Tɔɔɓɛlaa veelɛ 9:26 - Yálá laawoo hɛɓɛ (dc)

²⁶ Ŋą́ gaa kpɔ a nɛlɛɛ, Nabɔtə ɲąmą, da nonnii di wɛi mąą mɛ̨nį ɓa, nwooi Yai-Laa ə mo, ya ka: ‹Díi tɔ̨nɔ̨i ŋɛ̨i hu, gáá pai gwələ kulɔi yɛ́! Yai-Laa woo li›, yili ɓa, Yoramə powa həɠə ə́ bili díi hu, yɛ bələi Yai-Laa ə mo la.»

Yálá laawoo hɛɓɛ

²⁶ Ŋą́ gaa kpɔ a nɛlɛɛ, Nabɔtə ɲąmą, da nonnii di wɛi mąą mɛ̨nį ɓa, nwooi Yai-Laa ə mo, ya ka: ‹Díi tɔ̨nɔ̨i ŋɛ̨i hu, gáá pai gwələ kulɔi yɛ́! Yai-Laa woo li›, yili ɓa, Yoramə powa həɠə ə́ bili díi hu, yɛ bələi Yai-Laa ə mo la.»

Bible

²⁶ Yâwɛɛ è mò ǹyɛɛ, ‘Ŋá wɛ́ɛ Niƃo ŋãa kâa da ǹônii sinaai. Mɛni ma ŋa pâi í kɛ̂i í véla-fe ká ǹɔii kpuai ŋí ma.’ Boma síɣe í bili ǹɔii kpuai tí ma nɔ́ yɛ̂ɛ berei Yâwɛɛ wóo káa lai.”

Tɔɔɓɛlaa veelɛ 9:26 ပူးပေါင်းရင်းမြစ်များ

Tɔɔɓɛlaa dɔlɔɔ 21:13

Nu kpoloon veelɛi tii di lɛɛ pɛlɛ Nabɔtə ɓa nuą kəlee ɲɛ̨i ɓa. Diɛ kɛ mą: «Nabɔtə aa Yálá da tɔɔmun di nɛ̨ŋɛ̨n naa.» Ɲąąɓa, di Nabɔtə kulɔ taai, di lɛɛ ɉɔɔi a kwɛni, ə lɛɛ la ɉu ə haa.

Tɔɔɓɛlaa dɔlɔɔ 21:19

Yá li ə́ bələ ŋɛ̨i ɓo mą, yɛ mą: ‹Yáá nu paa, ɛlɛɛ ə́ kaa nwɔ̨nɔ̨ bɔ ə́ hɛn ɉɔlɔɓo›, yɛ nwɔ̨nɔ̨ mą; Yai-Laa woo ka: ‹Ɓɛi kpɔlɔɔ tii, yilɛɠaa di Nabɔtə ɲąmą kpələ laa, yilɛɠaa kaa kpɔlɔɔ pai yɛ́ kpɛli ə́ ɲąmą kpələi laa.›»

Tɔɔɓɛlaa veelɛ 9:21

Yoramə ə mo yɛ di nwɔ wotoloi pɛli; di nɛɛ mą di nwotolo pɛli, Israɛlə tɔɔmun da Ɉuda tɔɔmun Akaziasə, di kulɔ, nu kəlee ə ɓo nwɔ wotolo hu, diɛ li Ɉehu laakwiɛn ɉii. Da diɛni di kwiɛn, Izreɛlə Nabɔtə nwɔ tíi kwɛlɛ.

Tɔɔɓɛlaa veelɛ 9:25

Nąąlɔwai, Ɉehu yɛ nwɔ ɓíitiɛ̨i Bidkarə ɓa: «'Bowa kulɔ nwotolo hu ə́ bili Izreɛlə mun Nabɔtə nwɔ tíi hu.» Ɉehu yɛ nwɔ̨nɔ̨ mą: «Ə́ kiliŋąhiɛ tai, yələ ta, gu kɛ gu kee ɓa, ɲą́ą́ gwa yɛ́ nwotolo hu, gu ɓo Yoramə nąn Akabə yee mu, Yai-Laa ə mɛ̨nį ta ɓo yɛ hvilɛn na Akabə nwɔ pɛ́lɛ́i ɓa.

