Abdiasə 1:12 - Yálá laawoo hɛɓɛ (dc)

¹² Edɔmə nuą, ka kaayɔwɔɠaa ŋɛ̨i di kaa Ɉuda lɔi hu, ɓɛlɔwai mɛ̨nį nwąnąą tii ə laa la diɛ, mąą hvo nɛ̨ɛ̨li kɛ, yili hvo ka kwəinɛ̨ɛ̨; ɓɛlɔwai di too la, yili hvo kɛ a ka wɔ kwəinɛ̨ɛ̨ mɛ̨nį, ɛlɛɛ, nalan da hvo kulɔ ka la, ɓɛlɔwai di kɛ la mɛ̨nį nwąnąą hu.

Yálá laawoo hɛɓɛ

¹² Edɔmə nuą, ka kaayɔwɔɠaa ŋɛ̨i di kaa Ɉuda lɔi hu, ɓɛlɔwai mɛ̨nį nwąnąą tii ə laa la diɛ, mąą hvo nɛ̨ɛ̨li kɛ, yili hvo ka kwəinɛ̨ɛ̨; ɓɛlɔwai di too la, yili hvo kɛ a ka wɔ kwəinɛ̨ɛ̨ mɛ̨nį, ɛlɛɛ, nalan da hvo kulɔ ka la, ɓɛlɔwai di kɛ la mɛ̨nį nwąnąą hu.

Bible

¹² Kɛ́lɛ maa fé kɛ́ ni a nɛ̃ɛ í yoŋka tée tã ilêɣe è kɛ̀ la mɛni kpɔlu sui. Ifêi pɔri lii-nɛ̃ɛ kulai Zuda ŋɔnûai su-kara mɛni ma. Ífêi pɔri ɣɛ́lɛ-maa kulâi díkponôi dimɛni-soli kaai su.

Abdiasə 1:12 ပူးပေါင်းရင်းမြစ်များ

Zôo 18:20

Di kaa pai mąą mɛ̨nį mɛ̨n ɉii kɛɛnąą kəlee, yili yɛ nu kəlee mąą ɲɔw, diɛ kɛ diɛ:

Zôo 31:29

Ŋą́ą́ ta ɲówo nwɔ mɔ̨nɔ̨ mįi mɛ̨nį gwəinɛ̨ɛ̨ kulɔ? Ɓɛlɔwai mɛ̨nį ɲąąnwąnąą a laa laa mą, ŋą́ kɛ pilii yələi a kwəinɛ̨ɛ̨?

Mąątɛ̨nɛ̨ 22:17

Yilɛɠaa daa mą́ą́ tinɛ̨n, daa doo gee hu, mɛ̨nį ɲɔ̨n gɛ nuą daa mą́ą́ tinɛ̨n, daa gɔ́wɔɠaa, da ɲeeɠaa ɓɔ.

Mąątɛ̨nɛ̨ 31:18

Yai-Laa, ə́ təlii gáá moi, və́ nwumɛ̨ ɉu, Kɛlaa, nwumɛ̨ ə lɛɛ a nuąi di hva ə́ mąąwiɛ di wɔɔ; di laa pɛlɛ mą, diɛ yɛɛ ɲąmuątaa pələ.

Mąątɛ̨nɛ̨ 35:15

Kɛlaa tooi ŋį́ mo, di di ɲąąkpɔn, diɛ pili yələi a kwəinɛ̨ɛ̨, diɛ di keeni ɲąątɔɔ mą́ą́, nwɛ̨ąą diɛ náá nɔ̨nwɔ̨ɔ̨ ɓo, və́ kɛ nwun gɔlɔn.

Mąątɛ̨nɛ̨ 37:13

Kɛlaa, Yai-Laa a kɛ yɛ́lɛ́i mą, mąąhɔlɔɓo, gaa nwɔ kuui kaa yɛ pa.

Mąątɛ̨nɛ̨ 54:7

Nuąi da kɛ mą́ą́hɛn ɉii, mɛ̨nį ɲɔ̨nwɔ̨ɔ̨ ə yɛɛ a di nwun, Di hukala, a ə́ wɔ tɛ̨ąi.

Mąątɛ̨nɛ̨ 59:10

Yɛ́ lɔ ɓə ɲɛ̨́i kaa yɛ́, yɛ́i a nwɔ́ huwalawala, a tɛ̨ą mą́ą́kɔ̨nwɔ̨ taa ɓaa a Yálá.

Mąątɛ̨nɛ̨ 92:11

Yáá nwún muhəɠə yɛ láŋ mįnɛ̨ mąą, yɛ́ mą́ą́tí a wulɔ nįnɛ̨ mąą kun nɛ̨ɛ̨.

Hanwon 17:5

Nui a yɛlɛ kulɔ mąąwɛlimun ɉu, a kɛ tii, Yálái mąąwiɛlimun tii pɛli, ya ɓə gaa lalan ɉii. Nui a kwəinɛ̨ɛ̨ kulɔ mąąwɛli mɛ̨nį hu, hva lɛɛ tii, hvo kɛli di ɉutɔɔ.

Azaya 37:24

Yaa Ną́mu lalan a nuąi ə́ di tɔɔ, ɛlɛɛ yɛ́ kɛ diɛ: ‹Nwɔ́ kɔ́ kɔ́ wotoloɠaai kpulu kɛnɛ̨ pələ, ŋą́ą́ tɛ yeeɠaa tonna, ɓɛi nuą di kɛi di loo laa Liban lɔi hu, ɓɛi nu takpɛli hvo kɛi pɛli həlii laa, ŋą́ą́ tɛ laa, əgɛ, ŋą́ nwɔ hɛan gbɛa-kpɛaɠaa tee, da nwɔ kpitili lɛlɛɛɠaai, ŋą́ həli kpɔ nɔi kpɛlai, ŋą́ həli kpɔ ɲee tonna lə́ɠə́-lə́ɠə́ ɓa. Ŋą́ həli kpɔ nwɔ lɔwɔi nɛlɛi ɓa.

