Amɔsə 2:7 - Yálá laawoo hɛɓɛ (dc)

⁷ Da kɛ kiti kɛ pɛlɛ mu, mąąwɛli nuą ɓə da too di mɛ̨i, diɛ di nwun giin. Hulɔnu ta luwɔ nɛ̨ɛ̨nu ə kɛ ɲəi, ɉulɔnui tii da nąn diɛ la a nuwɔi tii. Yaan, yili kaa a náá ɓɛlɛkpɛɛ mąą.

Yálá laawoo hɛɓɛ

⁷ Da kɛ kiti kɛ pɛlɛ mu, mąąwɛli nuą ɓə da too di mɛ̨i, diɛ di nwun giin. Hulɔnu ta luwɔ nɛ̨ɛ̨nu ə kɛ ɲəi, ɉulɔnui tii da nąn diɛ la a nuwɔi tii. Yaan, yili kaa a náá ɓɛlɛkpɛɛ mąą.

Bible

⁷ Da gôlo-ƃelai ŋuŋ pîlaŋ bɔ̂rɔi su dí maa-yeŋ-ƃelai perêi kpáaŋ. Naŋ-nuu da ǹóŋ da nɛnî tɔnɔ soŋ a wɛ́li a gɛɛ dí ńaa maa waai kara.

Amɔsə 2:7 ပူးပေါင်းရင်းမြစ်များ

Samia Veerɛi 12:14

Kɛlaa, gɛ mɛ̨nį yaa Yai-Laa ɓɛlɛkpɛɛ ma a dúwɔ́ ŋɛ̨i ə́ moi, non ɉulɔnui tii hɔlɔɓo, gaa pai haai.»

Tɔɔɓɛlaa dɔlɔɔ 21:4

Akabə ə pənə ə li bɔɔli yá ə laa gɔlɔi nii kələn ŋąą gwəi kpɔ kɛnɛ̨, nwooi Izreɛlə mun Nabɔtə ə mo mą, mąą mɛ̨nį ɓa. Yai ə kɛ la mą, vá pɛli ną́nni kwɛlin dɛɛi ə́ pɔ. Akabə ə laa ɲəi gbin ŋą, ə ɲɛ̨i tinɛ̨n bɛlɛ́ pɔ pələ, ɛlɛɛ, hvo gɛ hvo kɔ̨nɔ̨n mįi nii kələn bələ ɓa gwəi.

Hanwon 28:21

Mɛ̨nį kɛɛ a ɲɛ̨i kɔ́lɔn, hvo lɛlɛ li. Nɔgwəi hɛn nogolo a nu mąąwia ɓɛlɛ too.

Azaya 10:1

Kpalo ɓɛlaai tɔ́n ɲɔ̨nwɔ̨ɔ̨ laa nuą diɛ, nu mɔ̨nɔ̨ɓo hɛɓɛ́ ɓə da bɛ̨ɛ̨.

Azaya 10:2

Di hva mąąwɛli nuą mąą mɛ̨nį ɓo, diɛ nwɔ́ lɔi hu yeehvowolo nuą di wɔ tɛ̨ą mɛ̨nį kpɛlaan, diɛ kalaninŋaa kɛ a di laa mįi hɛnŋąą, diɛ too təlilɛa mɛ̨i.

Azaya 3:14

Yai-Laa kaa nwɔ lɔi hu kalanɉonŋąą, da ɲɛ̨itɔwɔ nuą təlii kiti ɓa, yɛ kɛ diɛ: «Káá ɓə, káá tɛ nwɔ́ kələ́i ɓa, ka hvo ɉɔɔ li! Kaa too mąąwɛli nuą mɛ̨i, di wɔ hɛnŋąąi di ɓo ka yəi bɛlɛ́n.

Azaya 3:15

Lə mɛ̨nį ɓa ka hee nwɔ́ nu huwui mɛ̨i, kaa mąąwɛli nuą hon a di ɲɛ̨i paa pələ? Nąmu Yai-Laa Mɛ̨nį Kəlee ŋą Hééɓomun woo li!»

Izikiɛ 22:11

Nu kpəli kaa laa, yɛ túwɔ pələ ɲɔ̨n gulɔ a mɛlan nɛ̨ą; nu kpəli yɛ non nɛ̨ą mąąliɓi a wɛli mɛ̨nį ɓa ə pɔɔli. Nu kpəli yɛ mąąhala kala, ə ɓo a nąn non gbɔɔ-kpɔ.

Izikiɛ 36:20

Də li a nwɔ́ nu huwui lɔiɠaa hu, ɛlɛɛ, di náá mąąhəɠɛɛ; kala laa. Mąąhɔlɔɓo, di kɛi mo a di laa, diɛ kɛ: ‹Yai-Laa nwɔ nu huwui ka, kɛlaa, di hvo di wɔ lɔi hu.›

Osia 4:14

Və́ pai tɔɔi, gɛ́ ka lonnii nɛ̨ąą di wɔ wɛli mɛ̨nį, mąąnigɛ diɛ, da ka lon nɛ̨ąni di wɔ wɛli mɛ̨nį, mąąhɔlɔɓo, ɉaláá laa həli nuą, da kɛ kulɔi kpinįi da wɛli kɛ nɛ̨ąą, ɛlɛɛ, da diɛni diɛ ɉaláá kɔ̨nɔ̨n mįi gee ɓa, bələ ɓə lɔi yii mɛ̨nį kɔ́lɔn gili hvo ɉu, vilɛnŋąąi la nwun na pili pələ mɛ̨i.

