Amɔsə 2:10 - Yálá laawoo hɛɓɛ (dc)

¹⁰ Gɛɛ yili hvo kɛ, ŋį́ di kulɔ Eziptə lɔi hu. Ŋą́ lɛɛ di pɔ kwɛlan bow nąąn ɲee mu, nɔi pun ɉu. Ɛlɛɛ ɉu, nɔi ŋɛ̨i kɛ a Amɔrə nuą di wɔɔ, ŋį́ naa tɛɛ ka pɔ.

Yálá laawoo hɛɓɛ

¹⁰ Gɛɛ yili hvo kɛ, ŋį́ di kulɔ Eziptə lɔi hu. Ŋą́ lɛɛ di pɔ kwɛlan bow nąąn ɲee mu, nɔi pun ɉu. Ɛlɛɛ ɉu, nɔi ŋɛ̨i kɛ a Amɔrə nuą di wɔɔ, ŋį́ naa tɛɛ ka pɔ.

Bible

¹⁰ Ńyãa ƃe kákùla Ize lɔii su ŋá tɔ́ɔ kátuɛ vɛ̃ɛ-kpâlaŋ su a kóraŋ buu-náaŋ a gɛɛ ká Amorai-lɔii sɔlɔ ƃó.

Amɔsə 2:10 ပူးပေါင်းရင်းမြစ်များ

Nehemi 9:21

Kwɛlan bow nąąn ɲee mu, ə́ di kɔ̨nɔ̨n gɛ. Kɛi di mo nɔi pun ɉu, hɛn da mąą kpaan və kɛ diɛ, di mąąhəɠəɠaa di hvo haɠa, di kɔ́wɔɠaa di hvo hvɛɛ.

Mąątɛ̨nɛ̨ 95:10

Kwɛlan bow nąąn ɲeemu, nu huwui tii kun ə hee ɉú, ya ɓə ŋį́ kɛ diɛ: «Nu huwui ɲɛ̨i kiliŋąhiɛ pələ aa bələ lɛɛ, di hvo nwɔ́ pələɠaai kɔ́lɔn ni.»

Lɛɛ gbɔwɔ ɓa 12:51

Volói tii ɓə, Yai-Laa ə Israɛlə lonnii kulɔ la Eziptə lɔi hu da di huwu kəlee.

Lɛɛ gbɔwɔ ɓa 20:2

«Ɲą́ą́ gáá a Yai-Laa, ka wɔ Yálá, yai ka kulɔ Eziptə luwɔlaa hu.

Lɛɛ gbɔwɔ ɓa 3:8

Ŋą́ pa, ŋį́ di kulɔ Eziptə nuą yee mu. Ŋą́ li a diɛ nɔi ŋąą kɛnɛ̨ɛ̨ lɛlɛɛ tii hu, ɓɛi hɛn gəlee a lɛlɛ laa. Nɔi tii ɓə: Kanaan nuą, Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa ɉu.

Ɉeremi 2:6

Di hvo kɛli diɛ: «Yai-Laa tii ku kulɔ Eziptə lɔi hu, gaa mį? A yaai tii tɔɔ ku tɔwɔ nɔi pun ɉu, da gbalə lɔi hu, moloon nɔi tii hu, a nɔi hu kpalaa tii, yii gaa a nu nwun na pili lɔi, ɉu kpinɛ̨ɛ̨, a lɔi yii nu hva hee ɉu.»

Izikiɛ 20:10

«Ŋą́ di kulɔ Eziptə lɔi hu, ŋą́ li a diɛ lɔi pun ɉu.

Amɔsə 3:1

'Ka ka wəli tɔɔ Israɛlə nuą, kaa ŋɛ̨i Yai-Laa ə ka kulɔ Eziptə lɔi hu luwɔlaa hu ə pa a kaa, Yai-Laa yɛ:

Amɔsə 9:7

Yai-Laa yɛ mą: Akɛti, Israɛlə nu huwu, ka hvo mɔ̨ɔ̨ ɲɛ̨́i ɓa yɛ Eziptə nuą? Kɛlɛi ɲą́ą́ ɓə Israɛlə nu huwu kulɔ Eziptə lɔi hu ee? Ŋą́ Filisti nuą kulɔ Kaftɔrə lɔi hu, ŋį́ Aramə nuą kulɔ Kirə lɔi hu! Kɛlɛi yili kpaɠala kaa tii kaa ee?

