Amɔsə 1:13 - Yálá laawoo hɛɓɛ (dc)

¹³ Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ haŋą Amɔn nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, di Galaadə koonɛ̨ąɠaa kwəi ɓɛla, ə gɛ, diɛi tii, di di wɔ lɔi ta kɛ mą.

Yálá laawoo hɛɓɛ

¹³ Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ haŋą Amɔn nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, di Galaadə koonɛ̨ąɠaa kwəi ɓɛla, ə gɛ, diɛi tii, di di wɔ lɔi ta kɛ mą.

Bible

¹³ Ɣâla Yâwɛɛ è mò, ǹyɛɛ, “Amɔŋ ǹônii dísɔnyɔ̂ŋ saaƃa kpaa náaŋ mɛni ma, fé pâi dɔŋ-kpɛ-maai siɣêi pôlu dîa kpɛ́ni fêi, dí Gilia koo-nɛyãai koi ƃêla a gɛɛ dí dílɔii su kɛ́tɛ.

Amɔsə 1:13 ပူးပေါင်းရင်းမြစ်များ

Samia Veerɛi 12:31

Yii ɓaa daa tii hu nuą di wɛi, ə di hon a kɔluwɔɠaa, daɠaa diɛ wulu haɠa, diɛ kwɛni haɠa, daɠaa diɛ kwɛi kwɛli, daɠaa diɛ pɔlɔkɔw kɛ. Pələ ɓə ə gɛ la a Amɔn lonnii di wɔ taaɠaai kəlee da ɉu nuą. Davidə da nuą kəlee di pənə di pa Ɉerusalɛmə daai.

Tɔɔɓɛlaa veelɛ 15:16

Nąąlɔwai ɓɛ Menahɛmə ə Tifsa kala, daa nuąi kpɔ kɛ laa, da ɲee mu lɔi kəlee, ə li kpɔ la Tirsa daai. Ə baa ɓoi tii kɛ, mąąhɔlɔɓo, di hvo daa gbonŋąą laa ɓo dɔwɔ; ə goonɛ̨ąɠaa kəlee kwəi ɓɛla.

Tɔɔɓɛlaa veelɛ 24:2

Nąąlɔwai, Yai-Laa ə Kalde nuą, Aramə nuą, Moabə nuą da Amɔn lonnii di ɲąątɔɔ Yoyakimə ɓa. Yai-Laa ə di tɛɛ Ɉuda lɔi hu pələ, ə gɛ, di nɔi nuą huwu pu, yɛ bələi Yai-Laa ə bu laŋɔ tínuą la, diɛi kɛ a gwəi məni hukulɔ nuą.

Tɔɔɓɛlaa veelɛ 8:12

Hazaɛlə yɛ Elise ɓa: «Lə ɓə kɛ, yai nwɔ́ mɛ̨nį nąmu kaa wɔlɔi?» Elise yɛ mą: «Mɛ̨nį ɲąąnwąnąąi ə́ kaa pai naai Israɛlə nuą diɛ, ya ka tii ɲɛ̨́i aa tɔɔ ɉu. Ə́ kaa pai di wɔ taa mąąkpɛ hį́iɠaa kəlee lɛɛi nwɔ̨n ɉu, yɛ́ di wɔɔ muhəɠə nįnɛ̨ɠaa kəlee paa a ɓɔwa, yɛ́ di lonnii pɛlɛɛɠaa kiin-giin, yɛ́ gbɔlɔ kulɔ. Yɛ́ di wɔɔ koonɛ̨ąɠaa kwəi ɓɛla.»

Kɔlɔnikɔ Veerɛi 20:1

Yili pulu, Moabə nuą, Amɔn lonnii, ə pɛlɛ la Maɔn nuą, di pa kɔ́ pɛlɛi Ɉosafatə ɓa.

Kɔlɔnikɔ Veerɛi 20:10

Yii hu, Amɔn nuą, Moabə nuą, da Seirə yee hu nuą kaa lə kɛa, diɛ kɔ́ pɛlɛ kuɔ. Ɓɛlɔwai Israɛlə nuą di kulɔ la Eziptə lɔi hu, hvó kɛ hvaa li mą, Israɛlə hvo tɛɛ di wɔɔ lɔi hu, hvo di hu kala.

Nehemi 2:19

Nąąlɔwai, Sanbalatə yai kɛ a Horɔn mun, da Toviya Amɔn mun yii kɛ ɲee mu, da Gɛsɛmə yii Arabə mun, bələ mɛ̨i di mo, di kɛi di woo həɠə ku wɔ, diɛ ku hviiɓo diɛ kɛ diɛ: «Lə ɓə ka káá gɛi? Kaa kɛ kulɔ tɔɔmun nwoo mu?»

Mąątɛ̨nɛ̨ 83:7

Edɔmə nuą, Ismaɛlə lonnii, Moabə nuą da Hagarə lonnii,

Azaya 5:8

Kpalo ɓɛlaai nuąi da pɛlɛ́ tɔɔ kee la diɛ, diɛ tíi pɛlɛ tíi ɓá, diɛ nɔi kəlee hon, nɔi yɛ lɛɛ diɛ tɔ̨nɔ̨ di yəi.

Ɉeremi 25:21

Edɔmə, Moabə, Amɔn nuą;

Izikiɛ 21:28

Di kaa pai gaai a lɛɛ-tɔlu; daa di kilitɔɔi lɛ diɛ; di wɔ nɛ̨ŋɛ̨nŋąąi kili too mɛ̨nį ɓə di ɲą; di kaa pai di hon ɉi gɔ́ hu.

Izikiɛ 25:1

Yai-Laa ə mɛ̨nį ɓo mą́ą́, yɛ mą́ą́:

Izikiɛ 35:10

«Mąąhɔlɔɓo, ə́ kɛ diɛ; ɉįi hveelɛi ŋɛ̨i, nɔi hveelɛi kaa a nwɔ́ɔ́; ɛlɛɛ, ku kaa pai di həɠəi a ku wɔɔ. Kɛlaa, Yai-Laa ə kɛ laa.

Osia 14:1

Mąąnɛ̨ɛ̨ Samari ə pa gwələ kulɔ, mąąhɔlɔɓo, aa nwun gulɔ nwɔ Yálái woo mu, di kaa pai tooi kɔ́ kɔ́ ɓɔwa ŋą; diɛ di lon dalaɠaa kiin, diɛ koo nɛ̨ąɠaa kwəi ɓɛla.

Amɔsə 1:3

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Siri nuą ŋɛ̨i Damasə daai diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nįi ŋį́ gbən dee, və́ pai ɉəɠəi mą. Mąąhɔlɔɓo, daa Galaadə nuą kpɛŋɛ̨n a kwɛli taŋąn.

Dutɛrɔnome 2:19

Ə́ həli hiɛ li Amɔn lonnii di wɔ lɔi hu. Hvó kɔ́ pɛlɛ diɛ, hvó hvaa kwɛli diɛ. Mąąhɔlɔɓo, Amɔn lonnii di wɔ lɔi hu, və́ pai hɛn da tɛɛi ə́ pɔ nąą. Lɔtə lonnii ɓə ŋį́ nɔi tii tɛɛ di pɔ a di hee lɔi.»