Abdiasə 1:18 - Yálá laawoo hɛɓɛ (dc)

¹⁸ Ɉakɔbə nwɔ pɛlɛ́i kaa pai kɛi yɛ nwɔ̨n. Ɉosɛfə nwɔ pɛlɛ́i kaa pai kɛi yɛ nwɔ̨n nən, di kaa pai Esau huwu kəlee kələn ɉii, yɛ pələi nwɔ̨n a kɛɛ kpalaa kələn na. Dɔ̨nɔ̨ kpɛli hva lɛɛ yɛnɛ̨ɛ̨. Ɲą́ą́ Yai-Laa, Nwóó li.

Yálá laawoo hɛɓɛ

¹⁸ Ɉakɔbə nwɔ pɛlɛ́i kaa pai kɛi yɛ nwɔ̨n. Ɉosɛfə nwɔ pɛlɛ́i kaa pai kɛi yɛ nwɔ̨n nən, di kaa pai Esau huwu kəlee kələn ɉii, yɛ pələi nwɔ̨n a kɛɛ kpalaa kələn na. Dɔ̨nɔ̨ kpɛli hva lɛɛ yɛnɛ̨ɛ̨. Ɲą́ą́ Yai-Laa, Nwóó li.

Bible

¹⁸ Kúnuu-namui è mò ǹyɛɛi, “Zeeka da Zosɛ dísuui su-ƃelai da pâi kɛ̂i yɛ̂ɛ ŋɔŋ. Da pâi Isɔɔ ŋɔsuui su-ƃelai su karâi yɛ̂ɛ berei ŋɔŋ a kala kèreŋ lai. Ǹyaŋ Isɔɔ, ŋɔsuui su nuu da fé pâi lɛɛ̂i naa a vúlu.

Abdiasə 1:18 ပူးပေါင်းရင်းမြစ်များ

Samia Veerɛi 19:20

yɛ tɔɔmun ma: «Nwɔ́ mɛ̨nį nąmu, hɔn ɲɔ̨n ŋą́ą́ gɛ, və́ kɛli ə́ gwələ kulɔ ə́ wɔ luwɔi ɓa. Ɉɔn ɲɔ̨n tii ŋą́ gɛ, ɓɛlɔwai nwɔ́ mɛ̨nį nąmu tɔɔmun ə həɠə la Ɉerusalɛmə daai. Nwɔ́ mɛ̨nį nąmu, hvo ɉɔ́n tii hee ə́ kwəi.

Lɛɛ gbɔwɔ ɓa 5:12

Israɛlə lonnii di taɠa Eziptə lɔi nąą kəlee, diɛ kala kwɛli.

Azaya 10:17

Israɛlə nwɔ kɛɛ pɔ̨nɔ̨i kaa pai kɛi yɛ nwɔ̨n, nwɔ Yálá mąąhəɠɛɛi ə ɓo yɛ nwɔ̨n nən, yɛ nwɔ kpomóɠaai da nwɔ ɲąąlənŋaai kələn, yɛ di kpɛɛ a hvóló tɔ̨nɔ̨.

Azaya 31:9

Nwɔ kwɛni kpuwului kaa pai pui a ɲɔw, da kɛi nwɔ kɔ́ nwun nąmįnąąi təli, diɛ mun diɛ pu a gilɛ. Yai-Laa woo li, yai nwɔ nwɔ̨n kaa Siɔn, ɛlɛɛ nwɔ kpaɠa nwɔ̨n ə ɓo Ɉerusalɛmə daai.

Azaya 47:14

Di kaa pai kɛi yɛ dɛ̨ɛ̨ kpoloon, nwɔ̨n gaa pai di kələn ɉii, di hvo pai pɛlii kulɔi nwɔ̨n nən ɲəi, hvo pai kɛi a nu kɔ́lɔ ɓo nwɔ̨n dəŋą, yɛ nwɔ̨n goloi lən ɉii, nu yɛ hee mą.

Azaya 5:24

A kɛ tii, bələi lɔ nwɔ̨n a dɛ̨ɛ̨ kələn na, bələi lɔ mɔ̨nun gbowo a kələn na nwɔ̨n nən ɉu, bələ ɓə di hamu kaa pai luwun ɉii la; da ɓɔn, hvaŋą yɛ li a di ɓɔn, mąąhɔlɔɓo, daa Yai-Laa Mɛ̨nį Kəlee ŋą Hééɓomun nwɔ mąąkwɛli wooi pili, daa tɛɠɛɓo Israɛlə nwɔ Mąąhəɠəmun nwoo hu.

Azaya 9:18

Yai-Laa Mɛ̨nį Kəlee ŋą Hééɓomun nwɔ liiŋąnwąną kɛnɛ̨ pələ, nɔi aa kulɔ bihɛi nwɔ nuąi daa kɛ a nwɔ̨n gɔ̨nɔ̨n, nu ta hva mɛlan gulɔ ɉu.

Azaya 9:19

Nu kəlee kaa pai kɛ gbɔwɔ yee ɓa kɔ́lɔ mįi, da di kɔ́ɓɛyee ta tee mą di mįi, hva di pilɛ, da di ɓa-mįi-yee ta tee mą di mįi, hva di pilɛ.

