Zɔ̂ŋ Zaaƃai 1:2 - Yálá laawoo hɛɓɛ (dc)

² Nwɛ́likɛmąąmun, gɛ́, ə́ mąą mɛ̨nį kəlee hu ə nɛ̨ɛ̨, ə́ kɔ́lɔi ə pono, ə́ nįį ə kɛ lɔ tii nɛ̨ɛ̨ hu.

Yálá laawoo hɛɓɛ

² Nwɛ́likɛmąąmun, gɛ́, ə́ mąą mɛ̨nį kəlee hu ə nɛ̨ɛ̨, ə́ kɔ́lɔi ə pono, ə́ nįį ə kɛ lɔ tii nɛ̨ɛ̨ hu.

Bible

² Ŋáwɛli-kɛ-maa-nuui, ŋa Ɣâla fɛlîi a gɛɛ sɛŋ kélee é kɛ́ a ǹɛ́lɛɛ ímɛni ma, a gɛɛ íkɔlɔ̂i é pono. Ŋá gɔ́lɔŋ a gɛɛ ímɔ̂leŋ kɔlɔ̂i ponoɔ̂i.

Zɔ̂ŋ Zaaƃai 1:2 ပူးပေါင်းရင်းမြစ်များ

Maafîu 9:12

Jesus ə di woo mɛ̨n. Ə mo diɛ, yɛ diɛ: «Nuąi di kɔ́lɔi ponoɔ̨, di mąąkpaan və hali kɛmun ma. Hvo kɛ li ɲɔ̨n gɛ nuą ɓə di mąąkpaan gaa mą.

Filipə 2:27

A tɛ̨ą ə ɲɔ̨n gɛ kpɔ tii, ɉaai ə lɛɛ tiikpə, kɛlaa, Yálá ə ɲɛ̨imąąwɛli kaa, yaa tɔ̨nɔ̨ lɔ hvəə, ku nu hveelɛi ɓə ə ku ɲɛ̨imąąwɛli kaa, ə gɛ, nwɔ́ liihɛlɛn da hvo pa pɛlɛ mą.

Filipə 2:4

Nu ta hvo giliŋąhiɛ gbɔwɔ nwɔ tɔlɔ kwɛli mɛ̨nį ɓa, kɛlaa ka ka kiliŋąhiɛ ka ɓɛlaa di wɛi ɓa.

Tɛsalonikə veelɛ 1:3

Ną́n nonnii, mąąnɛ̨ɛ̨ ku Yálá mąmąɓo a yələ kəlee ká mąą mɛ̨nį ɓa, ɛlɛɛ, yili kpɔ ɓə bɛliɛ ɉu, gbala ə tɔɔ, ká wɔɔ laa na laa kaa lɔ yɛ tɛ tɔwɔ, ɛlɛɛ, nwɛlikɛmąą laai ká yəi ka kee mąą mɛ̨nį ɓa, ɉu kaa lɔ mą yɛ kɛnɛ̨ ká kəlee ká yəi;

Tɛsalonikə veelɛ 2:13

Yii ɓaa ku wɛi, ku mąąnɛ̨ɛ̨i kuɔ Yálá hɛɠɛɛɓo a yələ kəlee ká mąą mɛ̨nį ɓa, ną́n nonnii, káái ká wɛlikaa gu Nąmu ɓa. Mąąhɔlɔɓo, Yálá ə gbɛa ká həɠə ɉu, a gɔwɔ tɔɔi lɔwai, ə gɛ, ká nwun mąą ə ɓo Kili-Mąąhəɠɛɛ háálai, yai a nu mąąhəɠə, laai ká mo tɛ̨ą la, ɉáálai.

Zĩi 5:12

Mɛ̨nį kəlee ə mą kɛ, nąn nonnii, 'ká hvo ká kwɛla a yələkɔlɔn da lɔi, a wala kɛ ti, a hɛn ɉuwui lɔpee gəlee ta. Ká wɔɔ «ee!» ə kɛ a «ee!» Ká wɔɔ «kpaa!» ə kɛ a «kpaa!» Ya ɓə a gɛ, ká hva too la kitii hu.

Piɛrə dɔlɔɔ 4:8

Mɛ̨nį kəlee hu, 'ká ká keeni wɛlilakɛ, mąąhɔlɔɓo, wɛlikɛmąąlaa a nɛ̨ŋɛ̨n damąą mɛ̨i kpulu.

Piɛrə veelɛ 3:18

Kɛlaa, ka tɛ tɔwɔ gu Ną́mu Yálá da gu Nwun mąąɓomun Jesus Kristə kɔ́lɔn ŋąą hu, da nwɔɔ mɛ̨inɛ̨ɛ̨ hu. Ə həɠə yiihu ɓa, ə lɛɛ la ɉu lɔwai kəlee, mąąwiɛ ə kɛ Jesus Kristə ɓa. Yálá ə kɛ ti!

Zɔ̂ŋ Zaaƃai 1:1

Ɲą́ą́i a nu pɔlɔ-pɔlɔ, ɲą́ą́ ɓə ɉɛɓɛ́i ŋɛ̨i tɛɛi Gaiusə ɓa, yai nwɛli kaa mą́ą́ tɛ̨ą ŋą kɛɛ pono hu.

M̀ɛni-lɛɛi 2:9

Ŋą́ ə́ wɔ mɔ̨nɔ̨i kɔlɔn, ɛlɛɛ, da yɛ́ yeehvowolo laa, kɛlaa hɛn nąmu ɓaa a yɛ́, ɛlɛɛ, naa-mąąhiɛ nuąi da di kpɔwɔ kɛ a Ɉuifəɠaa, ɛlɛɛ yaan, di hvo la, di kaa a ɓilihi hvɛli pɛlɛ́.