Tɔɔɓɛlaa veelɛ 9:33 - Yálá laawoo hɛɓɛ (dc)

³³ Ɉehu yɛ nuą tii diɛ: «Ka nɛ̨ɛ̨nui tii kulɔ ka doo nɔi ɓa!» Di Ɉezabɛlə kulɔ di doo, ɲąmą ta ə taɠa ɉį́i nwąną ɓa, da ə taɠa ɉooɠaa diɛ. Ɉehu ə ɓɔlɔɔn Ɉezabɛlə mɛ̨i.

Yálá laawoo hɛɓɛ

³³ Ɉehu yɛ nuą tii diɛ: «Ka nɛ̨ɛ̨nui tii kulɔ ka doo nɔi ɓa!» Di Ɉezabɛlə kulɔ di doo, ɲąmą ta ə taɠa ɉį́i nwąną ɓa, da ə taɠa ɉooɠaa diɛ. Ɉehu ə ɓɔlɔɔn Ɉezabɛlə mɛ̨i.

Bible

³³ Zewu è mò ǹyɛɛi, “Ka zɔnyɔ̂ŋ nɛnii tí kúla vãa-lâɣi soŋ-kpôŋ tí lá Ká doo ǹɔii ma.” Nya ƃe dí gùla dí dòo ǹɔii ma ŋ̀ãa da é táa-tâa bɛ́rɛ kaŋ mâ da zoo-ŋai kɛ̀ naa kɔlɛ mai. Nya ƃe Zewu è sìa boma mɛi a ŋɔsoo-ŋai.

Tɔɔɓɛlaa veelɛ 9:33 ပူးပေါင်းရင်းမြစ်များ

Tɔɔɓɛlaa dɔlɔɔ 21:11

Nabɔtə pɔ taai nu kpɛa kpɛa da ɲąąwooɓo kɛ nuą di ɉəɠə a Ɉezabɛlə woo, yɛ bələi bɛ̨ɛ̨i kɛ la ɉɛɓɛ́ hu.

Tɔɔɓɛlaa veelɛ 7:20

Mɛ̨nįi tii pɔ mɛ̨nį ə kɛ. Nu kpului tii di tɔɔmun nwɔ ɓíítiɛ̨i kiin-giin ɉįi la, ə haa.

Tɔɔɓɛlaa veelɛ 9:26

Ŋą́ gaa kpɔ a nɛlɛɛ, Nabɔtə ɲąmą, da nonnii di wɛi mąą mɛ̨nį ɓa, nwooi Yai-Laa ə mo, ya ka: ‹Díi tɔ̨nɔ̨i ŋɛ̨i hu, gáá pai gwələ kulɔi yɛ́! Yai-Laa woo li›, yili ɓa, Yoramə powa həɠə ə́ bili díi hu, yɛ bələi Yai-Laa ə mo la.»

Tɔɔɓɛlaa veelɛ 9:32

Ɉehu ə ɲɛ̨i pili bɛlɛ́ vaŋą pilii, yɛ mą: «Gbɛɛ ɓə kwa yaa ku tɔɔ? Gbɛɛ ɓə?» Nɛ̨ɛ̨nui tii nwɔ gbɛtɛgbuwulu hveelɛ, a wala kɛ tii ɉaaɓa, di di nwun gulɔ Ɉehu pɔ pələ.

Tɔɔɓɛlaa veelɛ 9:34

Ɉehu ə lɔ bɛlɛ́n ə naa mį́i, ə gbələ, yili pulu, yɛ nwɔ tínuą diɛ: «Ka nɛ̨ŋɛ̨n naa nɛ̨ɛ̨nui ŋɛ̨i mąą mɛ̨nį ɲɛ̨i kulɔ, ka bowa loo; hvo gaai tɔɔmun non nɛ̨ɛ̨nu li.»

Azaya 25:10

Yai-Laa kaa pai ɲee pɛlɛi ɲeei ŋɛ̨i mɛ̨i, Kɛlaa, di kaa pai Moabə hu woloi ɲąą ɓa, yɛ bələi mɔ̨nun-danmun a mɔ̨nun dan na.

Azaya 26:6

Nuą diɛ ɓɔlɔn mɛ̨i, nuąi kɔ́lɔn və diɛ, da nuąi hvaŋą hvo di yəi diɛ ɓɔlɔn mɛ̨i.

Woolaa 1:15

Yai-Laa aa nwɔ́ kulááɠaa kəlee kulɔ ɲə́i; aa kɔlaɠa ɲąątɔɔ mą́ą́, aa nwɔ́ hilɛlɛa kəlee huwu pu, ɲą́ą́ ŋɛ̨i a Ɉuda nɛ̨ɛ̨gbɛla lɛlɛɛ. Yai-Laa aa nɛ́ɛ́ gɔwɔ lúwɔ́ yái.

Mise 7:10

Ɲówo kaa pai nąą kaai, yɛ nwumɛ̨; yai tii kɛi kɛ mą́ą́: «Ə́ wɔ Yálái Yai-Laa kaa mį?» Ɲɛ̨́i kaa pai tɛɠɛ ɓoi ɉu, di kaa pai dan ɉii yɛ pələ pɔ palaya.

Zakari 10:5

Di kəlee, di kaa pai lii gɔ́ ɓa, yɛ kɔ́kuláá kpəɠiɛɛɠaa, di kaa pai gɔ́ kɔ́i, diɛ bələ pɔ palaya tan. Di kaa pai walai gɔ́ hu, mąąhɔlɔɓo, Yai-Laa kaa pai kɛi di pɔ, ɛlɛɛ, hoo gilɛhəɠənuą ɲɛ̨i kaa pai paai a nwumɛ̨, di wɔ hooɠaai mɛ̨i.

Maafîu 5:13

«Ka káá a yɛnɛ̨ɛ̨ kpolo-léén. Kɛlaa, akɛ kpolo-léén a kpɛɛ mą, lə ɓə da pɛli di néén gɛi la mą? Hva kɛa kɛ a hɛn da kɛ hɛn, mąąnɛ̨ɛ̨ lɔ di bili yɛnɛ̨ɛ̨, nuą diɛ tɛɛ ɉu.

Hebreu 10:29

Gu hvomun kɛ, nui a Yálá lon mąą mɛ̨nį too gɔwɔ pɔ, mįnɛ̨ nįnɛ̨ ɲąmąi ŋɛ̨i pu, nɛ̨ŋɛ̨n nwaa mɛ̨nį ɓa, ə yili hviiɓo, ə ɓáá kulɔ nɛ̨ɛ̨laai a həɠə Kili-Mąąhəɠɛɛ pɔ, mą, ká wɔɔ kwəi, ŋą mɔ̨nɔ̨i hva kɛnɛ̨ kpɔ ə tɛɛ gɛi ɓa?