Zɔ̂ŋ Zaaƃai 1:10 - Yálá laawoo hɛɓɛ (dc)

¹⁰ Yaan, ŋą́ pa pai, yaa tii woo ɲɔ̨n moi a ku laai, ŋą́ gɛmɛ̨nįɠaa too pono ɲą, ɛlɛɛ, yili hvo kpɛli nii hon ni, hva ɲee hee di mu, ɛlɛɛ, nuąi da kɛ di di yee hee di mu, ə kpɛ̨ąn ɉu, ɛlɛɛ, yɛ di kpɛ gbɔn ɉu.

Yálá laawoo hɛɓɛ

¹⁰ Yaan, ŋą́ pa pai, yaa tii woo ɲɔ̨n moi a ku laai, ŋą́ gɛmɛ̨nįɠaa too pono ɲą, ɛlɛɛ, yili hvo kpɛli nii hon ni, hva ɲee hee di mu, ɛlɛɛ, nuąi da kɛ di di yee hee di mu, ə kpɛ̨ąn ɉu, ɛlɛɛ, yɛ di kpɛ gbɔn ɉu.

Bible

¹⁰ Mɛni ma ŋà pà, mɛnii gáa gɛ̂i ŋa pâi maa-mɛni toôi ǹûai kíli ŋá. Gáa tɔɔ̂i kûa a wóo nyɔ́mɔɔ-ŋa. Nyíti fa ǹíi làa, va fâa ma ǹyaa kpîŋ a gɛɛ é ǹyée sée kúƃarâai mu. Diai da ŋ̀wɛ̂li dí díyee sée dímui, a díkpèra é díkula Kôrai-toli-kpɔŋ su.

Zɔ̂ŋ Zaaƃai 1:10 ပူးပေါင်းရင်းမြစ်များ

Hanwon 10:10

Nui a tɛ̨ą loo, a mɛlaa laanɔ̨nwɔ̨ ɓo, ɛlɛɛ, nwɔ̨nɔ̨, nui hva pələ ɓo a dənən, a gbɔwɔ nwun nɛɛ ɉu.

Hanwon 10:8

Kilimąą mun a nwəli tɔɔ liɛwoo ɓa, Kɛlaa, nui hva pələ ɓo a dənən, a gbɔwɔ nwun nɛɛ ɉu.

Azaya 66:5

'Ka ka wəli tɔɔ Yai-Laa woo ɓa, kaai nwoo a ka mąą kpɛlin. Ka kaayɔwɔɠaa da wɛlikpɛɛmąą laa kulɔ a kaa, diɛ ka kpɛ Náá mąą mɛ̨nį ɓa, mɛ̨nįi da kɛ moi ya ka: «Yai-Laa ə nwɔ mąąwiɛ lɛ tai, ə gɛ, ku mąą kwəinɛ̨ɛ̨ kulɔi kaa ka yəi.» Kɛlaa, diɛ mun mə pai nwumɛ̨i.

Lukə 6:22

«Nwun na nɛ̨ɛ̨ nuą ɓaa a kaa, akɛ nuą da ka wɛli kpɛɛ diɛ, di lənə kaa, diɛ ka lalan, ə lɛɛ, diɛ ka ɓɛlɛkpɛɛ kaa, a ɲɔ̨nwɔ̨ɔ̨ ɲą́ą́ ŋɛ̨i a Nu Lon náá mąą mɛ̨nį ɓa.

Ɉaan 9:22

Ɉulɔnui tii kaa nuą di kɛi mo tii, mąąhɔlɔɓo, di kɛi ɲɔ̨w Ɉuifəɠaa diɛ. Hvó gaai, daa kɛ mo diɛ kɛ: «Nui lɔpee a kɛ diɛ: ‹Jesus kaa a Nwun mąąɓomun Yálá ə naakwɛlanmo›, da gbɛ di wɔ Yálá hvɛli pɛ́lɛ́i mu.»

Gɛlaɠaa 1:15

Laa na nuąi kɛ di ŋąąkpɔnŋąą laa, di kɛ a nu nwun dɔ̨nɔ̨ nu pow hveelɛ. Ɲələi ti, Piɛrə ə muhəɠə ə tɔɔ di lɔwai yɛ diɛ:

Korɛntə veelɛ 13:2

Gáá bələi ŋɛ̨i ɓoi háákələi, nuąi daa ta nɛ̨ŋɛ̨n ɉəɠə diɛ, da nu takpɛliɠaa tii kəlee, ɓɛlɔwai və́ la ká lɔwai, lɔ yɛ bələi ŋą́ mo la, a nwɔ́ woo pilimąą hiɛ veelɛną yələ, ŋą́ pa pai ká pɔɔli, gáá pai di hon ɉii kpɔ a nwalawalaa;

Galatə 6:10

Yili ɓa, yii kpɔ gu kaa nii gu hvulú kɔwɔ ɲą, 'ká gu kolo kɛ, dɔlɔ ə həli nu kəlee ɓa, gəlee ə mą kɛ, nuąi di lɛɠɛɛ guɔ, laa na la hu.

Timote dɔlɔɔ 5:13

Yɛ bələi kóló hvo la diɛ, di nwun yɛ ɓo la tii pɛlɛ́-hvŋąn gəlee mu, hvo lɔ lɛɛ la a tíi kpɛɛ mɛ̨nį diɛ, kɛlaa, di woo tamąą di la, di laa kpɔn və hee li, di laa hva kpɛ mɛ̨nįɠaa hu, mɛ̨nį hvo lɛɠɛ li diɛ ya ɓə da ɉukulɔ.

Zɔ̂ŋ Veerɛi 1:10

Nu ta a pa ká pɔ, hvo pa li a laa na pələ yili, 'ká hvo ká yee hee mu, ɛlɛɛ, 'ká hvo kpɛli balúwɔ́ɲɛ̨n.

Zɔ̂ŋ Veerɛi 1:12

Mɛ̨ni tamąą kaa kɛ gwə́i, gɛ́ ŋį́ mo káá, kɛlaa, və́ bɔ, və́ gəlee kɛ hɛɓɛ́ laa ɲą a hɛɓɛ́-yá. Gbala ə tɔɔ, gáá bɔ ɲą́ą́ gbini ŋą́ pa ká pɔɔli, ŋą́ mo káá a nááləi, ə gɛ, gu wɔ kwəinɛ̨ɛ̨i laa ə kulɔ.

Zɔ̂ŋ Zaaƃai 1:3

Bələi tɛ̨ą mɛ̨nį aa too la pono ɲą, ə́ wɔɔ yɛnɛ̨ɛ̨ kɛ pələ hu, gu nąn nonnii taɠaa di pa ɓɛ, di ə́ mąą kɛla hvaa ɓo, yili ə gwə́inɛ̨ɛ̨ kpɔ kɛnɛ̨; ə́ kaa hiɛi tɛ̨ą kɛɛ pono hu.

Zɔ̂ŋ Zaaƃai 1:5

Nwɛ́likɛmąąmun, ə́ kaa tuwɔi yɛ́ bɛli ə́ wɔɔ laa na laa ɓa, a nąn nonnii hon yá mo a nɛlɛɛ, ə mą kɛ, nwɛ̨ąą.