu laa kaa la. Mąąnɛ̨ɛ̨i kɛ kaa kɛi yiiɠaa tii kɛ, ka hvo gbəliɠaa ŋɛ̨i lɛɛ pulu.

Maafîu 6:2

Akɛ yá kɛi mąąwɛli mun gɔ́, a hɛn da, hvo ə́ kpɔɔ mɛ̨i lolo too, yɛ bələi tɛ ɲɛ̨i mɛ̨nį kɛ nuą da gɛ la, di wɔ Yálá hvɛli pɛlɛ́ɠaa mu; da pələ leeɠaa mɛ̨i; ə gɛ, nuą di di mąąwiɛ. Gáá moi kaa a tɛ̨ą, daa gbɛa di hvɛla hɔlɔɓo.

Lomaŋ 1:28

Yii di hvo gɛ li di hvo Yálá kɔ́lɔn, ya ɓə gɛ, Yálá ə di lɛɛ laa di lɔ di kpɔkpɔɔ kili ɲɔ̨nwɔ̨ɔ̨ ti hu, yii kɛ mąą hvo nɛ̨ɛ̨li nu hvo gɛ, diɛ gɛ.