Amɔsə 1:9 - Yálá laawoo hɛɓɛ (dc)

⁹ Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Tirə ɓa, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, nwɛli kɛ maa mįnɛ̨i ŋɛ̨i da Israɛlə nuą di ɉəɠə di kee ɓa, di hvo bɔ mɛ̨nį kɛ li; daa taa tamąą hu nuą həɠə diɛ di kwɛlɛ Edɔmə nuą diɛ.

Yálá laawoo hɛɓɛ

⁹ Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Tirə ɓa, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, nwɛli kɛ maa mįnɛ̨i ŋɛ̨i da Israɛlə nuą di ɉəɠə di kee ɓa, di hvo bɔ mɛ̨nį kɛ li; daa taa tamąą hu nuą həɠə diɛ di kwɛlɛ Edɔmə nuą diɛ.

Bible

⁹ Ɣâla Yâwɛɛ è mò ǹyɛɛi, “Taya ŋɔsɔŋyɔ̂ŋ saaƃa kpaa naaŋ mɛni ma, fe pâi dɔŋ-kpɛ-maai siɣêi pôlu mà kpɛ́ni fêi, dí lì a ǹûai kélee Idɔŋ luɛ-laa su, dí nia díkono-tee-wooi mɛni ma da dîa-ni díkîe-ni loai.

Amɔsə 1:9 ပူးပေါင်းရင်းမြစ်များ

Samia Veerɛi 5:11

Hiramə Tirə tɔɔmun, ə nuą tɔɔ Davidə pɔɔli, da kpitili wulu, da pɛlɛ mɛ̨i kɛ nuą, da kwɛni haɠa nuą, pɛlɛ́ tɔɔ mɛ̨nį ɓa. Di pɛlɛ́ tɔɔ Davidə ɓa.

Mąątɛ̨nɛ̨ 83:7

Edɔmə nuą, Ismaɛlə lonnii, Moabə nuą da Hagarə lonnii,

Ɉeremi 25:22

Tirə tɔɔɓɛlaa kəlee, da Sidɔn tɔɔɓɛlaa da gboloyá pulu pələ lɔi hutɔɔɓɛlaa kəlee.

Ɉeremi 47:4

Volói ŋɛ̨i pai, Filisti nuą kəlee ɲąą yii mɛ̨nį ɓa, nu tɛitɛi kəlee da kpɔnmąą tɛɛ Tirə da Sidɔn di pɔ, di paa mɛ̨nį ɓa. Gaa tii, Yai-Laa kaa Filisti nuą kpɛɛi yɛnɛ̨ɛ̨, diɛi di kaa Kaftɔrə dínɉu gboloyá hąmąi di wɔ nu gbəliɠaa.

Izikiɛ 27:1

Yai-Laa ə pələ ɓo mą́ą́, yɛ mą́ą́:

Izikiɛ 27:27

Ə́ yəi hɛnŋaa, ə́ wɔ lɔwɔ tiɛ̨, ə́ wɔ hɛn gɔwɠaai, ə́ wɔ kələn ɉiɛ nuąi, ə́ wɔ kələn ɉu kóló kɛ nuąi, ə́ wɔ lɔwɔ́tɔɔ nuąi, ə́ wɔ mįnɛ̨ ɓaala kóló kɛ nuąi, ə́ wɔ kɔ́ kúlaaɠaai, nuąi kpɔ da di ɲąąkpɔn ə́ pɔɔli, gəlee da too gboloyá hu, a ɲələi yá lɛɛ la ɲai.

Izikiɛ 28:1

Yai-Laa woo ə həli mą́ą́, yɛ mą́ą́:

Izikiɛ 28:18

Ə́ wɔ nɛ̨ŋɛ̨n tamą pələ, ə́ hvulu pələ yɔw kɛi, yáá ə́ wɔ lɔi mąąhəɠɛɛi ɓɛlɛkpɛɛ mą. Gáá nwɔ̨n mɛlai ə́ hu, yɛ ə́ kələn; gɛ́ ə́ mąą pənə a luwu, lɔi mɛ̨i nuąi kpɔ ə́ kaai, di ɲɛ̨i ɓa.

Amɔsə 1:11

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Edɔmə nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, di hvilɛn di kaayɔwɔɠaa Israɛlə nuą pulu a kɔ́. Di damaa paa, di hvo di ɲɛ̨imąąwɛli kaa, mąąhɔlɔɓo, di wɔ liikələn gwəi hvo kpəla kɛɛ kalaa ɓa, ɛlɛɛ, nwɔ mɛ̨nį hva kpɛɛ.

Amɔsə 1:6

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą la Filisti nuąi ŋɛ̨i Gaza lɔi hu diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nįi ŋį́ gbən dee, və́ pai ɉəɠəi mą. Mąąhɔlɔɓo, di nu kpulu kɛnɛ̨ həɠə taaɠaa hu, diɛ di lɔwɔ́tɔɔ Edɔmə nuą diɛ.

Abdiasə 1:11

Ɓɛlɔwai di yowoɠaa di kɛi lɔ la di pɔ daaɠaa hu a kɔ́, ɛlɛɛ, diɛ Ɉerusalɛmə dai hɛngɔw ŋąąkwɛlɛ yɛ pələi da tɔ̨nɔ̨ huwɔ ŋąąkwɛlɛ la, kaa kpɛli mąn, ka gɛ yɛ pələi tii di yowoɠaa di gɛ la.

Zakari 9:1

Lolo woo. Yai-Laa woo aa həli Hadrakə lɔi ɓa; ə kpɛla Damasə. Mąąhɔlɔɓo, Yai-Laa nwɔɔ ɓaa a Aramə nwɔ taaleei, lɔ yɛ bələi nwɔɔ ɓaa la a Israɛlə lɔi kəlee pilɛɛ gee mɛ̨i.

Maafîu 11:21

Ə mo diɛ, yɛ diɛ: «Kpalo ɓɛlaai yɛ́, Korazɛn taa! Kpalo ɓɛlaai yɛ́, Bɛtsaida taa! Mąąhɔlɔɓo, gbalo mɛ̨nįɠaai kɛ ka hu, akɛ tii kɛ Tirə da Sidɔn, yɛ nąą nuą də li kɛ di hɔn mąąhvalin di mąąwɛli hee ɓo, di too muluun ɉu diɛ wɔlɔ, di həɠə haɠa kɛ diɛ, diɛ hiɛ di luwu ɓa, ə gɛ, di nɛ diɛ mą, daa di túwɔ́ pələ mąąhvalin.

Maafîu 11:22

Gáá tɛ̨ą ɓoi kaa, Yálá nwɔ kitii tee lɔwai, Tirə da Sidɔn taa di wɔ gahoi a hviɛlaɓo ə tɛɛ ka wɛi ɓa.

Lukə 10:13

«Kpalo ɓɛlaai yɛ́, Korazɛn taa, kpalo ɓɛlaai yɛ́, Bɛtsaida taa, mąąhɔlɔɓo, gbalo mɛ̨nįɠaa ŋɛ̨i kɛ ka hui, a kɛ tii kɛ Tirə daai da Sidɔn taa hu, yɛ mą, daaɠaa tii hu nuą daa wɔlɔ kɛ mąąwɛli həɠə too di kwąną, əgɛ, di nɛ diɛ: daa di túwɔ́ pələ ɲɔ̨nŋąa mąąhvalin.

Lukə 10:14

Yili ɓə gaa mą, Yálá nwɔ kiti tee lɔwai, Tirə taa da Sidɔn taa, di wɔ gahoi a hviɛlaɓo ə tɛɛ ka wɛi ɓa.