Ɉeremi 11:23

Di ta hvo pai lɛɛi yɛnɛ̨ɛ̨ a vulú, gáá pai mɛ̨nį ɲąąnwąnąą laai Anatotə nuą diɛ; a gwɛlan mąąnɛ̨ɛ̨ di di wɔ nɛnɛnŋaa mąą mɔ̨nɔ̨ mį́i la.

Izikiɛ 37:16

«Hulɔnu lon, wulu kpuɔ ta həɠə, ə́ Ɉuda laa pɛ̨ɛ̨ mɛ̨i da Israɛlə lonnii da diɛni di kaa di kee ɓa, yili pulu, ə́ da kpɛli həɠə, ə́ Ɉosɛfə laa pɛ̨ɛ̨ mɛ̨i; yili ɓə pai kɛi a Ɛfraimə nwɛi, da Israɛlə lonnii yiiɠaai da diɛni di kaa di kee ɓai.

Izikiɛ 37:19

'Kɛ́ diɛ: Mɛ̨nįi Mɛ̨nį kəlee ŋą Hééɓomun Yálá kaa moi, ya ka; yɛ: Nwulu kpuɔi Ɉosɛfə laa kaa mą, yɛ ɓo Ɛfraimə yəi, da Israɛlə lonnii, da diɛni di tɔɔi, gáá pai ɉəɠəi, ŋą́ bɛlɛ́ nwulu kpuɔi ŋɛ̨i Ɉuda laa kaa mɛ̨i mą, ŋą́ di pɛlɛ di kee ɓa, di kɛ a wulu kpuɔ tɔ̨nɔ̨, ɛlɛɛ, di kɛ ɲéé ŋą tanɔ̨n.

Zooɛ 2:5

Da lɛɛ yee hu, di too dakpɛli hu; di tin ə ɓo yɛ kɔ́ kɔ́ wotoloɠaa, yɛ nwɔ̨n nən aa kɛi pola kɛ́ɛ́ kpalaa hu. Yɛ nwɔ̨n a kɛi kala kpala mįi, diɛ pa yɛ kɔlaɠa hvaŋą kɛnɛ̨; di tɔɔ pələ pɛliɛ ɉu gɔ́ ɓa.

Amɔsə 1:8

Gáá pai Asdɔdə nuą kəlee nwun na pilii, da Askelɔn tɔɔmun. Ŋą́ hiɛ Ɛkrɔn nuą mɛ̨i. Yai-Laa yɛ diɛ: Filisti nuą gbəli woloi a lɛɛ, di nwun na a pili.

Amɔsə 5:15

Ka mɛ̨nį ɲɔ̨n nwɛli kpɛɛ kaa, ka mɛ̨nį lɛlɛɛ wɛli la kɛ. Ka mɛ̨nį haŋąą kɛ ka wɔ kiti tee pɛlɛ́ɠaai mu. A kɛ tii, Yai-Laai gaa a Mɛ̨nį Kəlee ŋą Hééɓomun Yálá, a pɛli kiɛ, ə ka ɲɛ̨i maa wɛli kaa, kaai ka káá a Ɉosɛfə huwuhu nuą gbəli.

Amɔsə 6:6

Ka lɔɔ kpələ, ka nɔɔ kpo kpələ gɔwɔ hu, Wulɔ yii gun nɛɛi dɛɛ gɛi ɓa, ya ɓə ka ka mąąti la. Kɛlaa, Ɉosɛfə huwuhu nuą kala mɛ̨nį, yili niihɛlɛn va too kaa.

Abdiasə 1:16

Kaai ɓaa Israɛlə nu huwu, kaa gbɛa nwɔ́ liiɲąnwąną kpələ kɔ́wɔi hu lɔɔ kpələ, nwɔ́ yee ŋɛ̨i ɉéé pɛlɛ kaa tɔɔ ni mɛ̨i, mą. Yii ɓaa nɔi yiiɠaa tii di wɛi, gbəlɛɛ hvo pai kpɛlai pələi, di kaa pai gbələi, ə di kɛlɛ. Yili pulu, di kaa pai kpɛɛi kpɔ lɔi mɛ̨i tɛ̨ɛ̨tɛ̨ɛ̨??.

Mise 5:8

Ə́ yee pili ə́ yowoɠaa diɛ, nuąi da tɔɔ ə́ la, gəlee paa.

Nahumə 1:10

Mąąhɔlɔɓo, di kaa yɛ ɲąąlən gbɔlɔ pilɛɛ geehu, diɛ di kpələ, nɔɔ yɛ di hon, di kaa pai kələn ɉii kpɔ tɛ̨ɛ̨ tɛ̨ɛ̨ yɛ mɔ̨nun gbowo.

Zakari 12:6

Mąą yələi tii, ŋą́ Ɉuda ɲąąwooɓo nuą kɛ yɛ, da nwɔ̨n gɛnɛ̨ hee kpaɠa hu. Yɛ da kpalan dɔɔ, di nɔ dɛ̨ɛ̨ hu. Di kaa pai lɔiɠaa hukalai, di ɓa-mįi-yee hu pələ, da kɔ́ɓɛyee hu pələ, di kwɛlɛ kəlee ɓa. Kɛlaa, Ɉerusalɛmə a lɛɛ tɔɔni dɔɔi.

Korɛntə dɔlɔɔ 3:12

Nu ə nwɔɔ tɔɔ mɛ̨i a: Hɛni, a wali-kwɛli, a kúwɔ́-kwɛni, a wulu, a mɔ̨nun gban, a wala kɛ tii, a dɛ̨ɛ̨,