Amɔsə 1:6 - Yálá laawoo hɛɓɛ (dc)

⁶ Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą la Filisti nuąi ŋɛ̨i Gaza lɔi hu diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nįi ŋį́ gbən dee, və́ pai ɉəɠəi mą. Mąąhɔlɔɓo, di nu kpulu kɛnɛ̨ həɠə taaɠaa hu, diɛ di lɔwɔ́tɔɔ Edɔmə nuą diɛ.

Yálá laawoo hɛɓɛ

⁶ Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą la Filisti nuąi ŋɛ̨i Gaza lɔi hu diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nįi ŋį́ gbən dee, və́ pai ɉəɠəi mą. Mąąhɔlɔɓo, di nu kpulu kɛnɛ̨ həɠə taaɠaa hu, diɛ di lɔwɔ́tɔɔ Edɔmə nuą diɛ.

Bible

⁶ Ɣâla Yâwɛɛ è mò, ǹyɛɛi, “Geza ŋɔsɔnyɔ̂ŋ saaƃa kpaa náaŋ mɛni ma, fe pâi dɔŋ-kpɛ-maai siɣêi pôlu mà, kpɛ́ni fêi, dí li a ǹûai kélee Idɔŋ luɛ-lâa su.

Amɔsə 1:6 ပူးပေါင်းရင်းမြစ်များ

Kɔlɔnikɔ Veerɛi 28:18

Filisti nuą daa kɛ too Ɉuda nuą mɛ̨i nɛ̨ŋɛ̨ lɔi hu, ɉɛɠɛɛ pələ, di Bɛtə-Sɛmɛsə, Ayalɔn, Gederotə, Soko da gwɛlɛ taaɠaa, Timna da gwɛlɛ taaɠaa, Gimzo da gwɛlɛ taaɠaa, di gəlee hon, di hee laa.

Ɉeremi 47:1

Yai-Laa wooi həli Yálá kwəi mɛ̨nį hukulɔ mun Ɉeremi ɓa, yɛ hvilɛn na Filisti nuą diɛ, nąąlɔwai, Eziptə tɔɔmun hvo ni kɛ Gaza lɔi hon ni a kɔ́.

Izikiɛ 35:5

Yɛ bələi ə́ kɛi yowolaa kulɔ la a Israɛlə a yələ kəlee, yɛ́ nonnii ɲąmą pu a kɔ́ kɔ́ ɓɔwa, ɲələi kɔ́ ə kala la diɛ; a ɲələi di kɛ nɛ̨ŋɛ̨n naa ə hvɛɛ la,

Zooɛ 3:4

Hvoló hu kaa pai kpinįi, ɲąnin ɉu ə kɛ a ɲąmą. Yili a gbɛa kɛ tii Yai-Laa nwɔ hvólói yɛ teɠa pa, a voló kɛnɛ̨ɛ̨ mąąɲɔwɔɔ.»

Amɔsə 1:11

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Edɔmə nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, di hvilɛn di kaayɔwɔɠaa Israɛlə nuą pulu a kɔ́. Di damaa paa, di hvo di ɲɛ̨imąąwɛli kaa, mąąhɔlɔɓo, di wɔ liikələn gwəi hvo kpəla kɛɛ kalaa ɓa, ɛlɛɛ, nwɔ mɛ̨nį hva kpɛɛ.

Amɔsə 1:3

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Siri nuą ŋɛ̨i Damasə daai diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nįi ŋį́ gbən dee, və́ pai ɉəɠəi mą. Mąąhɔlɔɓo, daa Galaadə nuą kpɛŋɛ̨n a kwɛli taŋąn.

Amɔsə 1:7

Gáá pai nwɔ̨n dooi Gaza daa lee hu, nwɔ̨n tii ə nwɔ tɔɔ pɛlɛ́ɠaai kəlee kələn.

Amɔsə 1:9

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Tirə ɓa, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, nwɛli kɛ maa mįnɛ̨i ŋɛ̨i da Israɛlə nuą di ɉəɠə di kee ɓa, di hvo bɔ mɛ̨nį kɛ li; daa taa tamąą hu nuą həɠə diɛ di kwɛlɛ Edɔmə nuą diɛ.

Abdiasə 1:11

Ɓɛlɔwai di yowoɠaa di kɛi lɔ la di pɔ daaɠaa hu a kɔ́, ɛlɛɛ, diɛ Ɉerusalɛmə dai hɛngɔw ŋąąkwɛlɛ yɛ pələi da tɔ̨nɔ̨ huwɔ ŋąąkwɛlɛ la, kaa kpɛli mąn, ka gɛ yɛ pələi tii di yowoɠaa di gɛ la.

Zakari 9:5

Askelɔn a pa nąą kaai, ɉu kaa pai pui mą a ɲɔw, Gaza hu yɛ kɛ ə yali a mɔ̨nɔ̨, ɛlɛɛ Ɛkrɔn tɔɔ bulu hvo kɛa pai kɛi mą. Tɔɔmun va kɛa kɛ Gaza, nu hva kɛa kɛ Askelɔn.

Gɛlaɠaa 8:26

Gu Nąmu nwɔ malaka ə kɛ Filipə ɓa: «'Li ɉɛ̨ɠɛɛ pələ, bələi ti a həɠə Ɉerusalɛmə yɛ li Gaza, ə́ hvilɛn mą. Bələi ti mɛ̨i tɔɔi kɛ ton-ton.»

Samuɛlə dɔlɔɔ 6:17

Ɲɔ̨n tii pɛlɛ Filisti nuą diɛ, yai di mąąnįnįn ɉəɠə a hɛni, di nɛ̨ɛ̨mąą hvə la Yai-Laa ɓa; diɛ ka: Dɔ̨nɔ̨ ə kɛ a Asdɔdə nwɔɔ, dɔ̨nɔ̨ Gaza, dɔ̨nɔ̨ Askelɔn, dɔ̨nɔ̨ Gatə, dɔ̨nɔ̨ Ɛkrɔn.