Tɔɔɓɛlaa veelɛ 8:7 - Yálá laawoo hɛɓɛ (dc)

⁷ Yələ ta, Elise ə li Damasə daai, nąąlɔwai, Aramə tɔɔmun Bɛn-Hadadə yɛ ɲɔ̨n gɛ. Di mo Bɛn-Hadadə ɓa, diɛ mą: Yálá nwɔ nui aa pa ɓɛ.

Yálá laawoo hɛɓɛ

⁷ Yələ ta, Elise ə li Damasə daai, nąąlɔwai, Aramə tɔɔmun Bɛn-Hadadə yɛ ɲɔ̨n gɛ. Di mo Bɛn-Hadadə ɓa, diɛ mą: Yálá nwɔ nui aa pa ɓɛ.

Bible

⁷ Tãi da tɛɛ pôlu ma, Ilasa è lì Dɛmɛika ŋɔtaa-leei su a gɛɛ é Siria Kaloŋ Bɛŋada naa káa nyii kɛ̀ kɔ̂lɛi. Tãi Bɛŋada è mɛ̀ni la a gɛɛ Ilasa è kɛ̀ naai,

Tɔɔɓɛlaa veelɛ 8:7 ပူးပေါင်းရင်းမြစ်များ

Zɛnɛse 14:15

Abramə ə nwɔ nuą ŋąą kwɛlɛ a kpulu heei tamąą, di pɛlɛ di yowoɠaa diɛ a kpinį. Di dɔɔɓɛlaa paa, di hvilɛn nu kpəliɠaa pulu, di lɛɛ di pulu, ə lɛɛla ɉu di li Hova daai yii gaa Damasə taa ɲánwuɔ̨ pələ.

Tɔɔɓɛlaa dɔlɔɔ 11:24

Ə nuą ŋąąkpɔn gwɛlɛ, ə kɛ a too mɛ̨i kɛ nuą nwun nąmu. Di paai Davidə ə kɛi mo, di pu di li Damasə, di hee laa, diɛ ɓo Damasə ɲąąwooɓomun bɔ.

Tɔɔɓɛlaa dɔlɔɔ 13:1

Yálá nwɔ nu ta ə həɠə Ɉuda, ə pa Betɛlə, Yai-Laa ɓə dɔɔ, ɓɛlɔwai Ɉeroboamə ə kɛi ɉaláá hɛnŋąą kələn na ɉaláá kulɔi.

Tɔɔɓɛlaa dɔlɔɔ 15:18

Wali da hɛni yii lɛɛ Yai-Laa nwɔ hɛn gɔw laikɛi, da yii kɛ tɔɔmun yəi ɉɛn gɔw kəhi hu ɲəi bɛlɛ́n, Asa ə gəlee həɠə ə dɛɛ nwɔ tínuą pɔ, ə gɛ, di li la Bɛn-Hadadə pɔ, yai a Aramə tɔɔmun, ə ɓo a Hɛziɔn lon Tavrimɔn lon; ə kə heeni Damasə. Ə mo yili ɓa, yɛ mą:

Tɔɔɓɛlaa dɔlɔɔ 20:1

Aramə tɔɔmun Bɛn-Hadadə ə nwɔ kɔ́kulááɠaai kəlee ɲąąkpɔn, da tɔɔɓɛlaa pow haaɓa kɔ́w hveelɛ, da nwɔ kɔ́ hooɠaa, da gɔ́ kɔ́ wotoloɠaa. Ə li ə Samari mąątínɛ̨n a kɔlaɠa.

Tɔɔɓɛlaa dɔlɔɔ 20:34

Bɛn-Hadadə yɛ mą: «Daaɠaai ną́n ə ɉəɠə ə́ nąn ɲəi, pənə ə́ gəlee həɠə. Ya pɛli ə́ ə́ wɔ lɔwɔ́tɔɔ pɛlɛ́ɠaa tɔɔ Damasə, yɛ bələi ną́n ə kɛi gɛ la Samari.» Akabə yɛ mą: «Mįnɛ̨i ŋɛ̨i gwa yɛ́ gu kaa ɉəɠəi, ɉaalai, gáá ə́ lɛɛi laa ə́ li.» Bɛn-Hadadə da Akabə di mįnɛ̨ həɠə, ə nɛɛ laa ə li.

Tɔɔɓɛlaa veelɛ 1:2

Yələ ta, tɔɔmun Akaziasə ə kɛ ɲəi dɔɔ pɛlɛ́ ɲimąn mu ɲələi, Samari, ə kulɔ vaŋą pili ə too, ə mąą nwąną kpɔ kɛnɛ̨. Tɔɔmun ə nɛɛ mą ə nuą tɔɔ, diɛ li Baalə-Zebubə mąąni gɛi. Baalə-Zebubə tii ɓə kɛ a Ɛkrɔn nuą di wɔ hali.

