Tɔɔɓɛlaa veelɛ 9:20 - Yálá laawoo hɛɓɛ (dc)

²⁰ Daa mąąkpɛmun yɛ tɔɔmun mą: «Nu yili aa hɛli kpɔ diɛ, kɛlaa, hvo pənəi hvo pa. Ɉiɛ kɛ pələi tii kaa yɛ Nimsi lon Ɉehu nwɔ hiɛ kulɔ pələ. Mąąhɔlɔɓo, gaa gilɛ həɠəi a ɓowo pələ.»

Yálá laawoo hɛɓɛ

²⁰ Daa mąąkpɛmun yɛ tɔɔmun mą: «Nu yili aa hɛli kpɔ diɛ, kɛlaa, hvo pənəi hvo pa. Ɉiɛ kɛ pələi tii kaa yɛ Nimsi lon Ɉehu nwɔ hiɛ kulɔ pələ. Mąąhɔlɔɓo, gaa gilɛ həɠəi a ɓowo pələ.»

Bible

²⁰ Daai mɛi káa-nuui kɛ̀ bɛ́rɛ kôyai ŋ̀elêi è mò Gâloŋ Zoraŋ ma ǹyɛɛi, “Ŋánuu-namui, zoo-sia-nuui è sèri ǹûai dîa, kɛ́lɛ vé pâi pôlu ǹyaa máŋ. Zoo-sia-nuui tí a zooi sîai a ƃoo-pere yɛ̂ɛ Nisiŋ ǹóŋ ŋɔɔ-loŋ Zewu.”

Tɔɔɓɛlaa veelɛ 9:20 ပူးပေါင်းရင်းမြစ်များ

Samia Veerɛi 18:27

Ɉįi mɛ̨i mun yɛ diɛ: «Nu tɔlɔɔi ŋɛ̨i gilɛ həɠə pələ, ŋą́ą́ gɔlɔn, Sadɔkə lon Ahimaasə li.» Tɔɔmun yɛ diɛ: «Nu lɛlɛɛ ka tii, wɛlɛɛ nɛɛ kpɔ kpɔɔ ɓə gaa na.»

Tɔɔɓɛlaa dɔlɔɔ 19:17

Nui lɔpe pai kulɔi Hazaɛlə nwɔ ɓɔwai yee wolo ɓa, Ɉehu a baa, nui lɔpee pai kulɔi Ɉehu yee wolo ɓa, Elise a baa.

Tɔɔɓɛlaa veelɛ 10:16

Ɉehu yɛ mą: «Pa gwə li, bələi Yai-Laa mąą lii kaa la kwə́i, ə́ bələ kaa.» Di ɉiɛ kulɔ Ɉehu nwɔ wotoloi hu.

Tɔɔɓɛlaa veelɛ 9:19

Tɔɔmun ə nu veelɛnąą tɔɔ, yili ə li ə həli diɛ, yɛ diɛ: «Tɔɔmun yɛ: ‹Liilaa mɛ̨nį ɓə ka káá pai la?›» Ɉehu yɛ mą: «Yɛ́ lə mɛ̨nį ɓə liilaa mɛ̨nį hu? 'Tɛɛ ə́ hvilɛn búlú.»

Tɔɔɓɛlaa veelɛ 9:2

Yá li, gɛ pələ kwɛli mą ə́ həli Ɉehu ɓa, yai a Ɉosafatə lon, yai tii a Nimsi mąnįn. Yá həli mą, ə́ dəli, ə́ gulɔ nąn nonnii lɔwai ka yáá ka li pɛlɛ́ lon da mu ka tɔ̨nɔ̨ kɛɛ nąą.

Ikilisiati 9:10

Yii kpɔ ə́ yee a pɛli mą, gɛ a huwalawalai gaa ə́ yəi. Mąąhɔlɔɓo, ɓɛi ə́ kaa pai lii laa haaɓɛlaataa, kóló hvo laa, mɛ̨nį dɛ̨ą kwɛliɛ hvo laa, mɛ̨nį kɔ́lɔn ŋąą hvo laa da kili mɛ̨nį.

Azaya 54:16

Ə́ kili ə kɛ ɉu yɛ́, ɲą́ą́ ɓə yɛlɛ kɛ mun gulɔ, yai tii a kɛ hulɔ nwɔ̨n ɉeei, ɛlɛɛ, yɛ kwɛli hɛn bɛli, gɛ kóló ə ɓo mą; ɲą́ą́ lɔ ɓə nwɔ̨nɔ̨ ŋį́ kɛɛ kalamun gulɔ, kɛɛ kala mɛ̨nį pɛ̨ɛ̨ nwuɔ̨.

Danîa 11:44

Kɛlaa, wɛlɛɛ kaa pai həɠəi hvóló həɠəi pələ həɠə, ə nu tamąą nwun na pili.

Habakukə 1:6

Kalde nuą nwąnąlɔɔ tii, ɲɛ̨imąąwɛli kaa hvo di hui, gáá pai moi diɛ, di pa. Di kaa lɔi mɛ̨i diɛ tɛɛ, da di ɓɛlaa di wɔ lɔi kaa, di ɉəɠə di yəi.

Habakukə 3:12

Ya tɛɛ lɔi mɛ̨i a liiholi, Yɛ́ lɔiɠaa wolo, ə́ wɔ liiholi hu.