Abdiasə 1:9 - Yálá laawoo hɛɓɛ (dc)

⁹ Tema taa, ə́ wɔ kɔ́kulááɠaai hu a pu diɛ, ɛlɛɛ, da ə́ pɔ lɔi kɔ́kulááɠaa kəlee paa, Esau nwɔ yeeɠaai ɓa.

Yálá laawoo hɛɓɛ

⁹ Tema taa, ə́ wɔ kɔ́kulááɠaai hu a pu diɛ, ɛlɛɛ, da ə́ pɔ lɔi kɔ́kulááɠaa kəlee paa, Esau nwɔ yeeɠaai ɓa.

Bible

⁹ Óo Temaŋ, íkɔ-kûluƃa-ŋai da pâi yaôi, ǹyaŋ da pâi Idɔŋ-ƃelai kélee paâi.

Abdiasə 1:9 ပူးပေါင်းရင်းမြစ်များ

Zɛnɛse 36:11

Elifazə lonnii laa ka: Teman, Omarə, Sefo, Gaetamə da Kenazə.

Kɔlɔnikɔ Maa-ŋuŋ 1:45

Yovavə haa pulu, Husamə yai kɛ a Teman mun, ya ɓə hee a dɔɔmun.

Zôo 2:11

Ɉobə mɛlaa haaɓa di mɛ̨nįɠaai ti bələ mɛ̨n. Di həɠə di pɔ nɔiɠaa, diɛ pa di woo pilii mą. Elifazə ə həɠə Teman; Bildadə ə həɠə Sua; ɛlɛɛ Sofarə ə həɠə Naama. Di kəlee di pɛli ɉu, ə gɛ di pa di Ɉobə nwɔ mąąwɛli hee ɓo, di niilaa.

Ɉeremi 49:20

Mɛ̨nį ɲɔ̨nwɔ̨ɔ̨, Yai-Laa aa mąą kili tee gwəi, yɛ hvilɛn na Edɔmə ɓa, ka ka wəli tɔɔ mą; mɛ̨nįɠaa gaa bɔ ə naa Téman nuą diɛ, daatɛlɛɛ kpulu lɔwai, ə mą kɛ, yiiɠaa di hviikpɛɛ, di kaa pai kɛi di yalai. Di mąą mɛ̨nį ɓa, gaa pai di wɔ lɔi huwoloi. Yili hva ɉəɠə mą.

Ɉeremi 49:22

Gaa yɛ geelə a kɛi tɛ yələi, yɛ koon, yɛ goon ɉu lɛan Bɔsra mɛ̨i. Volói tii, Edɔmə kɔ́kulááɠaa lii a kɛ di kwəi, yɛ kwəi nwąną kɛ nɛ̨ɛ̨nu lii.

Ɉeremi 49:7

Mɛ̨nįi Yai-Laa Mɛ̨nį Kəlee ŋą Hééɓomun kaa moi yɛ hvilɛn na Edɔmə ɓa, ya ka; yɛ mą: «Mɛ̨nį kɔ́lɔn nuą di hvo mɔ̨ɔ̨ kɛa Teman? Kili hvo kɛa mɔ̨ɔ̨ gilimąą nuą diɛ, di wɔ mɛ̨nį kɔ́lɔn gili aa mɔ̨ɔ̨ kala?

Izikiɛ 25:13

Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ; gáá pɛlɛi Edɔmə ɓa, gɛ́ ɉu nuą da daatɛlɛɛɠaa kpɛɛ laa, gɛ́ gɛ a lɔi pun, ə həɠə Téma, ə həli Dedan. Nuą kaa pai haai a kɔ́ kɔ́ ɓɔwa laa pɔɔ.

Amɔsə 1:12

Gáá pai nwɔ̨n dooi Tema daai, nwɔ̨n gaa pai Bɔsra taa nwɔ tɔɔ pɛlɛ́ɠaa kəlee kələn ɉii.

Amɔsə 2:16

Volói tii a həli, kɔ́kuláá liikpəlɛɛ yii gaa kɔ́kuláá walawalaɠaa lɔwai; nwɔ kɔ-kɔ kwɛli hɛnŋąąi pu, ə tɛɛ a gilɛ.

Abdiasə 1:21

Di kaa pai yeetɛɛmąą kɛi di Siɔn yee tumun, nąą ɓə di kaa pai heei laa; Esau huwu nwɔ yeeɠaa ə lɛɛ di yee mu. Nąąlɔwai, tɔɔlaa a kɛ a Yai-Laa nwɔɔ.

Abdiasə 1:5

Akɛ nwɔ̨nɔ̨ nuą, a wala kɛ tii, too mɛ̨i kɛ nuą da pa ə́ tɛɠii kpinįi, yii kpɔ di kaa bɔ, da gəlee həɠə də li la, nąąlɔwai, ya too kpɔ tɛ̨ɛ̨tɛ̨ɛ̨. Akɛ kɛɛ kala nuą da lɔ ə́ wɔ viɲə yɛai hu, viɲə tɛitɛi lɔ ɓə da nɛɛ nwulu ɓa.

Nahumə 3:13

Ə́ wɔ kɔ́kulááɠaai kaa lɔ a nɛ̨ąą, kpɛli kpɛli ə́ wɔ lɔi hu pələɠaa laaɓoɔi lɔ kpanągalan, ə́ yowoɠaa tɔwɔ, gbon gəlee aa lɛɛ a nwɔ̨n gɔ̨nɔ̨n, aa nwulukpiɛɠaa kəlee kələn.

Habakukə 3:3

Yálá kaa həɠəi Teman, Yálá mąąhəɠɛɛ kaa həɠəi Paran yee ɓa. Nwɔ mąąwiɛ aa yələ kwəi kpɛɛ mą. Mąątɛ̨nɛ̨ pələ aa lɔi mɛ̨i kpɛɛ mą

Dutɛrɔnome 2:5

Ka hvo kɔ́ pɛlɛ diɛ. Mąąhɔlɔɓo, və́ pai hɛn da lɔpee tɛɛi ka pɔ di wɔ lɔi hu a ka wɔɔ, ə mą kɛ ka kɔ́wɔ hvilɛn ɉii tɔ̨nɔ̨ ɓə. Mąąhɔlɔɓo, Esau ɓə ŋį́ Seirə yeeɠaa tɛɛ bɔ a nwɔɔ.