Amɔsə 3:6 - Yálá laawoo hɛɓɛ (dc)

⁶ Da pɛli mɔ̨ɔ̨ di kɔ́ tulu hvɛɛ taai yii daai nuą hu hva pu diɛ? Mɛ̨nį nwąnąą ta a pɛli ə laa ta ɓa, akɛ hvo həɠə li Yai-Laa pɔ?

Yálá laawoo hɛɓɛ

⁶ Da pɛli mɔ̨ɔ̨ di kɔ́ tulu hvɛɛ taai yii daai nuą hu hva pu diɛ? Mɛ̨nį nwąnąą ta a pɛli ə laa ta ɓa, akɛ hvo həɠə li Yai-Laa pɔ?

Bible

⁶ Da pɔ̂ri kɔ́-turu fɛ̂ɛi taâi, daa-ƃelai dífa yâo? Kpalo a ƃêla kpɛ́ni taa ma, à kɛ̀ Ɣâla Yâwɛɛ fé m̀éla ní?

Amɔsə 3:6 ပူးပေါင်းရင်းမြစ်များ

Zɛnɛse 50:20

Ka kɛ bɔ ka mɛ̨nį ɲɔ̨n gɛ a ɲą́ą́, kɛlaa, Yálá ə mɛ̨nį ɲɔ̨n tii mąą pənə a nɛlɛɛ, ə gɛ, nu kpulu tamąą ə ɓalo, yɛ pələi kaa kpinįi kaa gaa la háákələi.

Tɔɔɓɛlaa veelɛ 6:33

Elise ə lɛɛ lɔ moi, tɔɔmun ŋą kɛlai yɛ pa. Yɛ Elise ɓa: «Mɛ̨nį ɲąąnwąnąą ŋɛ̨i naa kuɔ, Yai-Laa ɓə ə həɠə bɔ, lə ɓə kɛa ŋą́ pɛli kílitɔɔi mą Yai-Laa yəi?»

Azaya 45:7

Ɲą́ą́ ɓə kɛɛpono, gɛ́ kpinį pɛlɛ, ɲą́ą́ ɓə ŋą́ nwun na nɛ̨ɛ̨ kɛ, gɛ́ nwun na ɲɔ̨n gɛ. Ɲą́ą́ Yai-Laa, ɲą́ą́ ɓə hɛn gəlee pɛli.

Ɉeremi 10:7

Gbɛɛ a pɛli niikpələi a yɛ́! Lɔiɠaa di wɔ tɔɔmun! Mąą nɛ̨ɛ̨ kilimąą nuą di hɔlɔɓo lɔi kəlee hu, di tɔɔ, lɔiɠaa hu, Kɛlaa, nu ta hvo laa yɛ ɓo yɛ yɛ́!

Ɉeremi 4:19

Ə́kə́ Níí! Ə́kə́ níí kaa kpəlaan ɉii gwə́i mɔ̨nɔ̨i gáá mįi mąą mɛ̨nį ɓa. Níí yɛ kulɔ mą́ą́, gwəi aa kɛ tukpu-tukpu, vá pɛli náá pilɛi, mąąhɔlɔɓo, ŋą́ą́ gɔ́ tulu woo mɛ̨n, ŋą́ą́ gɔ́ mɛ̨i woo mɛ̨n aa too nwə́lii.

Ɉeremi 4:5

Ka noloɓo Ɉuda lɔi hu! Ka Ɉerusalɛmə nuą kilaa pɔ̨nɔ̨! «Ka dulu hvɛɛ nɔi nąą kəlee ka tomą a ka woo kɛnɛ̨, kaa diɛ: ‹Ka pa-o! Ka ka ɲąąkpɔn daaɠaai hįi kaa diɛ ɉu!›

Ɉeremi 5:22

Yai-Laa yɛ diɛ: Ka hvo bɔ ka hvo mɛ́lɛ kɛ mą́ą́, ka hva ɲɔw mą́ą́. Ɲą́ą́ ŋɛ̨i gboloyá ɲɛn dɔɔ a ɲɛa kɔ́w, ɛlɛɛ, gboloyá hvo pai lagin ɉii ɲɛn tii mɛ̨i a Yələ ta, ə mą kɛ lii tii yɛ pa a vaŋa, hva ɲɛn tii mąą teen; gboloyá a huluun, kɛlaa, hva ɲɛn tii mąą tɛɛ.

Ɉeremi 6:1

Ka kulɔ Ɉerusalɛmə daai. Bɛnɉamɛn huwuhu nuą ka ka mąąkilɛi kwɛli pələ takpɛli. Ka kɔ́ tulu hvɛɛ Tekoa ka huu pili Bɛtə-Kɛrɛmə, mɛ̨nį ɲąą nwąnąą kaa ka mąą hɛɠii, gaa a lɔi kala mɛ̨nį kɛnɛ̨, gaa həɠəi ɲanwuɔ̨ pələ ɲeeɠaa hu.

Izikiɛ 33:3

mąą nui tii a kɔ́ kaa yɛ pa nɔi tii pɔ, a túlú hvɛɛ, yɛ nuą kili pu ɉu.

Osia 5:8

'Ka tulu hvɛɛ Givea, 'ka nįŋɛ̨ mįnɛ̨ hvɛɛ Rama, 'ka təluɓo kɛ Bɛtə-Awɛn. Daa ə́ hon, ə́ kɔ́n bulu pələ, Bɛnɉamɛn!

Amɔsə 3:5

Nwɛ̨ni a mɔ̨ɔ̨ too mąląąn ŋą, akɛ niiɓa hɛn və laa? A pɛlɛ gee la akɛ hɛn da hvo too li ɉu?

Sofoni 1:16

Gaa a hvólói túlu woo a tɔɔ ɉu, da kɔ́ mɛ̨i tómą woo, daaɠaai hįį kaa diɛ di mɛ̨i, da ɉįi mɛ̨i pɛlɛ́ɠaa.

Zakari 8:10

Gbala ə tɔɔ, volóɠaai tii tɔwɔ, gólo kɛ nuą hvɛla hvo kɛli kulɔ, ɛlɛɛ daatɛlɛɛɠaa hɔ̨nwɔ̨ hvo kɛ mą. Nuąi kɛi tɛ, diɛ yɛɛ, bələɠaa hu hvo kɛ laɠi li di tɔwɔ, toomɛ̨i kɛ nuą di kɛ bələɠaa hu, mąąhɔlɔɓo, ŋą́ą́ kɛ nuą ɲąątɔɔ di kee ɓa.

Gɛlaɠaa 2:23

Ɉulɔnui ti, yɛ bələi ə kɛ la a Yálá nwɔ mɛ̨nį pɛliɛ da nwɔ mɛ̨nį kɔ́lɔnŋąa, ká gwɛlɛ nuąi di hvo Yálá kɔ́lɔn diɛ, di gbanwo kolɔwa ɓa, di baa.

Gɛlaɠaa 4:28

Yii kpɔ wɔlɔ ə́ mąą kili tee ə́ kwəi, ya ka tii daa bɔ mɛ̨nį ə kɛ.

Korɛntə veelɛ 5:11

Yii kani, bələi mąąnɛ̨ɛ̨ gu ɲɔw la gu Nąmu ɓa, nu kəlee ə gɔlɔn, kwa tɔɔ a ku nwąnąi, kuɔ nuą kilaa pono, ɛlɛɛ, Yálá ɲɛ̨i ɓa, ku mąą mɛ̨nį hu ponoɔi. Nwɔ́ɔ́ kwəi pələ, mą́ą́ mɛ̨nį hu ponoɔi káá kpɛlimąn ká kili hu pələ.