Levetekɔ 18:15

«Hvó laa a ə́ lon ɉulɔnu nɛ̨ą, mąąhɔlɔɓo, ə́ lon nɛ̨ą li, mąą hvo nɛ̨ɛ̨li hvó gbuwulu kaa.

Levetekɔ 18:21

«Hvó ə́ lon da tɛɛ, diɛ Molɛkə hali kɔ́ la, hvo ə́ wɔ Yálái laa pu a dúwɔ́ pələ yili, Ɲą́ą́ ɓə gáá a Yai-Laa.

Levetekɔ 18:8

«Hvó kɛ ə́ kaa laai a ə́ nąn nɛ̨ą ta, yá gɛ tii, yáá ə́ nąn mɛlɛkpɛɛ mą.

Levetekɔ 20:3

Ɲą́ą́n, ŋą́ ɲɛ̨i ɲɔ̨nwɔ̨ɔ̨ hee mąą nu ɓa, ŋį́ gulɔ nɔi nuą lɔwai; mąąhɔlɔɓo, aa non da tɛɛ Molɛkə pɔ, yɛ nwɔ́ pɛ́lɛ́i mąąliɓi la tii, ɛlɛɛ yɛ náá ɓɛlɛkpɛɛ mą.

Amɔsə 4:1

'Ka ka wəli tɔɔ nwooi ŋɛ̨i ɓa, kaai a Samari nɛ̨ąą, a Basan nįŋɛ̨ haaɠaa. Ka kɛ tooi mąąwɛli nuą mɛ̨i, kaa di kwɛlin ɉəɠə, kaa di laanɔ̨nwɔ̨ ɓo, kaa kɛ ka hilɛni diɛ: «Ka pa a hɛn da, ku gbələ.»

Amɔsə 5:11

Kaa too mąąwɛli mun mɛ̨i, kaa gɔ̨nɔ̨n gulɔ ɲəi. Yili ɓə gaa mą, ka káá pai kwɛni pɛlɛ lɛlɛɛɠaa tɔɔi-yo! Kɛlaa, ka hva yii mu. Kaa viɲə huwu lɛlɛɛɠaa ɲɛa laa, Kɛlaa, ka hvo pai da ya kulɔi, ka hvo gɛ a lɔɔ kaa gbələ.

Amɔsə 5:12

Mąąhɔlɔɓo, ɲą́ą́ Yálá, ka wɔ nwąnąlɔ túwɔ́ɠaa tii, ŋį́ gəlee kɔ́lɔn. Ka kɛ nɛ̨ŋɛ̨n damąą tii, gíli kaa gəlee hu. Nui hɔn və mą, ka káá a mąą nu ɲowo, nɔgwəi hɛn mə ka ka yee hee mu. Ka wɔ kiti tee pɛlɛ́ɠaai mu, ka hva tɛ̨ą tɛɛ yee hvowolo mun bɔ.

Amɔsə 8:4

Kaa yii ka kɛ mąąwɛli nuą tan ɉii a ka kɔ́wɔ, kaa kɛ ka kpɔɔmąąyɛɛ nuą kulɔ nɔi, 'ka ka wəli tɔɔ!

Mise 2:2

Di kili a hvilɛn nɔ yɛa ta ɓa, daa mąn nwuɔ̨. Di ɲɛ̨i a kulɔ lɔ pɛlɛ́ ta pɔ, daa mąn ɉəɠə. Bɛlɛ́-o, nąmu-o, nu leelee-o, gwɛlin-o da gəlee həɠə.

Mise 2:9

Kaa nwɔ́ lɔi hu nɛ̨ąą kəlee kulɔ di liiɓa pɛlɛ́ɠaa mu, mɛlɛi ŋį́ gɛ di lonnii diɛ, kaa gulɔ di yəi ɲali bulu hvo mą.

Sofoni 3:3

Nu kpɛa-kpɛai di kaa daa kwəi, di kaa yɛ yalaɠaa, diɛ huluun. Nwɔ kiti tee nuą kaa yɛ hvitili ɓa kwɛ́liɠaa, di hva huwɔ kɔ́w tɔ̨nɔ̨n kpɛli lɛɛ, yii tinąą da di ɲįn vilɛn mą yələwala pɔ.

Lomaŋ 2:24

Yɛ bələi bɛ̨ɛ̨i la Yálá lawoo hɛɓɛ́ hu yɛ kɛ: Káái a Ɉuifəɠaa, kaa kaa ɓə ka gɛ huwu takpɛliɠaa diɛ Yálá ɓɛlɛ too woo ɓo.

Korɛntə dɔlɔɔ 5:1

Pə́lə́ ta kaa ɓoi kɛɛnąą kəlee ɓa, diɛ kɛ: Wɛli mɛ̨nį huwu ta aa kulɔ ká lɔwai, a wɛli mɛ̨nį huwu yii di hvo ta ɲɔ̨nwɔ̨ɔ̨mąn gaa li, hali pulu nuą yíi pələ hu. Ya ɓaa, ká tɔ̨nɔ̨ da nąn nɛ̨ą di kaa yíi ɓa.