Kɔlɔnikɔ Veerɛi 24:25

Aramə nuą kɛɛ lii, di Ɉoasə lɛɛ laani laa ɲɔ̨n ɉaɠa ɓa, gbɔluɔ na. Ɉoasə nwɔ tínuąi di ɲąbalɔ mą, ɉaláá laa həli mun Yehoyada lon Zakaria paa mɛ̨nį ɓa. Ɉoasə yaa kpɛli, di nɛɛ laani ɲəi gbin ŋą, di baa. Haai ə mo, di noo Davidə taa; kɛlaa, di hvo now dɔɔɓɛlaa kámą la.

Kɔlɔnikɔ Veerɛi 25:4

Kɛlaa, hvo yiliɠaa lonnii paa, yɛ bələi bɛ̨ɛ̨i la dɔ́n ɉɛɓɛ́ hu, yii gaa a Moisə nwɔ hɛɓɛ́i; Yai-Laa kpįnįi ɓə mo, yɛ kɛ: «Mąą hvo nɛ̨ɛ̨li, di hvo lon gaamun baa nonnii kɛ nɛ̨ŋɛ̨n naa pɔɔ hu. Di hva lɛapɛlɛɛ paa di nąnni kɛ nɛ̨ŋɛ̨n naa pɔɔ hu. Kɛlaa, nu a haa gbɔwɔ kɛ nɛ̨ŋɛ̨n naa pɔɔ hu.»

Mąątɛ̨nɛ̨ 9:13

Ɲąmą kwələ kulɔmun ni, giliɲąlaa, hva lɛ̨ą mąąwɛlimun domą woo ɓa.

Lɛɛ gbɔwɔ ɓa 20:5

'Hvó pɛlɛ da lííla, hvo kwɛli hvilɛn diɛ; Mąąhɔlɔɓo, ɲą́ą́ Yai-Laa ka wɔ Yálá, gáá a Yálá tolɔɔ, nuąi da yowolaa kulɔ a ɲą́ą́, ŋą́ gwələ kulɔ di lonnii diɛ, da yiliɠaai di wɔɔ mąnįn bulu mąnįnŋąą diɛ.

Izikiɛ 18:19

«Ka káá kɛi diɛ: Lə mɛ̨nį ɓa yai lon va nąn nwɔ nɛ̨ŋɛ̨n bulu mɔ̨nɔ̨ mįi? Mąąhɔlɔɓo, non ə tələnmo yii ɓo, yɛ túwɔ a ɉaŋaa; ə nwɔ́ tɔ́n nwooɠaai kəlee pɔ mɛ̨nį kɛ; yili mąą mɛ̨nį ɓa, a lɛɛ yɛnɛ̨ɛ̨.

Habakukə 2:10

Ka wɔ pɛlɛ́ɠaai nwumɛ̨ mɛ̨nį ka tii kaa tɔɔ dɔwɔ. Nu huwu tamąą ŋɛ̨i kaa bu, ka kpɔɔ ka tii kaa mɛ̨nį pɛlɛ mą.

Dutɛrɔnome 24:16

Di hvo lon gaa nąn baa non mąą mɛ̨nį hu, di hvo lon baa nąn mąą mɛ̨nį hu. Nu kəlee ə haa a gbɔwɔ nɛ̨ŋɛ̨n naa pɔɔ.

Dutɛrɔnome 5:9

«Ka hvo kwɛli hvilɛn ɉɛnŋąąi tii ta ɓa, ka hvo tí diɛ; mąąhɔlɔɓo Ɲą́ą́ Yai-Laa ka wɔ Yálái, gáá a Yálá tolɔɔ, nuąi da kɛ wɛli kpɛɛ mąą laa kulɔi a ɲą́ą́, ŋą́ di wɔ nɛ̨ŋɛ̨nŋąą pɔɔ kulɔ di lonnii diɛ, ə mą kɛ mąnįn bulu mąnįnɠaa diɛ.