Amɔsə 1:2 - Yálá laawoo hɛɓɛ (dc)

² Amɔsə tii hvaa woo ka, yɛ diɛ: Yai-Laa kaa haŋąi Siɔn taa ɓa, nwoo yɛ tɛ Ɉerusalɛmə daai yɛ yələgbaląą. Ɓɛlaa pulu nuą di wɔ ɓɛlaaɠaai laa míí, gala mąą aa wɛli. Karmɛlə Yee ton na aa kpala.

Yálá laawoo hɛɓɛ

² Amɔsə tii hvaa woo ka, yɛ diɛ: Yai-Laa kaa haŋąi Siɔn taa ɓa, nwoo yɛ tɛ Ɉerusalɛmə daai yɛ yələgbaląą. Ɓɛlaa pulu nuą di wɔ ɓɛlaaɠaai laa míí, gala mąą aa wɛli. Karmɛlə Yee ton na aa kpala.

Bible

² Emɔ è mò ǹyɛɛi, “Kúnuu-namui kpéɣe-woo è kùla Zãiyɔŋ, ŋ̀óo é kúla Zerusâlɛŋ. Ǹyaŋ gala ŋûnu lɔii a pâi wɔ̂lɔi, Kamɛɛ Yeei tôŋ é kpála.”

Amɔsə 1:2 ပူးပေါင်းရင်းမြစ်များ

Mąątɛ̨nɛ̨ 29:4

Yai-Laa woo tɔɔi, Yai-Laa woo ɲąąnwąnąąi,

Mąątɛ̨nɛ̨ 46:6

Yálá kaa daa kwəi, ɲɔw hva pɛli tooi nąą nuą hu, Yálá a kpɔnmąą tɛɛ bɔ yələɓɔi pinɛ̨ɛ̨.

Hanwon 20:2

Tɔɔmun nwɔ liikələn gwəi kaa yɛ yala a kɛi kpəɠi. Nui a tɔɔmu níiholi, a kɔ́ pɛlɛ gbɔwɔ nwɔ yɛnɛ̨ɛ̨ ɓa.

Azaya 33:9

Nɔi kaa haa wɔlɔ ɓoi, yɛ kpala; Liban aa nwumɛ̨, yɛ kpala, Sarɔn aa kɛ yɛ Ɉurdɛn ɲa-ɓoloon bɔ lɔi, Basan da Karmɛlə wuluɠaa di laa aa pu.

Azaya 35:2

Kpomó hu wuluɠaa kəlee 'di powa! Kpomó, 'ə pili yələi yɛ mąną! Yɛ pili yələi a kwəinɛ̨ɛ̨! Liban nwɔ mąąwiɛi aa həli mą, Karmɛlə da Sarɔn yee di wɔ lɛlɛi aa pənə aa pa di pɔ, ɛlɛɛ, nuą kaa pai Yai-Laa nwɔ mąąwiɛ kaai, a guɔ Yálái nwɔ lɛlɛ laa kɛnɛ̨ɛi.

Azaya 42:13

Yai-Laa kulɔ hiɛ ka tii, yɛ kɔ́kuláa, gaa yɛ kɔ́ kɔ́ mun, gaa nwɔ lii kələn gwəi ɲąątɛi, yɛ gɔ́ huu pili, yɛ tómą, yɛ li ɲowoɠaa pɔ pələ yɛ kpakolo.

Ɉeremi 12:4

Nɔi kaa pai lɛɛi wɔlɔi, ə lɛɛ ɉu, lə yələ ə ɉəli? Ɲea kɔ́wɔ hu kala tiliin gəlee kaa pai lɛɛi kpalai, ə lɛɛ ɉu, lə yələ ə ɉəli? Ɉu huwɔɠaa kəlee da nwɛ̨nįɠaa diɛ haa; nɔi nuą lii ɲɔ̨nwɔ pələ mąą mɛ̨nį ɓa, a diɛi kɛi diɛ: «Yálá hvo ku wɔ pɛlɛ́ɠaai kaai, da mu mɛ̨nįɠaa.»

Ɉeremi 14:2

Ɉuda kaa wɔlɔi, nwɔ taaɠaai kaa kpalai. Di ɲɛ̨i mąą aa liɓi, di nwun vilɛn ŋąą nɔi ɓa pələ. Ɉerusalɛmə taa yɛ wɔlɔ kpɔ hɔɔ.