Woolaa 2:16

Ə́ yowoɠaa kəlee da di laa taɠa yɛ́ ə́ ɓɛlɛ too mɛ̨ni ɓa; diɛ kwəlee hvɛɛ, diɛ di laa kpán ɲali a yɛ́, diɛ kɛ mą: «Kwaa ɉu kala, volói ku kɛi mąąkpɔn ya ka aa ɉəli. Kwáá kələi gaa!»

Woolaa 4:21

Ee kə, Edɔmə lɔi hu hee ɓo nuą! A kɛ lɔ tii, 'ká pili kpɔ yələi a kwəinɛ̨ɛ̨! Káái heeni Usə lɔi ɓa! Káá kpɛli mąn, gbələ kɔ́wɔ ŋɛ̨i kaa pai tɛɛi ka laa ɓa, gaa pai ká hon ɉii yɛ lɔɔ, kaa ká kpuwulu mąą lɛ.

Izikiɛ 35:12

Nąąlɔwai, yá gili kɔ́lɔn yɛ́ ɲą́ą́ ɓə gáá a Yai-Laa, ɛlɛɛ, nalanŋaai kpɔ ə́ bili a Israɛlə yeeɠaa ŋą́ gəlee mɛ̨n; ɓɛlɔwai ə́ kɛ la diɛ; nąą aa lɛɛ a lɔi pun, aa lɛɛ a ku kɔ̨nɔ̨n.

Izikiɛ 35:15

mąąhɔlɔɓo ə́ kwəinɛ̨ɛ̨ kulɔ, ɓɛlɔwai Israɛlə pɛlɛ́i ə lɛɛ la a lɔi pun, bələ ɓə gáá pai ə́ kɛi la; Seirə yee kaa pai lɛɛ a lɔi pun, da Edɔmə kəlee. Bələ ɓə ka gili kɔ́lɔn na, kaa diɛ ɲą́ą́ ɓə gáá a Yai-Laa.»

Izikiɛ 36:5

Mɛ̨nį kəlee ŋą Hééɓomun Yálá woo ka, yɛ: ‹Nwɔ́ tolo nwɔ̨n hu ɓə gáá mɛ̨nįi ŋɛ̨i ɓoi laa, lɔiɠaa kəlee diɛ, da Edɔmə lɔi; mąąhɔlɔɓo, di nwɔ́ lɔi kɛ a di wɔɔ. Di kwəinɛ̨ɛ̨i kɛ kɛnɛ̨, diɛ nuą hviiɓo, ɓɛlɔwai di too la nɔi hu, diɛ gɛ a di pɔɔ.›

Mise 4:11

Kɛlaa yiihu, lɔi tamąą daa di muhəɠə yɛ́ a kɔ́, di kaa kɛi diɛ: «Siɔn ɓɛlɛ ə too, ə too kpɔ, ku ɲɛ̨i kɔ́w ə nąą kaa!»

Lukə 19:41

Jesus ə lɛɠɛɛ kɛa Ɉerusalɛmə taa ɓa, ə ɲɛ̨i hee daa ɓa, ə wɔlɔ, yɛ mą:

Zĩi 3:5

Bələ kpɔlɔɔ ɓə, nu nɛn golɔɔ, yɛ gbɔwɔ ɲąą kɛnɛ̨ mɛ̨nį kpɛa-kpɛaa gɛɛ hu. Ká ká kiliŋąhiɛ tai, nwɔ̨n gbaalən nogolo ɓa, a pɛli gbalə kɛnɛ̨ gələn ɉii.

Piɛrə veelɛ 2:18

Da kpɔɔ ɲąą kɛnɛ̨ wooɠaa ɓo da kili kpɛɛ yəi woo. Nuąi daa gɛ pələ kwɛli mą daa kulɔ mɛ̨nį ɲɔ̨n gɛ nuą yee mu, nɛɛ kalan gɛ nuą ti, da gɛ pələ kwɛli mą, di pənə nwɔ̨nɔ̨ diɛ di hon bələ kwɛli a mɛ̨nį ɲɔ̨n giliŋąhiɛi gaa diɛ.

Zûu 1:16

Nɛɛ kalan gɛ nuą tii, mɛ̨nį ta hva di kwəinɛ̨ɛ̨. Di kaa lɔ di woo laa hu, di kpɔwɔ nwɔ kiliŋąhiɛ lɔ ɓə da hiɛ la. Kpɔwɔ ɲąą kɛnɛ̨ wooɠaa kaa di la. Da kɛi nu ta tɔ̨nɔ̨ kulɔ ya lɔ ɓə da mąąwiɛ la.

M̀ɛni-lɛɛi 13:5

Di hvaa laaləi kɛ ɉuwɔi tii pɔ, yɛ pɛli, huɲąŋą kɛnɛ̨ wooɠaa ɓoi, da Yálá lalan nwooɠaa, ɛlɛɛ, di hvaŋą tɛɛ bɔ, ə gɛ-mɛ̨nį kɛ ɲąnįn bow-nąąn-kɔw-hveelɛ yee mu.

Samuɛlə dɔlɔɔ 2:3

Ka hvo ka nwun dɛɠii hvaa ɓo lɔ tii, tɛɠɛɓo ɉu woo hvo kulɔ ka la. Yai-Laa kaa a Yálái mɛ̨nį kəlee kpaɠala kaa mą, ya ɓə a nuą kɛ mɛ̨nįɠaa kiti tee.