Mise 6:4

A kɛ tii, ka kulɔi ŋį́ mo Eziptə lɔi hu, ya ɓə? Ka nwun mąąɓoi ŋį́ mo nuwɔ pɛ́lɛ́i tii mu, yili ɓə mɔ̨ɔ̨? Gɛ́ Moisə, Aarɔn da Miriamə di tɛɛ a ka tənən dɔɔ nuą, yili ɓə?

Lonon mo 13:32

Di tɔɔ kɛa diɛ nɔi tii di tɛɛ ɉu, diɛ mąą kun ɲɔ̨n vaa ɓo, Israɛlə nuą diɛ, diɛ kɛ mą: «Nɔi ŋɛ̨i kwəli nɛ̨nɛ̨ɛ̨n naa kɛi ɉu, gaa a lɔi da kɛ di kee mįi ɉu, ə lɛɛ nuąi kpɔ di kaa laa, di kaa a nu kpaɠala kpaɠalaɠaa.

Lonon mo 21:25

Israɛlə ə daaɠaa kəlee hon, ə hee Amɔrə taaɠaa kəlee hu, Hɛsbɔn taa da gwɛlɛ lɔi kəlee.

Lonon mo 32:13

Yai-Laa lii ə holi Israɛlə pɔ, ə di nwun ɉu hiɛ nɔi pun ɉu kwɛlan bow nąąn ɲeemu. Ə lɛɛ ɉu nuąi kpɔ tii Yai-Laa líiholi, gəlee di haa.

Gɛlaɠaa 13:18

Kwɛlan bow nąąn ɲee mu, ə di kɔ̨nɔ̨n gɛ nɔi pun ɉu.

Gɛlaɠaa 7:42

Yili ɓə gɛ Yálá ə di lɛɛ laa, diɛ kɛa kwɛli hvilɛn yələi hɛnŋąa diɛ, yɛ bələi bɛ̨ɛ̨ la Yálá kwəi mɛ̨nį hukulɔ nuą di wɔ hɛɓɛ́i hu, diɛ kɛ mą: «‹Israɛlə nu huwu! Gwɛlan bow nąąn ka gɛ nɔi pun ɉu, ɲą́ą́ ɓə mɔ̨ɔ̨ ká kɛli gɔ́, a ka wɔ haláá hɛn, da kɔ́ɓo hɛn?

Dutɛrɔnome 1:39

Ɛlɛɛ, ka lonnii ŋɛ̨i ka kɛi di mąą mɛ̨nį ɓo, kaa kɛ diɛ: Di kaa pai lɛɛi a kɔluwɔɠaa, ka lonnii tii di hvo ni mɛ̨nį lɛlɛɛ da ɲɔ̨nwɔ̨ɔ̨ di kulɔ ɉu kɔ́lɔn, diɛ ɓə pai lɔi laa. Diɛ ɓə gáá pai nɔi tɛɛi di pɔ, diɛ ɓə pai heei nɔi tii hu.

Dutɛrɔnome 2:7

Mąąhɔlɔɓo, Yai-Laa aa lúwɔ́ too yɛ́ ə́ kɛ mɛ̨nįɠaa kəlee hu. Ɉiɛi yáá gulɔ nɔi pun gɛnɛ̨i hu, gbaɠala kaa mą. Gwɛlan bow nąn ga, Yai-Laa ə wɔ Yálái kaa lɔ ə́ pɔ hɛn da mąąkpaan və ta hee li yɛ́.

Zasua 13:4

Kanaan lɔi kəlee da Meara lɔi, yii gaa a Sidɔn nuą di wɔ lɔi, ə həli la Afeka, ə həli la Amɔrə nuą ɲɛn ma.

Zasua 24:8

Yili pulu, ŋį́ pa a kaa Amɔrə nuą di wɔ lɔi hu, diɛi tii hee ni Ɉurdɛn pulu pələ; kɛlaa, di kɔ́ pɛlɛ kaa, ŋį́ di lɔ ka yee ŋą, ka nwɔ lɔi hɔlɔɓo a ka wɔɔ. Ŋį́ di huwu pu ka ɲɛ̨itɔwɔ.