Tɔɔɓɛlaa veelɛ 2:15

Yálá kwəi mɛ̨nį hukulɔ nuą di wɔ kalan nɛa ŋɛ̨i kɛ Ɉeriko, yii kɛa di gaa tii, diɛ di kee ɓa: «Yálá nwɔ Kilii ŋɛ̨i kɛ Eli yəi, yɛ Yálá kwəi mɛ̨nį ɓo la, aa lɔ Elise hu.» Di nɛɛ mą, di pa, di Elise laakwiɛn, di pɛlɛ nɔi ɓa di kwɛli hvilɛn mą;

Tɔɔɓɛlaa veelɛ 5:20

Gehazi yai a Yálá nwɔ nu ŋą tímun, yɛ gbɔwɔ ɓa: «Gálamɔ̨ɔ̨ hvo gɛ li hvo ɲee hee Aramə mun Naaman nwɔ mɛ̨inɛ̨ɛ̨ mu, yai ə paa la bɔ; yii kpɔ Yai-Laa kaa a vulú, gáá gilɛ həɠəi ŋą́ laŋąn mą, ə gɛ, ŋą́ hɛn da hon ɲəi.»

Tɔɔɓɛlaa veelɛ 6:12

Gɔkuláá tɔ̨nɔ̨ yɛ mą: «Nwɔ́ mɛ̨nį nąmu tɔɔmun, yili mąą nu ta hvo ku lɔwai. Kɛlaa, Elise ŋɛ̨i a Yálá kwəi mɛ̨nį hukulɔ mun Israɛlə lɔi hu, ya ɓə a kɛ mɛ̨nįi tii kɛi, ɉə kaa mą, wooɠaa kpɔ yá kɛ moi ə́ yəi bɛlɛ́n ə́ laai lɔwai, ə gəlee hukulɔ Israɛlə tɔɔmun mą.»

Tɔɔɓɛlaa veelɛ 6:24

Lɔwai tamąą tɛɛ pulu, Aramə tɔɔmun Bɛn-Hadadə ə nwɔ kɔlaɠaɠaa kəlee ŋąąkpɔn, dəli di Samari taa mąątínɛ̨n.

Tɔɔɓɛlaa veelɛ 8:6

Tɔɔmun ə nɛ̨ɛ̨nui mąąni kɛ, yili ə nwoo hukulɔ mą. Tɔɔmun yɛ bɔ mun ma: «Ɉɛnŋąą kpɔ a nɛ̨ɛ̨nui ŋɛ̨i nwɔɔ, gəlee kpɔ tɛɛ bɔ; ə mą kɛ, nwɔ tíi. Hɛn kpɔ hɔlɔɓo díi tii hu, ə həɠə gwɛlan ə həɠə la ɓɛ mą, ə həli la yiihu ɓa, gəlee pɔɔi tɛɛ bɔ ə́ bɛlɛ díi ɓa.»

Azaya 7:8

Mąąhɔlɔɓo, Aramə lɔi daa lee ɓaa Damasə, ɛlɛɛ, Resin nwɔ tɔɔlaa kɛi lɔ ɓaa Damasə daai; aa lɛɛ a kwɛlan bow mɛ̨ida kɔ́w lɔɔli, Ɛfraimə kaa pai woloi, nu huwu hvo kɛa pai kɛi laa.

Ɉeremi 40:5

Yá wala kɛ bɔ hvo lɛɛ bɔ́, pənə ə́ li Gedaliasə pɔ, yii gaa a Ahikamə lon, ə ɓo a Safan wɔ lon, ya ɓə Babilonə tɔɔmun ə ɉee, yɛ ɲɛ̨i kɛ Ɉuda taaɠaa diɛ, lɛɛ bɔ ka nɔi hu nuą, a wala kɛ tii, li ɓɛi ə́ kaa bɔ ə́ li laa. Tɔɔmun mąąkpɛ kɔ́kulááɠaa nwun nąmu, ə kɔnɔ̨nŋaa tɛɛ Ɉeremi pɔ, da dɔɔ bələi hɛn, ə yələ wala too mą.

Gɛlaɠaa 17:6

Lii di mo di hvo di kaa laa, di Ɉasɔn hon da galan nɛa taɠaa, di pa a diɛ daa nąmįną lííla. Diɛ tomą, diɛ kɛ: «Nuą ŋɛ̨i daa lɔi kəlee kulɔ bihɛi, diɛ ka ɓɛ yiihu.

Dutɛrɔnome 33:1

Lúwɔ́ yii Yálá nwɔ nu Moisə ə doo Israɛlə lonnii diɛ hvo tɛɠa kɛ pai haai, ya ka:

Nwun mąąɓo 16:2

Gaza nuą di bələ mɛ̨n diɛ Samsɔn aa pa di pɔɔ li, di hiɛ daa kwəi diɛ gwɛli, di nuą tɔɔ ɉįi la, diɛ nąą mąą hɛn. Di mo di kee ɓa, diɛ mą: «Ka gu yələ ɓoɔ mąą kpɔn, gu pa baa nąąlɔwai.»