Tɔɔɓɛlaa veelɛ 9:22 - Yálá laawoo hɛɓɛ (dc)

²² Yii lɔ Yoramə ə Ɉehu kaa, yɛ mą: «Ɉehu! Liilaa mɛ̨nį ɓəi?» Ɉehu yɛ mą: «Akɛ pələ kɛ ləi a liilaa mɛ̨nį? Ya pa, ə́ lee Ɉezabɛlə nwɔ túwɔ́ pələ ɲɔ̨nŋaa, da nwɔ tɔlikpɛ mɛ̨nį daną-danąi di kaa lɔ ni ɉu.»

Yálá laawoo hɛɓɛ

²² Yii lɔ Yoramə ə Ɉehu kaa, yɛ mą: «Ɉehu! Liilaa mɛ̨nį ɓəi?» Ɉehu yɛ mą: «Akɛ pələ kɛ ləi a liilaa mɛ̨nį? Ya pa, ə́ lee Ɉezabɛlə nwɔ túwɔ́ pələ ɲɔ̨nŋaa, da nwɔ tɔlikpɛ mɛ̨nį daną-danąi di kaa lɔ ni ɉu.»

Bible

²² Tãi Zoraŋ è Zewu kàa lai, è marê kɛ̀ ǹyɛɛ mai, “Zewu, ziai káa léŋ, í pà a lii-sêe naa-kaa sia?” Zewu è zu tòo a mare kɛ̂ɛ ǹyɛɛi, “Lii-sêe a gɛ̀ léŋ é kɛ́ naa? Ílee Zɛseƃɛɛ è ǹúui kélee kɛ̀ díkɛ Ɣâla pɔkɔɔŋ-ŋa fɛ̀li, díkɛ tela wúlu kɛ́-pere maa kɔ̂ri.”

Tɔɔɓɛlaa veelɛ 9:22 ပူးပေါင်းရင်းမြစ်များ

Tɔɔɓɛlaa dɔlɔɔ 18:19

Yiihu kɛa, Israɛlə nu huwu kəlee ɲąąkpɔn gwɛ́lɛ Karmɛlə yee nwuɔ̨, ə mą kɛ Baalə laa yəli kɛ nuą nu nwun nąąn yee lɔɔli; da Asera laa yəli kɛ nuą, nu nwun nąąn, diɛi da Ɉezabɛlə ni da kɛ kɔ̨nɔ̨n mįi gee ɓa.»

Tɔɔɓɛlaa dɔlɔɔ 18:4

Ɓɛlɔwai Ɉezabɛlə ə Yálá kwəi mɛ̨nį hukulɔ nuą paa la, Ovadiahu ə Yálá kwəi mɛ̨nį hukulɔ nuą nu nwun dɔ̨nɔ̨ həɠə ə di loo. Ə di loo a nu pow lɔɔli lɔɔli kwɛni wolo hveelɛ hu, ɛlɛɛ, yɛ di kɔ̨nɔ̨n gɛ a lɛɠɛ da yá.

Tɔɔɓɛlaa dɔlɔɔ 21:25

Nu ta hvo ta kɛ hɔlɔɓo li, yɛ pɛli mɛ̨nį ɲɔ̨n gɛi Yai-Laa ɲɛ̨i ɓa, gɛnɛ̨ yee yɛ həli Akabə nwɛi pɔ. Mąąhɔlɔɓo, nɛ̨ą Ɉezabɛlə ə nwun ɉu lan.

Tɔɔɓɛlaa veelɛ 9:18

Ɉoo nąmu ə həli diɛ, yɛ diɛ: «Tɔɔmun yɛ: ‹Liilaa mɛ̨nį ɓə ka káá pai la?›» Ɉehu yɛ mą: «Ə́ mąą mɛ̨nį kaa liilaa mɛ̨nį hu? 'Tɛɛ ə́ hvilɛn búlú.» Nąąlɔwai, daa mąąkpɛ mun yɛ tɔɔmun mą: «Nui gu dɔɔ, aa li kpɔ aa həli, kɛlaa, hvo pənə li hvo pa.»

Kɔlɔnikɔ Veerɛi 21:13

Kɛlaa, ə́ hiɛ yɛ bələi Israɛlə tɔɔɓɛlaa di hiɛ la; yáá li yáá wɛli mɛ̨nį lɔ Ɉuda nuą da Ɉerusalɛmə nuą yee pɔ, yɛ bələi Akabə yəi bɛlɛ́n nuą di túwɔ́ la; ə laa yili mɛ̨i, yáá nwɔ̨nɔ̨, ə́ nąn nonnii kɛ di hviɛlaɓoɔ di tɛɛ yɛ́, yáá di paa, a ə́ nąn nwɔ pɛlɛ́i;

Ikilisiati 3:8

Wɛlikɛmąą kɛ yələ kaa mą, wɛlikpɛɛmąą kulɔ yələ yɛ ɓo mą. Kɔ kɔ́ yələ kaa mą, liilaa yələ yɛ ɓo mą.

Nahumə 3:4

Dúwɔ pələ ɲɔ̨n gulɔ nɛ̨ɛ̨nui nwɔ nɛ̨ŋɛ̨nŋaai laa pɔɔ li, nwəlɛɛ kɛ nuą ɲɛ̨i kwɛlii, nɛlɛɛi kɛ kɛnɛ̨, ə kɛi hee lɔiɠaa mɛ̨i a nwɔ túwɔ́ pələ ɲɔ̨n, yɛ hee nuą mɛ̨i a nwɔ tɔlukpɛ mɛ̨nį.

M̀ɛni-lɛɛi 18:23

Labon hva kɛa lən ə́ pɔɔli, hilɛtai nɛ̨ą da mɛlaa; di hva kɛa kwəinɛ̨ɛ̨ kulɔ ə́ pɔɔli, gbala ə tɔɔ, ə́ wɔɔ yɔw-kɛ nuą ɓə kɛ di kpulu hu kɛnɛ̨ɛ̨ yɛnɛ̨ɛ̨ nąą kəlee, gbala ə tɔɔ, ə́ wɔɔ pənən gɛ nuąi di hįi tamąą ɲąąhɛn.»

M̀ɛni-lɛɛi 18:3

Mąąhɔlɔɓo, ə ŋą wɛlikɛ lɔɔ kpəɠiɛi tɔɔ hįi lɔi kəlee la; lɔi mɛ̨i tɔɔɓɛlaa di too bɔ ŋą wɛlikɛɛ tii hu, ɛlɛɛ, yɔw kɛ nuąi lɔi mɛ̨i, di hɛn ɉɔlɔɓo nwɔ ŋąąnɛ̨ɛ̨ háálai.»

Samuɛlə dɔlɔɔ 16:4

Pələi Yai-Laa ə mo la, Samuɛlə ə gɛ tii. Həlii ə mo Bɛtleɛmə, daa kalanɉonŋaa di gaa, di həɠə diɛ li naakwiɛn ɉii, di mąą yɛ kpɛlin, di mąąnin gɛ, diɛ mą: «Mɛ̨nį lɛlɛɛ ɓə ə́ kaa pai la?»