Ɉeremi 25:30

Ɛlɛɛ, yɛ́, mɛ̨nįɠaai ŋɛ̨i kəlee hukulɔ diɛ, yɛ diɛ: Yai-Laa aa lɛɛ yələkɔlɔn ɉu yɛ tomą Aa lɛɛ nwɔ pɛlɛ́ mąąhəɠɛɛ mu, nwoo yɛ tɔɔ, gaa tomąi nwɔ lɔi pɔ yɛ tomą yɛ viɲə yá kulɔ nuą hvúluun nwoo, yɛnɛ̨ɛ̨ nuą kəlee pɔ.

Ɉeremi 28:8

Yálá kwəi mɛ̨nį hukulɔ nuąi di wɔ kólói kɛ, ɲą́ą́ gwa yɛ́ gu tɔwɔ, ə həɠə wɔlɔ-wɔlɔ ɓa, di mɛ̨nįɠaa ɓo yɛ hvilɛn lɔi tamąą da tɔɔlaa tamąą diɛ, di di lɛɛ kwɛa la, diɛ mo; kɔ́ mɛ̨nįɠaa, mąąwɛli mɛ̨nį, lɔi wolo ɲɔ̨n, mąą mɛ̨nį.

Ɉeremi 50:19

Gáá pai pənəi ŋį́ pa a Israɛlə, naa mį́i lɔi pɔlɔ pɔlɔ ɓa, gaa pai naa mįi Karmɛlə da Basan yeeɠaa nwuɔ̨, ɛlɛɛ, yɛ pulu kulɔ ma Ɛfraimə da Galaadə yeeɠaa nwuɔ̨.

Osia 11:10

Di kaa pai hvilɛn ɉii Yai-Laa pulu, gaa pai huluun ɉii yɛ yala, a kɛi pa huluun ɉii, lonŋąą kaa pai həɠəi hvóló tooi pələ, diɛ pa a gilɛ, di mąą yɛ kpɛlin.

Osia 13:8

Gɛ́ wolo diɛ yɛ kwɛli haai daa nonnii kulɔ ɲəi; gɛ́ di líí kulɔ di kwəi, gɛ́ lɛɛ laa, gɛ́ di mįi yɛ yala haa, lɔwɔ huwɔɠaa diɛ di hu hɛɠɛ-hɛɠɛ.

Zooɛ 1:19

Yai-Laa yɛ́ ɓə gáá wɔlɔi yɛ́. Nwɔ̨n aa gbomoɠaa kələn Nwɔ̨n nən aa nwulu pɛlɛɛɠaa kələn.

Zooɛ 2:11

Yii kpɔ Yai-Laa woo kaa nii tɔɔi, nwɔ kɔlaɠai nwun na, lono və nwɔ kulaaɠaa diɛ, nuąi da nwoo pɔ mɛ̨nį kɛ, gbalai tɔɔ Yai-Laa nwɔ hvólói kɛnɛ̨i, mąą ɲɔwa, gbɛɛ ɓə a pɛli tɔɔ na?

Amɔsə 9:3

Da di mąąkilɛ Karmɛlə yee ton na, Ŋą́ di kaa, ŋį́ di hon. Di ma lɔ gboloyá mu, ə gɛ, di di loo, ŋį́ mo gboloyá hu hɛnŋąą diɛ, di di ɲin.

Nahumə 1:4

A tómą gboloyá mɛ̨i, yili ə kpala, ə tɛɛ yaɠaa kpala. Basan da Karmɛlə da yohva, Liban lɔwɔ a yohva.

Samuɛlə dɔlɔɔ 25:2

Hulɔnu ta ə kɛ Maɔn daai, ɲəi hɛnŋaa di kɛ Karmɛlə. Ɉulɔnui tii ə kɛ a hɛn gɔw ną́mu kɛnɛ̨. Ɓɛlaa waa haaɓa da Ɓɔɔli waa tɔ̨nɔ̨ ɓə kɛ ɲəi. Nąąlɔwai ɉulɔnui tii ə tɛ Karmɛlə yee ɓa nwɔɔ taatɛlɛɛɠaa ləɠa tee mɛ̨nį ɓa.